Citroen Basalt ಪರೀಕ್ಷಾ ಆವೃತ್ತಿ ರಸ್ತೆಯಲ್ಲಿ ಪ್ರತ್ಯಕ್ಷ, ಈ ಬಾರಿ ಏನನ್ನು ಗಮನಿಸಿದ್ದೇವೆ ?
published on ಏಪ್ರಿಲ್ 16, 2024 06:14 pm by shreyash for ಸಿಟ್ರೊನ್ basalt
- 42 Views
- ಕಾಮೆಂಟ್ ಅನ್ನು ಬರೆಯಿರಿ
ಸಿಟ್ರೊಯೆನ್ ಸಿ3 ಮತ್ತು ಸಿಟ್ರೊಯೆನ್ ಸಿ3 ಏರ್ಕ್ರಾಸ್ನಂತಹ ಅಸ್ತಿತ್ವದಲ್ಲಿರುವ ಸಿಟ್ರೊಯೆನ್ ಮೊಡೆಲ್ಗಳಂತೆಯೇ ಅದೇ ಸಿಎಮ್ಪಿ ಪ್ಲಾಟ್ಫಾರ್ಮ್ ಅನ್ನು ಸಿಟ್ರೊಯೆನ್ ಬಸಾಲ್ಟ್ ಆಧರಿಸಿದೆ
- ಸಿಟ್ರೊಯೆನ್ ಬಸಾಲ್ಟ್ನ ಇತ್ತೀಚಿನ ಸ್ಪೈ ಶಾಟ್ಗಳು ಅದರ ಕಾನ್ಸೆಪ್ಟ್ ವರ್ಷನ್ನೊಂದಿಗೆ ಅದರ ವಿನ್ಯಾಸ ಹೋಲಿಕೆಗಳನ್ನು ಬಹಿರಂಗಪಡಿಸುತ್ತದೆ.
- ಒಳಭಾಗದ ಕುರಿತು ಇನ್ನೂ ಮಾಹಿತಿ ನೀಡದಿದ್ದರೂ, ಇದು ಸಿಟ್ರೊಯೆನ್ ಸಿ3 ಏರ್ಕ್ರಾಸ್ನಂತೆಯೇ ಇರುತ್ತದೆ ಎಂದು ನಿರೀಕ್ಷಿಸಲಾಗಿದೆ.
- ಬಸಾಲ್ಟ್ C3 ಏರ್ಕ್ರಾಸ್ನಂತೆಯೇ 10.2-ಇಂಚಿನ ಟಚ್ಸ್ಕ್ರೀನ್ ಮತ್ತು 7-ಇಂಚಿನ ಡಿಜಿಟಲ್ ಡ್ರೈವರ್ಗಳ ಡಿಸ್ಪ್ಲೇಗಳನ್ನು ಪಡೆಯುವ ನಿರೀಕ್ಷೆಯಿದೆ.
- ಇದು C3 ಹ್ಯಾಚ್ಬ್ಯಾಕ್ ಮತ್ತು C3 ಏರ್ಕ್ರಾಸ್ ಕಾಂಪ್ಯಾಕ್ಟ್ ಎಸ್ಯುವಿನಲ್ಲಿ ಕಂಡುಬರುವ ಅದೇ 110 PS 1.2-ಲೀಟರ್ ಟರ್ಬೊ-ಪೆಟ್ರೋಲ್ ಎಂಜಿನ್ ಅನ್ನು ಬಳಸುತ್ತದೆ.
Citroen Basalt Vision ಕಾನ್ಸೆಪ್ಟ್ ಆಗಿ 2024ರ ಮಾರ್ಚ್ನಲ್ಲಿ ಜಾಗತಿಕ ಮಾರುಕಟ್ಟೆಗೆ ಮೊದಲ ಬಾರಿ ಪ್ರವೇಶ ಮಾಡಿತು ಮತ್ತು ಇದು ಈ ವರ್ಷದ ದ್ವಿತೀಯಾರ್ಧದಲ್ಲಿ ಭಾರತದಲ್ಲಿ ಬಿಡುಗಡೆಯಾಗಲಿದೆ. ಬಸಾಲ್ಟ್ ವಿಷನ್ ಫ್ರೆಂಚ್ ವಾಹನ ತಯಾರಕರ ಕೂಪ್-ಎಸ್ಯುವಿ ಆಗಿದ್ದು, ಅದರ ವಿನ್ಯಾಸ ಮತ್ತು ಪ್ಲಾಟ್ಫಾರ್ಮ್ ಅನ್ನು ಪ್ರಸ್ತುತ ಸಿಟ್ರೊಯೆನ್ ಮೊಡೆಲ್ಗಳಾದ C3 ಹ್ಯಾಚ್ಬ್ಯಾಕ್ ಮತ್ತು C3 ಏರ್ಕ್ರಾಸ್ ಕಾಂಪ್ಯಾಕ್ಟ್ SUV ಗಳೊಂದಿಗೆ ಹಂಚಿಕೊಳ್ಳುತ್ತದೆ. ನಾವು ಇತ್ತೀಚೆಗೆ ಭಾರತೀಯ ರಸ್ತೆಗಳಲ್ಲಿ ಸಿಟ್ರೊಯೆನ್ ಬಸಾಲ್ಟ್ ವಿಷನ್ನ ಪರೀಕ್ಷಾ ಆವೃತ್ತಿಯನ್ನು ಗುರುತಿಸಿದ್ದೇವೆ ಮತ್ತು ಈ ಸಂದರ್ಭದಲ್ಲಿ ಏನನ್ನು ಗಮನಿಸಿದ್ದೇವೆ ಎಂಬುವುದು ಇಲ್ಲಿದೆ.
