ಈ 14 ಕ್ರೀಡಾಪಟುಗಳಿಗೆ Mahindra ಎಸ್‌ಯುವಿಗಳನ್ನು ಉಡುಗೊರೆಯಾಗಿ ನೀಡಿದ್ದ Anand Mahindra
ಮಹೀಂದ್ರ ಥಾರ್ ಗಾಗಿ shreyash ಮೂಲಕ ಫೆಬ್ರವಾರಿ 21, 2024 06:02 pm ರಂದು ಪ್ರಕಟಿಸಲಾಗಿದೆ
- 31 Views
- ಕಾಮೆಂಟ್‌ ಅನ್ನು ಬರೆಯಿರಿ
ಮಹೀಂದ್ರಾ XUV700 ನ ಕಸ್ಟಮೈಸ್ ಮಾಡಿದ ವರ್ಷನ್ ಗಳನ್ನು ಪಡೆದ ಕ್ರೀಡಾಪಟುಗಳ ಪಟ್ಟಿಯಲ್ಲಿ ಇಬ್ಬರು ಪ್ಯಾರಾಲಿಂಪಿಯನ್‌ಗಳು ಕೂಡ ಸೇರಿದ್ದಾರೆ.
ಮಹೀಂದ್ರಾ ಮತ್ತು ಮಹೀಂದ್ರಾ ಗುಂಪಿನ ಅಧ್ಯಕ್ಷರಾಗಿರುವ ಆನಂದ್ ಮಹೀಂದ್ರಾ ಅವರು ಜಾಗತಿಕ ಕ್ರೀಡಾಸ್ಪರ್ಧೆಗಳಲ್ಲಿ ಗಮನಾರ್ಹ ಸಾಧನೆ ಮಾಡಿದವರಿಗೆ ಅಥವಾ ದೇಶಕ್ಕೆ ಕೊಡುಗೆ ನೀಡಿದವರಿಗೆ SUVಗಳನ್ನು ನೀಡುತ್ತಿದ್ದಾರೆ. ಇದರಲ್ಲಿ ಕ್ರೀಡಾಪಟುಗಳು, ಒಲಿಂಪಿಯನ್‌ಗಳು ಮತ್ತು ಹಲವಾರು ಇತರ ಭಾರತೀಯ ಅಥ್ಲೀಟ್ ಗಳು ಸೇರಿದ್ದಾರೆ. ಇತ್ತೀಚೆಗೆ, ಆನಂದ್ ಮಹೀಂದ್ರಾ ಕ್ರಿಕೆಟಿಗ ಸರ್ಫರಾಜ್ ಖಾನ್ ಅವರ ತಂದೆಗೆ ಕೂಡ ಮಹೀಂದ್ರಾ ಥಾರ್ ಅನ್ನು ನೀಡಿದರು. ಇತ್ತೀಚಿನ ವರ್ಷಗಳಲ್ಲಿ ಆನಂದ್ ಮಹೀಂದ್ರಾ ಅವರಿಂದ ಉಡುಗೊರೆಗಳನ್ನು ಪಡೆದ ಕ್ರೀಡಾಪಟುಗಳ ಪಟ್ಟಿ ಇಲ್ಲಿದೆ.
