ಹುಂಡೈ ಕ್ರೆಟಾ ಎಲೆಕ್ಟ್ರಿಕ್

Hyundai Creta EV ಕುರಿತ ಇತ್ತೀಚಿನ ಅಪ್‌ಡೇಟ್ ಏನು?

ಹ್ಯುಂಡೈ ಕ್ರೆಟಾ ಇವಿಯನ್ನು ಭಾರತದಲ್ಲಿ 2025ರ ಜನವರಿಯಲ್ಲಿ ಪರಿಚಯಿಸಲಾಗುವುದು.

Creta EVಯ ಬೆಲೆ ಎಷ್ಟು?

ಮಾಡೆಲ್ ಇನ್ನೂ ಅಭಿವೃದ್ಧಿ ಹಂತದಲ್ಲಿರುವುದರಿಂದ, ಹ್ಯುಂಡೈ ಕ್ರೆಟಾ ಇವಿ ಬೆಲೆಗಳನ್ನು ಇನ್ನೂ ಘೋಷಿಸಲಾಗಿಲ್ಲ. ಇದರ ಬೆಲೆಗಳು ಸುಮಾರು 19 ಲಕ್ಷ ರೂಪಾಯಿಗಳಿಂದ ಪ್ರಾರಂಭವಾಗುವ ಸಾಧ್ಯತೆಯಿದೆ ಮತ್ತು ಸಂಪೂರ್ಣವಾಗಿ ಲೋಡ್ ಮಾಡಲಾದ ಮಾಡೆಲ್‌ಗಳ ಬೆಲೆಯು ಸುಮಾರು 27 ಲಕ್ಷ ರೂಪಾಯಿಗಳ (ಎಕ್ಸ್ ಶೋರೂಂ) ವರೆಗೆ ಇರಬಹುದು. 

Hyundai Creta EVಯಲ್ಲಿ ಎಷ್ಟು ವೇರಿಯೆಂಟ್‌ಗಳಿವೆ ?

ಬೆಲೆಯಂತೆಯೇ, ಕ್ರೆಟಾ ಇವಿಯ ವೇರಿಯೆಂಟ್‌ನ ಪಟ್ಟಿಯನ್ನು ಸಹ ಬಿಡುಗಡೆಯ ಸಮಯದಲ್ಲಿ ಬಹಿರಂಗಪಡಿಸಲಾಗುತ್ತದೆ. ಹ್ಯುಂಡೈ ಸಾಮಾನ್ಯವಾಗಿ E, EX, S ಮತ್ತು SX ನಂತಹ ವೇರಿಯಂಟ್ ಹೆಸರುಗಳನ್ನು ಬಳಸುತ್ತದೆ, ಜೊತೆಗೆ ಒಪ್ಶನ್‌ ಅಥವಾ ಪ್ಲಸ್ (+) ಪ್ಯಾಕ್‌ಗಳನ್ನು ಆಯ್ದ ವೇರಿಯೆಂಟ್‌ಗಳೊಂದಿಗೆ ಬಳಸುತ್ತದೆ.

Creta EV ಯಾವ ಫೀಚರ್‌ಗಳನ್ನು ಪಡೆಯುತ್ತದೆ?

ಹ್ಯುಂಡೈ ಕ್ರೆಟಾ ಎಲೆಕ್ಟ್ರಿಕ್ ಬೆಲೆಯು ಹ್ಯುಂಡೈ ಕ್ರೆಟಾಕ್ಕಿಂತ ಹೆಚ್ಚಾಗಿರುತ್ತದೆ, ಆದರೆ ಅದರ ಹೆಚ್ಚಿನ ಫೀಚರ್‌ಗಳನ್ನು ರೆಗುಲರ್‌ ಕ್ರೆಟಾದಿಂದ ಎರವಲು ಪಡೆಯಲಿದೆ. ಎಲ್‌ಇಡಿ ಡಿಆರ್‌ಎಲ್‌ಗಳೊಂದಿಗೆ ಎಲ್‌ಇಡಿ ಹೆಡ್‌ಲ್ಯಾಂಪ್‌ಗಳು, ಕನೆಕ್ಟ್ ಮಾಡಿದ ಎಲ್‌ಇಡಿ ಟೈಲ್ ಲ್ಯಾಂಪ್‌ಗಳು, 10.25-ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್, ಡಿಜಿಟಲ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್, ಕನೆಕ್ಟೆಡ್‌ ಕಾರ್ ಟೆಕ್ ಮತ್ತು ಡ್ಯುಯಲ್-ಜೋನ್ ಕ್ಲೈಮೇಟ್ ಕಂಟ್ರೋಲ್‌ನಂತಹ ಫೀಚರ್‌ಗಳನ್ನು ನಿರೀಕ್ಷಿಸಬಹುದು. ಕಾರು 8-ಸ್ಪೀಕರ್ ಬೋಸ್ ಸೌಂಡ್ ಸಿಸ್ಟಮ್, ವೈರ್‌ಲೆಸ್ ಫೋನ್ ಚಾರ್ಜಿಂಗ್, ವೆಂಟಿಲೇಟೆಡ್ ಫ್ರಂಟ್ ಸೀಟ್‌ಗಳು, 360-ಡಿಗ್ರಿ ಕ್ಯಾಮೆರಾ, ಜೊತೆಗೆ ಪನೋರಮಿಕ್ ಸನ್‌ರೂಫ್ ಅನ್ನು ಸಹ ಪಡೆಯಬೇಕು.

