ಬಿಡುಗಡೆಯಾದ ಎರಡು ತಿಂಗಳಲ್ಲಿಯೇ ಗಮನಾರ್ಹ ಮಾರಾಟದ ಮೈಲಿಗಲ್ಲನ್ನು ದಾಟಿದ Kia Syros

ಕಿಯಾ ಸೈರೋಸ್ ಅನ್ನು ಫೆಬ್ರವರಿ 1, 2025 ರಂದು ಭಾರತದಲ್ಲಿ ಬಿಡುಗಡೆ ಮಾಡಲಾಯಿತು ಮತ್ತು ಇದು HTK, HTK (O), HTK Plus, HTX, HTX Plus ಮತ್ತು HTX Plus (O) ಎಂಬ ಆರು ವಿಶಾಲವಾದ ವೇರಿಯೆಂಟ್‌ಗಳಲ್ಲಿ ಲಭ್ಯವಿದೆ

ಕಿಯಾ ಸಿರೋಸ್ ಅನ್ನು 2025ರ ಫೆಬ್ರವರಿ 1ರಂದು ಬಿಡುಗಡೆ ಮಾಡಲಾಯಿತು, ಇದು ಕೊರಿಯಾ ಮೂಲದ ಕಾರು ತಯಾರಕರ ಭಾರತದಲ್ಲಿ ಕಿಯಾ ಸೋನೆಟ್ ಜೊತೆಗೆ ಹೆಚ್ಚು ಪ್ರೀಮಿಯಂ ಸಬ್-4ಎಮ್‌ ಎಸ್‌ಯುವಿ ಕಾರು ಆಗಿದೆ. ಈಗ, ಕಾರು ತಯಾರಕರು ಈ ಮೊಡೆಲ್‌ ಅನ್ನು ಬಿಡುಗಡೆಗೊಳಿಸಿದಾಗಿನಿಂದ 15,986 ಯುನಿಟ್ ಸಿರೋಸ್ ಮಾರಾಟ ಮಾಡಿದ್ದಾರೆ ಎಂದು ಬಹಿರಂಗಪಡಿಸಿದ್ದಾರೆ, ಇದು 2025ರ ಮಾರ್ಚ್‌ನಲ್ಲಿ ಕಿಯಾ ಒಟ್ಟು ಮಾರಾಟದ ಸುಮಾರು 20 ಪ್ರತಿಶತದಷ್ಟಿದೆ. ಈಗ, ಕಿಯಾ ಸಿರೋಸ್ ಭಾರತೀಯ ಮಾರುಕಟ್ಟೆಯಲ್ಲಿ ಇಷ್ಟೊಂದು ಜನಪ್ರಿಯವಾಗಲು ಕಾರಣವಾದ ಇದರ ಎಲ್ಲದರ ಬಗ್ಗೆ ಸಂಕ್ಷಿಪ್ತವಾಗಿ ನೋಡೋಣ:

ಎಕ್ಸ್‌ಟೀರಿಯರ್‌

ಕಿಯಾ ಸಿರೋಸ್ ಹೆಚ್ಚು ಪ್ರೀಮಿಯಂ ಕಿಯಾ ಇವಿ9 ನಿಂದ ಸ್ಫೂರ್ತಿ ಪಡೆದ ಬಾಕ್ಸೀ ವಿನ್ಯಾಸವನ್ನು ಪಡೆಯುತ್ತದೆ. ಇದು ಲಂಬವಾಗಿ ಜೋಡಿಸಲಾದ ಎಲ್‌ಇಡಿ ಹೆಡ್‌ಲೈಟ್‌ಗಳು, L-ಆಕಾರದ ಎಲ್‌ಇಡಿ ಡಿಆರ್‌ಎಲ್‌ಗಳು, ಖಾಲಿಯಾದ ಗ್ರಿಲ್ ಮತ್ತು ಬಂಪರ್‌ನಲ್ಲಿ ಏರ್ ಇನ್‌ಲೆಟ್‌ಗಳನ್ನು ಪಡೆಯುತ್ತದೆ.

