ಹ್ಯುಂಡೈ ಎಕ್ಸ್‌ಟರ್ Vs ಟಾಟಾ ಪಂಚ್, ಸಿಟ್ರಾನ್ C3 ಮತ್ತು ಇತರೆ: ಬೆಲೆ ಹೋಲಿಕೆ

ಈ ಹ್ಯುಂಡೈ ಎಕ್ಸ್‌ಟರ್ ಮೈಕ್ರೋ SUV ಆಕರ್ಷಕ ಫೀಚರ್‌ಗಳ ಪಟ್ಟಿ ಮತ್ತು ಸ್ಪರ್ಧಾತ್ಮಕ ಬೆಲೆಗಳೊಂದಿಗೆ ಆಗಮಿಸುತ್ತಿದೆ

ಹ್ಯುಂಡೈ ಎಕ್ಸ್‌ಟರ್ ಈ ಐದು ವಿಶಾಲ ವೇರಿಯೆಂಟ್‌ಗಳಲ್ಲಿ ಲಭ್ಯವಿದೆ: EX, S, SX, SX (O) ಮತ್ತು SX (O) ಕನೆಕ್ಟ್. ಈ ಮೈಕ್ರೋ SUV ಗೆ ನೇರ ಪ್ರತಿಸ್ಪರ್ಧಿಗಳೆಂದರೆ, ಟಾಟಾ ಪಂಚ್, ಸಿಟ್ರಾನ್ C3 ಮತ್ತು ಮಾರುತಿ ಇಗ್ನಿಸ್. ಆ ಪ್ರತಿಸ್ಪರ್ಧಿಗಳಂತೆಯೇ, ಎಕ್ಸ್‌ಟರ್‌ನ ಬೆಲೆಗಳು ಮತ್ತು ಫೀಚರ್‌ಗಳ ಪಟ್ಟಿಯು ರೆನಾಲ್ಟ್ ಕೈಗರ್ ಮತ್ತು ನಿಸ್ಸಾನ್ ಮ್ಯಾಗ್ನೈಟ್ ಸಬ್‌ಕಾಂಪ್ಯಾಕ್ಟ್ SUVಗಳ ಕೆಲವು ವೇರಿಯೆಂಟ್‌ಗಳಿಗೆ ಪೈಪೋಟಿ ನೀಡುವಂತೆ ಇದೆ.

ಕೆಳಗೆ ನೀಡಿರುವ ವಿವರಣೆಯಲ್ಲಿ, ತನ್ನ ಪ್ರತಿಸ್ಪರ್ಧಿಗಳಿಗೆ ಹೋಲಿಸಿದಾಗ ಇದರ ವೇರಿಯೆಂಟ್‌ವಾರು ಬೆಲೆಗಳು ಹೇಗಿವೆ ಎಂಬುದನ್ನು ನೋಡೋಣ:

ಪೆಟ್ರೋಲ್-ಮ್ಯಾನುವಲ್

•  ಎಕ್ಸ್‌ಟರ್‌ನ ಆರಂಭಿಕ ಬೆಲೆಯು ಅದರ ಅತ್ಯಂತ ಹತ್ತಿರದ ಪ್ರತಿಸ್ಪರ್ಧಿ ಟಾಟಾ ಪಂಚ್‌ನಷ್ಟೆ ಎಂದರೆ ರೂ 6 ಲಕ್ಷದಷ್ಟು ಇದೆ, ಆದಾಗ್ಯೂ ಮಾರುತಿ ಇಗ್ನಿಸ್ ಇವುಗಳಿಗಿಂತ ಸುಮಾರು ರೂ 16,000ದಷ್ಟು ಅಗ್ಗವಿದೆ. 

•  ಮ್ಯಾಗ್ನೈಟ್ ಬೆಲೆಗಳು ಎಕ್ಸ್‌ಟರ್‌ಗೆ ಸಮಾನವಾಗಿ ಪ್ರಾರಂಭವಾಗುತ್ತವೆ, ಇದೇವೇಳೆ ಸಿಟ್ರಾನ್ C3 ರೂ16,000ದಷ್ಟು ದುಬಾರಿ. 

