ಭಾರತದಲ್ಲಿ Toyota Taisor ಬಿಡುಗಡೆ, ಬೆಲೆಗಳು 7.74 ಲಕ್ಷ ರೂ.ನಿಂದ ಪ್ರಾರಂಭ

ಅರ್ಬನ್ ಕ್ರೂಸರ್ ಟೈಸರ್ ಅನ್ನು ಐದು ಆವೃತ್ತಿಗಳಲ್ಲಿ ನೀಡಲಾಗುತ್ತಿದೆ, ಮಾರುತಿ ಫ್ರಾಂಕ್ಸ್‌ಗಿಂತ ಎಕ್ಸ್‌ಟಿರಿಯರ್‌ನಲ್ಲಿ ವಿನ್ಯಾಸ ಬದಲಾವಣೆಗಳನ್ನು ಪಡೆಯುತ್ತದೆ

• ಇದು ಮಾರುತಿ ಫ್ರಾಂಕ್ಸ್ ಅನ್ನು ಆಧರಿಸಿದೆ ಮತ್ತು ಮಾರುತಿ ಮತ್ತು ಟೊಯೋಟಾ ನಡುವಿನ ಆರನೇ ಶೇರ್‌ಡ್‌ ಪ್ರಾಡಕ್ಟ್‌ ಆಗಿದೆ. 
• ಫ್ರಾಂಕ್ಸ್‌ಗಿಂತ ವಿಭಿನ್ನ ವಿನ್ಯಾಸದ ಗ್ರಿಲ್, ಮುಂಭಾಗ ಮತ್ತು ಹಿಂಭಾಗದಲ್ಲಿ ಎಲ್ಇಡಿ ಲೈಟಿಂಗ್ ಮತ್ತು  ಅಯಾಯ್‌ ವೀಲ್‌ಗಳನ್ನು ಪಡೆಯುತ್ತದೆ.
• ಫ್ರಾಂಕ್ಸ್‌ನಂತೆಯೇ ಅದೇ ಕ್ಯಾಬಿನ್ ಅನ್ನು ಹೊಂದಿದೆ, ಕಪ್ಪು ಮತ್ತು ಮರೂನ್ ಥೀಮ್‌ನ ಒಳಭಾಗವನ್ನು ಸಹ ಹೊಂದಿದೆ.
• 9-ಇಂಚಿನ ಟಚ್‌ಸ್ಕ್ರೀನ್, 360-ಡಿಗ್ರಿ ಕ್ಯಾಮೆರಾ ಮತ್ತು ಆರು ಏರ್‌ಬ್ಯಾಗ್‌ಗಳನ್ನು ಒಳಗೊಂಡಂತೆ ಅದೇ ರೀತಿಯ ವೈಶಿಷ್ಟ್ಯಗಳೊಂದಿಗೆ ಬರುತ್ತದೆ.
• ಟೊಯೋಟಾ ಇದನ್ನು ಫ್ರಾಂಕ್ಸ್‌ನಂತೆಯೇ ಅದೇ 1.2-ಲೀಟರ್ ನ್ಯಾಚುರಲಿ ಎಸ್ಪಿರೇಟೆಡ್‌ ಮತ್ತು 1-ಲೀಟರ್ ಟರ್ಬೊ-ಪೆಟ್ರೋಲ್ ಎಂಜಿನ್‌ಗಳೊಂದಿಗೆ ನೀಡುತ್ತಿದೆ.
• ಭಾರತದಾದ್ಯಂತ ಅರ್ಬನ್ ಕ್ರೂಸರ್ ಟೈಸರ್‌ನ ಪರಿಚಯಾತ್ಮಕ ಎಕ್ಸ್ ಶೋರೂಂ ಬೆಲೆಗಳು 7.74 ಲಕ್ಷ ರೂ.ನಿಂದ 13.04 ಲಕ್ಷ ರೂ.ವರೆಗೆ ಇರಲಿದೆ.

