Maruti Wagon Rನ ಎಲ್ಲಾ ವೇರಿಯೆಂಟ್‌ಗಳಲ್ಲಿ ಈಗ 6 ಏರ್‌ಬ್ಯಾಗ್‌ಗಳು ಲಭ್ಯ

ಇದು ಈಗ ಆರು ಏರ್‌ಬ್ಯಾಗ್‌ಗಳನ್ನು ಪ್ರಮಾಣಿತವಾಗಿ ಹೊಂದಿರುವ ಸೆಲೆರಿಯೊ ಮತ್ತು ಆಲ್ಟೊ K10 ಸಾಲಿಗೆ ಸೇರುತ್ತದೆ, ಮಾರುತಿಯ ಹ್ಯಾಚ್‌ಬ್ಯಾಕ್ ಪಟ್ಟಿಯಲ್ಲಿರುವ S ಪ್ರೆಸ್ಸೊ ಮತ್ತು ಇಗ್ನಿಸ್‌ಗಳನ್ನು ಡ್ಯುಯಲ್ ಏರ್‌ಬ್ಯಾಗ್‌ಗಳೊಂದಿಗೆ ನೀಡುತ್ತದೆ

• ಮಾರುತಿ ವ್ಯಾಗನ್ ಆರ್ ಈಗ ಎಲ್ಲಾ ವೇರಿಯೆಂಟ್‌ಗಳಲ್ಲಿ 6 ಏರ್‌ಬ್ಯಾಗ್‌ಗಳನ್ನು ಹೊಂದಿದೆ.

• ಇತರ ಸುರಕ್ಷತಾ ಫೀಚರ್‌ಗಳಲ್ಲಿ ಇಬಿಡಿಯೊಂದಿಗೆ ಎಬಿಎಸ್‌, ಎಲೆಕ್ಟ್ರಾನಿಕ್ ಸ್ಟೇಬಿಲಿಟಿ ಕಂಟ್ರೋಲ್‌ ಮತ್ತು ಹಿಲ್ ಹೋಲ್ಡ್ ಅಸಿಸ್ಟ್ ಸೇರಿವೆ.

• ಯಾವುದೇ ಯಾಂತ್ರಿಕ ಬದಲಾವಣೆಗಳಿಲ್ಲ, 1.2-ಲೀಟರ್ ಪೆಟ್ರೋಲ್ ಎಂಜಿನ್ ಜೊತೆಗೆ ಅದೇ 1-ಲೀಟರ್ ನ್ಯಾಚುರಲಿ ಆಸ್ಪಿರೇಟೆಡ್‌ ಪೆಟ್ರೋಲ್‌ ಎಂಜಿನ್‌ನೊಂದಿಗೆ ಮುಂದುವರಿಯುತ್ತದೆ.

• ಸ್ವಲ್ಪ ಕಡಿಮೆ ಔಟ್‌ಪುಟ್‌ನೊಂದಿಗೆ ಒಪ್ಶನಲ್‌ ಸಿಎನ್‌ಜಿ ಕಿಟ್ ಅನ್ನು ಸಹ ಪಡೆಯುತ್ತದೆ.

• ಬೆಲೆಗಳು 5.64 ಲಕ್ಷ ರೂ.ಗಳಿಂದ 7.47 ಲಕ್ಷ ರೂ.ಗಳವರೆಗೆ (ಎಕ್ಸ್ ಶೋ ರೂಂ, ಪ್ಯಾನ್-ಇಂಡಿಯಾ) ಇದೆ.

