ಹೊಚ್ಚ ಹೊಸ ಹ್ಯುಂಡೈ ವರ್ನಾದ ವೇರಿಯೆಂಟ್‌ವಾರು ಫೀಚರ್‌ಗಳ ಸಂಪೂರ್ಣ ಮಾಹಿತಿ ಇಲ್ಲಿದೆ.

ಈ ಹೊಚ್ಚಹೊಸ ವರ್ನಾ ನಾಲ್ಕು ವೇರಿಯೆಂಟ್‌ಗಳು ಮತ್ತು ಅಷ್ಟೇ ಸಂಖ್ಯೆಯ ಪವರ್‌ಟ್ರೇನ್ ಆಯ್ಕೆಗಳೊಂದಿಗೆ ಲಭ್ಯವಿದೆ.

ಈ ಕಾಂಪ್ಯಾಕ್ಟ್ ಸೆಡಾನ್ ವಿಭಾಗವು ಇತ್ತೀಚಿನ ಹೋಂಡಾ ಸಿಟಿ, ಸ್ಕೋಡಾ ಸ್ಲಾವಿಯಾ ಮತ್ತು ಫೋಕ್ಸ್‌ವಾಗನ್ ವರ್ಟಸ್‌ ರೂಪದಲ್ಲಿ ಹೊಸ ಸೇರ್ಪಡೆಗಳೊಂದಿಗೆ ಸ್ವಲ್ಪ ಮಟ್ಟಿಗೆ ಪುನರುಜ್ಜೀವನಗೊಂಡಿದೆ. ಹ್ಯುಂಡೈ ಆರನೇ ಪೀಳಿಗೆ ವರ್ನಾದೊಂದಿಗೆ ಪಾದಾರ್ಪಣೆ ಮಾಡುತ್ತಿದ್ದು, ಇದು ಹಿಂದಿನ ಪೀಳಿಗೆಗಿಂತ ದೊಡ್ಡದಾಗಿದೆ, ಹೆಚ್ಚು ದುಬಾರಿಯಾಗಿದೆ, ತಂತ್ರಜ್ಞಾನಭರಿತವಾಗಿದೆ ಮತ್ತು ಶಕ್ತಿಶಾಲಿಯಾಗಿದೆ. ಇದು ಸ್ಟೈಲಿಂಗ್ ವಿಷಯದಲ್ಲಿ ಇನ್ನಷ್ಟು ಸ್ಪೋರ್ಟಿ ಮತ್ತು ಅಗ್ರೆಸಿವ್ ಆಗಿದೆ. ಹೊಸ ವರ್ನಾದ ಆರಂಭಿಕ ಬೆಲೆಗಳು ರೂ 10.90 ಲಕ್ಷದಿಂದ ರೂ 17.38 ಲಕ್ಷದ ತನಕ (ಎಕ್ಸ್-ಶೋರೂಂ) ಇದೆ.

ಈ ಸೆಡಾನ್ 1.5-ಲೀಟರ್ ಸ್ವಾಭಾವಿಕವಾಗಿ ಚೂಷಿಸಲ್ಪಡುವ (NA) ಟರ್ಬೋ-ಪೆಟ್ರೋಲ್ ಇಂಜಿನ್‌ಗಳೊಂದಿಗೆ ಲಭ್ಯವಿದ್ದು, ಎರಡನ್ನೂ 6-ಸ್ಪೀಡ್ ಮ್ಯಾನುವಲ್ ಟ್ರಾನ್ಸ್‌ಮಿಷನ್‌ನೊಂದಿಗೆ ಸ್ಟಾಂಡರ್ಡ್ ಆಗಿ ಜೋಡಿಸಲಾಗಿದೆ. ಈ NA ಇಂಜಿನ್ CVT ಆಯ್ಕೆಯನ್ನು ಪಡೆದಿದ್ದು ಟರ್ಬೋ ಯುನಿಟ್ ಅನ್ನು 7-ಸ್ಪೀಡ್ DCT (ಡ್ಯುಯಲ್ ಕ್ಲಚ್ ಟ್ರಾನ್ಸ್‌ಮಿಷನ್) ಆಟೋಮ್ಯಾಟಿಕ್‌ನೊಂದಿಗೆ ಜೋಡಿಸಲಾಗಿದೆ.