ಕಾನ್ಸೆಪ್ಟ್ನಂತೆಯೇ ಕಾಣುತ್ತದೆ
![Citroen Basalt Vision Front](https://stimg.cardekho.com/pwa/img/spacer3x2.png)
![Citroen Basalt Vision Rear](https://stimg.cardekho.com/pwa/img/spacer3x2.png)
ಬಸಾಲ್ಟ್ ಕೂಪ್ ಎಸ್ಯುವಿಯ ಪರೀಕ್ಷಾ ಆವೃತ್ತಿಯು ಅದರ ವಿಷನ್ ಕಾನ್ಸೆಪ್ಟ್ ಆವೃತ್ತಿಯ ವಿನ್ಯಾಸವನ್ನು ಹೋಲುತ್ತದೆ ಎಂದು ಸ್ಪೈ ಶಾಟ್ಗಳು ಸ್ಪಷ್ಟವಾಗಿ ಬಹಿರಂಗಪಡಿಸುತ್ತವೆ. ಮುಂಭಾಗದಲ್ಲಿ, ಇದು ಅಸ್ತಿತ್ವದಲ್ಲಿರುವ ಸಿಟ್ರೊಯೆನ್ ಮೊಡೆಲ್ಗಳಲ್ಲಿ ಕಂಡುಬರುವ ಪರಿಚಿತ ಸ್ಪ್ಲಿಟ್ ಗ್ರಿಲ್ ಮತ್ತು ಹೆಡ್ಲೈಟ್ ಹೌಸಿಂಗ್ ಅನ್ನು ಒಳಗೊಂಡಿದೆ. ಹಿಂಭಾಗದಲ್ಲಿ, ಪರೀಕ್ಷಾ ಆವೃತ್ತಿಯು ಅದರ ಕಾನ್ಸೆಪ್ಟ್ ಆವೃತ್ತಿಯಂತೆಯೇ ಟೈಲ್ಯಾಂಪ್ ವಿನ್ಯಾಸವನ್ನು ಹೊಂದಿದೆ. ಆದರೆ ಅದರ ಅತ್ಯಂತ ವಿಶಿಷ್ಟವಾದ ವಿನ್ಯಾಸವು ಬದಿಯಿಂದ ಗಮನಿಸಿದಾಗ ಅದರ ಇಳಿಜಾರು, ಕೂಪ್ ತರಹದ ರೂಫ್ಲೈನ್ನಿಂದಾಗಿ ಇದು ಸ್ಪೋರ್ಟಿ ನೋಟವನ್ನು ಪಡೆಯುತ್ತದೆ.
ಇದನ್ನು ಸಹ ಓದಿ: ಫೋರ್ಸ್ ಗೂರ್ಖಾ 5-ಡೋರ್ನ ತಾಜಾ ವಿನ್ಯಾಸದ ವಿವರಗಳನ್ನು ಬಹಿರಂಗಪಡಿಸಿದ ಹೊಸ ಟೀಸರ್
ಕ್ಯಾಬಿನ್ ಮತ್ತು ವೈಶಿಷ್ಟ್ಯಗಳು
ಸಿಟ್ರೊಯೆನ್ ಇನ್ನೂ ಬಸಾಲ್ಟ್ ವಿಷನ್ ಕೂಪ್ ಎಸ್ಯುವಿಯ ಒಳಭಾಗವನ್ನು ಬಹಿರಂಗಪಡಿಸಿಲ್ಲ, ಅಥವಾ ಈ ಸ್ಪೈ ಶಾಟ್ಗಳಲ್ಲಿ ನಾವು ಅದರ ಕ್ಯಾಬಿನ್ನ ಒಂದು ನೋಟವನ್ನು ಪಡೆದಿಲ್ಲ. ಆದಾಗಿಯೂ, ಅದರ ಡ್ಯಾಶ್ಬೋರ್ಡ್ ವಿನ್ಯಾಸ ಮತ್ತು ಕ್ಯಾಬಿನ್ ಸಿಟ್ರೊಯೆನ್ C3 ಏರ್ಕ್ರಾಸ್ನಂತೆಯೇ ಇರುತ್ತದೆ ಎಂದು ನಿರೀಕ್ಷಿಸಲಾಗಿದೆ, ಆದರೆ ಬಸಾಲ್ಟ್ ವಿಷನ್ ಹೆಚ್ಚು ಪ್ರೀಮಿಯಂ ಮತ್ತು ಸ್ಟೈಲಿಶ್ ಕೊಡುಗೆಯಾಗಿ ಹೆಚ್ಚು ವೈಶಿಷ್ಟ್ಯವನ್ನು ಹೊಂದಿರಬಹುದೆಂದು ಅಂದಾಜಿಸಲಾಗಿದೆ.
