ಮಹೀಂದ್ರಾ BE 6 ಮತ್ತು XEV 9eನ ಪ್ಯಾಕ್‌ ಟು ವೇರಿಯೆಂಟ್‌ಗಳಲ್ಲಿ ಒಂದೇ ಪವರ್‌ಟ್ರೇನ್ ಆಯ್ಕೆಗಳು ಲಭ್ಯ

ಎರಡೂ EV ಗಳ ಪ್ಯಾಕ್ ತ್ರೀ ವೇರಿಯೆಂಟ್‌ ಎರಡು ಬ್ಯಾಟರಿ ಪ್ಯಾಕ್ ಆಯ್ಕೆಗಳೊಂದಿಗೆ ಬರುವ ಏಕೈಕ ಟ್ರಿಮ್ ಆಗಿರುತ್ತವೆ

 ಅಧಿಕೃತ RTO ದಾಖಲೆಯನ್ನು ನಂಬುವುದಾದರೆ, ಮಹೀಂದ್ರಾ BE 6 ಮತ್ತು ಮಹೀಂದ್ರಾ XEV 9e ನ ಪ್ಯಾಕ್ ಟು ವೇರಿಯೆಂಟ್‌ಗಳು ಕೇವಲ 59 ಕಿ.ವ್ಯಾಟ್‌ ಬ್ಯಾಟರಿ ಪ್ಯಾಕ್‌ನೊಂದಿಗೆ ಬರುತ್ತವೆ. ಗಮನಾರ್ಹವಾಗಿ, ಬೇಸ್-ಸ್ಪೆಕ್ ಪ್ಯಾಕ್ ಒನ್ ವೇರಿಯೆಂಟ್‌ ಅನ್ನು ಸಣ್ಣ ಬ್ಯಾಟರಿ ಪ್ಯಾಕ್‌ನೊಂದಿಗೆ ಮಾತ್ರ ನೀಡಲಾಗುತ್ತದೆ. ಇದರರ್ಥ ಎರಡೂ ಕಾರುಗಳಲ್ಲಿನ ಸಂಪೂರ್ಣವಾಗಿ ಲೋಡ್ ಮಾಡಲಾದ ಪ್ಯಾಕ್ ತ್ರೀ ವೇರಿಯೆಂಟ್‌ಗಳು ಮಾತ್ರ ದೊಡ್ಡ 79 ಕಿ.ವ್ಯಾಟ್‌ ಯುನಿಟ್ ಸೇರಿದಂತೆ ಎರಡೂ ಬ್ಯಾಟರಿ ಪ್ಯಾಕ್ ಆಯ್ಕೆಗಳನ್ನು ಒಳಗೊಂಡಿರುತ್ತವೆ. ಬನ್ನಿ, ಅಧಿಕೃತ ದಾಖಲೆಗಳನ್ನು ವಿವರವಾಗಿ ಗಮನಿಸೋಣ:

ಈಗ ನಾವು ಮಹೀಂದ್ರಾ BE 6 ಮತ್ತು XEV 9e ನ ಪವರ್‌ಟ್ರೇನ್ ವಿವರಗಳನ್ನು ಪರಿಶೀಲಿಸೋಣ:

ಎಲೆಕ್ಟ್ರಿಕ್‌ ಪವರ್‌ಟ್ರೇನ್ ಆಯ್ಕೆಗಳು

ಮೇಲೆ ಹೇಳಿದಂತೆ, ಪ್ಯಾಕ್ ಒನ್ ಮತ್ತು ಪ್ಯಾಕ್ ಟು ವೇರಿಯೆಂಟ್‌ಗಳು 59 ಕಿ.ವ್ಯಾಟ್‌ ಬ್ಯಾಟರಿ ಪ್ಯಾಕ್ ಅನ್ನು ಮಾತ್ರ ಪಡೆಯುತ್ತವೆ, ಆದರೆ ಪ್ಯಾಕ್ ತ್ರೀ ಟ್ರಿಮ್ ಎರಡೂ ಬ್ಯಾಟರಿ ಪ್ಯಾಕ್ ಆಯ್ಕೆಗಳನ್ನು ಪಡೆಯುತ್ತದೆ. ಆದರೆ, ಮಹೀಂದ್ರಾ ಎರಡೂ ಬ್ಯಾಟರಿ ಪ್ಯಾಕ್‌ಗಳೊಂದಿಗೆ ಮಿಡ್‌-ಸ್ಪೆಕ್ ಪ್ಯಾಕ್ ಟು ವೇರಿಯೆಂಟ್‌ಗಳನ್ನು ನೀಡುತ್ತದೆಯೇ ಎಂದು ಕಾದು ನೋಡಬೇಕಾಗಿದೆ ಮತ್ತು ಅದೇ ಸಮಯದಲ್ಲಿ ಬೆಲೆಗಳನ್ನು ಘೋಷಿಸಬಹುದು. 

