Tata Curvv EV ಚಾರ್ಜಿಂಗ್ ಟೆಸ್ಟ್: ಕಂಪೆನಿ ಹೇಳಿದಷ್ಟು ವೇಗವಾಗಿ ಚಾರ್ಜ್‌ ಆಗುತ್ತಾ ?

ನಾವು ಎಲೆಕ್ಟ್ರಿಕ್ ಎಸ್‌ಯುವಿ-ಕೂಪ್‌ನ 55 ಕಿ.ವ್ಯಾಟ್‌ ಲಾಂಗ್‌ ರೇಂಜ್‌ನ ವೇರಿಯೆಂಟ್‌ಅನ್ನು ಹೊಂದಿದ್ದೇವೆ, ಇದು 70 ಕಿ.ವ್ಯಾಟ್‌ವರೆಗೆ ಡಿಸಿ ಫಾಸ್ಟ್‌ ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ

ಟಾಟಾ ಕರ್ವ್‌ ಇವಿಯನ್ನು ಇತ್ತೀಚೆಗೆ ಎಲೆಕ್ಟ್ರಿಕ್ ಎಸ್‌ಯುವಿ-ಕೂಪ್ ಆಗಿ ಬಿಡುಗಡೆ ಮಾಡಲಾಯಿತು, ಇದು ಎರಡು ಬ್ಯಾಟರಿ ಪ್ಯಾಕ್ ಆಯ್ಕೆಗಳೊಂದಿಗೆ ಮತ್ತು 585 ಕಿ.ಮೀ. ವರೆಗಿನ ARAI- ಕ್ಲೈಮ್‌ ಮಾಡಿದ ರೇಂಜ್‌ನೊಂದಿಗೆ ಬರುತ್ತದೆ. ನಾವು ಇತ್ತೀಚೆಗೆ ಈ ಇವಿಯ ಲಾಂಗ್‌ ರೇಂಜ್‌ ವೇರಿಯೆಂಟ್‌ ಅನ್ನು ಹೊಂದಿದ್ದೆವು, ಇದು 55 ಕಿ.ವ್ಯಾಟ್‌ ಬ್ಯಾಟರಿ ಪ್ಯಾಕ್‌ನೊಂದಿಗೆ ಬರುತ್ತದೆ ಮತ್ತು ಡಿಸಿ ಫಾಸ್ಟ್ ಚಾರ್ಜರ್ ಅನ್ನು ಬಳಸಿಕೊಂಡು ನಾವು ಅದನ್ನು ಶೂನ್ಯದಿಂದ 100 ಪ್ರತಿಶತದವರೆಗೆ ಚಾರ್ಜ್ ಮಾಡಿದ್ದೇವೆ. 70 ಕಿ.ವ್ಯಾಟ್‌ ಡಿಸಿ ಫಾಸ್ಟ್‌ ಚಾರ್ಜರ್ ಅನ್ನು ಬಳಸಿಕೊಂಡು ಕರ್ವ್‌ ಇವಿಯನ್ನು ಕೇವಲ 40 ನಿಮಿಷಗಳಲ್ಲಿ 10 ರಿಂದ 80 ಪ್ರತಿಶತದಷ್ಟು ಚಾರ್ಜ್ ಮಾಡಬಹುದು ಎಂದು ಟಾಟಾ ಹೇಳಿಕೊಂಡಿದೆ. ಆದ್ದರಿಂದ ನಾವು ಅದನ್ನು ಪರೀಕ್ಷೆಗೆ ಒಳಪಡಿಸಲು ನಿರ್ಧರಿಸಿದ್ದೇವೆ ಮತ್ತು ಕ್ಲೈಮ್ ಮಾಡಿದ ಚಾರ್ಜಿಂಗ್ ಸಮಯಗಳಿಗೆ ಇದು ಎಷ್ಟು ನಿಜವಾಗಿದೆ ಎಂಬುದನ್ನು ನೋಡಲು:

ಗಮನಿಸಿದ ಪ್ರಮುಖ ಅಂಶಗಳು

• ಕರ್ವ್‌ ಇವಿ 70 ಕಿ.ವ್ಯಾಟ್‌ವರೆಗೆ ಡಿಸಿ ಫಾಸ್ಟ್‌ ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ, ಇದು ತೆಗೆದುಕೊಳ್ಳಬಹುದಾದ ಗರಿಷ್ಠ ಚಾರ್ಜ್ 65 ಕಿ.ವ್ಯಾಟ್‌ ಆಗಿದೆ, ಅದೂ ಆರಂಭಿಕ ಕೆಲವು ನಿಮಿಷಗಳಲ್ಲಿ. 