ಸಿಟ್ರೊಯೆನ್ ಬಸಾಲ್ಟ್ 10.2-ಇಂಚಿನ ಟಚ್ಸ್ಕ್ರೀನ್, 7-ಇಂಚಿನ ಡಿಜಿಟಲ್ ಡ್ರೈವರ್ ಡಿಸ್ಪ್ಲೇ, ಆಟೋಮ್ಯಾಟಿಕ್ AC, ಕ್ರೂಸ್ ಕಂಟ್ರೋಲ್ ಮತ್ತು ಪುಶ್-ಬಟನ್ ಎಂಜಿನ್ ಸ್ಟಾರ್ಟ್/ಸ್ಟಾಪ್ನಂತಹ ವೈಶಿಷ್ಟ್ಯಗಳೊಂದಿಗೆ ಬರುವ ನಿರೀಕ್ಷೆಯಿದೆ. ಇದರ ಸುರಕ್ಷತಾ ಕಿಟ್ನಲ್ಲಿ ಆರು ಏರ್ಬ್ಯಾಗ್ಗಳು, ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್ (ESC), ಹಿಂಭಾಗದ ಪಾರ್ಕಿಂಗ್ ಕ್ಯಾಮೆರಾ ಮತ್ತು ಟೈರ್ ಪ್ರೆಶರ್ ಮಾನಿಟರಿಂಗ್ ಸಿಸ್ಟಮ್ (TPMS) ಸೇರಿರಬಹುದು.
ಪವರ್ಟ್ರೇನ್
ಸಿಟ್ರೊಯೆನ್ ಬಸಾಲ್ಟ್ ವಿಷನ್ ಸಿಟ್ರೊಯೆನ್ C3 ಏರ್ಕ್ರಾಸ್ ಮತ್ತು ಸಿಟ್ರೊಯೆನ್ C3 ನೊಂದಿಗೆ ನೀಡಲಾದ ಅದೇ 1.2-ಲೀಟರ್ ಟರ್ಬೊ-ಪೆಟ್ರೋಲ್ ಎಂಜಿನ್ (110 PS / 205 Nm ವರೆಗೆ) ಬಳಸುತ್ತದೆ. ಈ ಎಂಜಿನ್ ಅನ್ನು 6-ಸ್ಪೀಡ್ ಮ್ಯಾನುವಲ್ ಟ್ರಾನ್ಸ್ಮಿಷನ್ ಅಥವಾ 6-ಸ್ಪೀಡ್ ಟಾರ್ಕ್ ಕನ್ವರ್ಟರ್ ಆಟೋಮ್ಯಾಟಿಕ್ನೊಂದಿಗೆ ನೀಡಲಾಗುವುದು.
ನಿರೀಕ್ಷಿತ ಬಿಡುಗಡೆ ಮತ್ತು ಪ್ರತಿಸ್ಪರ್ಧಿಗಳು
2024ರ ದ್ವಿತೀಯಾರ್ಧದಲ್ಲಿ ಭಾರತದಲ್ಲಿ ಸಿಟ್ರೊಯೆನ್ ತನ್ನ ಬಸಾಲ್ಟ್ ಕೂಪ್ ಎಸ್ಯುವಿಯನ್ನು ಬಿಡುಗಡೆ ಮಾಡಬಹುದು ಮತ್ತು ಇದರ ಆರಂಭಿಕ ಬೆಲೆ 8 ಲಕ್ಷ ರೂ.ನಿಂದ (ಎಕ್ಸ್ ಶೋ ರೂಂ) ಪ್ರಾರಂಭವಾಗಬಹುದು. ಬಸಾಲ್ಟ್ ವಿಷನ್ ಟಾಟಾ ಕರ್ವ್ಗೆ ನೇರ ಪ್ರತಿಸ್ಪರ್ಧಿಯಾಗಿದ್ದು, ಇದರೊಂದಿಗೆ ಇದು ಹ್ಯುಂಡೈ ಕ್ರೆಟಾ, ಕಿಯಾ ಸೆಲ್ಟೋಸ್, ಮಾರುತಿ ಗ್ರ್ಯಾಂಡ್ ವಿಟಾರಾ, ವೋಕ್ಸ್ವ್ಯಾಗನ್ ಟೈಗುನ್, ಟೊಯೊಟಾ ಹೈರ್ಡರ್, ಸ್ಕೋಡಾ ಕುಶಾಕ್, ಎಮ್ಜಿ ಆಸ್ಟರ್ ಮತ್ತು ಹೋಂಡಾ ಎಲಿವೇಟ್ನಂತಹ ಕಾಂಪ್ಯಾಕ್ಟ್ ಎಸ್ಯುವಿಗಳಿಗೆ ಸ್ಪರ್ಧೆಯನ್ನು ಒಡ್ಡುತ್ತದೆ.
0 out of 0 found this helpful