•  ಆದರೆ ರೆನಾಲ್ಟ್ ಮತ್ತು ನಿಸ್ಸಾನ್ SUVಗಳಲ್ಲಿನ ಲಾಭವೆಂದರೆ, ಇಲ್ಲಿ ಇತರ ಎಲ್ಲಾ ಮಾಡೆಲ್‌ಗಳು1.2 ಲೀಟರ್ ಸ್ವಾಭಾವಿಕವಾಗಿ ಚೂಷಿಸಲ್ಪಡುವ ಪೆಟ್ರೋಲ್ ಇಂಜಿನ್ ಮತ್ತು ಇದರೊಂದಿಗೆ 5-ಸ್ಪೀಡ್ MT ಅನ್ನು ಪಡೆಯುತ್ತದೆ.

•  ಈ ರೆನಾಲ್ಟ್-ನಿಸ್ಸಾನ್ ಅವಳಿಯು 1-ಲೀಟರ್ ಸ್ವಾಭಾವಿಕವಾಗಿ ಚೂಷಿಸಲ್ಪಡುವ ಪೆಟ್ರೋಲ್ ಯೂನಿಟ್ ಮತ್ತು 5-ಸ್ಪೀಡ್ MTಯೊಂದಿಗೆ ಬರುತ್ತದೆ. ಅಲ್ಲದೇ ಅದೇ ರೀತಿಯ ಮ್ಯಾನುವಲ್ ಗೇರ್‌ಬಾಕ್ಸ್‌ನೊಂದಿಗೆ 1-ಲೀಟರ್ ಟರ್ಬೋ ಪೆಟ್ರೋಲ್ ಯೂನಿಟ್ ಅನ್ನು ಇದರಲ್ಲಿ ನೀಡಲಾಗಿದೆ.

•  ಸಿಟ್ರಾನ್ C3 ಐಚ್ಛಿಕ 6-ಸ್ಪೀಡ್ MT ಜೊತೆಗೆ 1.2-ಲೀಟರ್ ಟರ್ಬೋ-ಪೆಟ್ರೋಲ್ ಇಂಜಿನ್  ಅನ್ನು ಹೊಂದಿರುವ ಏಕೈಕ ಕಾರ್.

•  ಇಲ್ಲಿ ಲಾಟ್‌ನಲ್ಲಿ (ಪಂಚ್ CNG ಬರುವ ತನಕ) CNG  ಪವರ್‌ಟ್ರೇನ್ ಅನ್ನು ನೀಡುವ ಏಕೈಕ ಕಾರು ಹ್ಯುಂಡೈ ಎಕ್ಸ್‌ಟರ್ ಆಗಿದೆ.

•  ಟಾಪ್ ಸ್ಪೆಕ್ ಎಕ್ಸ್‌ಟರ್ ಟಾಪ್ ಸ್ಪೆಕ್ ಪಂಚ್‌ನಿಂದ ರೂ 50,000ದಷ್ಟು ದುಬಾರಿಯಾಗಿದೆ ಆದರೆ ಸನ್‌ರೂಫ್ ಮತ್ತು ಎರಡು-ಕ್ಯಾಮರಾ ಡ್ಯಾಶ್‌ಕ್ಯಾಮ್ ಮುಂತಾದ ಹೆಚ್ಚುವರಿ ಫೀಚರ್‌ಗಳನ್ನು ನೀಡುತ್ತದೆ.

•  ನಿಸ್ಸಾನ್ ಮ್ಯಾಗ್ನೈಟ್‌ನ ಪ್ರವೇಶ ಹಂತದ ಟರ್ಬೋ ವೇರಿಯೆಂಟ್ ಟಾಪ್‌-ಸ್ಪೆಕ್ ಎಕ್ಸ್‌ಟರ್‌ಗಿಂತ ಹೆಚ್ಚು ಕೈಗೆಟುಕುವಂತೆ ಇದೆ, ಅದೇ ರೀತಿ ಕೈಗರ್‌ನಂತೆ ತನ್ನ ದೊಡ್ಡ ಗಾತ್ರದಿಂದಾಗಿ ಹೆಚ್ಚು ಸ್ಥಳಾವಕಾಶವನ್ನು ಪಡೆದಿದೆ. ಆದರೆ ನೀವು ಕಾರ್ಯಕ್ಷಮತೆಗೆ ಪ್ರಾಮುಖ್ಯತೆ ನೀಡುವವರಾದರೆ, ಇದರ ಬದಲಿಗೆ ನೀವು ಟಾಪ್ ಸ್ಪೆಕ್ C3 ಟರ್ಬೋ ಪೆಟ್ರೋಲ್ ಆಯ್ಕೆಯನ್ನು ಪರಿಗಣಿಸಬಹುದು.