ಇದು ಎಷ್ಟು ವಿಶಾಲವಾಗಿದೆ?

ಕ್ರೆಟಾ ಇವಿ ಬಿಡುಗಡೆಯಾದ ನಂತರ ಇದನ್ನು ಉತ್ತಮವಾಗಿ ನಿರ್ಣಯಿಸಲಾಗುತ್ತದೆ. ಇದು ಪೆಟ್ರೋಲ್/ಡೀಸೆಲ್ ಕ್ರೆಟಾದಂತೆಯೇ ಸ್ಥಳಾವಕಾಶ ಮತ್ತು ಪ್ರಾಯೋಗಿಕತೆಯನ್ನು ನೀಡುತ್ತದೆ ಎಂದು ನಾವು ನಿರೀಕ್ಷಿಸುತ್ತೇವೆ, ಆದರೆ ದೊಡ್ಡ ಬ್ಯಾಟರಿ ಪ್ಯಾಕ್ ಕ್ಯಾಬಿನ್ ಅಥವಾ ಬೂಟ್ ಸ್ಪೇಸ್ ಮೇಲೆ ಪರಿಣಾಮ ಬೀರುವ ಸಾಧ್ಯತೆ ಇದೆ. 

ಹ್ಯುಂಡೈ ಕ್ರೆಟಾ EV ಯಾವ ಎಲೆಕ್ಟ್ರಿಕ್ ಪವರ್‌ಟ್ರೇನ್ ಅನ್ನು ನೀಡುತ್ತದೆ?

ಕ್ರೆಟಾ ಎಲೆಕ್ಟ್ರಿಕ್ ತನ್ನ ಪೆಟ್ರೋಲ್/ಡೀಸೆಲ್ ಪ್ರತಿರೂಪದಂತೆ ಫ್ರಂಟ್-ವೀಲ್ ಡ್ರೈವ್ ಅನ್ನು ನೀಡುತ್ತದೆ ಎಂದು ನಿರೀಕ್ಷಿಸಬಹುದು. ಹ್ಯುಂಡೈ ಕ್ರೆಟಾ ಎಲೆಕ್ಟ್ರಿಕ್‌ನ ತಾಂತ್ರಿಕ ವಿಶೇಷಣಗಳನ್ನು ಬಹಿರಂಗಪಡಿಸಲಾಗಿಲ್ಲ ಆದರೆ ಇದು 45-50kWh ಸಾಮರ್ಥ್ಯದ ಬ್ಯಾಟರಿ ಪ್ಯಾಕ್ ಅನ್ನು ಪಡೆಯುತ್ತದೆ ಎಂದು ನಾವು ನಿರೀಕ್ಷಿಸುತ್ತೇವೆ, ಇದು ಪೂರ್ಣ ಚಾರ್ಜ್‌ನಲ್ಲಿ 400 ಕಿಮೀ.ವರೆಗೆ ದೂರವನ್ನು ಕ್ರಮಿಸಬಲ್ಲದು. 

Creta EV ಎಷ್ಟು ಸುರಕ್ಷಿತವಾಗಿದೆ?