ಇದನ್ನೂ ಓದಿ: ಡೀಲರ್‌ಶಿಪ್‌ಗಳಿಗೆ ಬಂದಿಳಿದ Mahindra BE 6 ಮತ್ತು XEV 9e, ಆಯ್ದ ನಗರಗಳಲ್ಲಿ ಟೆಸ್ಟ್‌ ಡ್ರೈವ್‌ಗಳು ಪ್ರಾರಂಭ

ಮಹೀಂದ್ರಾ ಬಿಇ 6: ಒಂದು ಅವಲೋಕನ

ಮಹೀಂದ್ರಾ BE 6 ಒಂದು ಎಲೆಕ್ಟ್ರಿಕ್ ಎಸ್‌ಯುವಿ ಆಗಿದ್ದು, ಸಿ-ಆಕಾರದ ಎಲ್‌ಇಡಿ ಡಿಆರ್‌ಎಲ್‌ಗಳು ಮತ್ತು ಟೈಲ್ ಲೈಟ್‌ಗಳು ಮತ್ತು ಡ್ಯುಯಲ್-ಪಾಡ್ ಎಲ್‌ಇಡಿ ಹೆಡ್‌ಲೈಟ್‌ಗಳೊಂದಿಗೆ ಆಕ್ರಮಣಕಾರಿ ವಿನ್ಯಾಸ ಶೈಲಿಯನ್ನು ಹೊಂದಿದೆ. ಇದು ತನ್ನ ಬಾಡಿಯ ಉದ್ದಕ್ಕೂ ಆಕ್ರಮಣಕಾರಿ ಕಟ್‌ಗಳು ಮತ್ತು ಮಡಿಕೆಗಳನ್ನು ಹೊಂದಿದ್ದು, 19-ಇಂಚಿನ ಏರೋಡೈನಾಮಿಕ್‌ ಆಗಿ ವಿನ್ಯಾಸಗೊಳಿಸಲಾದ ಅಲಾಯ್ ವೀಲ್‌ಗಳನ್ನು ಹೊಂದಿದ್ದು, ಅವುಗಳನ್ನು ದೊಡ್ಡ 20-ಇಂಚಿನ ವೀಲ್‌ಗಳಿಗೆ ಅಪ್‌ಗ್ರೇಡ್ ಮಾಡುವ ಆಯ್ಕೆಯೊಂದಿಗೆ ಬರುತ್ತದೆ.

ಹೊರಭಾಗದಂತೆಯೇ, ಒಳಭಾಗವು 12.3-ಇಂಚಿನ ಡ್ಯುಯಲ್ ಡಿಸ್‌ಪ್ಲೇಗಳು (ಒಂದು ಇನ್ಸ್‌ಟ್ರುಮೆಂಟೇಶನ್‌ಗಾಗಿ ಮತ್ತು ಇನ್ನೊಂದು ಟಚ್‌ಸ್ಕ್ರೀನ್‌ಗಾಗಿ), ಪುಲ್-ಟ್ಯಾಬ್-ಮಾದರಿಯ ಒಳಗಿನ ಡೋರ್ ಹ್ಯಾಂಡಲ್‌ಗಳು ಮತ್ತು ಪ್ರಕಾಶಿತ ಲೋಗೋ ಹೊಂದಿರುವ 2-ಸ್ಪೋಕ್ ಸ್ಟೀರಿಂಗ್ ವೀಲ್‌ನೊಂದಿಗೆ ಅಷ್ಟೇ ಆಕ್ರಮಣಕಾರಿಯಾಗಿದೆ.

ಇದು ಒಳಗಿನಿಂದ ಸಾಕಷ್ಟು ಲೋಡ್ ಆಗಿದ್ದು, 16-ಸ್ಪೀಕರ್ ಹರ್ಮನ್ ಕಾರ್ಡನ್ ಸೌಂಡ್ ಸಿಸ್ಟಮ್, ಸೆಲ್ಫಿ ಕ್ಯಾಮೆರಾ, ಡ್ಯುಯಲ್ ವೈರ್‌ಲೆಸ್ ಫೋನ್ ಚಾರ್ಜರ್‌ಗಳು, ವೆಂಟಿಲೇಟೆಡ್ ಮತ್ತು ಪವರ್ಡ್ ಮುಂಭಾಗದ ಸೀಟುಗಳು ಮತ್ತು ಲೈಟಿಂಗ್‌ ಅಂಶಗಳೊಂದಿಗೆ ಪನೋರಮಿಕ್ ಗ್ಲಾಸ್‌ ರೂಫ್‌ ಸೇರಿದಂತೆ ಹೈಲೈಟ್‌ಗಳನ್ನು ಹೊಂದಿದೆ.