•  ಇದರಲ್ಲಿ ll ಮಾಡೆಲ್‌ಗಳಲ್ಲಿ ಐಚ್ಛಿಕ ಡ್ಯುಯಲ್-ಟೋನ್ ಪೈಂಟ್ ಆಯ್ಕೆಯನ್ನು ಪಡೆಯಬಹುದು, ಆದರೆ ಇದು ಟಾಪ್-ಸ್ಪೆಕ್ ವೇರಿಯೆಂಟ್‌ಗಳಿಗೆ ಮಾತ್ರ ಸೀಮಿತವಾಗಿದೆ. ಅಲ್ಲದೇ ಟಾಟಾ ಪಂಚ್ ಕ್ಯಾಮೋ ಆವೃತ್ತಿಯಲ್ಲೂ ಬರುತ್ತಿದ್ದು, ಇದರಲ್ಲಿ ವಿಶಿಷ್ಟ ಎಕ್ಸ್‌ಟೀರಿಯರ್ ಫಿನಿಷ್ ಹೊಂದಿರುವ ಅನೇಕ ವೇರಿಯೆಂಟ್‌ಗಳು ಕಡಿಮೆ ಬೆಲೆಯಲ್ಲಿ ಬರುತ್ತವೆ.

 ಸಂಬಂಧಿತ: ಹ್ಯುಂಡೈ ಎಕ್ಸ್‌ಟರ್‌ ಅನ್ನು ನೀವು 9 ವಿವಿಧ ಶೇಡ್‌ಗಳಲ್ಲಿ ಖರೀದಿಸಬಹುದು

ಪೆಟ್ರೋಲ್-ಆಟೋ

•  ಎಕ್ಸ್‌ಟರ್‌ನ ಪ್ರವೇಶ-ಹಂತದ ಆಟೋಮ್ಯಾಟಿಕ್ ವೇರಿಯೆಂಟ್ ಪಂಚ್‌ಗಿಂತ ದುಬಾರಿಯಾಗಿದ್ದು, ಮಾರುತಿ ಇಗ್ನಿಸ್‌ನ ಪ್ರವೇಶ-ಹಂತದ ಆಟೋಮ್ಯಾಟಿಕ್ ಸುಮಾರು ಒಂದು ಲಕ್ಷ ರೂಪಾಯಿಗಳಷ್ಟು ಅಗ್ಗವಾಗಿದೆ. ನಿಸ್ಸಾನ್ ಮ್ಯಾಗ್ನೈಟ್ ರೂ 10 ಲಕ್ಷಕ್ಕೆ, ಅತ್ಯಂತ ದುಬಾರಿ ಪ್ರವೇಶ-ಹಂತದ ಆಟೋಮ್ಯಾಟಿಕ್ ಆಯ್ಕೆಯಾಗಿದೆ. 

•  ಆದಾಗ್ಯೂ ಎಕ್ಸ್‌ಟರ್ ಮತ್ತು ಪಂಚ್‌ನ AMT ವೇರಿಯೇಂಟ್‌ಗಳ ಬೆಲೆಗಳು ಪರಸ್ಪರ ಸನಿಹದಲ್ಲಿದ್ದು, ಪಂಚ್‌ನ ಬೆಲೆ ತುಲನಾತ್ಮಕವಾಗಿ ಕೈಗೆಟುಕುವಂತಿದೆ.

•  ರೆನಾಲ್ಟ್ ಕೈಗರ್‌ ತನ್ನ 1-ಲೀಟರ್ ಪೆಟ್ರೋಲ್ ಇಂಜಿನ್‌ನಲ್ಲಿ ಹೊಂದಿರುವಂತೆಯೇ, ಎಕ್ಸ್‌ಟರ್, ಪಂಚ್ ಮತ್ತು ಇಗ್ನಿಸ್ ಎಲ್ಲವೂ 5-ಸ್ಪೀಡ್ ಆಟೋಮ್ಯಾಟಿಕ್ ಅನ್ನು ನೀಡುತ್ತವೆ. C3ಯಲ್ಲಿ ಸಿಟ್ರಾನ್ ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್ ಅನ್ನು ನೀಡುವುದಿಲ್ಲ, ಹಾಗೆಯೇ ನಿಸ್ಸಾನ್‌, ಮ್ಯಾಗ್ನೈಟ್‌ನ 1-ಲೀಟರ್ ಇಂಜಿನ್‌ನೊಂದಿಗೂ ಇದನ್ನು ನೀಡುವುದಿಲ್ಲ. ರೆನಾಲ್ಟ್-ನಿಸ್ಸಾನ್ SUVಗಳ ಟರ್ಬೋ-ಪೆಟ್ರೋಲ್ ಇಂಜಿನ್‌ಗಳು CVT ಆಟೋ ಆಯ್ಕೆಯನ್ನು ಹೊಂದಿದೆ.