ನೌಶಾದ್ ಖಾನ್ (ಸರ್ಫರಾಜ್ ಖಾನ್ ತಂದೆ) - ಮಹೀಂದ್ರ ಥಾರ್
ಸರ್ಫರಾಜ್ ಖಾನ್ ಇತ್ತೀಚೆಗೆ ಭಾರತ ಕ್ರಿಕೆಟ್ ತಂಡದ ಟೆಸ್ಟ್ ತಂಡಕ್ಕೆ ಪಾದಾರ್ಪಣೆ ಮಾಡಿದರು, ಮತ್ತು ಇಂಗ್ಲೆಂಡ್ ವಿರುದ್ಧದ ಎರಡೂ ಇನ್ನಿಂಗ್ಸ್‌ಗಳಲ್ಲಿ ಅರ್ಧಶತಕಗಳನ್ನು ದಾಖಲಿಸಿದರು. ಅವರ ತಂದೆ ನೌಶಾದ್ ಖಾನ್ ಅವರು ತಮ್ಮ ಮಗನ ಅದ್ಭುತ ಪ್ರದರ್ಶನವನ್ನು ವೀಕ್ಷಿಸಲು ಸ್ಟೇಡಿಯಂನಲ್ಲಿ ಹಾಜರಿದ್ದರು. ನೌಶಾದ್ ಖಾನ್ ಅವರು ಸರ್ಫರಾಜ್‌ನ ಕ್ರಿಕೆಟ್ ಪಯಣದುದ್ದಕ್ಕೂಗೆ ನಿರಂತರ ಸ್ಫೂರ್ತಿಯ ಸೆಲೆಯಾಗಿದ್ದಾರೆ. ಇದನ್ನು ಗುರುತಿಸಿದ ಆನಂದ್ ಮಹೀಂದ್ರಾ, ಇತ್ತೀಚೆಗೆ ಸರ್ಫರಾಜ್ ಖಾನ್ ತಂದೆಗೆ ಮಹೀಂದ್ರ ಥಾರ್ SUVಯನ್ನು ಉಡುಗೊರೆಯಾಗಿ ನೀಡುವುದಾಗಿ ಟ್ವೀಟ್ ಮಾಡಿದ್ದಾರೆ.
ನೀರಜ್ ಚೋಪ್ರಾ - ಮಹೀಂದ್ರ XUV700
2021 ರಲ್ಲಿ, ನೀರಜ್ ಚೋಪ್ರಾ ಅವರು ಟೋಕಿಯೊ ಒಲಿಂಪಿಕ್ಸ್‌ನಲ್ಲಿ 87.58 ಮೀಟರ್‌ಗಳಷ್ಟು ಉದ್ದ ಜಾವೆಲಿನ್ ಎಸೆಯುವ ರೆಕಾರ್ಡ್ ದಾಖಲೆಯನ್ನು ಸಾಧಿಸಿ ಭಾರತಕ್ಕೆ ಚಿನ್ನದ ಪದಕವನ್ನು ತಂದುಕೊಟ್ಟರು. ಅಥ್ಲೀಟ್‌ಗೆ ಕೃತಜ್ಞತೆ ಮತ್ತು ಗೌರವದ ಸೂಚಕವಾಗಿ, ಮಹೀಂದ್ರಾ ಅವರು ನೀರಜ್ ಚೋಪ್ರಾಗೆ ವಿಶೇಷವಾಗಿ ಕಸ್ಟಮೈಸ್ ಮಾಡಿದ ಮಹೀಂದ್ರಾ XUV700 ನ 'ಗೋಲ್ಡ್' ವರ್ಷನ್ ಅನ್ನು ನೀಡಿದರು. ಈ ವಿಶೇಷ XUVಯು ಸೂಕ್ಷ್ಮವಾದ ಗೋಲ್ಡನ್ ಅಕ್ಸೆನ್ಟ್ ನೊಂದಿಗೆ ಮಿಡ್ ನೈಟ್ ಬ್ಲೂ ಬಣ್ಣವನ್ನು ಮತ್ತು "87.58" ಬ್ಯಾಡ್ಜ್ ಅನ್ನು ಪ್ರದರ್ಶಿಸುವ ಸೈಡ್ ಫೆಂಡರ್ ಅನ್ನು ಹೊಂದಿದೆ, ಇದು ಚೋಪ್ರಾ ಅವರ ರೆಕಾರ್ಡ್ ಸಾಧಿಸಿದ ಜಾವೆಲಿನ್ ಎಸೆತದ ದೂರವನ್ನು ಸೂಚಿಸುತ್ತದೆ.
