ಪುನಃ 2024ರ Kia Sonetನ ಟೀಸರ್ ಬಿಡುಗಡೆ, ಡಿಸೆಂಬರ್ 14 ರಂದು ಮಾರುಕಟ್ಟೆಗೆ ಲಗ್ಗೆ
ಕಿಯಾ ಸೊನೆಟ್ ಗಾಗಿ rohit ಮೂಲಕ ಡಿಸೆಂಬರ್ 13, 2023 05:31 pm ರಂದು ಪ್ರಕಟಿಸಲಾಗಿದೆ
- 45 Views
- ಕಾಮೆಂಟ್‌ ಅನ್ನು ಬರೆಯಿರಿ
ಈ ಹೊಸ ಟೀಸರ್ 360-ಡಿಗ್ರಿ ಕ್ಯಾಮರಾ, ಮತ್ತು ಸಂಪರ್ಕಿತ ಎಲ್‌ಇಡಿ ಟೈಲ್‌ಲೈಟ್‌ಗಳನ್ನು ಹೊಂದಿದೆ
- ಸೊನೆಟ್ ಸದ್ಯದಲ್ಲೇ ತನ್ನ ಕೂಲಂಕಷ ಪರೀಕ್ಷೆಯನ್ನು ಪಡೆಯಲಿದೆ.
- ಇದು ಪರಿಷ್ಕೃತ ಗ್ರಿಲ್ ಮತ್ತು ಉದ್ದವಾದ ಫಾಂಗ್-ಆಕಾರದ ಎಲ್‌ಇಡಿ ಡಿಆರ್‌ಎಲ್‌ಗಳನ್ನು ಹೊಂದಿದೆ ಎಂಬುದು ಟೀಸರ್‌ನಿಂದ ತಿಳಿದುಬಂದಿದೆ.
- ಕ್ಯಾಬಿನ್ ಬದಲಾವಣೆಗಳು ನವೀನ ಮೇಲ್ಗವಸು ಮತ್ತು ಕ್ಲೈಮೆಟ್ ಕಂಟ್ರೋಲ್ ಪ್ಯಾನಲ್‌ಗಳನ್ನು ಹೊಂದಿದೆ.
- ಇದು ಎರಡು 10.25-ಇಂಚಿನ ಡಿಸ್‌ಪ್ಲೇಗಳು, ಸನ್‌ರೂಫ್, ಆರು ಏರ್‌ಬ್ಯಾಗ್‌ಗಳು (ಪ್ರಮಾಣಿತವಾಗಿ), ಮತ್ತು ADAS ಅನ್ನು ಒಳಗೊಂಡಿದೆ.
- ನಿರ್ಗಮಿತ ಮಾದರಿಯ ಪವರ್‌ಟ್ರೇನ್ ಆಯ್ಕೆಗಳೊಂದಿಗೆ ಮುಂದುವರಿಯಲು; ಡಿಸೇಲ್- MT ಕಾಂಬೋವನ್ನು ಇದು ಪಡೆಯಲಿದೆ.
- 2024 ರ ಆರಂಭದಲ್ಲಿ ಬಿಡುಗಡೆಯಾಗುವ ನಿರೀಕ್ಷೆಯಿದೆ; ಬೆಲೆಗಳು ರೂ 8 ಲಕ್ಷದಿಂದ (ಎಕ್ಸ್-ಶೋರೂಮ್) ಪ್ರಾರಂಭವಾಗಬಹುದು.
ಈ ನವೀಕೃತ ಕಿಯಾ ಸೊನೆಟ್ ಡಿಸೆಂಬರ್ 14 ರಂದು ಬಿಡುಗಡೆಯಾಗಲಿದೆ. ಆದರೆ ಅದಕ್ಕೂ ಮುಂಚಿತವಾಗಿ ಕಾರು ತಯಾರಕರು ಇದರ ಒಂದೆರಡು ಟೀಸರ್‌ಗಳನ್ನು ಬಿಡುಗಡೆ ಮಾಡಿದ್ದಾರೆ. ಕಿಯಾ ಈಗ ಮತ್ತೊಂದು ಟೀಸರ್ ಬಿಡುಗಡೆ ಮಾಡಿದ್ದು, ಇದು ನಮಗೆ ಈ ಎಸ್‌ಯುವಿಯ ಹೊಸ ನೋಟವನ್ನು ನೀಡುತ್ತದೆ (ಸ್ಕೆಚ್‌ಗಳಲ್ಲಿಯೂ ತೋರಿಸಲಾಗಿದೆ).
