S-ಪ್ರೆಸ್ಸೋ ಮತ್ತು ಇಕೋದ 87,000 ಕಾರುಗಳನ್ನು ಹಿಂಪಡೆದ ಮಾರುತಿ

ಹಿಂಪಡೆಯಲಾದ ಈ ಎರಡು ಮಾಡೆಲ್‌ಗಳ ಈ ಯುನಿಟ್‌ಗಳನ್ನು 5 ಜುಲೈ 2021 ಮತ್ತು 15 ಫೆಬ್ರವರಿ 2023 ರ ನಡುವೆ ತಯಾರಿಸಲಾಗಿದೆ

• ಈ ವಾಹನಗಳ ಸ್ಟೀರಿಂಗ್ ರಾಡ್ ಟೈನ ಒಂದು ಭಾಗದಲ್ಲಿ ಕಂಡುಬಂದ ಸಂಭವನೀಯ ದೋಷದಿಂದಾಗಿ ಹಿಂಪಡೆಯಲಾಗಿದೆ.

•  ದೋಷಯುಕ್ತ ಭಾಗವು ಮುರಿಯಬಹುದು ಅಥವಾ ವಾಹನದ ನಿರ್ವಹಣೆಯ ಮೇಲೆ ಪರಿಣಾಮ ಬೀರಬಹುದು

• ಮಾರುತಿ ದೋಷಪೂರಿತ ಯುನಿಟ್‌ಗಳ ಮಾಲೀಕರನ್ನು ತಪಾಸಣೆಗೆ ಕರೆಯಲಿದೆ.

• ದೋಷಪೂರಿತ ಭಾಗವನ್ನು ಉಚಿತವಾಗಿ ಬದಲಾಯಿಸಿ ಕೊಡಲಾಗುವುದು.

ಮಾರುತಿ S- ಪ್ರೆಸ್ಸೋ ಮತ್ತು ಮಾರುತಿ ಇಕೋದ ಸ್ಟೀರಿಂಗ್ ಟೈ ರಾಡ್‌ನ ಒಂದು ಭಾಗದಲ್ಲಿ ಕಂಡುಬಂದ ಸಂಭವನೀಯ ದೋಷದಿಂದಾಗಿ ಮಾರುತಿ ಸುಜುಕಿ ಇಂಡಿಯಾ 87,599 ಯುನಿಟ್‌ಗಳನ್ನು ಹಿಂಪಡೆಯುವುದಾಗಿ ಘೋಷಿಸಿದೆ. ಪ್ರವೇಶ ಮಟ್ಟದ ಆಫರಿಂಗ್‌ಗಳ ಈ ಯುನಿಟ್‌ಗಳನ್ನು ಜುಲೈ 5, 2021 ಮತ್ತು ಫೆಬ್ರವರಿ 15, 2023 ರ ನಡುವೆ ಸುಮಾರು ಎರಡು ವರ್ಷಗಳಲ್ಲಿ ತಯಾರಿಸಲಾಗಿದೆ.

ಕಂಪನಿಯ ಡೀಲರ್‌ಶಿಪ್ ದೋಷಪೂರಿತ ವಾಹನದ ಯುನಿಟ್‌ಗಳ ಪರೀಕ್ಷಿಸಲು ಮತ್ತು ಉಚಿತವಾಗಿ ಬದಲಾಯಿಸಲು ದೋಷಪೂರಿತ ಕಾರುಗಳ ಮಾಲೀಕರನ್ನು ಕರೆಯಲಿದೆ. ತಯಾರಕರ ಪ್ರಕಾರ, ಈ ಎರಡೂ ಕಾರುಗಳ ಸ್ಟೀರಿಂಗ್ ಟೈ ರಾಡ್‌ನಲ್ಲಿರುವ ಈ ದೋಷಯುಕ್ತ ಭಾಗವು ವಾಹನದ ನಿರ್ವಹಣೆಯ ಮೇಲೆ ಪರಿಣಾಮ ಬೀರಬಹುದು ಮತ್ತು ಎಲ್ಲಕ್ಕಿಂತ ಹೆಚ್ಚಾಗಿ, ಅಪರೂಪದ ಸಂದರ್ಭಗಳಲ್ಲಿ ಅದು ಒಡೆಯಲೂಬಹುದು.

ಹಿಂದಿನ ಹಿಂಪಡೆತಗಳು

ಇದಕ್ಕೂ ಮೊದಲು, ಮಾರುತಿ ತನ್ನ S-ಪ್ರೆಸ್ಸೋ ಮತ್ತು ಇಕೋ ಕಾರುಗಳನ್ನು ಜನವರಿ 2023 ರಲ್ಲಿ ಹಿಂಪಡೆದಿತ್ತು. ಆ ಸಮಯದಲ್ಲಿ, ಈ ಕಾರುಗಳನ್ನು ಹಿಂಪಡೆಯಲು ಕಾರಣವೆಂದರೆ ಏರ್‌ಬ್ಯಾಗ್ ನಿಯಂತ್ರಣ ಮಾಡ್ಯೂಲ್‌ನಲ್ಲಿ ಕಂಡುಬಂದಿದ್ದ ಸಂಭವನೀಯ ದೋಷ. ಆ ಸಮಯದಲ್ಲಿ ಕಂಪನಿಯು ದೋಷಪೂರಿತ ಕಾರುಗಳ ದೋಷಯುಕ್ತ ಭಾಗಗಳನ್ನು ಉಚಿತವಾಗಿ ಬದಲಾಯಿಸಿ ಕೊಟ್ಟಿತ್ತು.

