Force Gurkha 5-door ನ ಅನಾವರಣ, ಮೇ ತಿಂಗಳ ಪ್ರಾರಂಭದಲ್ಲಿ ಬಿಡುಗಡೆ ಸಾಧ್ಯತೆ

ಗೂರ್ಖಾ 5-ಡೋರ್ ನಲ್ಲಿ ಕೇವಲ ಎರಡು ಹೆಚ್ಚುವರಿ ಬಾಗಿಲಿನ ಸೇರ್ಪಡೆಯಲ್ಲದೆ, ಇದು ಹಿಂದಿನ ಗೂರ್ಖಾಗಿಂತ ಹೆಚ್ಚಿನ ವೈಶಿಷ್ಟ್ಯಗಳನ್ನು ಮತ್ತು ಹೆಚ್ಚು ಶಕ್ತಿಶಾಲಿಯಾದ ಡೀಸೆಲ್ ಎಂಜಿನ್ ಅನ್ನು ಹೊಂದುತ್ತಿದೆ.

• ಫೋರ್ಸ್‌ನ ಡೀಲರ್‌ಶಿಪ್‌ಗಳಲ್ಲಿ 25,000 ರೂ.ಗೆ 5-ಡೋರ್‌ನ ಗೂರ್ಖಾದ ಬುಕ್ಕಿಂಗ್‌ಗಳನ್ನು ಮಾಡಬಹುದು.
• ಹೊರಭಾಗದಲ್ಲಿನ ಹೈಲೈಟ್‌ಗಳು ವೃತ್ತಾಕಾರದ ಎಲ್ಇಡಿ ಹೆಡ್‌ಲೈಟ್‌ಗಳು, ಸ್ನಾರ್ಕೆಲ್ ಮತ್ತು ಛಾವಣಿಯ ರಾಕ್ ಅನ್ನು ಒಳಗೊಂಡಿವೆ; ಇದೀಗ ಮರ್ಸಿಡಿಸ್ ಜಿ-ಕ್ಲಾಸ್‌ಗೆ ಹೆಚ್ಚು ಹೋಲುತ್ತದೆ.
• ಕ್ಯಾಬಿನ್‌ನಲ್ಲಿ ತಾಜಾ ಡ್ಯುಯಲ್-ಟೋನ್ ಆಪ್ಹೊಲ್ಸ್‌ಟೆರಿ ಮತ್ತು ಮೂರನೇ ಸಾಲಿನಲ್ಲಿ ಕ್ಯಾಪ್ಟನ್ ಸೀಟ್‌ಗಳೊಂದಿಗೆ 7-ಆಸನದ ವಿನ್ಯಾಸವನ್ನು ಹೊಂದಿದೆ.
• 9-ಇಂಚಿನ ಟಚ್‌ಸ್ಕ್ರೀನ್, ಡಿಜಿಟಲ್ ಡ್ರೈವರ್ ಡಿಸ್‌ಪ್ಲೇ ಮತ್ತು ಡ್ಯುಯಲ್ ಫ್ರಂಟ್ ಏರ್‌ಬ್ಯಾಗ್‌ಗಳಂತಹ ವೈಶಿಷ್ಟ್ಯಗಳನ್ನು ಪಡೆಯುತ್ತದೆ.
• 2.6-ಲೀಟರ್ ಡೀಸೆಲ್ ಎಂಜಿನ್‌ ಅನ್ನು (140 PS/320 Nm) 5-ಸ್ಪೀಡ್‌ ಮ್ಯಾನುಯಲ್‌ ಗೇರ್‌ಬಾಕ್ಸ್‌ಗೆ ಜೋಡಿಸಲಾಗಿದೆ; 4x4 ಪ್ರಮಾಣಿತವಾಗಿದೆ.
• ಮೇ ತಿಂಗಳ ಮೊದಲ ವಾರದಲ್ಲಿ ಬಿಡುಗಡೆಯಾಗುವ ಸಾಧ್ಯತೆ ಇದೆ, ಬೆಲೆಗಳು 16 ಲಕ್ಷ ರೂ.ನಿಂದ (ಎಕ್ಸ್ ಶೋ ರೂಂ) ಪ್ರಾರಂಭವಾಗಬಹುದು.