ಇದನ್ನೂ ಓದಿ: ಇಲ್ಲಿದೆ ಹೊಸ ಹ್ಯುಂಡೈ ವರ್ನಾದ 10 ಚಿತ್ರಗಳಲ್ಲಿ ನಿಮ್ಮ ಮೊದಲ ನೋಟ

ಈ ಹೊಸ ವರ್ನಾ ನಾಲ್ಕು ವಿಶಾಲ ವೇರಿಯೆಂಟ್‌ಗಳಲ್ಲಿ ಲಭ್ಯವಿದೆ: EX, S, SX, ಮತ್ತು SX (O) ಹಾಗೂ ಇದರಲ್ಲಿ ಏನಿದೆ ಎಂಬುದರ ವಿವರ ಇಲ್ಲಿದೆ:

ಹ್ಯುಂಡೈ ವರ್ನಾ EX ವೇರಿಯೆಂಟ್

(ಡ್ಯುಯಲ್ ಟೋನ್ ಇಂಟೀರಿಯರ್ ರೆಫರೆನ್ಸ್‌ಗಾಗಿ ಚಿತ್ರವನ್ನು ಬಳಸಲಾಗಿದೆ)

ಬೆಲೆ: ರೂ 10.90 ಲಕ್ಷ

ಪವರ್‌ಟ್ರೇನ್: 1.5-ಲೀಟರ್ ಪೆಟ್ರೋಲ್ 6-ಸ್ಪೀಡ್ MT ಜೊತೆಗೆ ಮಾತ್ರ

ಈ ಬೇಸ್-ಸ್ಪೆಕ್ EX ವೇರಿಯೆಂಟ್ ಆರು ಏರ್‌ಬ್ಯಾಗ್‌ಗಳು, ISOFIX ಚೈಲ್ಡ್ ಸೀಟ್‌ ಮೌಂಟ್‌ಗಳು ಮತ್ತು ಆಟೋಮ್ಯಾಟಿಕ್ ಹೆಡ್‌ಲ್ಯಾಂಪ್‌ಗಳೊಂದಿಗೆ ಯೋಗ್ಯವಾಗಿ ಸುಸಜ್ಜಿತಗೊಂಡ ಸುರಕ್ಷತಾ ಪ್ಯಾಕೇಜ್ ಅನ್ನು ಪಡೆದಿದೆ. ಇದರ ಹೊರತಾಗಿ, ಈ ವೇರಿಯೆಂಟ್ ತುಸು ಬೇಸಿಕ್ ಆಗಿದ್ದು, ಇದರಲ್ಲಿ ಇನ್ಫೊಟೈನ್‌ಮೆಂಟ್ ಸಿಸ್ಟಮ್ ಮತ್ತು ರಿಯರ್ AC ವೆಂಟ್‌ಗಳು ಇರುವುದಿಲ್ಲ. ಈ ವೇರಿಯೆಂಟ್ ಪೆಟ್ರೋಲ್-ಮ್ಯಾನುವಲ್ ಪವರ್‌ಟ್ರೇನ್‌ಗೆ ಮಾತ್ರ ಸೀಮಿತವಾಗಿದೆ.