ಸುರಕ್ಷತಾ ಸೂಟ್‌ನಲ್ಲಿ 7 ಏರ್‌ಬ್ಯಾಗ್‌ಗಳು (ಸ್ಟ್ಯಾಂಡರ್ಡ್ ಆಗಿ 6), ಎಲೆಕ್ಟ್ರಾನಿಕ್ ಪಾರ್ಕಿಂಗ್ ಬ್ರೇಕ್, ISOFIX ಚೈಲ್ಡ್ ಸೀಟ್ ಆಂಕಾರೇಜ್‌ಗಳು, 360-ಡಿಗ್ರಿ ಕ್ಯಾಮೆರಾ, ಟೈರ್ ಪ್ರೆಶರ್ ಮಾನಿಟರಿಂಗ್ ಸಿಸ್ಟಮ್ (TPMS), ಆಟೋ ಪಾರ್ಕಿಂಗ್ ಮತ್ತು ಲೆವೆಲ್-2 ಅಡ್ವಾನ್ಸ್ಡ್ ಡ್ರೈವರ್ ಅಸಿಸ್ಟೆನ್ಸ್ ಸಿಸ್ಟಮ್ಸ್ (ADAS) ತಂತ್ರಜ್ಞಾನವು ಆಟೋನೊಮಸ್‌ ಎಮೆರ್ಜೆನ್ಸಿ ಬ್ರೇಕಿಂಗ್ ಮತ್ತು ಲೇನ್ ಕೀಪ್ ಅಸಿಸ್ಟ್‌ನಂತಹ ಫೀಚರ್‌ಗಳನ್ನು ಒಳಗೊಂಡಿದೆ.

ಮಹೀಂದ್ರಾ XEV 9e: ಒಂದು ಅವಲೋಕನ

ಬಿಇ 6 ಗೆ ಹೋಲಿಸಿದರೆ ಮಹೀಂದ್ರಾ XEV 9e, ಕನೆಕ್ಟೆಡ್‌ ಎಲ್‌ಇಡಿ ಡಿಆರ್‌ಎಲ್‌ಗಳು ಮತ್ತು ಟೈಲ್ ಲೈಟ್‌ಗಳು ಮತ್ತು ಲಂಬವಾಗಿ ಜೋಡಿಸಲಾದ ಎಲ್‌ಇಡಿ ಹೆಡ್‌ಲೈಟ್‌ಗಳೊಂದಿಗೆ ತುಲನಾತ್ಮಕವಾಗಿ ಸರಳವಾದ ವಿನ್ಯಾಸ ಶೈಲಿಯೊಂದಿಗೆ ಬರುತ್ತದೆ. ಈ ಇವಿ ಕೂಡ 19-ಇಂಚಿನ ಅಲಾಯ್ ವೀಲ್‌ಗಳೊಂದಿಗೆ ಬರುತ್ತದೆ ಮತ್ತು ಅವುಗಳನ್ನು ದೊಡ್ಡ 20-ಇಂಚಿನ ಯೂನಿಟ್‌ಗಳಿಗೆ ಅಪ್‌ಗ್ರೇಡ್ ಮಾಡುವ ಆಯ್ಕೆಯಿದೆ.

ಕ್ಯಾಬಿನ್ ವಿನ್ಯಾಸವು ಡ್ಯುಯಲ್-ಟೋನ್ ಕ್ಯಾಬಿನ್ ಥೀಮ್, ಪ್ರಕಾಶಿತ ಲೋಗೋ ಹೊಂದಿರುವ 2-ಸ್ಪೋಕ್ ಸ್ಟೀರಿಂಗ್ ವೀಲ್ ಮತ್ತು ಡ್ಯಾಶ್‌ಬೋರ್ಡ್‌ನಲ್ಲಿ ಹೆಚ್ಚು ಆಧುನಿಕ ಟ್ರಿಪಲ್-ಸ್ಕ್ರೀನ್ ಸೆಟಪ್ (ಇನ್ಸ್ಟ್ರುಮೆಂಟೇಶನ್‌ಗಾಗಿ ಒಂದು, ಟಚ್‌ಸ್ಕ್ರೀನ್‌ಗಾಗಿ ಇನ್ನೊಂದು ಮತ್ತು ಪ್ರಯಾಣಿಕರಿಗೆ ಒಂದು ಸೇರಿದಂತೆ) ನೊಂದಿಗೆ ತುಲನಾತ್ಮಕವಾಗಿ ಸಿಂಪಲ್‌ ಆಗಿದೆ. 

ಎಕ್ಸ್‌ಇವಿ 9eನಲ್ಲಿ ಒದಗಿಸಲಾದ ಒಂದೇ ವೈರ್‌ಲೆಸ್ ಚಾರ್ಜರ್ ಘಟಕವನ್ನು ಹೊರತುಪಡಿಸಿ, ಫೀಚರ್‌ ಮತ್ತು ಸುರಕ್ಷತಾ ಸೂಟ್ BE 6ನಂತೆಯೇ ಇರುತ್ತದೆ.

ಇದನ್ನೂ ಓದಿ: ಬಿಡುಗಡೆಯಾದಾಗಿನಿಂದ 5 ಲಕ್ಷ ಕಾರುಗಳ ಮಾರಾಟದ ಮೈಲಿಗಲ್ಲು ದಾಟಿದ Tata Punch