17-ಇಂಚಿನ ಅಲಾಯ್ ವೀಲ್‌ಗಳು, ಚೌಕಾಕಾರದ ವೀಲ್‌ ಆರ್ಚ್‌ಗಳು ಮತ್ತು ಫ್ಲಶ್ ಡೋರ್ ಹ್ಯಾಂಡಲ್‌ಗಳನ್ನು ಒಳಗೊಂಡಿರುವ ಪ್ರೊಫೈಲ್‌ನಲ್ಲಿ ಬಾಕ್ಸಿ ಆಕಾರವು ಪ್ರಮುಖವಾಗಿದೆ. ಇದು ಹಿಂಭಾಗದ ವಿಂಡ್‌ಸ್ಕ್ರೀನ್ ಪಕ್ಕದಲ್ಲಿ L-ಆಕಾರದ ಎಲ್‌ಇಡಿ ಟೈಲ್ ಲೈಟ್‌ಗಳನ್ನು ಮತ್ತು ಬಂಪರ್‌ನ ಎರಡೂ ಬದಿಗಳಲ್ಲಿ ಮತ್ತೊಂದು ಸೆಟ್ ಟೈಲ್ ಲೈಟ್‌ಗಳನ್ನು ಹೊಂದಿದ್ದು ಅದು ವಿಭಿನ್ನ ಮತ್ತು ಆಧುನಿಕವಾಗಿ ಕಾಣುವಂತೆ ಮಾಡುತ್ತದೆ.

ಇಂಟೀರಿಯರ್‌, ಫೀಚರ್‌ಗಳು ಮತ್ತು ಸುರಕ್ಷತೆ

2-ಸ್ಪೋಕ್ ದಪ್ಪ ಸ್ಟೀರಿಂಗ್ ವೀಲ್ ಮತ್ತು ಡ್ಯಾಶ್‌ಬೋರ್ಡ್‌ನಲ್ಲಿ ಟ್ರಿಪಲ್ ಸ್ಕ್ರೀನ್ ಲೇಔಟ್‌ನೊಂದಿಗೆ ಇಂಟೀರಿಯರ್‌ ಸಾಕಷ್ಟು ಆಧುನಿಕ ಮತ್ತು ಸರಳವಾಗಿ ಕಾಣುತ್ತದೆ, ಹೆಚ್ಚುವರಿ ವ್ಯತಿರಿಕ್ತತೆಗಾಗಿ ಕಿತ್ತಳೆ ಬಣ್ಣದ ಆಕ್ಸೆಂಟ್‌ಗಳೊಂದಿಗೆ ಬೆಳ್ಳಿ ಮತ್ತು ಬೂದು ಬಣ್ಣದ ಡ್ಯುಯಲ್-ಟೋನ್ ಥೀಮ್‌ನಿಂದ ಪೂರಕವಾಗಿದೆ. ಸೀಟುಗಳು ಒಟ್ಟಾರೆ ಕ್ಯಾಬಿನ್ ಥೀಮ್‌ಗೆ ಹೊಂದಿಕೆಯಾಗುವ ಬಣ್ಣಗಳೊಂದಿಗೆ ಲೆದರೆಟ್ ಕವರ್‌ಅನ್ನು ಪಡೆಯುತ್ತವೆ.

ಫೀಚರ್‌ಗಳ ವಿಷಯದಲ್ಲಿ, ಇದು 12.3-ಇಂಚಿನ ಡ್ಯುಯಲ್ ಸ್ಕ್ರೀನ್‌ಗಳನ್ನು (ಒಂದು ಇನ್ಸ್‌ಟ್ರುಮೆಂಟೆಶನ್‌ಗಾಗಿ ಮತ್ತು ಇನ್ನೊಂದು ಇನ್ಫೋಟೈನ್‌ಮೆಂಟ್‌ಗಾಗಿ) ಮತ್ತು AC ಕಂಟ್ರೋಲ್‌ಗಳಿಗಾಗಿ 5-ಇಂಚಿನ ಡಿಸ್‌ಪ್ಲೇಯನ್ನು ಹೊಂದಿದೆ. ಇದು ಮುಂಭಾಗ ಮತ್ತು ಹಿಂಭಾಗದಲ್ಲಿ ವೆಂಟಿಲೇಟೆಡ್‌ ಸೀಟುಗಳು, 4-ರೀತಿಯಲ್ಲಿ ಬಟನ್‌ನಲ್ಲಿ ಹೊಂದಾಣಿಕೆ ಮಾಡಬಹುದಾದ ಚಾಲಕ ಸೀಟು, ಪನೋರಮಿಕ್ ಸನ್‌ರೂಫ್, ವೈರ್‌ಲೆಸ್ ಫೋನ್ ಚಾರ್ಜರ್ ಮತ್ತು 8-ಸ್ಪೀಕರ್ ಹರ್ಮನ್ ಕಾರ್ಡನ್ ಸೌಂಡ್ ಸಿಸ್ಟಮ್‌ನೊಂದಿಗೆ ಬರುತ್ತದೆ.