ಹ್ಯುಂಡೈ ವರ್ನಾ S ವೇರಿಯೆಂಟ್

ಬೆಲೆ: ರೂ 11.96 ಲಕ್ಷ

ಪವರ್‌ಟ್ರೇನ್: 1.5-ಲೀಟರ್ ಪೆಟ್ರೋಲ್ 6-ಸ್ಪೀಡ್ MT ಜೊತೆಗೆ

ಫೀಚರ್‌ಗಳು:

(ವರ್ನಾ EX ವೇರಿಯೆಂಟ್ ಜೊತೆಗೆ)

S ವೇರಿಯೆಂಟ್ ಕೆಲವು ಅಗತ್ಯದ ಸೇರ್ಪಡೆಗಳಾದ ಆಟೋಮ್ಯಾಟಿಕ್ AC, ರಿಯರ್ AC ವೆಂಟ್‌ಗಳು, ಕ್ರ್ಯೂಸ್ ಕಂಟ್ರೋಲ್ ಮತ್ತು 8-ಇಂಚಿನ ಟಚ್‌ಸ್ಕ್ರೀನ್ ಸಿಸ್ಟಮ್‌ಗಳನ್ನು ಪಡೆದಿದೆ. ಇದು ಹೊಸ ವರ್ನಾದ ಫ್ರಂಟ್ ಮತ್ತು ರಿಯರ್‌ನ ವಿಶಿಷ್ಟ ಲೈಟಿಂಗ್ ಅಂಶಗಳ ಪ್ರವೇಶ ಹಂತದ ವೆರಿಯೆಂಟ್ ಆಗಿದೆ. ಹಿಲ್ ಸ್ಟಾರ್ಟ್ ಅಸಿಸ್ಟ್, ESC, ಮತ್ತು TPMS ನೊಂದಿಗೆ ಉತ್ತಮ ಸುರಕ್ಷತೆಯನ್ನು ಪಡೆದಿದೆ. ಆದಾಗ್ಯೂ ರಿಯರ್ ಕ್ಯಾಮರಾ ಮತ್ತು ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಶನ್ ಇರುವುದಿಲ್ಲ.

ವರ್ನಾ SX ವೇರಿಯೆಂಟ್

ಬೆಲೆ: ರೂ 12.99 ಲಕ್ಷದಿಂದ ರೂ 14.24 ಲಕ್ಷದ ತನಕ

ಇಂಜಿನ್: 1.5-ಲೀಟರ್ ಪೆಟ್ರೋಲ್ ಇಂಜಿನ್ 6-ಸ್ಪೀಡ್ MT ಮತ್ತು IVT (ಆಟೋಮ್ಯಾಟಿಕ್)

ಫೀಚರ್‌ಗಳು:

(ವರ್ನಾ S ವೇರಿಯೆಂಟ್‌ನ ಜೊತೆಗೆ)

ಈ ವೇರಿಯೆಂಟ್ LED ಹೆಡ್‌ಲ್ಯಾಂಪ್‌ಗಳು, ದೊಡ್ಡದಾದ ಅಲಾಯ್ ವ್ಹೀಲ್‌ಗಳು ಮತ್ತು ಕೆಲವು ಕ್ರೋಮ್ ಅಂಶಗಳಿಂದಾಗಿ ಹೊರಗಿನಿಂದ ನೋಡುವಾಗ ತುಂಬಾ ವಿಭಿನ್ನ ಹಾಗೂ ಪ್ರೀಮಿಯಂ ಆಗಿ ಕಾಣುತ್ತದೆ. ಆದರೆ ಒಳಗೆ ಸುಮಾರಾಗಿ S ವೇರಿಯೆಂಟ್‌ನಂತೆಯೇ ಇದೆ. ಇಲೆಕ್ಟ್ರಿಕ್ ಸನ್‌ರೂಫ್, ವೈರ್‌ಲೆಸ್ ಚಾರ್ಜರ್ ಮತ್ತು ಆ್ಯಂಬಿಯೆಂಟ್ ಲೈಟಿಂಗ್ ಅನ್ನು ಇಲ್ಲಿ ಸೇರಿಸಲಾಗಿದ್ದು, ಆಟೋಮ್ಯಾಟಿಕ್ ಆಯ್ಕೆಯೂ ಪೆಡಲ್ ಶಿಫ್ಟರ್‌ಗಳು ಮತ್ತು ಡ್ರೈವ್ ಮೋಡ್‌ಗಳನ್ನು ಹೊಂದಿದೆ. ಇನ್ನಷ್ಟು ಅನುಕೂಲಕ್ಕಾಗಿ ಫ್ರಂಟ್ ಪಾರ್ಕಿಂಗ್ ಸೆನ್ಸರ್‌ಗಳು ಮತ್ತು ರಿಯರ್ ಪಾರ್ಕಿಂಗ್ ಕ್ಯಾಮರಾವನ್ನು ಸೇರಿಸಲಾಗಿದೆ. ಆದಾಗ್ಯೂ, ಹೊಸ ಪೀಳಿಗೆ ಸೆಡಾನ್‌ನ ಸ್ಟಾರ್ ಫೀಚರ್‌ಗಳು ಈ ವೇರಿಯೆಂಟ್‌ನಲ್ಲಿ ಇರುವುದಿಲ್ಲ.