ಏನನ್ನು ಗಮನಿಸಬಹುದು?
ಟೀಸರ್‌ನಲ್ಲಿ, ನಾವು ಪರಿಷ್ಕೃತ ಮಲ್ಟಿ-ರಿಫ್ಲೆಕ್ಟರ್ ಎಲ್‌ಇಡಿ ಹೆಡ್‌ಲೈಟ್‌ಗಳು ಮತ್ತು ಉದ್ದವಾದ ಫಾಂಗ್-ಆಕಾರದ ಎಲ್‌ಇಡಿ ಡಿಆರ್‌ಎಲ್‌ಗಳನ್ನು ಗಮನಿಸಬಹುದು. ಮುಂಭಾಗದ ಕ್ಯಾಮರಾ ಮತ್ತು ಪಾರ್ಕಿಂಗ್ ಸೆನ್ಸಾರ್‌ನೊಂದಿಗೆ ಟ್ವೀಕ್ ಮಾಡಲಾದ ಬಂಪರ್ ಹಾಗೂ ಮರುವಿನ್ಯಾಸಗೊಳಿಸಲಾದ ಗ್ರಿಲ್ ಅನ್ನು ಸಹ ನೋಡಬಹುದು. ಇದು ಹೊಸ ಸಂಪರ್ಕಿತ ಎಲ್‌ಇಡಿ ಟೈಲ್ ಲ್ಯಾಂಪ್ ಸೆಟಪ್ ಅನ್ನು ಹೊಂದಿರುವ ಎಸ್‌ಯುವಿಯ ನವೀಕೃತ ಹಿಂಭಾಗವನ್ನು ಸಹ ನಮಗೆ ತೋರಿಸುತ್ತದೆ.
ನಿರೀಕ್ಷಿತ ಕ್ಯಾಬಿನ್ ಮತ್ತು ಫೀಚರ್ ಅಪ್‌ಡೇಟ್‌ಗಳು
ಇತ್ತೀಚಿನ ಟೀಸರ್ 2024 ಕಿಯಾ ಸೊನೆಟ್‌ನ ಇಂಟೀರಿಯರ್ ಅನ್ನು ತೋರಿಸದಿದ್ದರೂ, ಹಿಂದಿನ ಸ್ಪೈ ಶಾಟ್‌ಗಳು ಮತ್ತು ಟೀಸರ್‌ಗಳು ರಿಫ್ರೆಶ್‌ಗೊಂಡಿರುವ ಮೇಲ್ಗವಸು ಮತ್ತು ಕ್ಲೈಮೆಟ್ ಕಂಟ್ರೋಲ್ ಪ್ಯಾನಲ್ ಹೊಂದಿರುವ ಸಾಧ್ಯತೆಯ ಬಗ್ಗೆ ಈಗಾಗಲೇ ಸುಳಿವು ನೀಡಿವೆ.
ಮುಂಚಿನ ಟೀಸರ್‌ನಿಂದ 10.25-ಇಂಚಿನ ಟಚ್‌ಸ್ಕ್ರೀನ್ ಸಿಸ್ಟಮ್ ಇದರಲ್ಲಿರುವುದು ದೃಢವಾಗಿದ್ದು, ಹೊಸ ಸೊನೆಟ್, ಸೆಲ್ಟೋಸ್ ಮತ್ತು 360-ಡಿಗ್ರಿ ಕ್ಯಾಮರಾದಂತೆಯೇ ಅದೇ 10.25-ಇಂಚಿನ ಡಿಜಿಟಲ್ ಡ್ರೈವರ್ ಡಿಸ್‌ಪ್ಲೇ ಅನ್ನು ಪಡೆಯಲಿದೆ. ಇದು ಸನ್‌ರೂಫ್, ವೆಂಟಿಲೇಟೆಡ್ ಫ್ರಂಟ್ ಸೀಟುಗಳು, ವೈರ್‌ಲೆಸ್ ಫೋನ್ ಚಾರ್ಜಿಂಗ್ ಮತ್ತು ಕ್ರೂಸ್ ಕಂಟ್ರೋಲ್ ಅನ್ನು ಪಡೆಯುತ್ತದೆ.