ಕ್ರೆಟಾ ಇವಿಯು 6 ಏರ್‌ಬ್ಯಾಗ್‌ಗಳು, ಇಬಿಡಿಯೊಂದಿಗೆ ಎಬಿಎಸ್, ಹಿಲ್ ಸ್ಟಾರ್ಟ್ ಅಸಿಸ್ಟ್, ವೆಹಿಕಲ್ ಸ್ಟೆಬಿಲಿಟಿ ಕಂಟ್ರೋಲ್, ಟೈರ್ ಪ್ರೆಶರ್ ಮಾನಿಟರಿಂಗ್ ಸಿಸ್ಟಮ್ ಮತ್ತು ಆಲ್ ವೀಲ್ ಡಿಸ್ಕ್ ಬ್ರೇಕ್‌ಗಳನ್ನು ಎಲ್ಲಾ ವೇರಿಯೆಂಟ್‌ಗಳಲ್ಲಿಯು ಒಳಗೊಂಡಿರಬೇಕು. ಟಾಪ್‌ ಸ್ಪೆಕ್‌ ವೇರಿಯೆಂಟ್‌ಗಳು  ಲೆವೆಲ್ 2 ADAS ಸುರಕ್ಷತಾ ಸೂಟ್ ಅನ್ನು ಸಹ ಒದಗಿಸಬಹುದು, ಇದರಲ್ಲಿ ಅಡಾಪ್ಟಿವ್ ಕ್ರೂಸ್ ಕಂಟ್ರೋಲ್, ಫಾರ್ವರ್ಡ್ ಡಿಕ್ಕಿಯ ಎಚ್ಚರಿಕೆ, ಆಟೋಮ್ಯಾಟಿಕ್‌ ಎಮೆರ್ಜೆನ್ಸಿ ಬ್ರೇಕಿಂಗ್ ಮತ್ತು ಬ್ಲೈಂಡ್ ಸ್ಪಾಟ್ ಡಿಟೆಕ್ಷನ್‌ನಂತಹ ಫೀಚರ್‌ಗಳು ಸೇರಿವೆ.

ನಾನು Hyundai Creta EVಗಾಗಿ ಕಾಯಬೇಕೇ?

ನಿಮ್ಮ ಕುಟುಂಬಕ್ಕಾಗಿ ಎಲೆಕ್ಟ್ರಿಕ್ ಎಸ್‌ಯುವಿ ಖರೀದಿಸಲು ನೀವು ಬಯಸಿದರೆ, ಹ್ಯುಂಡೈ ಕ್ರೆಟಾ ಇವಿಗಾಗಿ ಕಾಯುವುದು ಯೋಗ್ಯವಾಗಿದೆ. ಇದು ನೀಡುವ ಹೆಚ್ಚಿನವುಗಳು ರೆಗುಲರ್‌ ಹ್ಯುಂಡೈ ಕ್ರೆಟಾವನ್ನು ಹೋಲುತ್ತವೆ ಮತ್ತು ಎಲೆಕ್ಟ್ರಿಕ್ ಡ್ರೈವಿಂಗ್ ಪ್ರಯೋಜನಗಳೊಂದಿಗೆ ಅದೇ ಮೌಲ್ಯಗಳನ್ನು ನೀವು ಬಯಸಿದರೆ, ಕ್ರೆಟಾ ಇವಿಗಾಗಿ ಎದುರುನೋಡಬಹುದು.

ಇದಕ್ಕೆ ಪರ್ಯಾಯಗಳು ಯಾವುವು?

ನೀವು ಹ್ಯುಂಡೈ ಕ್ರೆಟಾದಂತೆಯೇ ಅದೇ ಗಾತ್ರದಲ್ಲಿ ಎಲೆಕ್ಟ್ರಿಕ್ ಎಸ್‌ಯುವಿಯನ್ನು ಬಯಸಿದರೆ, ನೀವು ಎಮ್‌ಜಿ ಜೆಡ್‌ಎಸ್‌ ಇವಿಯನ್ನು ಪರಿಗಣಿಸಬಹುದು. ಹ್ಯುಂಡೈ ಎಲೆಕ್ಟ್ರಿಕ್ ಕ್ರೆಟಾವನ್ನು ಬಿಡುಗಡೆ ಮಾಡುವ ಸಮಯದಲ್ಲಿ, ಕಿಯಾ ಸೆಲ್ಟೋಸ್ ಇವಿಯನ್ನು ಬಿಡುಗಡೆ ಮಾಡುವ ನಿರೀಕ್ಷೆಯಿದೆ ಮತ್ತು ಮಾರುತಿ ಸುಜುಕಿ ಇವಿಎಕ್ಸ್ ಎಸ್ಯುವಿ (ಎಲೆಕ್ಟ್ರಿಕ್ ಗ್ರ್ಯಾಂಡ್ ವಿಟಾರಾ) ಅನ್ನು ಬಿಡುಗಡೆ ಮಾಡುತ್ತದೆ, ಇದು ಮಾರುತಿ ಸುಜುಕಿಯ ಮೊದಲ ಎಲೆಕ್ಟ್ರಿಕ್ ಕಾರ್ ಆಗಿರುತ್ತದೆ.