Toyota Fortuner Legender 4x4 ಈಗ ಮ್ಯಾನುವಲ್ ಗೇರ್‌ಬಾಕ್ಸ್‌ನೊಂದಿಗೆ ಲಭ್ಯ
ಹೊಸ ವೇರಿಯೆಂಟ್ ಅದೇ 2.8-ಲೀಟರ್ ಡೀಸೆಲ್ ಎಂಜಿನ್ ಅನ್ನು ಹೊಂದಿದ್ದು, ಆಟೋಮ್ಯಾಟಿಕ್‌ ಆಯ್ಕೆಗಿಂತ 80 ಎನ್‌ಎಮ್‌ ಕಡಿಮೆ ಔಟ್‌ಪುಟ್‌ಅನ್ನು ಹೊಂದಿದೆ
-
ಹೊಸ ವೇರಿಯೆಂಟ್ 4x4 ಆಟೋಮ್ಯಾಟಿಕ್‌ ಆಯ್ಕೆಗಿಂತ 3.73 ಲಕ್ಷ ರೂ.ಗಳಷ್ಟು ಕಡಿಮೆ ಬೆಲೆಯನ್ನು ಹೊಂದಿದೆ.
-
ಹೊಸ 4x4 ಮ್ಯಾನ್ಯುವಲ್‌ ವೇರಿಯೆಂಟ್‌ನ ಬುಕಿಂಗ್‌ಗಳು ಪ್ರಾರಂಭವಾಗಿವೆ.
-
ಡೀಸೆಲ್ ಎಂಜಿನ್ ಅನ್ನು ಮ್ಯಾನುವಲ್ ಗೇರ್‌ಬಾಕ್ಸ್‌ನೊಂದಿಗೆ ಜೋಡಿಸಲ್ಪಟ್ಟಿದ್ದು, 204 ಪಿಎಸ್‌ ಮತ್ತು 420 ಎನ್‌ಎಮ್‌ ಉತ್ಪಾದಿಸುತ್ತದೆ.
-
ಆಟೋಮ್ಯಾಟಿಕ್‌ ಆಯ್ಕೆಯೊಂದಿಗೆ, ಟಾರ್ಕ್ ಔಟ್‌ಪುಟ್ 500 ಎನ್‌ಎಮ್‌ಗೆ ಏರುತ್ತದೆ.
-
ಲೆಜೆಂಡರ್ ಈಗ ರೆಗ್ಯುಲರ್‌ ಫಾರ್ಚೂನರ್ ನಂತೆ 11-ಸ್ಪೀಕರ್ ಜೆಬಿಎಲ್‌ ಸೌಂಡ್ ಸಿಸ್ಟಮ್ ನೊಂದಿಗೆ ಲಭ್ಯವಿದೆ.
-
ಇತರ ಸೌಲಭ್ಯಗಳಲ್ಲಿ 8-ಇಂಚಿನ ಟಚ್‌ಸ್ಕ್ರೀನ್, ಡ್ಯುಯಲ್-ಜೋನ್ ಎಸಿ ಮತ್ತು ವೆಂಟಿಲೇಟೆಡ್‌ ಮತ್ತು ಚಾಲಿತ ಮುಂಭಾಗದ ಸೀಟುಗಳು ಸೇರಿವೆ.
-
ಸುರಕ್ಷತಾ ಸೂಟ್‌ನಲ್ಲಿ 7 ಏರ್‌ಬ್ಯಾಗ್‌ಗಳು, ಹಿಂಭಾಗದ ಪಾರ್ಕಿಂಗ್ ಕ್ಯಾಮೆರಾ ಮತ್ತು ಮುಂಭಾಗ ಮತ್ತು ಹಿಂಭಾಗದ ಪಾರ್ಕಿಂಗ್ ಸೆನ್ಸಾರ್‌ಗಳು ಸೇರಿವೆ.