ಇದನ್ನೂ ಓದಿ: ನೀವು ಖರೀದಿಸಬಹುದು 2023 ಹ್ಯುಂಡೈ ವರ್ನಾವನ್ನು 9 ವಿಭಿನ್ನ ಶೇಡ್‌ಗಳಲ್ಲಿ

ವರ್ನಾ SX (ಟರ್ಬೋ)

ಬೆಲೆ: ರೂ 14.84 ಲಕ್ಷದಿಂದ ರೂ 16.08 ಲಕ್ಷದ ತನಕ

ಇಂಜಿನ್: 1.5-ಲೀಟರ್ ಟರ್ಬೋ-ಪೆಟ್ರೋಲ್ 6-ಸ್ಪೀಡ್ MT ಮತ್ತು 7-ಸ್ಪೀಡ್ DCT ಜೊತೆಗೆ

(SX ನ ಫೀಚರ್‌ಗಳ ಜೊತೆಗೆ)

ಹೌದು, ಅದೇ SX ವೇರಿಯೆಂಟ್‌ನ ಟರ್ಬೋ-ಪೆಟ್ರೋಲ್ ಆವೃತ್ತಿಯು NA SXಗಿಂತ ಹೆಚ್ಚುವರಿ ಪೀಚರ್‌ಗಳನ್ನು ಪಡೆಯುತ್ತದೆ. ಇದು ಹೊಸ ವರ್ನಾದ ಕಾರ್ಯಕ್ಷಮತೆ ಆಧಾರಿತ ಪವರ್‌ಟ್ರೇನ್‌ಗೆ ಪ್ರವೇಶ-ಹಂತದ ಟ್ರಿಮ್ ಆಗಿದೆ. ಹೊರಗಿನಿಂದ ಸ್ಪೋರ್ಟಿ ನೋಟಕ್ಕಾಗಿ ಇದು ಬ್ಲ್ಯಾಕ್ ಅಲಾಯ್ ವ್ಹೀಲ್‌ಗಳು, ರೆಡ್ ಬ್ರೇಕ್ ಕ್ಯಾಲಿಪರ್‌ಗಳು ಮತ್ತು ಡ್ಯುಯಲ್-ಟೋನ್ ಕಲರ್‌ಗಳನ್ನು (ಬ್ಲ್ಯಾಕ್ ರೂಫ್ ಆಯ್ಕೆ) ಹೊಂದಿದೆ.

