Force Gurkha 5-door ಮೊದಲ ಟೀಸರ್ ಔಟ್‌, 2024 ರ ಕೊನೆಯಲ್ಲಿ ಮಾರುಕಟ್ಟೆಗೆ ಲಗ್ಗೆ ಇಡುವ ಸಾಧ್ಯತೆ

ಗೂರ್ಖಾ 5-ಡೋರ್ ಪ್ರಸ್ತುತ ಲಭ್ಯವಿರುವ 3-ಡೋರ್ ಮಾಡೆಲ್ ಅನ್ನು ಆಧರಿಸಿದೆ ಆದರೆ ದೀರ್ಘವಾದ ವೀಲ್ ಬೇಸ್ ಮತ್ತು ಹೆಚ್ಚುವರಿ ಎರಡು ಡೋರ್ ಗಳನ್ನು ಪಡೆಯುತ್ತದೆ.

•  ಗೂರ್ಖಾ 5-ಡೋರ್ 2024 ರ ಅಂತ್ಯದ ವೇಳೆಗೆ ಬಿಡುಗಡೆಯಾಗುವ ನಿರೀಕ್ಷೆಯಿದೆ.
•  ಇದು ಹೊಸ ಸ್ಕ್ವೇರ್-ಔಟ್ ಹೆಡ್‌ಲೈಟ್‌ಗಳು ಮತ್ತು 18-ಇಂಚಿನ ಡ್ಯುಯಲ್-ಟೋನ್ ಅಲೊಯ್ ವೀಲ್ಸ್ ಅನ್ನು ಪಡೆಯುತ್ತದೆ.
•  ಇದರಲ್ಲಿ ಮೂರನೇ ಸಾಲಿನಲ್ಲಿ ಕುಳಿತವರಿಗೆ ಕ್ಯಾಪ್ಟನ್ ಸೀಟ್‌ಗಳನ್ನು ನೀಡಬಹುದು.
•  7-ಇಂಚಿನ ಟಚ್‌ಸ್ಕ್ರೀನ್, ಮ್ಯಾನುಯಲ್ AC ಮತ್ತು ಡ್ಯುಯಲ್ ಫ್ರಂಟ್ ಏರ್‌ಬ್ಯಾಗ್‌ಗಳನ್ನು ಒಳಗೊಂಡಿರುವ ಸಾಧ್ಯತೆಯಿದೆ.
•  3-ಡೋರ್ ಮಾಡೆಲ್ ನಲ್ಲಿ ಇರುವ ಅದೇ 2.6-ಲೀಟರ್ ಡೀಸೆಲ್ ಎಂಜಿನ್ ಅನ್ನು 4WD ಯೊಂದಿಗೆ ಪಡೆಯುವ ನಿರೀಕ್ಷೆಯಿದೆ.
•  ಬೆಲೆಯು ರೂ 16 ಲಕ್ಷದಿಂದ ಪ್ರಾರಂಭವಾಗಬಹುದು (ಎಕ್ಸ್ ಶೋರೂಂ).

 ಫೋರ್ಸ್ ಗೂರ್ಖಾ 5-ಡೋರ್ ಕಳೆದ ಎರಡು ವರ್ಷಗಳಿಂದ ತಯಾರಿಕೆಯಲ್ಲಿದೆ. ಇದೀಗ, ಆನ್‌ಲೈನ್‌ನಲ್ಲಿ ಅದರ ಟೀಸರ್ ಚಿತ್ರಗಳು ಹೊರಬಿದ್ದಿರುವ ಕಾರಣ ಭಾರತೀಯ ಕಂಪನಿಯು ಉದ್ದವಾದ SUV ಅನ್ನು ಶೀಘ್ರದಲ್ಲೇ ಬಿಡುಗಡೆ ಮಾಡಲು ಸಿದ್ಧವಾಗುತ್ತಿರುವಂತೆ ತೋರುತ್ತಿದೆ.