ಅವನಿ ಲೆಖರಾ - ಮಹೀಂದ್ರ XUV700
ಪ್ಯಾರಾಲಿಂಪಿಕ್ ಪದಕ ವಿಜೇತೆ ಅವನಿ ಲೆಖರಾ ಅವರಿಗೆ ಮಹೀಂದ್ರಾ XUV700 ನ ವಿಶೇಷವಾಗಿ ಕಸ್ಟಮೈಸ್ ಮಾಡಿದ 'ಗೋಲ್ಡ್' ವರ್ಷನ್ ಅನ್ನು ನೀಡಿ ಗೌರವಿಸಲಾಯಿತು. ಟೋಕಿಯೊ 2020 ಪ್ಯಾರಾಲಿಂಪಿಕ್ ಕ್ರೀಡಾಕೂಟದಲ್ಲಿ ಆಕೆ ಮಹಿಳೆಯರ 10 ಮೀ ಏರ್ ರೈಫಲ್ ಸ್ಪರ್ಧೆಯಲ್ಲಿ ಚಿನ್ನದ ಪದಕ ಮತ್ತು 50 ಮೀ ಏರ್ ರೈಫಲ್ ಸ್ಪರ್ಧೆಯಲ್ಲಿ ಕಂಚಿನ ಪದಕವನ್ನು ಪಡೆದರು, ಅವರ ಈ ಪ್ರದರ್ಶನವನ್ನು ಗೌರವಿಸಲು ಬಹುಮಾನವನ್ನು ನೀಡಲಾಯಿತು. ಕಸ್ಟಮೈಸ್ ಮಾಡಿದ XUV700, ಫಾರ್ವರ್ಡ್ ಮತ್ತು ರಿಟರ್ನ್ ಫಂಕ್ಷನಾಲಿಟಿಯ ವಿಶಿಷ್ಟವಾದ ಚಾಲಿತ ಸೀಟ್ ಅನ್ನು ಹೊಂದಿದೆ.
ಇದನ್ನು ಕೂಡ ಓದಿ: ಮಿತ್ಸುಬಿಷಿ ಮತ್ತೆ ಭಾರತದಲ್ಲಿ ಬರಲು ಸಿದ್ಧವಾಗಿದೆ, ಆದರೆ ನೀವು ಯೋಚಿಸುವ ರೀತಿಯಲ್ಲಿ ಅಲ್ಲ
ದೀಪಾ ಮಲಿಕ್ - ಮಹೀಂದ್ರ XUV700
ಮಹೀಂದ್ರಾ XUV700 ನ ವೀಲ್‌ಚೇರ್ ಆಕ್ಸೆಸ್ ಮಾಡಬಹುದಾದ ವರ್ಷನ್ ನ ಅಭಿವೃದ್ಧಿಯಲ್ಲಿ ದೀಪಾ ಮಲಿಕ್ ಪ್ರಮುಖ ಪಾತ್ರ ವಹಿಸಿದ್ದಾರೆ. SUV ಯ ಈ ಕಸ್ಟಮೈಸ್ ಮಾಡಿದ ವರ್ಷನ್ ಅನ್ನು ಅವನಿ ಲೆಖರಾಗೆ ನೀಡಿದ ನಂತರ, ದೀಪಾ ಮಲಿಕ್ ಅವರು ಕೂಡ ಆನಂದ್ ಮಹೀಂದ್ರಾ ಅವರಿಂದ ಮೆಚ್ಚುಗೆಯ ಸಂಕೇತವಾಗಿ ಮಹೀಂದ್ರಾ XUV700 ಅನ್ನು ಪಡೆದರು. SUV ಅನ್ನು ಉಪಯೋಗಿಸುವ ರೀತಿಯನ್ನು ಸುಧಾರಿಸಲು ಮತ್ತು ಅದನ್ನು ಸುಲಭವಾಗಿ ಓಡಿಸಲು ಅವರಿಗೆ ಅನುವು ಮಾಡಿಕೊಡಲು ಎಲೆಕ್ಟ್ರಾನಿಕ್ ಆಗಿ ಕಂಟ್ರೋಲ್ ಮಾಡಬಹುದಾದ ಸ್ವಿವೆಲಿಂಗ್ ಫ್ರಂಟ್ ಸೀಟ್ ಮತ್ತು ಇತರ ವರ್ಧನೆಗಳ ಇನ್ಸ್ಟಾಲೇಷನ್ ಸೇರಿದಂತೆ ಮಾಡಿಫಿಕೇಷನ್ ಗಳಿಗೆ ಒಳಗಾಯಿತು.
