Hyundai Venue S Plus ವೇರಿಯೆಂಟ್ ಬಿಡುಗಡೆ, ಮತ್ತಷ್ಟು ಕಡಿಮೆ ಬೆಲೆಗೆ ಸನ್‌ರೂಫ್ ಆಯ್ಕೆ ಲಭ್ಯ
ಹುಂಡೈ ವೆನ್ಯೂ ಗಾಗಿ rohit ಮೂಲಕ ಆಗಸ್ಟ್‌ 16, 2024 08:05 pm ರಂದು ಪ್ರಕಟಿಸಲಾಗಿದೆ
- 70 Views
- ಕಾಮೆಂಟ್‌ ಅನ್ನು ಬರೆಯಿರಿ
ಹೊಸ ಎಸ್ ಪ್ಲಸ್ ಆವೃತ್ತಿಯು 5-ಸ್ಪೀಡ್ ಮ್ಯಾನುಯಲ್‌ ಆಯ್ಕೆಯೊಂದಿಗೆ 1.2-ಲೀಟರ್ ಪೆಟ್ರೋಲ್ ಎಂಜಿನ್‌ನೊಂದಿಗೆ ಮಾತ್ರ ಲಭ್ಯವಿದೆ
- ಲೋವರ್‌-ಸ್ಪೆಕ್ ಎಸ್ ಮತ್ತು ಮಿಡ್-ಸ್ಪೆಕ್ ಎಸ್(ಒಪ್ಶನಲ್‌) ನಡುವಿನ ಜಾಗವನ್ನು ಈ ಹೊಸ ವೇರಿಯೆಂಟ್ ಪಡೆಯಲಿದೆ.
- ಸನ್‌ರೂಫ್ ಹೊರತಾಗಿ, ಇದು 8-ಇಂಚಿನ ಟಚ್‌ಸ್ಕ್ರೀನ್, 6 ಏರ್‌ಬ್ಯಾಗ್‌ಗಳು ಮತ್ತು ಟಿಪಿಎಮ್‌ಎಸ್‌ ಅನ್ನು ಸಹ ಪಡೆಯುತ್ತದೆ.
- ದೆಹಲಿಯಲ್ಲಿ ವೆನ್ಯೂವಿನ ಎಕ್ಸ್ ಶೋರೂಂ ಬೆಲೆಗಳು 7.94 ಲಕ್ಷ ರೂ.ನಿಂದ 13.48 ಲಕ್ಷ ರೂ.ವರೆಗೆ ಇದೆ.
ಸನ್‌ರೂಫ್‌ನೊಂದಿಗೆ ಹ್ಯುಂಡೈ ವೆನ್ಯೂನ ಹೊಸ ಮಿಡ್-ಸ್ಪೆಕ್ ಎಸ್(ಒಪ್ಶನಲ್‌) ಪ್ಲಸ್ ಆವೃತ್ತಿಯನ್ನು ಹೊರತಂದ ಸ್ವಲ್ಪ ಸಮಯದ ನಂತರ, ಕಾರು ತಯಾರಕರು ಈಗ ಈ ಸೌಕರ್ಯ ಮತ್ತು ಅನುಕೂಲತೆಯ ಫೀಚರ್‌ ಅನ್ನು ಇನ್ನಷ್ಟು ಕೈಗೆಟಕುವಂತೆ ಮಾಡಿದ್ದಾರೆ. ಇದು ಈಗ ಹೊಸ ಎಸ್ ಪ್ಲಸ್ ಆವೃತ್ತಿಯಲ್ಲಿ ಲಭ್ಯವಿದೆ, ಇದರ ಬೆಲೆ ರೂ 9.36 ಲಕ್ಷ ರೂ.ನಿಂದ (ಎಕ್ಸ್ ಶೋರೂಂ-ದೆಹಲಿ) ಪ್ರಾರಂಭವಾಗುತ್ತದೆ.
ಹೊಸ ವೆರಿಯಂಟ್‌ನ ವಿವರಗಳು
ಲೋವರ್‌-ಸ್ಪೆಕ್ ಎಸ್ ಮತ್ತು ಮಿಡ್-ಸ್ಪೆಕ್ ಎಸ್(ಒಪ್ಶನಲ್‌) ನಡುವಿನ ಜಾಗವನ್ನು ಈ ಹೊಸ ವೇರಿಯೆಂಟ್ ಪಡೆಯಲಿದೆ. ಈ ಎಸ್‌ಯುವಿಯ ಆವೃತ್ತಿಗಳ ಪಟ್ಟಿಯಲ್ಲಿ ಇದನ್ನು ಹೇಗೆ ಇರಿಸಲಾಗಿದೆ ಎಂಬುದು ಇಲ್ಲಿದೆ:
| ವೇರಿಯೆಂಟ್ |
ಬೆಲೆಗಳು |
| ಎಸ್ |
9.11 ಲಕ್ಷ ರೂ. |
| ಎಸ್ ಪ್ಲಸ್ (ಹೊಸ) |
9.36 ಲಕ್ಷ ರೂ. |
| ಎಸ್(ಒಪ್ಶನಲ್‌) |
9.89 ಲಕ್ಷ ರೂ. |
| ಎಸ್(ಒಪ್ಶನಲ್‌) ಪ್ಲಸ್ |
10 ಲಕ್ಷ ರೂ. |
ಹ್ಯುಂಡೈ ಹೊಸ ಆವೃತ್ತಿಯ ಬೆಲೆಯನ್ನು ಹಿಂದಿನ S ಟ್ರಿಮ್‌ಗಿಂತ 25,000 ರೂ.ನಷ್ಟು ದುಬಾರಿಯಾಗಿಸಿದೆ. ಸನ್‌ರೂಫ್‌ನೊಂದಿಗೆ ಇತ್ತೀಚೆಗೆ ಪರಿಚಯಿಸಲಾದ ಎಸ್(ಒಪ್ಶನಲ್‌) ಪ್ಲಸ್ ಆವೃತ್ತಿಯು ಎಸ್ ಪ್ಲಸ್‌ಗೆ ಹೋಲಿಸಿದರೆ 64,000 ರೂ.ನಷ್ಟು ದುಬಾರಿಯಾಗಿದೆ.