ಅಲ್ಲದೇ ಕ್ಯಾಬಿನ್ ಸಂಪೂರ್ಣ ಬ್ಲ್ಯಾಕ್ ಇಂಟೀರಿಯರ್‌, ರೆಡ್ ಆಕ್ಸೆಂಟ್‌ಗಳು ಮತ್ತು ಮೆಟಲ್ ಪೆಡಲ್‌ಗಳೊಂದಿಗೆ ರೇಸಿ-ಅಪೀಲ್ ಅನ್ನು ಪಡೆಯುತ್ತದೆ. SX ಪೆಟ್ರೋಲ್ ವೇರಿಯೆಂಟ್‌ಗೆ ಹೋಲಿಸಿದರೆ, ಇದು ಸಂಯೋಜಿತ ಡ್ಯುಯಲ್ ಡಿಸ್‌ಪ್ಲೇಗಳ ಸೇರ್ಪಡೆಗಳು, 10.25-ಇಂಚಿನ ಟಚ್‌ಸ್ಕ್ರೀನ್ ಸಿಸ್ಟಮ್‌ ಮತ್ತು ಸಾಫ್ಟ್-ಟಚ್‌ಗಳೊಂದಿಗೆ ಕ್ಯಾಬಿನ್ ಅನ್ನು ವರ್ಧಿಸುತ್ತದೆ. ಇಲ್ಲಿ ಡ್ರೈವ್ ಮೋಡ್‌ಗಳು ಆಟೋಮ್ಯಾಟಿಕ್ ಆಯ್ಕೆಗೆ ಸೀಮಿತವಲ್ಲ.

ವರ್ನಾ SX (O)

ಬೆಲೆ : ರೂ 14.66 ಲಕ್ಷದಿಂದ ರೂ 16.20 ಲಕ್ಷದ ತನಕ

ಇಂಜಿನ್: 1.5-ಲೀಟರ್ ಪೆಟ್ರೋಲ್ ಇಂಜಿನ್ 6-ಸ್ಪೀಡ್ MT ಮತ್ತು IVT ಆಟೋಮ್ಯಾಟಿಕ್ ಜೊತೆಗೆ

(SX ಟರ್ಬೋನ ಫೀಚರ್‌ಗಳೊಂದಿಗೆ)

ವಿಭಿನ್ನ ಅಲಾಯ್ ವ್ಹೀಲ್‌ಗಳನ್ನು ಹೊರತುಪಡಿಸಿದರೆ SX (O) ವೇರಿಯೆಂಟ್ SX ವೇರಿಯೆಂಟ್‌ಗಿಂತ ಅಷ್ಟೇನೂ ವಿಭಿನ್ನವಾಗಿಲ್ಲ. ಲೆದರೆಟ್ ಸೀಟ್ ಅಪ್‌ಹೋಲ್ಸ್‌ಟ್ರಿ ಮತ್ತು ಸಾಫ್ಟ್-ಟಚ್‌ ಮಟೀರಿಯಲ್‌ಗಳ ಸೇರ್ಪಡೆಯೊಂದಿಗೆ ಕ್ಯಾಬಿನ್ ಹೆಚ್ಚು ದುಬಾರಿಯಾಗಿದೆ. ಹೊಸ ಫೀಚರ್‌ಗಳಾದ ಹೀಟಡ್ ಮತ್ತು ವಾತಾಯನದ ಫ್ರಂಟ್ ಸೀಟುಗಳು ಮತ್ತು ಪವರ್ಡ್ ಡ್ರೈವರ್ ಸೀಟುಗಳನ್ನು ವಿಭಾಗದಲ್ಲೇ ಮೊದಲ ಬಾರಿಗೆ ಒಳಗೊಂಡಿದೆ. ಈ ವೇರಿಯಂಟ್‌ನ ಪ್ರಮುಖ USP ಎಂದರೆ ರಡಾರ್- ಆಧಾರಿತ ADAS ಆಗಿದ್ದು, ಇದು CVT ಆಟೋಮ್ಯಾಟಿಕ್ ವೇರಿಯೆಂಟ್‌ಗಳಲ್ಲಿ ಮಾತ್ರ ಇರುತ್ತದೆ.