• 0 ರಿಂದ 100 ಪ್ರತಿಶತಕ್ಕೆ ತಲುಪಲು ತೆಗೆದುಕೊಂಡ ಒಟ್ಟು ಸಮಯ 1 ಗಂಟೆ 28 ನಿಮಿಷಗಳು, ಅದರಲ್ಲಿ 10 ರಿಂದ 80 ಪ್ರತಿಶತವನ್ನು ತಲುಪಲು 47 ನಿಮಿಷವನ್ನು ತೆಗೆದುಕೊಂಡಿತ್ತು. 

ಇದನ್ನೂ ಓದಿ: ದೇಶದ ಸ್ಫೂರ್ತಿಯ ಸೆಲೆ ರತನ್‌ ಟಾಟಾ ಭಾರತೀಯ ಆಟೋಮೊಬೈಲ್‌ ಕ್ಷೇತ್ರಕ್ಕೆ ನೀಡಿದ ಕೊಡುಗೆಯ ಕುರಿತು..

• ಟಾಟಾ 10 ರಿಂದ 80 ಪ್ರತಿಶತದಷ್ಟು ಚಾರ್ಜ್‌ ಆಗಲು 40 ನಿಮಿಷಗಳು ಬೇಕಾಗುತ್ತದೆ ಎಂದು ಹೇಳಿತ್ತು ಮತ್ತು ವಾಸ್ತವದ ಪರಿಸ್ಥಿತಿಗಳಲ್ಲಿ ಆ ಚಾರ್ಜ್ ಪ್ರತಿಶತವನ್ನು ತಲುಪಲು ಕರ್ವ್‌ ಇವಿಯು 7 ನಿಮಿಷಗಳನ್ನು ಹೆಚ್ಚುವರಿಯಾಗಿ ತೆಗೆದುಕೊಂಡಿತು. 

• 10 ರಿಂದ 35 ಪ್ರತಿಶತದವರೆಗೆ, ಬ್ಯಾಟರಿಯು 56 ಕಿ.ವ್ಯಾಟ್‌ ಮತ್ತು 59 ಕಿ.ವ್ಯಾಟ್‌ ನಡುವಿನ ದರದಲ್ಲಿ ಚಾರ್ಜ್ ಆಗುತ್ತಿದೆ ಮತ್ತು 35 ರಿಂದ 85 ಪ್ರತಿಶತದಲ್ಲಿ, ಇದು ಸುಮಾರು 48 ಕಿ.ವ್ಯಾಟ್‌ಗೆ ಇಳಿಯಿತು.

• ಇಲ್ಲಿಂದ, ಮುಂದಿನ 5 ಪ್ರತಿಶತಕ್ಕೆ ಅರ್ಧದಷ್ಟು ಚಾರ್ಜ್ ದರವನ್ನು ಕಡಿತಗೊಳಿಸಲಾಯಿತು ಮತ್ತು ನಂತರ ಅದು 20 ಕಿ.ವ್ಯಾಟ್‌ಗಿಂತ ಕಡಿಮೆಯಾಗಿ 90 ಪ್ರತಿಶತದವರೆಗೆ ಕುಸಿಯಿತು.

• ಕೊನೆಯ 5 ಪ್ರತಿಶತ ಅವಧಿಯಲ್ಲಿ, ಕರ್ವ್‌ ಇವಿಗೆ 8 ಕಿ.ವ್ಯಾಟ್‌ ಮತ್ತು 9 ಕಿ.ವ್ಯಾಟ್‌ ನಡುವಿನ  ಚಾರ್ಜಿಂಗ್‌ ಸಾಮರ್ಥ್ಯವನ್ನು ವಿಧಿಸಲಾಗುತ್ತಿದೆ.