ಪಿವಿ ಸಿಂಧು ಮತ್ತು ಸಾಕ್ಷಿ ಮಲಿಕ್ - ಹಳೆ ಮಹೀಂದ್ರ ಥಾರ್
ಸಾಕ್ಷಿ ಮಲಿಕ್ ಮತ್ತು ಪಿವಿ ಸಿಂಧು ಅವರು 2016 ರ ರಿಯೊ ಒಲಿಂಪಿಕ್ಸ್‌ನಲ್ಲಿ ಕ್ರಮವಾಗಿ ಕಂಚು ಮತ್ತು ಬೆಳ್ಳಿ ಪದಕಗಳನ್ನು ಪಡೆಯುವ ಮೂಲಕ ಭಾರತಕ್ಕೆ ಹೆಮ್ಮೆ ತಂದರು. ಸಾಕ್ಷಿ ಕುಸ್ತಿಯ 58 ಕೆಜಿ ಫ್ರೀಸ್ಟೈಲ್ ವಿಭಾಗದಲ್ಲಿ ಸ್ಪರ್ಧಿಸಿ ಒಲಿಂಪಿಕ್ ಪದಕ ಗೆದ್ದ ಮೊದಲ ಭಾರತೀಯ ಮಹಿಳೆಯಾಗಿ ಇತಿಹಾಸ ನಿರ್ಮಿಸಿದರು. ಮತ್ತೊಂದೆಡೆ, ಪಿವಿ ಸಿಂಧು ಕೂಡ ಭಾರತಕ್ಕೆ ಬ್ಯಾಡ್ಮಿಂಟನ್‌ನಲ್ಲಿ ಒಲಿಂಪಿಕ್ ಪದಕವನ್ನು ಗೆದ್ದರು. ಅವರ ಅಭೂತಪೂರ್ವ ಸಾಧನೆಗಳ ಸಂಭ್ರಮಾಚರಣೆಯ ಭಾಗವಾಗಿ, ಇಬ್ಬರೂ ಕ್ರೀಡಾಪಟುಗಳಿಗೆ ಮಹೀಂದ್ರ ಥಾರ್ ನೀಡಿ ಗೌರವಿಸಲಾಯಿತು.