ವರ್ನಾ SX (O) ಟರ್ಬೋ

ಬೆಲೆ: ರೂ 15.99 ಲಕ್ಷದಿಂದ 17.38 ಲಕ್ಷದ ತನಕ

ಇಂಜಿನ್: 1.5-ಲೀಟರ್ ಟರ್ಬೋ-ಪೆಟ್ರೋಲ್ 6-ಸ್ಪೀಡ್ MT ಮತ್ತು 7-ಸ್ಪೀಡ್ DCT ಜೊತೆಗೆ

(SX (O) ಮತ್ತು SX ಟರ್ಬೋ ಫೀಚರ್‌ಗಳ ಜೊತೆಗೆ)

ಇದು ಎಲ್ಲಾ ಪ್ರಮುಖ ಫೀಚರ್‌ಗಳನ್ನು ಹೊಂದಿದ ಹೊಸ ವರ್ನಾದ ಟಾಪ್ ಎಂಡ್ ವೇರಿಯೆಂಟ್ ಆಗಿದೆ. ಇದು ಹೊರಗಿನಿಂದ ನೋಡಿದರೆ SX ಟರ್ಬೋಗಿಂತ ವಿಭಿನ್ನವಾಗಿ ಕಾಣುವುದಿಲ್ಲವಾದರೂ, ಲೆದರೆಟ್ ಅಪ್‌ಹೋಲ್ಸ್‌ಟ್ರಿ, ಪ್ರೀಮಿಯಂ ಆಡಿಯೋ ಸಿಸ್ಟಮ್ ಮತ್ತು ಫೀಚರ್‌ಭರಿತ ಫ್ರಂಟ್ ಸೀಟುಗಳನ್ನು ಪಡೆದಿದೆ. ರಿಯರ್ ಡಿಸ್ಕ್ ಬ್ರೇಕ್‌ಗಳು, ADAS (ಸ್ಟಾಂಡರ್ಡ್ ಆಗಿ) ಮತ್ತು ಇಲೆಕ್ಟ್ರಾನಿಕ್ ಪಾರ್ಕಿಂಗ್ ಬ್ರೇಕ್‌ನೊಂದಿಗೆ ಇನ್ನಷ್ಟು ಸುರಕ್ಷಿತವಾಗಿದೆ. SX(O) ಗೆ ಹೋಲಿಸಿದರೆ ಇದು ಹ್ಯುಂಡೈನ ಹೊಂದಿಸಬಲ್ಲ ಕ್ರ್ಯೂಸ್ ಕಂಟ್ರೋಲ್ ಅನ್ನು ಹೊಂದಿದ್ದು, ಇದು DCT ಆಯ್ಕೆಗೆ ಸೀಮಿತವಾಗಿದೆ.

ಇವುಗಳು ಹೊಚ್ಚ ಹೊಸ ಹ್ಯುಂಡೈ ವರ್ನಾದ ವೇರಿಯೆಂಟ್-ವಾರು ವಿವರಗಳಾಗಿವೆ. ಸೆಡಾನ್ ಬಗೆಗಿನ ಇನ್ನಷ್ಟು ವಿವರಗಳಿಗಾಗಿ ಕಾರ್‌ದೇಖೋಗೆ ಭೇಟಿ ನೀಡುತ್ತಿರಿ ಮತ್ತು ನಾವು ಸದ್ಯದಲ್ಲೇ ಕಾರಿನ ವಿಮರ್ಶೆ ಮತ್ತು ಮೊದಲ ಡ್ರೈವಿಂಗ್ ಇಂಪ್ರೆಶನ್ ಅನ್ನು ಹಂಚಿಕೊಳ್ಳಲಿದ್ದೇವೆ.

ಇನ್ನಷ್ಟು ಓದಿ : ಹ್ಯುಂಡೈ ವರ್ನಾದ ಆನ್‌ ರೋಡ್ ಬೆಲೆ