 ಡಿಸೈನ್

 ನಮ್ಮ ಸ್ಪೈ ಶಾಟ್‌ಗಳ ಪ್ರಕಾರ, ಟೆಸ್ಟ್ ಕಾರುಗಳು ಪ್ರಸ್ತುತ 3-ಡೋರ್ SUV ಗಿಂತ ಸ್ವಲ್ಪ ಭಿನ್ನವಾಗಿ ಕಾಣುತ್ತವೆ. ಅವು ಕೆಲವು ಬದಲಾವಣೆಗಳನ್ನು ಮತ್ತು ಹೊಸ ಭಾಗಗಳನ್ನು ಹೊಂದಿವೆ. ಇದು 18-ಇಂಚಿನ ಡ್ಯುಯಲ್-ಟೋನ್ ಅಲೊಯ್ ವೀಲ್ಸ್ ಜೊತೆಗೆ LED DRL ಗಳೊಂದಿಗೆ ಸ್ಕ್ವೇರ್-ಔಟ್ ಪ್ರೊಜೆಕ್ಟರ್ ಹೆಡ್‌ಲೈಟ್‌ಗಳನ್ನು ಪಡೆಯುವ ನಿರೀಕ್ಷೆಯಿದೆ. ಆದರೆ, 3-ಡೋರ್ ಗೂರ್ಖಾದಲ್ಲಿರುವ ಟೈಲ್‌ಗೇಟ್-ಮೌಂಟೆಡ್ ಸ್ಪೇರ್ ವೀಲ್ ಮತ್ತು ಲ್ಯಾಡರ್, ಹಾಗೆಯೇ ಸ್ನಾರ್ಕೆಲ್ ಅನ್ನು ಹಾಗೆಯೇ ಇರಿಸಲಾಗಿದೆ.

ಕ್ಯಾಬಿನ್ ಮತ್ತು ಫೀಚರ್ ಗಳು

 ಗೂರ್ಖಾ 3-ಡೋರ್ ಕ್ಯಾಬಿನ್ ಚಿತ್ರವನ್ನು ರೆಫರೆನ್ಸ್ ಉದ್ದೇಶಗಳಿಗಾಗಿ ಮಾತ್ರ ಬಳಸಲಾಗಿದೆ

 ಗೂರ್ಖಾ 5-ಡೋರ್ ವರ್ಷನ್ ನ ಒಳಭಾಗದ ಯಾವುದೇ ಚಿತ್ರಗಳನ್ನು ಫೋರ್ಸ್ ನಮಗೆ ತೋರಿಸದಿದ್ದರೂ ಕೂಡ, ಹಿಂದಿನ ಸ್ಪೈ ಶಾಟ್ ಗಳನ್ನು ನೋಡಿದರೆ ಕ್ಯಾಬಿನ್ ಡಾರ್ಕ್ ಗ್ರೇ ಬಣ್ಣದ ಥೀಮ್ ಅನ್ನು ಹೊಂದಿರಬಹುದು ಎಂದು ಸೂಚಿಸುತ್ತದೆ. ಉದ್ದವಾದ ವೀಲ್ ಬೇಸ್ ಇರುವ ಈ ಗೂರ್ಖಾವನ್ನು 3-ಸಾಲು ಲೇಔಟ್ ನಲ್ಲಿ ನೀಡಲಾಗುವುದು ಎಂದು ನಿರೀಕ್ಷಿಸಲಾಗಿದೆ, ಹಾಗೆಯೇ ಕ್ರಮವಾಗಿ ಎರಡನೇ ಮತ್ತು ಮೂರನೇ ಸಾಲಿನಲ್ಲಿ ಬೆಂಚ್ ಮತ್ತು ಕ್ಯಾಪ್ಟನ್ ಸೀಟ್‌ಗಳನ್ನು ನೀಡಲಾಗುತ್ತದೆ