ಟೊಯೊಟಾ ಅರ್ಬನ್ ಕ್ರೂಸರ್ ಟೈಸರ್ ಅನ್ನು ಭಾರತದಲ್ಲಿ ಬಿಡುಗಡೆ ಮಾಡಲಾಗಿದೆ. ಇದು ಮೂಲಭೂತವಾಗಿ ಟೊಯೋಟಾದಿಂದ ಮಾರುತಿ ಫ್ರಾಂಕ್ಸ್‌ನ ಮರುಬ್ಯಾಡ್ಜ್ ಮಾಡಿದ ಆವೃತ್ತಿಯಾಗಿದೆ ಮತ್ತು ಇದು ಕಾರು ತಯಾರಕರಿಂದ ಸಬ್‌-4ಮೀ ಎಸ್‌ಯುವಿ ವಿಭಾಗಕ್ಕೆ ಮರು-ಪ್ರವೇಶವನ್ನು ಸೂಚಿಸುತ್ತದೆ. ಟೊಯೋಟಾ ಇದನ್ನು ಐದು ವಿಶಾಲವಾದ ಆವೃತ್ತಿಗಳಲ್ಲಿ ನೀಡುತ್ತಿದೆ. ಇದರ ಬುಕಿಂಗ್‌ಗಳು ಈಗ ರೂ 11,000 ಕ್ಕೆ ತೆರೆದಿವೆ, ಆದರೆ ಅದರ ಡೆಲಿವರಿಗಳು 2024ರ ಮೇ ತಿಂಗಳಿನಿಂದ ಪ್ರಾರಂಭವಾಗುತ್ತದೆ.

ವೇರಿಯಂಟ್-ವಾರು ಬೆಲೆಗಳು

ಎಲ್ಲಾ ಬೆಲೆಗಳು ಎಕ್ಸ್ ಶೋರೂಂ ಬೆಲೆಗಳು

ಟಾಪ್-ಎಂಡ್‌ V ಆವೃತ್ತಿಯು ಡ್ಯುಯಲ್-ಟೋನ್ ಫಿನಿಶ್‌ನೊಂದಿಗೆ 16,000 ರೂ.ನಷ್ಟು ಹೆಚ್ಚುವರಿ ಬೆಲೆಯಲ್ಲಿ ಲಭ್ಯವಿದೆ.

ಹೊರಭಾಗದ ವಿವರಗಳು

ಟೈಸರ್ ಫ್ರಾಂಕ್ಸ್‌ನಂತೆಯೇ ಅದೇ ಬಾಡಿ ರಚನೆಯನ್ನು ಹೊಂದಿದ್ದರೂ, ಟೊಯೊಟಾ ಅದನ್ನು ಮೂಲ ವಾಹನದಿಂದ ಪ್ರತ್ಯೇಕಿಸಲು ವಿಶಿಷ್ಟವಾದ ಸ್ಟೈಲಿಂಗ್ ಅಂಶಗಳನ್ನು ನೀಡಿದೆ. ಈ ಪರಿಷ್ಕರಣೆಗಳು ಗ್ರಿಲ್, ಟ್ವೀಕ್ ಮಾಡಲಾದ ಬಂಪರ್‌ಗಳು ಮತ್ತು ನವೀಕರಿಸಿದ ಎಲ್‌ಇಡಿ ಡಿಆರ್‌ಎಲ್‌ಗಳು ಮತ್ತು ಟೈಲ್‌ಲೈಟ್‌ಗಳ ಹೊಸ ವಿನ್ಯಾಸ ಮತ್ತು ವಿಭಿನ್ನ ಶೈಲಿಯ 16-ಇಂಚಿನ ಅಲಾಯ್‌ ವೀಲ್‌ಗಳನ್ನು ಒಳಗೊಂಡಿವೆ.

• ಭಾರತದಲ್ಲಿ ಮುಂಬರುವ ಕಾರುಗಳು

• ಆರ್‌ಟಿಓ ದಾಖಲೆಗಳನ್ನು ಪರಿಶೀಲಿಸಿ

ಫ್ರೆಶ್ ಕ್ಯಾಬಿನ್

ಟೈಸರ್ ತನ್ನ ಸ್ಟೀರಿಂಗ್ ವೀಲ್‌ನಲ್ಲಿ ಹೆಚ್ಚು ಪ್ರಮುಖವಾಗಿರುವ ಟೊಯೊಟಾ ಬ್ಯಾಡ್ಜಿಂಗ್ ಅನ್ನು ಹೊರತುಪಡಿಸಿ ಮಾರುತಿ ಫ್ರಾಂಕ್ಸ್‌ನಂತೆಯೇ ಅದೇ ಕ್ಯಾಬಿನ್ ಮತ್ತು ಡ್ಯಾಶ್‌ಬೋರ್ಡ್ ವಿನ್ಯಾಸವನ್ನು ಹೊಂದಿದೆ. ಇದು ಫ್ರಾಂಕ್ಸ್‌ನಂತೆ ಒಂದೇ ರೀತಿಯ ಕಪ್ಪು ಮತ್ತು ಮರೂನ್ ಕ್ಯಾಬಿನ್ ಥೀಮ್ ಅನ್ನು ಸಹ ಹೊಂದಿದೆ.