ಎಂಜಿನ್‌ ಮತ್ತು ಗೇರ್‌ಬಾಕ್ಸ್‌ ಆಯ್ಕೆಗಳು
ಇದು ಎಸ್‌ಯುವಿಯ 83 ಪಿಎಸ್‌ 1.2-ಲೀಟರ್ ಪೆಟ್ರೋಲ್ ಎಂಜಿನ್‌ನೊಂದಿಗೆ 5-ಸ್ಪೀಡ್ ಮ್ಯಾನುವಲ್ ಗೇರ್‌ಬಾಕ್ಸ್‌ನೊಂದಿಗೆ ಮಾತ್ರ ಲಭ್ಯವಿದೆ ಎಂಬುದನ್ನು ನಾವು ಇಲ್ಲಿ ಗಮನಿಸಬೇಕು.
ಇದು ಯಾವ ಫೀಚರ್‌ಗಳನ್ನು ಪಡೆಯುತ್ತದೆ?
ಸನ್‌ರೂಫ್ ಹೊರತುಪಡಿಸಿ, ಇದು ವೈರ್‌ಲೆಸ್ ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್‌ಪ್ಲೇಯೊಂದಿಗೆ 8 ಇಂಚಿನ ಟಚ್‌ಸ್ಕ್ರೀನ್, ಸೆಮಿ-ಡಿಜಿಟಲ್ ಇನ್‌ಸ್ಟ್ರುಮೆಂಟ್ ಕ್ಲಸ್ಟರ್, ಆಟೋ ಹೆಡ್‌ಲೈಟ್‌ಗಳು ಮತ್ತು ಹಿಂಭಾಗದ ಎಸಿ ವೆಂಟ್‌ಗಳನ್ನು ಸಹ ಪಡೆಯುತ್ತದೆ. ಇದರ ಸುರಕ್ಷತಾ ಪ್ಯಾಕೇಜ್‌ ಆರು ಏರ್‌ಬ್ಯಾಗ್‌ಗಳು, ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್ (ESC), ಮತ್ತು ಟೈರ್ ಪ್ರೆಶರ್ ಮಾನಿಟರಿಂಗ್ ಸಿಸ್ಟಮ್ (TPMS) ಅನ್ನು ಒಳಗೊಂಡಿದೆ.
ಇದನ್ನು ಸಹ ಗಮನಿಸಿ: Citroen Basaltನ ವೇರಿಯಂಟ್-ವಾರು ಪವರ್‌ಟ್ರೇನ್ ಆಯ್ಕೆಗಳ ವಿವರ
ಹ್ಯುಂಡೈ ವೆನ್ಯೂನ ಬೆಲೆಗಳು ಮತ್ತು ಪ್ರತಿಸ್ಪರ್ಧಿಗಳು
ದೆಹಲಿಯಲ್ಲಿ ಹ್ಯುಂಡೈ ವೆನ್ಯೂವಿನ ಎಕ್ಸ್ ಶೋರೂಂ ಬೆಲೆಗಳು 7.94 ಲಕ್ಷ ರೂ.ನಿಂದ 13.48 ಲಕ್ಷ ರೂ.ವರೆಗೆ ಇದೆ. ಇದು ಕಿಯಾ ಸೋನೆಟ್‌, ಮಾರುತಿ ಬ್ರೆಜ್ಜಾ, ಟಾಟಾ ನೆಕ್ಸಾನ್‌, ಮಹೀಂದ್ರಾ ಎಕ್ಸ್‌ಯುವಿ 3XO, ನಿಸ್ಸಾನ್‌ ಮ್ಯಾಗ್ನೇಟ್‌ ಮತ್ತು ರೆನಾಲ್ಟ್‌ ಕಿಗರ್‌ಗಳೊಂದಿಗೆ ಸ್ಪರ್ಧೆಯನ್ನು ಒಡ್ಡುತ್ತದೆ.
ಹೆಚ್ಚಿನ ಆಟೋಮೋಟಿವ್ ಅಪ್‌ಡೇಟ್‌ಗಳಿಗಾಗಿ ಕಾರ್‌ದೇಖೋದ ವಾಟ್ಸಾಪ್ ಚಾನೆಲ್ ಅನ್ನು ಮಿಸ್‌ ಮಾಡದೇ ಫಾಲೋ ಮಾಡಿ
ಇನ್ನಷ್ಟು ಓದಿ : ವೆನ್ಯೂವಿನ ಆನ್‌ರೋಡ್‌ ಬೆಲೆ