ಹಲವಾರು ಸ್ಪೈ ಶಾಟ್‌ಗಳು ಮತ್ತು ಕೆಲವು ಟೀಸರ್‌ಗಳ ನಂತರ, ಫೋರ್ಸ್‌ನ ಗೂರ್ಖಾ 5-ಡೋರ್ ಅನ್ನು ಅಂತಿಮವಾಗಿ ಅನಾವರಣಗೊಳಿಸಲಾಗಿದೆ. ಇದು ಸಾಮಾನ್ಯವಾಗಿ 3-ಡೋರ್‌ನ ಫೋರ್ಸ್ ಗೂರ್ಖಾಗಿಂತ ಉದ್ದನೆಯ ವೀಲ್‌ಬೇಸ್‌ನ ಆವೃತ್ತಿಯಾಗಿದೆ ಮತ್ತು ಹೆಚ್ಚಿನ ಪ್ರಯಾಣಿಕರಿಗೆ ಹೆಚ್ಚುವರಿ ಆಸನಗಳನ್ನು ಹೊಂದಿದೆ. ಗೂರ್ಖಾ 5-ಡೋರ್‌ನ ಬುಕಿಂಗ್‌ಗಳು ಭಾರತದಾದ್ಯಂತ ಇರುವ ಫೋರ್ಸ್‌ನ ಡೀಲರ್‌ಶಿಪ್‌ಗಳಲ್ಲಿ 25,000 ರೂ.ಗೆ ತೆರೆದಿರುತ್ತವೆ..

ಬಾಹ್ಯ ವಿನ್ಯಾಸದ ವಿವರಗಳು

ಗೂರ್ಖಾ 5-ಡೋರ್‌ ಎರಡು ಹೆಚ್ಚುವರಿ ಬಾಗಿಲುಗಳು ಮತ್ತು ಉದ್ದವಾದ ವೀಲ್‌ಬೇಸ್ ಅನ್ನು ಪಡೆಯುವ ಮೂಲಕ ಇದು ಬಾಕ್ಸ್ ವಿನ್ಯಾಸದ 3-ಡೋರ್‌ ಗೂರ್ಖಾದ ಸೂತ್ರಕ್ಕೆ ಅಂಟಿಕೊಂಡಿದೆ. ಇದು ಐಕಾನಿಕ್ Mercedes-Benz G-Class ಎಸ್‌ಯುವಿಯಿಂದ ಅದರ ಸ್ಟೈಲಿಂಗ್ ಅನ್ನು ಸ್ಫೂರ್ತಿ ಪಡೆದಿದೆ ಮತ್ತು ಈ ಹೊಸ ಉದ್ದದ ಅವತಾರದಲ್ಲಿ ಹೋಲಿಕೆಯು ಮತ್ತಷ್ಟು ನಿಖರವಾಗಿದೆ ಎಂಬ ಅಂಶವನ್ನು ತಳ್ಳಿಹಾಕುವಂತಿಲ್ಲ. ಇದರ ಮುಂಭಾಗವು ಎಲ್ಇಡಿ ಡಿಆರ್‌ಎಲ್‌ಗಳೊಂದಿಗೆ ವೃತ್ತಾಕಾರದ ಎಲ್ಇಡಿ ಹೆಡ್‌ಲೈಟ್‌ಗಳನ್ನು ಪಡೆಯುತ್ತದೆ ಮತ್ತು ಆಯತಾಕಾರದ ಗ್ರಿಲ್ 'ಗೂರ್ಖಾ' ಮಾನಿಕರ್ ಅನ್ನು ಹೊಂದಿದೆ. ಕೆಳಭಾಗದಲ್ಲಿ, ದಪ್ಪನಾದ ಕಪ್ಪು ಬಂಪರ್ ಮಧ್ಯದಲ್ಲಿ ಸಣ್ಣ ಏರ್‌ ಡ್ಯಾಮ್‌ ಅನ್ನು ಹೊಂದಿರುವುದನ್ನು ನೀವು ನೋಡಬಹುದು, ಇದು ಫಾಗ್‌ ಲ್ಯಾಂಪ್‌ಗಳಿಂದ ಸುತ್ತುವರಿದಿದೆ.

ಸೈಡ್‌ನಿಂದ ಗಮನಿಸುವಾಗ ಹೆಚ್ಚಿಸಲಾದ ಇದರ ಉದ್ದ, ಚೌಕಾಕಾರದ ವೀಲ್‌ ಆರ್ಚ್‌ಗಳು ಮತ್ತು ಗೂರ್ಖಾ 5-ಡೋರ್‌ನ ಹೊಸ ಬಾಗಿಲುಗಳು ನಿಮ್ಮ ಮನಸೆಳೆಯುತ್ತದೆ. ಫೋರ್ಸ್ ಇದಕ್ಕೆ ಸ್ನಾರ್ಕೆಲ್ (ಫ್ಯಾಕ್ಟರಿ ಫಿಟ್‌), ರೂಫ್ ರ್ಯಾಕ್ (ಒಪ್ಶನಲ್‌) ಮತ್ತು ಹೊಸದಾದ ಸ್ಟೈಲ್‌ನ 18-ಇಂಚಿನ ಡ್ಯುಯಲ್-ಟೋನ್ ಅಲಾಯ್‌ ವೀಲ್‌ಗಳನ್ನು ನೀಡಿದೆ. ಎಸ್‌ಯುವಿಯ ಹಿಂಭಾಗದ ಫೆಂಡರ್‌ಗಳಲ್ಲಿ '4x4x4' ಬ್ಯಾಡ್ಜ್ ಅನ್ನು ಸಹ ಪಡೆಯುತ್ತದೆ.