ಇದನ್ನು ಕೂಡ ಓದಿ: ಟಾಟಾ ನೆಕ್ಸಾನ್, ಕಿಯಾ ಸೋನೆಟ್ ಮತ್ತು ಹ್ಯುಂಡೈ ವೆನ್ಯೂ ಜೊತೆಗೆ ಮಾರುಕಟ್ಟೆಯಲ್ಲಿ ಸ್ಪರ್ದಿಸಲು ಸ್ಕೋಡಾ ತನ್ನ ಸಬ್-4m SUV ಮೇಲೆ ಕೆಲಸ ಮಾಡುತ್ತಿದೆ
ದ್ಯುತಿ ಚಂದ್ - ಮಹೀಂದ್ರ XUV500
ರಿಯೊ ಒಲಿಂಪಿಕ್ಸ್ 2016 ರಲ್ಲಿ ಮಹಿಳೆಯರ 100 ಮೀಟರ್ ಸ್ಪ್ರಿಂಟ್ ಸ್ಪರ್ಧೆಯಲ್ಲಿ ಸ್ಥಾನ ಪಡೆದ ಭಾರತೀಯ ಓಟಗಾರ್ತಿ ದ್ಯುತಿ ಚಂದ್ ಅವರಿಗೆ ಮಹೀಂದ್ರಾ XUV500 SUV ನೀಡಲಾಯಿತು. XUV500 ಮಹಿಂದ್ರ XUV700 ಗಿಂತ ಮುಂಚೆ ಬಂದ SUV ಆಗಿದ್ದು, ಆ ಸಮಯದಲ್ಲಿ ಬ್ರ್ಯಾಂಡ್‌ನ ಅತ್ಯಂತ ಜನಪ್ರಿಯ ಮಾಡೆಲ್ ಗಳಲ್ಲಿ ಒಂದಾಗಿದೆ.
ಶ್ರೀಕಾಂತ್ ಕಿಡಂಬಿ - ಮಹೀಂದ್ರ TUV300
ಆಸ್ಟ್ರೇಲಿಯನ್ ಓಪನ್ ಸೂಪರ್ ಸಿರೀಸ್ 2017 ಗೆದ್ದ ಬ್ಯಾಡ್ಮಿಂಟನ್ ಆಟಗಾರ ಶ್ರೀಕಾಂತ್ ಕಿಡಂಬಿ ಅವರಿಗೆ ಮಹೀಂದ್ರಾ TUV300 SUV ಅನ್ನು ಉಡುಗೊರೆಯಾಗಿ ನೀಡಲಾಗಿತ್ತು. ಶ್ರೀಕಾಂತ್ ಕಿಡಂಬಿ ಚೀನಾದ ಎದುರಾಳಿ ಚೆನ್ ಲಾಂಗ್ ಅವರನ್ನು ಸೋಲಿಸಿ ಸೂಪರ್ ಸಿರೀಸ್ ಗೆದ್ದರು.
ಆರು ಕ್ರಿಕೆಟಿಗರು ಕೂಡ ಮಹೀಂದ್ರ ಥಾರ್ ಪಡೆದಿದ್ದಾರೆ
2021ರಲ್ಲಿ ಭಾರತ ಕ್ರಿಕೆಟ್ ತಂಡ ಆಸ್ಟ್ರೇಲಿಯಾ ವಿರುದ್ಧ ಗಬ್ಬಾ ಸರಣಿಯನ್ನು ಗೆದ್ದಿತ್ತು. ಭಾರತ ತಂಡಕ್ಕೆ ಪಾದಾರ್ಪಣೆ ಮಾಡಿದ ಆರು ಕ್ರಿಕೆಟಿಗರಿಗೆ ಸರಣಿಯಲ್ಲಿ ಅವರು ನೀಡಿದ ಕೊಡುಗೆಗೆ ಮೆಚ್ಚುಗೆಯ ಸಂಕೇತವಾಗಿ ಮಹೀಂದ್ರ ಥಾರ್‌ಗಳನ್ನು ಉಡುಗೊರೆಯಾಗಿ ನೀಡಲಾಯಿತು. ಮೊಹಮ್ಮದ್ ಸಿರಾಜ್, ಟಿ ನಟರಾಜನ್, ಶುಭಮನ್ ಗಿಲ್, ವಾಷಿಂಗ್ಟನ್ ಸುಂದರ್, ಶಾರ್ದೂಲ್ ಠಾಕೂರ್ ಮತ್ತು ನವದೀಪ್ ಸೈನಿ SUV ಗಳನ್ನು ಸ್ವೀಕರಿಸಿದ್ದಾರೆ.
ಇನ್ನಷ್ಟು ಓದಿ: ಥಾರ್ ಆಟೋಮ್ಯಾಟಿಕ್