ಬ್ಯಾಟರಿ ಪ್ಯಾಕ್‌ & ರೇಂಜ್‌

ಕರ್ವ್‌ ಇವಿಯನ್ನು ಎರಡು ಬ್ಯಾಟರಿ ಪ್ಯಾಕ್ ಆಯ್ಕೆಗಳೊಂದಿಗೆ ನೀಡಲಾಗುತ್ತದೆ, ಇವೆರಡೂ ಮುಂಭಾಗದ ಚಕ್ರಗಳಿಗೆ ಶಕ್ತಿಯನ್ನು ನೀಡುವ ಏಕೈಕ ಎಲೆಕ್ಟ್ರಿಕ್ ಮೋಟರ್‌ನೊಂದಿಗೆ ಜೋಡಿಯಾಗಿವೆ. ದೊಡ್ಡ ಬ್ಯಾಟರಿ ಪ್ಯಾಕ್ ಹೆಚ್ಚು ಶಕ್ತಿಯುತ ಮೋಟಾರ್ ಅನ್ನು ಪಡೆಯುತ್ತದೆ ಮತ್ತು ಇದು ಹೆಚ್ಚಿನ ಕ್ಲೈಮ್ ಮಾಡಲಾದ ರೇಂಜ್‌ ಅನ್ನು ಸಹ ನೀಡುತ್ತದೆ.

ಗಮನಿಸಿ: 

• ಇವಿಯನ್ನು ಚಾರ್ಜ್ ಮಾಡುವಾಗ, ಕ್ಲೈಮೇಟ್‌, ತಾಪಮಾನ ಮತ್ತು ಬ್ಯಾಟರಿ ಆರೋಗ್ಯ ಸೇರಿದಂತೆ ಹಲವು ಅಂಶಗಳು ಚಾರ್ಜಿಂಗ್ ಸಮಯದ ಮೇಲೆ ಪರಿಣಾಮ ಬೀರುತ್ತವೆ.

• ಬ್ಯಾಟರಿ ಪ್ಯಾಕ್ 80 ಪ್ರತಿಶತ ಚಾರ್ಜ್ ಅನ್ನು ತಲುಪಿದ ನಂತರ, ಅದು ಬಿಸಿಯಾಗಲು ಪ್ರಾರಂಭಿಸುತ್ತದೆ. ಬ್ಯಾಟರಿ ಹಾನಿಯಾಗದಂತೆ ತಡೆಯಲು, ಚಾರ್ಜಿಂಗ್ ವೇಗವನ್ನು ಕಡಿಮೆಗೊಳಿಸಲಾಗುತ್ತದೆ, ಇದು 80 ರಿಂದ 100 ಪ್ರತಿಶತದಷ್ಟು ದೀರ್ಘಾವಧಿಯ ಚಾರ್ಜಿಂಗ್ ಸಮಯವನ್ನು ನೀಡುತ್ತದೆ.

ಬೆಲೆ & ಪ್ರತಿಸ್ಪರ್ಧಿಗಳು

ಭಾರತದಾದ್ಯಂತ ಟಾಟಾ ಕರ್ವ್‌ ಇವಿಯ ಪರಿಚಯಾತ್ಮಕ, ಎಕ್ಸ್-ಶೋರೂಮ್ ಬೆಲೆಗಳು 17.49 ಲಕ್ಷ ರೂ.ನಿಂದ 21.99 ಲಕ್ಷ ರೂ.ವರೆಗೆ ಇದ್ದು, ಮತ್ತು ಇದು ಎಮ್‌ಜಿ ಜೆಡ್‌ಎಸ್‌ ಇವಿಗೆ ಪ್ರತಿಸ್ಪರ್ಧಿಯಾಗಿದೆ. ಇದನ್ನು ಟಾಟಾ ನೆಕ್ಸಾನ್ ಇವಿ ಮತ್ತು ಮಹೀಂದ್ರಾ ಎಕ್ಸ್‌ಯುವಿ400 ಗೆ ಹೆಚ್ಚು ಪ್ರೀಮಿಯಂ ಪರ್ಯಾಯವಾಗಿ ಪರಿಗಣಿಸಬಹುದು.

ಎಲ್ಲಾ ಇತ್ತೀಚಿನ ಆಟೋಮೋಟಿವ್ ಆಪ್‌ಡೇಟ್‌ಗಳಿಗಾಗಿ ಕಾರ್‌ದೇಖೋದ ವಾಟ್ಸ್ಆಪ್ ಚಾನಲ್ ಅನ್ನು ಫಾಲೋ ಮಾಡಿ

ಇನ್ನಷ್ಟು ಓದಿ: ಟಾಟಾ ಕರ್ವ್‌ ಇವಿ ಆಟೋಮ್ಯಾಟಿಕ್‌