ಸುರಕ್ಷತಾ ದೃಷ್ಟಿಯಿಂದ, ಸೈರೋಸ್ 6 ಏರ್‌ಬ್ಯಾಗ್‌ಗಳು (ಸ್ಟ್ಯಾಂಡರ್ಡ್ ಆಗಿ), 360-ಡಿಗ್ರಿ ಕ್ಯಾಮೆರಾ, ಟೈರ್ ಪ್ರೆಶರ್ ಮಾನಿಟರಿಂಗ್ ಸಿಸ್ಟಮ್ (TPMS) ಮತ್ತು ಆಟೋ ಹೋಲ್ಡ್ ಫಂಕ್ಷನ್‌ನೊಂದಿಗೆ ಎಲೆಕ್ಟ್ರಾನಿಕ್ ಪಾರ್ಕಿಂಗ್ ಬ್ರೇಕ್ (EPB) ಅನ್ನು ಪಡೆಯುತ್ತದೆ. ಇದು ಲೇನ್ ಕೀಪ್ ಅಸಿಸ್ಟ್ ಮತ್ತು ಅಡಾಪ್ಟಿವ್ ಕ್ರೂಸ್ ಕಂಟ್ರೋಲ್ ಸೇರಿದಂತೆ ಫೀಚರ್‌ಗಳೊಂದಿಗೆ ಲೆವೆಲ್-2 ಅಡ್ವಾನ್ಸ್‌ಡ್‌ ಡ್ರೈವರ್ ಅಸಿಸ್ಟೆನ್ಸ್ ಸಿಸ್ಟಮ್ಸ್ (ADAS) ಸೂಟ್‌ನೊಂದಿಗೆ ಸಜ್ಜುಗೊಂಡಿದೆ.

ಇದನ್ನೂ ಓದಿ:ಭಾರತದಲ್ಲಿ Kia EV6 ಫೇಸ್‌ಲಿಫ್ಟ್ ಬಿಡುಗಡೆ, ಬೆಲೆ 65.90 ಲಕ್ಷ ರೂ. ನಿಗದಿ

ಪವರ್‌ಟ್ರೈನ್ ಆಯ್ಕೆಗಳು

ಕಿಯಾ ಸಿರೋಸ್ ಟರ್ಬೊ-ಪೆಟ್ರೋಲ್ ಮತ್ತು ಡೀಸೆಲ್ ಎಂಜಿನ್ ಆಯ್ಕೆಗಳೊಂದಿಗೆ ಬರುತ್ತದೆ, ಅದರ ವಿವರಗಳು ಈ ಕೆಳಗಿನಂತಿವೆ:

*DCT = ಡ್ಯುಯಲ್-ಕ್ಲಚ್ ಆಟೋಮ್ಯಾಟಿಕ್‌ ಟ್ರಾನ್ಸ್‌ಮಿಷನ್‌

AT = ಟಾರ್ಕ್ ಕನ್ವರ್ಟರ್‌ ಆಟೋಮ್ಯಾಟಿಕ್‌ ಟ್ರಾನ್ಸ್‌ಮಿಷನ್‌

ಬೆಲೆ ಮತ್ತು ಪ್ರತಿಸ್ಪರ್ಧಿಗಳು

ಕಿಯಾ ಸೈರೋಸ್ ಬೆಲೆ 9 ಲಕ್ಷ ರೂ.ಗಳಿಂದ 17.80 ಲಕ್ಷ ರೂ.ಗಳವರೆಗೆ ಇದೆ (ಪರಿಚಯಾತ್ಮಕ ಎಕ್ಸ್-ಶೋರೂಂ, ಪ್ಯಾನ್-ಇಂಡಿಯಾ). ಇದು ಕಿಯಾ ಸೋನೆಟ್, ಮಾರುತಿ ಬ್ರೆಝಾ, ಟಾಟಾ ನೆಕ್ಸಾನ್, ಹುಂಡೈ ವೆನ್ಯೂ ಮತ್ತು ಮಹೀಂದ್ರಾ XUV 3XO ಗಳಿಗೆ ಪ್ರತಿಸ್ಪರ್ಧಿಯಾಗಿದೆ.

ಆಟೋಮೋಟಿವ್ ಜಗತ್ತಿನಿಂದ ತ್ವರಿತ ಆಪ್‌ಡೇಟ್‌ಗಳನ್ನು ಪಡೆಯಲು ಕಾರ್‌ದೇಖೋದ ವಾಟ್ಸಾಪ್ ಚಾನೆಲ್ ಅನ್ನು ಫಾಲೋ ಮಾಡಲು ಮಿಸ್‌ ಮಾಡ್ಬೇಡಿ