ಆಟೋಮ್ಯಾಟಿಕ್‌ ಗೇರ್‌ಬಾಕ್ಸ್‌ನೊಂದಿಗೆ ಎಕ್ಸ್‌ಕ್ಲೂಸಿವ್‌ ಆಗಿ ಲಭ್ಯವಿದ್ದ ಟೊಯೋಟಾ ಫಾರ್ಚೂನರ್ ಲೆಜೆಂಡರ್ ಅನ್ನು ಈಗ 6-ಸ್ಪೀಡ್ ಮ್ಯಾನುವಲ್ ಗೇರ್‌ಬಾಕ್ಸ್‌ನೊಂದಿಗೆ ನೀಡಲಾಗುತ್ತಿದೆ. ಆದರೆ, ಈ ಮ್ಯಾನ್ಯುವಲ್‌ ಆಯ್ಕೆಯು 4x4 (4-ಚಕ್ರ-ಡ್ರೈವ್) ಸೆಟಪ್‌ನೊಂದಿಗೆ ಮಾತ್ರ ಲಭ್ಯವಿದೆ, ಆದರೆ ರಿಯರ್‌-ವೀಲ್‌-ಡ್ರೈವ್ (RWD) ಆಯ್ಕೆಯು ಇನ್ನೂ ಆಟೋಮ್ಯಾಟಿಕ್‌ ಗೇರ್‌ಬಾಕ್ಸ್‌ನೊಂದಿಗೆ ಮಾತ್ರ ಲಭ್ಯವಿದೆ. ಆದರೆ, ಹೊಸ 4x4 ಮ್ಯಾನ್ಯುವಲ್‌ ವೇರಿಯೆಂಟ್ ಇತರ ಟ್ರಿಮ್‌ಗಳಂತೆ, ಕಪ್ಪು ರೂಫ್‌ನೊಂದಿಗೆ ಡ್ಯುಯಲ್-ಟೋನ್ ಪ್ಲಾಟಿನಂ ವೈಟ್ ಪರ್ಲ್ ಬಣ್ಣದ ಆಯ್ಕೆಯೊಂದಿಗೆ ಮಾತ್ರ ನೀಡಲಾಗುತ್ತದೆ.
ಫಾರ್ಚೂನರ್ ಲೆಜೆಂಡರ್‌ನ ಸಂಪೂರ್ಣ ಬೆಲೆ ಪಟ್ಟಿ ಇಲ್ಲಿದೆ:
| ವೇರಿಯೆಂಟ್ |
ಬೆಲೆ |
| 4x2 ಆಟೋಮ್ಯಾಟಿಕ್‌ |
44.11 ಲಕ್ಷ ರೂ. |
| 4x4 ಮ್ಯಾನ್ಯುವಲ್‌ (ಹೊಸ) |
44.36 ಲಕ್ಷ ರೂ. |
| 4x4 ಆಟೋಮ್ಯಾಟಿಕ್‌ |
48.09 ಲಕ್ಷ ರೂ. |
ಎಲ್ಲಾ ಬೆಲೆಗಳು ಭಾರತದಾದ್ಯಂತದ ಎಕ್ಸ್-ಶೋರೂಮ್ ಬೆಲೆಯಾಗಿದೆ.
ಕೋಷ್ಟಕದಲ್ಲಿ ನೋಡಬಹುದಾದಂತೆ, ಹೊಸ ವೇರಿಯೆಂಟ್ ಇದೇ ರೀತಿಯ ಸೆಟಪ್ ಹೊಂದಿರುವ ಆಟೋಮ್ಯಾಟಿಕ್‌ ಟ್ರಿಮ್‌ಗಿಂತ 3.73 ಲಕ್ಷ ರೂ.ಗಳಷ್ಟು ಕಡಿಮೆ ಬೆಲೆಯನ್ನು ಹೊಂದಿದೆ. ಹಾಗೆಯೇ, ಟೊಯೋಟಾ ಹೊಸ ವೇರಿಯೆಂಟ್‌ಗಾಗಿ ಬುಕಿಂಗ್‌ಗಳನ್ನು ಸ್ವೀಕರಿಸಲು ಪ್ರಾರಂಭಿಸಿದೆ.