ಗೂರ್ಖಾ 5-ಬಾಗಿಲಿನ ಹಿಂಭಾಗವು ಟೈಲ್‌ಗೇಟ್-ಮೌಂಟೆಡ್ ಸ್ಪೇರ್ ವೀಲ್, ರೂಫ್ ರ್ಯಾಕ್‌ ಅನ್ನು ಪ್ರವೇಶಿಸಲು ಲ್ಯಾಡರ್ ಮತ್ತು ಎಲ್‌ಇಡಿ ಟೈಲ್ ಲೈಟ್‌ಗಳೊಂದಿಗೆ ಬರುತ್ತದೆ. ನೀವು ಎಸ್‌ಯುವಿಯ ಹಿಂಭಾಗದಲ್ಲಿ 'ಗೂರ್ಖಾ' ಮತ್ತು 'ಫೋರ್ಸ್' ಮಾನಿಕರ್‌ಗಳನ್ನು ಸಹ ಗುರುತಿಸಬಹುದು, ಆದರೆ ಇದರ ವೈಪರ್ ಅನ್ನು ಸ್ಪೇರ್ ವೀಲ್‌ನ ಹಿಂದೆ ನೀಡಲಾಗಿದೆ.

• ಮನೆಬಾಗಿಲಿಗೆ ಕಾರ್‌ ಸರ್ವೀಸ್‌

• ಕಾರ್ ಸರ್ವೀಸ್‌ ಹಿಸ್ಟರಿಯನ್ನು ಪರಿಶೀಲಿಸಿ

ನವೀಕರಿಸಿದ ಇಂಟೀರಿಯರ್

ಫೋರ್ಸ್ ಹಳೆಯ 3-ಡೋರ್‌ನ ಮೊಡೆಲ್‌ಗೆ ಹೋಲಿಸಿದರೆ ಗೂರ್ಖಾ 5-ಬಾಗಿಲಿನ ಡ್ಯಾಶ್‌ಬೋರ್ಡ್ ವಿನ್ಯಾಸಕ್ಕೆ ಹೆಚ್ಚಿನ ಬದಲಾವಣೆಗಳನ್ನು ಮಾಡಿಲ್ಲ. ಕ್ಯಾಬಿನ್‌ನಲ್ಲಿನ ಗಮನಾರ್ಹವಾದ ವ್ಯತ್ಯಾಸಗಳೆಂದರೆ ಸೀಟಿಗೆ ಹೆಚ್ಚುವರಿ ಸಾಲುಗಳು ಮತ್ತು ಆಪ್‌ಡೇಟ್‌ ಮಾಡಿರುವ ಆಪ್ಹೋಲ್ಸ್‌ಟೆರಿ. 5-ಬಾಗಿಲಿನ ಗೂರ್ಖಾ ಎರಡನೇ ಸಾಲಿನಲ್ಲಿ ಬೆಂಚ್ ಸೀಟುಗಳನ್ನು ಮತ್ತು ಮೂರನೇ ಸಾಲಿನಲ್ಲಿ ಕ್ಯಾಪ್ಟನ್ ಸೀಟುಗಳನ್ನು ಪಡೆಯುತ್ತದೆ. ಫೋರ್ಸ್ ಮುಂದಿನ ದಿನಗಳಲ್ಲಿ ಹೊಸ ಸೀಟಿಂಗ್ ಲೇಔಟ್‌ನಲ್ಲಿ ಉದ್ದನೆಯ ಗೂರ್ಖಾವನ್ನು ನೀಡುವ ಸಾಧ್ಯತೆಯಿದೆ.

ವೈಶಿಷ್ಟ್ಯಗಳ ವಿಷಯದಲ್ಲಿ, ಗೂರ್ಖಾ 5-ಬಾಗಿಲು ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್‌ಪ್ಲೇನೊಂದಿಗೆ 9 ಇಂಚಿನ ಟಚ್‌ಸ್ಕ್ರೀನ್, ರೂಫ್-ಮೌಂಟೆಡ್ ರಿಯರ್ ವೆಂಟ್‌ಗಳೊಂದಿಗೆ ಮ್ಯಾನುಯಲ್ ಎಸಿ, ಎಲ್ಲಾ ನಾಲ್ಕು ಪವರ್ ವಿಂಡೋಗಳು ಮತ್ತು ಡಿಜಿಟಲ್ ಡ್ರೈವರ್‌ಸ್ ಡಿಸ್‌ಪ್ಲೇಯನ್ನು ಹೊಂದಿದೆ. ಸುರಕ್ಷತಾ ಕಿಟ್‌ಗಾಗಿ, ಫೋರ್ಸ್ ತನ್ನ ರಗಡ್‌ಆದ ಎಸ್‌ಯುವಿಯನ್ನು ಡ್ಯುಯಲ್ ಫ್ರಂಟ್ ಏರ್‌ಬ್ಯಾಗ್‌ಗಳು, ಹಿಂಭಾಗದ ಪಾರ್ಕಿಂಗ್ ಸೆನ್ಸಾರ್‌ಗಳು ಮತ್ತು ಟೈರ್ ಪ್ರೆಶರ್ ಮಾನಿಟರಿಂಗ್ ಸಿಸ್ಟಮ್ (TPMS) ನೊಂದಿಗೆ ಒದಗಿಸಿದೆ.