ಸುರಕ್ಷತಾ ದೃಷ್ಟಿಯಿಂದ ಸುಧಾರಿತ ಚಾಲಕ ಸಹಾಯ ವ್ಯವಸ್ಥೆ (ADAS) ಯನ್ನು ಇದರಲ್ಲಿ ಒದಗಿಸಲಾಗಿದೆ, ಇವುಗಳ ಕುರಿತು ಹೆಚ್ಚಿನ ವಿವರಗಳು ನಮ್ಮ ‘ಹೊಸ ಸೊನೆಟ್‌ನ ADAS ಫೀಚರ್‌ಗಳ ವಿವರಣೆ’ ಯಲ್ಲಿ ನೀಡಲಾಗಿದೆ. ಇತರ ಸುರಕ್ಷತಾ ತಂತ್ರಜ್ಞಾನಗಳೆಂದರೆ ಆರು ಏರ್‌ಬ್ಯಾಗ್‌ಗಳು (ಪ್ರಮಾಣಿತವಾಗಿ), ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್ (ESC), ISOFIX ಚೈಲ್ಡ್ ಸೀಟ್ ಮೌಂಟ್‌ಗಳು, ಮತ್ತು ಹಿಲ್ ಹೋಲ್ಡ್ ಅಸಿಸ್ಟ್ ಅನ್ನು ಸಹ ಇದರಲ್ಲಿ ಒದಗಿಸಲಾಗಿದೆ.
ಇದನ್ನೂ ಓದಿ: ಕ್ಯಾಲೆಂಡರ್ ವರ್ಷದ ಕೊನೆಯಲ್ಲಿ ಹೊಸ ಕಾರು ಖರೀದಿಯ ಅನುಕೂಲಗಳು ಮತ್ತು ಅನಾನುಕೂಲಗಳು
ಪವರ್‌ಟ್ರೇನ್ ಕುರಿತು
ಹೊಸ ಸೊನೆಟ್ ಅನ್ನು ಮೊದಲಿನಂತೆ ಪೆಟ್ರೋಲ್ ಮತ್ತು ಡಿಸೇಲ್ ಪವರ್‌ಟ್ರೇನ್ ಆಯ್ಕೆಗಳೊಂದಿಗೆ ನೀಡಲಾಗುವುದು. ಆದಾಗ್ಯೂ, ನವೀಕರಣದೊಂದಿಗೆ, ಕಿಯಾ ಡಿಸೇಲ್-MT ಕಾಂಬೋವನ್ನು ಮರಳಿ ತರಲಿದೆ.
| ವಿವರಣೆ |
1.2-ಲೀಟರ್ N.A. ಪೆಟ್ರೋಲ್ |
1-ಲೀಟರ್ ಟರ್ಬೋ-ಪೆಟ್ರೋಲ್ |
1.5-ಲೀಟರ್ ಡಿಸೇಲ್ |
| ಪವರ್ |
83 PS |
120 PS |
116 PS |
| ಟ ಟಾರ್ಕ್ |
115 Nm |
172 Nm |
250 Nm |
| ಟ್ರಾನ್ಸ್‌ಮಿಷನ್ |
5-ಸ್ಪೀಡ್ MT |
6-ಸ್ಪೀಡ್ iMT, 7-ಸ್ಪೀಡ್ DCT |
6-ಸ್ಪೀಡ್ MT (ಹೊಸ), 6-ಸ್ಪೀಡ್ iMT, 6-ಸ್ಪೀಡ್ AT |
ನಿರೀಕ್ಷಿತ ಬಿಡುಗಡೆ ಮತ್ತು ಬೆಲೆ
ನವೀಕೃತ ಕಿಯಾ ಸೊನೆಟ್ 2024 ರ ಆರಂಭದಲ್ಲಿ ಬಿಡುಗಡೆಯಾಗುವ ನಿರೀಕ್ಷೆಯಿದ್ದು ಇದರ ಬೆಲೆಯು ರೂ 8 ಲಕ್ಷದಿಂದ (ಎಕ್ಸ್-ಶೋರೂಮ್) ಪ್ರಾರಂಭವಾಗುವ ಸಾಧ್ಯತೆಯಿದೆ. ಇದು ಟಾಟಾ ನೆಕ್ಸಾನ್, ಮಾರುತಿ ಬ್ರೆಝಾ, ಹ್ಯುಂಡೈ ವೆನ್ಯು, ಮಹಿಂದ್ರಾ XUV300, ರೆನಾಲ್ಟ್ ಕೈಗರ್, ಮತ್ತು ನಿಸಾನ್ ಮ್ಯಾಗ್ನೈಟ್‌ಗೆ ಪ್ರತಿಸ್ಪರ್ಧಿಯಾಗಲಿದೆ.
ಇನ್ನಷ್ಟು ಇಲ್ಲಿ ಓದಿ : ಸೊನೆಟ್ ಆಟೋಮ್ಯಾಟಿಕ್