ಟೊಯೋಟಾ ಫಾರ್ಚೂನರ್ ಲೆಜೆಂಡರ್: ಪವರ್‌ಟ್ರೇನ್ ಆಯ್ಕೆಗಳು
ಟೊಯೋಟಾ ಫಾರ್ಚೂನರ್ ಲೆಜೆಂಡರ್ 2.8-ಲೀಟರ್ ಡೀಸೆಲ್ ಎಂಜಿನ್ ನಿಂದ ನಿಯಂತ್ರಿಸಲ್ಪಡುತ್ತದೆ, ಇದರ ವಿಶೇಷಣಗಳು ಈ ಕೆಳಗಿನಂತಿವೆ:
| ಎಂಜಿನ್ |
2.8-ಲೀಟರ್ ಟರ್ಬೊ-ಪೆಟ್ರೋಲ್ ಎಂಜಿನ್ |
| ಪವರ್‌ |
204 ಪಿಎಸ್‌ |
| ಟಾರ್ಕ್ |
420 ಎನ್‌ಎಮ್‌ (ಮ್ಯಾನ್ಯುವಲ್‌) / 500 ಎನ್‌ಎಮ್‌ (ಆಟೋಮ್ಯಾಟಿಕ್‌) |
| ಟ್ರಾನ್ಸ್ಮಿಷನ್ |
6-ಸ್ಪೀಡ್ ಮ್ಯಾನ್ಯುವಲ್‌ / 6-ಸ್ಪೀಡ್ ಆಟೋಮ್ಯಾಟಿಕ್‌ |
| ಡ್ರೈವ್‌ಟ್ರೈನ್‌ |
ರಿಯರ್‌ವೀಲ್‌ ಡ್ರೈವ್ / 4ವೀಲ್‌ಡ್ರೈವ್‌ |
ಎರಡೂ ಗೇರ್‌ಬಾಕ್ಸ್ ಆಯ್ಕೆಗಳಲ್ಲಿ ಪವರ್‌ ಒಂದೇ ಆಗಿದ್ದರೂ, ಮ್ಯಾನುವಲ್ ಟ್ರಾನ್ಸ್ಮಿಷನ್ ಹೊಂದಿರುವ ಫಾರ್ಚೂನರ್ ಲೆಜೆಂಡರ್ ಆವೃತ್ತಿಯು ಆಟೋಮ್ಯಾಟಿಕ್‌ ಆಯ್ಕೆಗಿಂತ 80 ಎನ್‌ಎಮ್‌ನಷ್ಟು ಕಡಿಮೆ ಔಟ್‌ಪುಟ್‌ಅನ್ನು ಉತ್ಪಾದಿಸುತ್ತದೆ. ಮೊದಲೇ ಹೇಳಿದಂತೆ, ರಿಯರ್‌ ವೀಲ್‌ಡ್ರೈವ್‌ ವೇರಿಯೆಂಟ್ ಅಟೋಮ್ಯಾಟಿಕ್‌ ಗೇರ್‌ಬಾಕ್ಸ್‌ನೊಂದಿಗೆ ಮಾತ್ರ ಲಭ್ಯವಿದೆ, ಆದರೆ 4ವೀಲ್‌ ಡ್ರೈವ್ ಆಯ್ಕೆಯು ಎರಡೂ ಆಯ್ಕೆಗಳೊಂದಿಗೆ ಲಭ್ಯವಿದೆ.