ಆಫರ್‌ನಲ್ಲಿರುವ ವೈಶಿಷ್ಟ್ಯಗಳು

9-ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್, ಆಟೋ ಎಸಿ, ವೈರ್‌ಲೆಸ್ ಫೋನ್ ಚಾರ್ಜಿಂಗ್, ಕ್ರೂಸ್ ಕಂಟ್ರೋಲ್ ಮತ್ತು ಹೆಡ್ಸ್-ಅಪ್ ಡಿಸ್‌ಪ್ಲೇ ಸೇರಿದಂತೆ ಫ್ರಾಂಕ್ಸ್‌ನ ಅದೇ ರೀತಿಯ ವೈಶಿಷ್ಟ್ಯಗಳೊಂದಿಗೆ ಟೊಯೋಟಾ ತನ್ನ ಟೈಸರ್ ಅನ್ನು ಸಜ್ಜುಗೊಳಿಸಿದೆ. 

ಇದರ ಸುರಕ್ಷತಾ ಕಿಟ್ ಆರು ಏರ್‌ಬ್ಯಾಗ್‌ಗಳು, ಹಿಲ್-ಹೋಲ್ಡ್ ಅಸಿಸ್ಟ್, ರಿಯರ್ ಪಾರ್ಕಿಂಗ್ ಸೆನ್ಸಾರ್‌ಗಳ, ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್ (ESC), ಮತ್ತು 360-ಡಿಗ್ರಿ ಕ್ಯಾಮೆರಾವನ್ನು ಒಳಗೊಂಡಿದೆ.

ಇದನ್ನು ಸಹ ಓದಿ: ಟೊಯೋಟಾ ಇನ್ನೋವಾ ಹೈಕ್ರಾಸ್‌ ಟಾಪ್‌ ಮೊಡೆಲ್‌ಗಳ ಬೆಲೆಗಳಲ್ಲಿ ಹೆಚ್ಚಳ, ಮತ್ತೆ ಬುಕಿಂಗ್‌ಗಳು ಓಪನ್‌ 

ಪವರ್‌ಟ್ರೇನ್‌ ವಿವರಗಳು

ಟೊಯೋಟಾ ತನ್ನ ಟೈಸರ್‌ಗಾಗಿ ಫ್ರಾಂಕ್ಸ್‌ನಂತೆಯೇ ಅದೇ ಪವರ್‌ಟ್ರೇನ್‌ಗಳನ್ನು ಬಳಸುತ್ತಿದೆ, ಅವುಗಳು ಈ ಕೆಳಗಿನಂತಿವೆ:

ಇದು ಯಾರೊಂದಿಗೆ ಸ್ಪರ್ಧಿಸುತ್ತದೆ?

ಟೊಯೊಟಾ ಅರ್ಬನ್ ಕ್ರೂಸರ್ ಟೈಸರ್ ಮಾರುಕಟ್ಟೆಯಲ್ಲಿ ಕಿಯಾ ಸೋನೆಟ್, ಟಾಟಾ ನೆಕ್ಸಾನ್, ಮಾರುತಿ ಬ್ರೆಝಾ, ಹ್ಯುಂಡೈ ವೆನ್ಯೂ ಮತ್ತು ಮುಂಬರುವ ಫೇಸ್‌ಲಿಫ್ಟೆಡ್ ಮಹೀಂದ್ರಾ ಎಕ್ಸ್‌ಯುವಿ300 ನಂತಹ ಸಬ್-4m ಎಸ್‌ಯುವಿಗಳಿಗೆ ಕ್ರಾಸ್ಒವರ್ ಪರ್ಯಾಯವಾಗಿರುವ ಮಾರುತಿ ಫ್ರಾಂಕ್ಸ್‌ನ ವಿರುದ್ಧ ಸ್ಪರ್ಧಿಸಲಿದೆ.