•  AMT ಮಾಡೆಲ್‌ಗಳನ್ನು ಪರಿಗಣಿಸುವಾಗ ಹ್ಯುಂಡೈ ಎಕ್ಸ್‌ಟರ್‌ನ ಟಾಪ್ ಸ್ಪೆಕ್ SX (O) ಕನೆಕ್ಟ್ AMT ಈ ಲಾಟ್‌ನಲ್ಲಿ ಅತ್ಯಂತ ದುಬಾರಿಯಾಗಿದೆ (ರೂ 10 ಲಕ್ಷ). ಅಲ್ಲದೇ ಪ್ಯಾಡಲ್ ಶಿಫ್ಟರ್‌ಗಳು ಮತ್ತು  ಈ ಮೊದಲು ಸೂಚಿಸಿದ ಸನ್‌ರೂಫ್ ಹಾಗೂ ಡ್ಯಾಶ್‌ಕ್ಯಾಮ್ ಮುಂತಾದ ಫೀಚರ್‌ಗಳನ್ನು ನೀಡುವ ತನ್ನ ನೇರ ಪ್ರತಿಸ್ಪರ್ಧಿಗಳಲ್ಲಿ ಇದು ಕೂಡಾ ಒಂದು.

 ಒಟ್ಟಾರೆಯಾಗಿ, ಉತ್ತಮವಾಗಿ ಸಜ್ಜುಗೊಂಡ ಎಕ್ಸ್‌ಟರ್ ಪಂಚ್‌ಗಿಂತ ದುಬಾರಿಯಾಗಿದ್ದು ಪ್ರತಿ ಹೋಲಿಕೆಯಲ್ಲೂ ಹಳೆಯ ಇಗ್ನಿಸ್ ಅತ್ಯಂತ ಕೈಗೆಟುಕುವ ಆಯ್ಕೆಯಾಗಿದೆ. ಸಿಟ್ರನ್ C3 ಈ ಮೂರರಂತೆ ಉತ್ತಮವಾಗಿ ಸಜ್ಜುಗೊಂಡಿಲ್ಲವಾದರೂ, ದೊಡ್ಡದಾದ ಕ್ಯಾಬಿನ್ ಮತ್ತು ಪಂಚಿ ಟರ್ಬೋ-ಪೆಟ್ರೋಲ್ ಇಂಜಿನ್ ಅನ್ನೂ ನೀಡುತ್ತದೆ. ಇದೇವೇಳೆ, ರೆನಾಲ್ಟ್ ಕೈಗರ್ ಮತ್ತು ನಿಸ್ಸಾನ್ ಮ್ಯಾಗ್ನೈಟ್ ಸಬ್‌ಕಾಂಪ್ಯಾಕ್ಟ್ SUVಗಳು ಒಟ್ಟಾರೆಯಾಗಿ ಟಾಪ್ ಎಂಡ್‌ಗಳಲ್ಲಿ ತಮ್ಮ ಬೃಹತ್ ಗಾತ್ರ ಮತ್ತು ಹೆಚ್ಚು ಫೀಚರ್‌ಗಳಿಂದಾಗಿ ದುಬಾರಿಯಾಗಿವೆ.

ಎಲ್ಲಾ ಬೆಲೆಗಳು ಎಕ್ಸ್-ಶೋರೂಂ ದೆಹಲಿ ಪ್ರಕಾರ

 ಇದನ್ನೂ ಓದಿ: ಇಲ್ಲಿದೆ ಹ್ಯುಂಡೈ ಎಕ್ಸ್‌ಟನ್‌ನ ಇಂಧನ ದಕ್ಷತೆಯ ವಿವರ

 ಇನ್ನಷ್ಟು ಓದಿ : ಎಕ್ಸ್‌ಟರ್ AMT