ಜನವರಿ 29ರ ಬಿಡುಗಡೆಗೆ ಮುನ್ನವೇ ಡೀಲರ್‌ಶಿಪ್‌ಗಳಿಗೆ ತಲುಪಿರುವ Citroen C3 Aircross Automatic

ಕೆಲವು ಸಿಟ್ರೊನ್ ಡೀಲರ್‌ಶಿಪ್‌ಗಳು ಈಗಾಗಲೇ C3 ಏರ್‌ಕ್ರಾಸ್ ಆಟೋಮ್ಯಾಟಿಕ್ ಬುಕಿಂಗ್‌ಗಳನ್ನು (ಅನಧಿಕೃತವಾಗಿ) ಸ್ವೀಕರಿಸುತ್ತಿವೆ

• ಸಿಟ್ರೊನ್ C3 ಏರ್‌ಕ್ರಾಸ್ 6-ಸ್ಪೀಡ್ ಟಾರ್ಕ್ ಕನ್ವರ್ಟರ್ ಆಟೋಮ್ಯಾಟಿಕ್ ಆಯ್ಕೆಯನ್ನು ಪಡೆಯುತ್ತದೆ.
• ಇದನ್ನು SUV ಯ ಈಗಾಗಲೇ ಇರುವ 110 PS 1.2-ಲೀಟರ್ ಟರ್ಬೊ-ಪೆಟ್ರೋಲ್ ಎಂಜಿನ್‌ಗೆ ಜೋಡಿಸಲಾಗುವುದು.
• ಫೀಚರ್ ಗಳ ಪಟ್ಟಿಗೆ ಯಾವುದೇ ಬದಲಾವಣೆಗಳನ್ನು ನಿರೀಕ್ಷಿಸಲಾಗಿಲ್ಲ
• ಆಟೋಮ್ಯಾಟಿಕ್ ವೇರಿಯಂಟ್ ಗಳು ಮ್ಯಾನ್ಯುವಲ್ ಟ್ರಾನ್ಸ್‌ಮಿಷನ್ ವೇರಿಯಂಟ್ ಗೆ ಹೋಲಿಸಿದರೆ ರೂ 1.3 ಲಕ್ಷದವರೆಗೆ ಪ್ರೀಮಿಯಂ ಅನ್ನು ಪಡೆಯಬಹುದು.

ಸಿಟ್ರೊನ್ C3 ಏರ್‌ಕ್ರಾಸ್ ಈ ತಿಂಗಳ ಅಂತ್ಯದ ವೇಳೆಗೆ ಆಟೋಮ್ಯಾಟಿಕ್ ಟ್ರಾನ್ಸ್ಮಿಷನ್ (AT) ರೂಪದಲ್ಲಿ ಅಪ್ಡೇಟ್ ಅನ್ನು ಪಡೆಯಲಿದೆ. ಜನವರಿ 29 ರಂದು ಅದರ ಅಧಿಕೃತ ಬಿಡುಗಡೆಗೆ ಮುಂಚಿತವಾಗಿ, ಸಿಟ್ರೊನ್ C3 ಆಟೋಮ್ಯಾಟಿಕ್‌ನ ಆಟೋಮ್ಯಾಟಿಕ್‌ ವೇರಿಯಂಟ್ ಗಳು ಡೀಲರ್‌ಶಿಪ್‌ಗಳನ್ನು ತಲುಪಿವೆ. ಭಾರತದಾದ್ಯಂತ ಹಲವಾರು ಸಿಟ್ರೊನ್ ಡೀಲರ್‌ಶಿಪ್‌ಗಳು ಈಗಾಗಲೇ C3 ಏರ್‌ಕ್ರಾಸ್ ಆಟೋಮ್ಯಾಟಿಕ್ ಗಾಗಿ ಆಫ್‌ಲೈನ್ ಬುಕಿಂಗ್‌ಗಳನ್ನು ಸ್ವೀಕರಿಸಲು ಶುರುಮಾಡಿವೆ.

ಮೇಲಿನ ಚಿತ್ರದಲ್ಲಿ ತೋರಿಸಿದಂತೆ, ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್ ಲಿವರ್ ಇರುವುದನ್ನು ಹೊರತುಪಡಿಸಿ ಸಿಟ್ರೊನ್ C3 ಏರ್‌ಕ್ರಾಸ್‌ನ AT ವೇರಿಯಂಟ್ ಗಳ ಕ್ಯಾಬಿನ್ ಡಿಸೈನ್ ಅದರ ಮ್ಯಾನ್ಯುವಲ್ ಟ್ರಾನ್ಸ್‌ಮಿಷನ್ ವೇರಿಯಂಟ್ ಗೆ ಹೋಲುತ್ತದೆ. C3 ಏರ್‌ಕ್ರಾಸ್‌ನ ಆಟೋಮ್ಯಾಟಿಕ್ ವರ್ಷನ್ 6-ಸ್ಪೀಡ್ ಟಾರ್ಕ್ ಕನ್ವರ್ಟರ್ ಯೂನಿಟ್ ಆಗಿದ್ದು, ಅದನ್ನು 1.2-ಲೀಟರ್ ಟರ್ಬೊ-ಪೆಟ್ರೋಲ್ ಎಂಜಿನ್‌ಗೆ (110 PS / 190 Nm) ಜೋಡಿಸಲಾಗಿದೆ. ಪ್ರಸ್ತುತ, ಸಿಟ್ರೊನ್ C3 ಏರ್‌ಕ್ರಾಸ್ ಅನ್ನು 6-ಸ್ಪೀಡ್ ಮ್ಯಾನುವಲ್ ಟ್ರಾನ್ಸ್‌ಮಿಷನ್‌ನೊಂದಿಗೆ ಮಾತ್ರ ನೀಡಲಾಗುತ್ತದೆ.