ಭಾರತದ ಜನಸಾಮಾನ್ಯರ ನೆಚ್ಚಿನ ಹ್ಯಾಚ್‌ಬ್ಯಾಕ್ ಮಾರುತಿ ವ್ಯಾಗನ್ ಆರ್, ಡ್ಯುಯಲ್ ಫ್ರಂಟ್ ಏರ್‌ಬ್ಯಾಗ್‌ಗಳೊಂದಿಗೆ ಹಿಂದಿನ ಸೆಟಪ್‌ನಿಂದ ಈಗ 6 ಏರ್‌ಬ್ಯಾಗ್‌ಗಳನ್ನು ಪ್ರಮಾಣಿತವಾಗಿ ಆಪ್‌ಡೇಟ್‌ ಮಾಡಲಾಗಿದೆ. ಆಪ್‌ಡೇಟ್‌ ಮಾಡಿದ ವ್ಯಾಗನ್ ಆರ್ ನ ಹೊಸ ಬೆಲೆ ಪಟ್ಟಿಯನ್ನು ಇನ್ನೂ ಹಂಚಿಕೊಳ್ಳಲಾಗಿಲ್ಲವಾದರೂ, ಹಿಂದಿನ ಬೆಲೆಗಿಂತ ಸ್ವಲ್ಪ ಹೆಚ್ಚಳವನ್ನು ನೀವು ನಿರೀಕ್ಷಿಸಬಹುದು. ಹಾಗೆಯೇ, ಎಲ್ಲಾ ವೇರಿಯೆಂಟ್‌ಗಳ ಹಳೆಯ ಬೆಲೆಗಳು ಇಲ್ಲಿವೆ:

*ಎಲ್ಲಾ ಬೆಲೆಗಳು ಭಾರತಾದ್ಯಂತದ ಎಕ್ಸ್-ಶೋರೂಂ ಇವೆ.

ಏನಿದೆ ಹೊಸತು ?

ವ್ಯಾಗನ್ ಆರ್ ಗೆ ಬೇರೆ ಯಾವುದೇ ಗಮನಾರ್ಹ ಆಪ್‌ಡೇಟ್‌ಗಳಿಯೇ ಎಂಬುವುದನ್ನು ಮಾರುತಿ ಇನ್ನೂ ದೃಢೀಕರಿಸಿಲ್ಲ, ಆದರೆ, ಅದರ ಸುರಕ್ಷತಾ ಸೂಟ್‌ನಲ್ಲಿನ ಪ್ರಮುಖ ಬದಲಾವಣೆಯೆಂದರೆ ಅದು ಈಗ ಎಲ್ಲಾ ವೇರಿಯೆಂಟ್‌ಗಳಿಗೆ ಆರು ಏರ್‌ಬ್ಯಾಗ್‌ಗಳನ್ನು ಹೊಂದಿದೆ. ಇದು ಈಗ ಸೆಲೆರಿಯೊ, ಆಲ್ಟೊ ಕೆ10, ಇಕೊ ಮತ್ತು ಗ್ರ್ಯಾಂಡ್ ವಿಟಾರಾಗಳ ಸಾಲಿಗೆ ಸೇರಿಕೊಂಡಿದ್ದು, ಎಲ್ಲಾ ವೇರಿಯೆಂಟ್‌ಗಳಲ್ಲಿ ಈ ಅಗತ್ಯ ಸುರಕ್ಷತಾ ಪೀಚರ್‌ಅನ್ನು ಪ್ರಮಾಣಿತವಾಗಿ ನೀಡಲಾಗಿದೆ. 

ಹೆಚ್ಚುವರಿ ಏರ್‌ಬ್ಯಾಗ್‌ಗಳನ್ನು ಸೀಟುಗಳು (ಸೈಡ್ ಏರ್‌ಬ್ಯಾಗ್‌ಗಳು) ಮತ್ತು ಬಿ-ಪಿಲ್ಲರ್ (ಕರ್ಟನ್ ಏರ್‌ಬ್ಯಾಗ್‌ಗಳು) ಮೇಲೆ ಕಾಣಬಹುದು.