ಇದನ್ನೂ ಓದಿ: ಮಾರುತಿ ಬ್ರೆಝಾ ಆಟೋಮ್ಯಾಟಿಕ್ ಈಗ ಮ್ಯಾನುವಲ್ ವೇರಿಯೆಂಟ್‌ಗಳಿಗಿಂತ ಹೆಚ್ಚು ಸಮರ್ಥ

           View this post on Instagram                      

A post shared by CarDekho India (@cardekhoindia)

S-ಪ್ರೆಸ್ಸೋ ಮತ್ತು ಇಕೋ ಎಂಜಿನ್ ವಿಶೇಷತೆಗಳು

 S-ಪ್ರೆಸ್ಸೋ ಹ್ಯಾಚ್‌ಬ್ಯಾಕ್ ಅನ್ನು ಮಾರುತಿಯ ಶ್ರೇಣಿಯಲ್ಲಿ ಆಲ್ಟೊ ಮೇಲೆ ಇರಿಸಲಾಗಿದೆ. S-ಪ್ರೆಸ್ಸೋ ಕಾರು 5-ಸ್ಪೀಡ್ ಮ್ಯಾನುವಲ್ ಮತ್ತು 5-ಸ್ಪೀಡ್ AMT ಗೇರ್‌ಬಾಕ್ಸ್ ಆಯ್ಕೆಗಳೊಂದಿಗೆ 1-ಲೀಟರ್ ಪೆಟ್ರೋಲ್ ಎಂಜಿನ್ (68PS/90Nm) ಅನ್ನು ಹೊಂದಿದೆ. ಅದೇ ಎಂಜಿನ್ ಅದರ ಸಿಎನ್‌ಜಿ ಆವೃತ್ತಿಯಲ್ಲಿಯೂ ಲಭ್ಯವಿದೆ, ಇದರಲ್ಲಿ ಇದು 56.69PS ಪವರ್ ಮತ್ತು 82Nm ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಈ ಎಂಜಿನ್‌ನೊಂದಿಗೆ, 5-ಸ್ಪೀಡ್ ಮ್ಯಾನುವಲ್ ಗೇರ್ ಬಾಕ್ಸ್ ಅನ್ನು ನೀಡಲಾಗಿದೆ.

 ಮತ್ತೊಂದೆಡೆ, ಇಕೋ MPV ಗೆ 1.2-ಲೀಟರ್ ಪೆಟ್ರೋಲ್ ಎಂಜಿನ್ ಅನ್ನು ನೀಡಲಾಗಿದೆ, ಇದರ ಪವರ್ ಔಟ್‌ಪುಟ್ 81PS ಮತ್ತು 104.4Nm ಆಗಿದೆ. ಅದೇ ಎಂಜಿನ್ ಅನ್ನು ಅದರ ಐಎನ್‌ಜಿ ಆವೃತ್ತಿಯಲ್ಲಿ ಸಹ ನೀಡಲಾಗುತ್ತದೆ, ಇದರ ಪವರ್ ಔಟ್‌ಪುಟ್ 72PS ಮತ್ತು 95Nm ಆಗಿದೆ. ಇದು ಪೆಟ್ರೋಲ್ ಮತ್ತು ಸಿಎನ್‌ಜಿ ಎಂಜಿನ್‌ಗಳೊಂದಿಗೆ 5-ಸ್ಪೀಡ್ ಮ್ಯಾನುವಲ್ ಟ್ರಾನ್ಸ್‌ಮಿಷನ್‌ ಅನ್ನು ಪಡೆಯುತ್ತದೆ.

ಬೆಲೆಗಳು

ಮಾರುತಿ S-ಪ್ರೆಸ್ಸೋ ಬೆಲೆ ರೂ. 4.26 ಲಕ್ಷದಿಂದ ರೂ. 6.12 ಲಕ್ಷದವರೆಗೆ ಇದ್ದರೆ, ಇಕೋ ಬೆಲೆ ರೂ. 5.27 ಲಕ್ಷದಿಂದ ರೂ. 6.53 ಲಕ್ಷದವರೆಗೆ ಇದೆ. S-ಪ್ರೆಸ್ಸೊ ಹ್ಯಾಚ್‌ಬ್ಯಾಕ್ ವಿಭಾಗದಲ್ಲಿ ರೆನಾಲ್ಟ್ ಕ್ವಿಡ್‌ ನೊಂದಿಗೆ ಸ್ಪರ್ಧಿಸುತ್ತದೆ, ಆದರೆ ಇಕೋ MPV ಗೆ ಯಾವುದೇ ನೇರ ಪ್ರತಿಸ್ಪರ್ಧಿ ಇಲ್ಲ.

 ಇನ್ನಷ್ಟು ಓದಿ: S- ಪ್ರೆಸ್ಸೋ ಆನ್ ರೋಡ್ ಬೆಲೆ