ಇದನ್ನು ಕೂಡ ಓದಿ: ಗ್ರಾಹಕರು ಇಂದಿನಿಂದ ಟಾಟಾ ಪಂಚ್ EV ಯ ಡೆಲಿವರಿಯನ್ನು ತೆಗೆದುಕೊಳ್ಳಲು ಪ್ರಾರಂಭಿಸಬಹುದು

• ಡೋರ್‌ಸ್ಟೆಪ್ ಕಾರ್ ಸರ್ವಿಸ್

• ಕನೆಕ್ಟೆಡ್ ಕಾರ್ ಸಬ್‌ಸ್ಕ್ರಿಪ್‌ಶನ್

ಫೀಚರ್ ಗಳಲ್ಲಿ ಯಾವುದೇ ಬದಲಾವಣೆಗಳಿಲ್ಲ

ಆಟೋಮ್ಯಾಟಿಕ್ ಟ್ರಾನ್ಸ್ಮಿಷನ್ ಅನ್ನು ಹೊರತುಪಡಿಸಿ C3 ಏರ್‌ಕ್ರಾಸ್‌ನಲ್ಲಿ ಯಾವುದೇ ಫೀಚರ್ ಬದಲಾವಣೆಗಳನ್ನು ನಿರೀಕ್ಷಿಸಲಾಗಿಲ್ಲ. SUVಯು ವೈರ್‌ಲೆಸ್ ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್ ಪ್ಲೇ ಜೊತೆಗೆ 10.2-ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್, 7-ಇಂಚಿನ ಡಿಜಿಟಲ್ ಡ್ರೈವರ್ ಡಿಸ್‌ಪ್ಲೇ, ಸ್ಟೀರಿಂಗ್-ಮೌಂಟೆಡ್ ಆಡಿಯೊ ಕಂಟ್ರೋಲ್ ಗಳು ಮತ್ತು ಮೂರನೇ ಸಾಲಿನ ಸೀಟುಗಳಿಗೆ ಮೀಸಲಾದ ವೆಂಟ್ ನೊಂದಿಗೆ ಮ್ಯಾನುಯಲ್ AC ಅನ್ನು ಹೊಂದಿದೆ.

C3 ಏರ್‌ಕ್ರಾಸ್‌ನಲ್ಲಿನ ಸುರಕ್ಷತಾ ಫೀಚರ್ ಗಳಲ್ಲಿ ಡ್ಯುಯಲ್ ಫ್ರಂಟ್ ಏರ್‌ಬ್ಯಾಗ್‌ಗಳು, ಹಿಲ್-ಹೋಲ್ಡ್ ಅಸಿಸ್ಟ್, ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್ (ESC), ರಿಯರ್ ವ್ಯೂ ಕ್ಯಾಮೆರಾ ಮತ್ತು ಟೈರ್ ಪ್ರೆಶರ್ ಮಾನಿಟರಿಂಗ್ ಸಿಸ್ಟಮ್ (TPMS) ಅನ್ನು ಒಳಗೊಂಡಿದೆ.

ನಿರೀಕ್ಷಿಸಲಾಗಿರುವ ಬೆಲೆ ಮತ್ತು ಪ್ರತಿಸ್ಪರ್ಧಿಗಳು

ಸಿಟ್ರೊನ್ C3 ಏರ್‌ಕ್ರಾಸ್‌ನ ಆಟೋಮ್ಯಾಟಿಕ್ ವೇರಿಯಂಟ್ ಗಳು ಅವುಗಳ ಮ್ಯಾನುವಲ್ ವೇರಿಯಂಟ್ ಗಳಿಗೆ ಹೋಲಿಸಿದರೆ ಸರಿಸುಮಾರು ರೂ 1.3 ಲಕ್ಷದ ಪ್ರೀಮಿಯಂನಲ್ಲಿ ಬರುವ ನಿರೀಕ್ಷೆಯಿದೆ. ಪ್ರಸ್ತುತ, ಇದರ ಬೆಲೆ ರೂ 9.99 ಲಕ್ಷ ಮತ್ತು ರೂ 12.75 ಲಕ್ಷದ ನಡುವೆ ಇದೆ (ಎಕ್ಸ್ ಶೋರೂಂ ದೆಹಲಿ). ಇದು ಹೋಂಡಾ ಎಲಿವೇಟ್, ಹುಂಡೈ ಕ್ರೆಟಾ, ಕಿಯಾ ಸೆಲ್ಟೋಸ್, ಮಾರುತಿ ಗ್ರ್ಯಾಂಡ್ ವಿಟಾರಾ, ಫಾಕ್ಸ್ ವ್ಯಾಗನ್ ಟೈಗುನ್, ಸ್ಕೋಡಾ ಕುಶಾಕ್ ಮತ್ತು MG ಆಸ್ಟರ್‌ಗೆ ಪ್ರತಿಸ್ಪರ್ಧಿಯಾಗಿ ಮಾರುಕಟ್ಟೆಗೆ ಬರಲಿದೆ.

ಇನ್ನಷ್ಟು ಓದಿ: ಸಿಟ್ರೊನ್ C3 ಏರ್‌ಕ್ರಾಸ್‌ ಆನ್ ರೋಡ್ ಬೆಲೆ