ಇತರ ಫೀಚರ್‌ಗಳು ಮತ್ತು ಸುರಕ್ಷತಾ ತಂತ್ರಜ್ಞಾನ

ಮಾರುತಿ ವ್ಯಾಗನ್ ಆರ್ 7 ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್, ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್‌ಪ್ಲೇ, 4-ಸ್ಪೀಕರ್ ಸೌಂಡ್ ಸಿಸ್ಟಮ್, ಸ್ಟೀರಿಂಗ್-ಮೌಂಟೆಡ್ ಕಂಟ್ರೋಲ್‌ಗಳು, ಮ್ಯಾನುವಲ್ ಎಸಿ, ವಿದ್ಯುತ್ ಹೊಂದಾಣಿಕೆ ಮಾಡಬಹುದಾದ ಔಟ್‌ಸೈಡ್‌ ರಿಯರ್‌ ವ್ಯೂ ಮಿರರ್ (ORVM), ರಿಮೋಟ್ ಕೀಲೆಸ್ ಎಂಟ್ರಿ ಮತ್ತು ರಿಯರ್ ವೈಪರ್ ಮತ್ತು ವಾಷರ್‌ನಂತಹ ಇತರ ಸೌಕರ್ಯ ಮತ್ತು ಅನುಕೂಲತೆಯ ಫೀಚರ್‌ಗಳನ್ನು ಹೊಂದಿದೆ.

ವ್ಯಾಗನ್ ಆರ್ ನಲ್ಲಿರುವ ಇತರ ಸುರಕ್ಷತಾ ಫಿಚರ್‌ಗಳಲ್ಲಿ ಇಬಿಡಿ ಹೊಂದಿರುವ ಎಬಿಎಸ್, ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್ (ಇಎಸ್ಸಿ), ಸೆಂಟ್ರಲ್ ಲಾಕಿಂಗ್, ರಿಯರ್ ಪಾರ್ಕಿಂಗ್ ಸೆನ್ಸರ್‌ಗಳು ಮತ್ತು ಹಿಲ್ ಹೋಲ್ಡ್ ಅಸಿಸ್ಟ್ ಸೇರಿವೆ.

ಪವರ್‌ಟ್ರೈನ್‌

ಮಾರುತಿ ವ್ಯಾಗನ್ ಆರ್ ಮೂರು ಪವರ್‌ಟ್ರೇನ್ ಆಯ್ಕೆಗಳನ್ನು ಪಡೆಯುತ್ತದೆ, ಇದರಲ್ಲಿ ಒಪ್ಶನಲ್‌ ಸಿಎನ್‌ಜಿ ಕಿಟ್ ಸೇರಿದೆ. ವಿವರಗಳು ಈ ಕೆಳಗಿನಂತಿವೆ:

*MT - ಮ್ಯಾನುವಲ್ ಟ್ರಾನ್ಸ್‌ಮಿಷನ್, AMT- ಆಟೋಮೇಟೆಡ್ ಮ್ಯಾನುವಲ್ ಟ್ರಾನ್ಸ್ಮಿಷನ್

ಪ್ರತಿಸ್ಪರ್ಧಿಗಳು

ಮಾರುತಿ ವ್ಯಾಗನ್ ಆರ್ ತನ್ನ ಸಹೋದರ ಹ್ಯಾಚ್‌ಬ್ಯಾಕ್, ಮಾರುತಿ ಸೆಲೆರಿಯೊ ಮತ್ತು ಟಾಟಾ ಟಿಯಾಗೊದಂತಹ ಇತರ ಕಾರುಗಳು ಮತ್ತು ಸಿಟ್ರೊಯೆನ್ ಸಿ3 ಕ್ರಾಸ್-ಹ್ಯಾಚ್‌ಬ್ಯಾಕ್‌ಗಳೊಂದಿಗೆ ಸ್ಪರ್ಧಿಸುತ್ತದೆ. ಟಾಟಾ ಟಿಯಾಗೊ ಹೊರತುಪಡಿಸಿ, ಅದರ ಇತರ ಎರಡು ಪ್ರತಿಸ್ಪರ್ಧಿ ಕಾರುಗಳು ಆರು ಏರ್‌ಬ್ಯಾಗ್‌ಗಳನ್ನು ಹೊಂದಿವೆ.

ಆಟೋಮೋಟಿವ್ ಜಗತ್ತಿನಿಂದ ತ್ವರಿತ ಆಪ್‌ಡೇಟ್‌ಗಳನ್ನು ಪಡೆಯಲು ಕಾರ್‌ದೇಖೋದ ವಾಟ್ಸಾಪ್ ಚಾನೆಲ್ ಅನ್ನು ಫಾಲೋ ಮಾಡಲು ಮಿಸ್‌ ಮಾಡ್ಬೇಡಿ