ಇದನ್ನೂ ಪರಿಶೀಲಿಸಿ: ವೀಕ್ಷಿಸಿ: ಎಮ್‌ಜಿ ಕಾಮೆಟ್ ಇವಿ ಹಿಂಭಾಗದಲ್ಲಿ 5 ಬ್ಯಾಗ್‌ಗಳನ್ನು ಒಯ್ಯಬಲ್ಲದು

ಪವರ್‌ಟ್ರೇನ್‌ ಮತ್ತು ಗೇರ್‌ಬಾಕ್ಸ್‌ ಕುರಿತು

ಫೋರ್ಸ್ ಆಫ್-ರೋಡ್ ಎಸ್‌ಯುವಿಯಲ್ಲಿನ ಅತಿ ದೊಡ್ಡ ಆಪ್‌ಗ್ರೇಡ್‌ ಎಂದರೆ ಪವರ್‌ಟ್ರೇನ್, ಅದರ ವಿವರಗಳು ಈ ಕೆಳಗಿನಂತಿವೆ:

ಗೂರ್ಖಾ 5-ಡೋರ್‌ 4x4 ಡ್ರೈವ್‌ಟ್ರೇನ್ ಅನ್ನು ಸಹ ಸ್ಟ್ಯಾಂಡರ್ಡ್ ಆಗಿ ಪಡೆಯುತ್ತದೆ, ಆದರೆ ಇದು ಕಡಿಮೆ-ರೇಂಜ್‌ನ ವರ್ಗಾವಣೆ ಕೇಸ್ ಅನ್ನು ಮ್ಯಾನುಯಲ್‌ ಆಗಿ ಲಾಕ್ ಮಾಡುವ ಮುಂಭಾಗ ಮತ್ತು ಹಿಂಭಾಗದ ಲಾಕರ್‌ಗಳನ್ನು ಹೊಂದಿದೆ.

ಇದು 700 ಎಂಎಂ ವಾಟರ್-ವೇಡಿಂಗ್ ಸಾಮರ್ಥ್ಯ, 2H, 4H ಮತ್ತು 4L ನಡುವೆ ಬದಲಾಯಿಸಲು ಶಿಫ್ಟ್-ಆನ್-ಫ್ಲೈ ಫಂಕ್ಷನ್‌ ಅನ್ನು ಮತ್ತು 233 mm ಗ್ರೌಂಡ್ ಕ್ಲಿಯರೆನ್ಸ್ ಅನ್ನು ಹೊಂದಿದೆ.

ನಿರೀಕ್ಷಿತ ಬೆಲೆ ಮತ್ತು ಪ್ರತಿಸ್ಪರ್ಧಿಗಳು

ಫೋರ್ಸ್ ತನ್ನ ಗೂರ್ಖಾ 5-ಡೋರ್ ಅನ್ನು 2024ರ ಮೇ ತಿಂಗಳ ಮೊದಲ ವಾರದಲ್ಲಿ ಬಿಡುಗಡೆ ಮಾಡಲಿದೆ ಮತ್ತು ಅದರ ಬೆಲೆಗಳು 16 ಲಕ್ಷ ರೂ.ನಿಂದ (ಎಕ್ಸ್ ಶೋ ರೂಂ) ಪ್ರಾರಂಭವಾಗುವ ನಿರೀಕ್ಷೆಯಿದೆ. ಇದು ಮುಂಬರುವ ಮಹೀಂದ್ರಾ ಥಾರ್ 5-ಡೋರ್‌ಗೆ ರಗಡ್‌ ಆದ ಪರ್ಯಾಯವಾಗಿದ್ದು, ಮಾರುತಿ ಸುಜುಕಿ ಜಿಮ್ನಿಗೆ ದೊಡ್ಡ ಆಯ್ಕೆಯಾಗಿ ಸ್ಪರ್ಧೆ ನೀಡಲಿದೆ.

ಇನ್ನಷ್ಟು ಓದಿ : ಫೋರ್ಸ್ ಗೂರ್ಖಾ ಡೀಸೆಲ್