Also Read: MY2025ರ Skoda Slavia ಮತ್ತು Skoda Kushaq ಬಿಡುಗಡೆ; ಬೆಲೆಯಲ್ಲಿ ಕಡಿತ
ಟೊಯೋಟಾ ಫಾರ್ಚೂನರ್ ಲೆಜೆಂಡ್ಸ್: ಫೀಚರ್‌ಗಳು ಮತ್ತು ಸುರಕ್ಷತೆ
ಫೀಚರ್‌ಗಳಲ್ಲಿ 8-ಇಂಚಿನ ಟಚ್‌ಸ್ಕ್ರೀನ್, ಮಲ್ಟಿ-ಇಂಫಾರ್ಮೆಶನ್‌ ಡಿಸ್‌ಪ್ಲೇ (MID) ಹೊಂದಿರುವ ಅನಲಾಗ್ ಇನ್ಸ್‌ಟ್ರುಮೆಂಟ್ ಕ್ಲಸ್ಟರ್ ಮತ್ತು 11-ಸ್ಪೀಕರ್ JBL ಸೌಂಡ್ ಸಿಸ್ಟಮ್ ಸೇರಿವೆ. ಇದು ವೆಂಟಿಲೇಟೆಡ್‌ ಮತ್ತು ಚಾಲಿತ ಮುಂಭಾಗದ ಸೀಟುಗಳು, ವೈರ್‌ಲೆಸ್ ಫೋನ್ ಚಾರ್ಜರ್, ಹಿಂಭಾಗದ ದ್ವಾರಗಳನ್ನು ಹೊಂದಿರುವ ಡ್ಯುಯಲ್-ಜೋನ್ ಎಸಿ, ಗೆಸ್ಚರ್-ಕಂಟ್ರೋಲ್ ಚಾಲಿತ ಟೈಲ್‌ಗೇಟ್ ಮತ್ತು ಕ್ರೂಸ್ ಕಂಟ್ರೋಲ್ ಅನ್ನು ಸಹ ಹೊಂದಿದೆ.
ಇದರ ಸುರಕ್ಷತಾ ಸೂಟ್ 7 ಏರ್‌ಬ್ಯಾಗ್‌ಗಳು, ವೆಹಿಕಲ್‌ ಸ್ಟೇಬಿಲಿಟಿ ಕಂಟ್ರೋಲ್(VSC), ಹಿಂಭಾಗದ ಪಾರ್ಕಿಂಗ್ ಕ್ಯಾಮೆರಾ, ಮುಂಭಾಗ ಮತ್ತು ಹಿಂಭಾಗದ ಪಾರ್ಕಿಂಗ್ ಸೆನ್ಸಾರ್‌ಗಳು, ಹಿಲ್ ಅಸಿಸ್ಟ್ ಕಂಟ್ರೋಲ್ (HAC), ಮತ್ತು ಆಟೋ ಡಿಮ್ಮಿಂಗ್ ಇನ್‌ಸೈಡ್-ರಿಯರ್‌ವ್ಯೂ ಮಿರರ್ (IRVM) ಅನ್ನು ಒಳಗೊಂಡಿದೆ.
ಟೊಯೋಟಾ ಫಾರ್ಚುನರ್ ಲೆಜೆಂಡ್ಸ್: ಪ್ರತಿಸ್ಪರ್ಧಿಗಳು
ಟೊಯೋಟಾ ಫಾರ್ಚೂನರ್ ಲೆಜೆಂಡರ್, MG ಗ್ಲೋಸ್ಟರ್, ಜೀಪ್ ಮೆರಿಡಿಯನ್ ಮತ್ತು ಮುಂಬರುವ ಸ್ಕೋಡಾ ಕೊಡಿಯಾಕ್‌ಗಳಿಗೆ ಪೈಪೋಟಿ ನೀಡುತ್ತದೆ.
ಆಟೋಮೋಟಿವ್ ಜಗತ್ತಿನ ನಿರಂತರ ಅಪ್ಡೇಟ್‌ಗಳನ್ನು ಪಡೆಯಲು ಕಾರ್‌ದೇಖೋ ವಾಟ್ಸಾಪ್ ಚಾನೆಲ್ ಅನ್ನು ಫಾಲೋ ಮಾಡಿ