 ಫೀಚರ್ ಗಳನ್ನು ನೋಡಿದರೆ, ಇದು 7-ಇಂಚಿನ ಟಚ್‌ಸ್ಕ್ರೀನ್ ಸಿಸ್ಟಮ್, ಮುಂಭಾಗ ಮತ್ತು ಹಿಂಭಾಗದ (ಎರಡನೇ-ಸಾಲು) ಪವರ್ ವಿಂಡೋಗಳು ಮತ್ತು ಹಲವಾರು ವೆಂಟ್ ಗಳೊಂದಿಗೆ ಮ್ಯಾನುಯಲ್ AC ಅನ್ನು ಪಡೆಯುವ ನಿರೀಕ್ಷೆಯಿದೆ. ಸುರಕ್ಷತೆಯ ವಿಷಯದಲ್ಲಿ ಡ್ಯುಯಲ್ ಏರ್‌ಬ್ಯಾಗ್‌ಗಳು, ರಿವರ್ಸಿಂಗ್ ಕ್ಯಾಮೆರಾ ಮತ್ತು ಹಿಂಭಾಗದ ಪಾರ್ಕಿಂಗ್ ಸೆನ್ಸಾರ್ ಗಳನ್ನು ಪಡೆಯಬಹುದು.

 ಪವರ್‌ಟ್ರೇನ್

 5-ಡೋರ್ ಗೂರ್ಖಾವು 3-ಡೋರ್ ಮಾಡೆಲ್ ನಂತೆಯೇ ಅದೇ 2.6-ಲೀಟರ್ ಡೀಸೆಲ್ ಎಂಜಿನ್ ಅನ್ನು ಹೊಂದಿರುತ್ತದೆ, ಇದು 90 Ps ಮತ್ತು 250 Nm ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಆದರೆ, ಸ್ವಲ್ಪ ಹೆಚ್ಚು ಶಕ್ತಿಯನ್ನು ನೀಡಲು ಅದನ್ನು ಸ್ವಲ್ಪಮಟ್ಟಿಗೆ ಟ್ವೀಕ್ ಮಾಡಬಹುದು. ಇದು 5-ಸ್ಪೀಡ್ ಮ್ಯಾನ್ಯುವಲ್ ಟ್ರಾನ್ಸ್‌ಮಿಷನ್ ಜೊತೆಗೆ 4-ವೀಲ್-ಡ್ರೈವ್ (4WD) ಮತ್ತು ಲೊ-ರೇಂಜ್ ಟ್ರಾನ್ಸ್ಫರ್ ಕೇಸ್ ಅನ್ನು ಹೊಂದಿರುತ್ತದೆ.

•  ಡೋರ್‌ಸ್ಟೆಪ್ ಕಾರ್ ಸರ್ವಿಸ್

• ಕಾರ್ ಸರ್ವಿಸ್ ಹಿಸ್ಟರಿಯನ್ನು ಪರಿಶೀಲಿಸಿ

 ನಿರೀಕ್ಷಿಸಲಾಗಿರುವ ಬೆಲೆ ಮತ್ತು ಪ್ರತಿಸ್ಪರ್ಧಿಗಳು

 ಗೂರ್ಖಾ 5-ಡೋರ್ ಬೆಲೆಯು 16 ಲಕ್ಷದಿಂದ ಶುರುವಾಗುವ ನಿರೀಕ್ಷೆಯಿದೆ. ನಿಮಗೆ ತಿಳಿದಿರುವಂತೆ, 3-ಬಾಗಿಲಿನ ಮಾಡೆಲ್ ಬೆಲೆಯು ರೂ. 15.10 ಲಕ್ಷದಿಂದ ಶುರುವಾಗುತ್ತದೆ. 5-ಡೋರ್ ಗೂರ್ಖಾ ಮುಂಬರುವ ಥಾರ್ 5-ಡೋರ್ ಗೆ ನೇರವಾಗಿ ಪ್ರತಿಸ್ಪರ್ಧಿಯಾಗಲಿದೆ ಮತ್ತು ಮಾರುತಿ ಜಿಮ್ನಿಗೆ ಹೋಲಿಸಿದರೆ ದೊಡ್ಡ ಪರ್ಯಾಯ ಆಯ್ಕೆಯಾಗಿದೆ.

 ಎಲ್ಲಾ ಬೆಲೆಗಳು, ಎಕ್ಸ್ ಶೋರೂಂ ಬೆಲೆಯಾಗಿದೆ

 ಇನ್ನಷ್ಟು ಓದಿ: ಗೂರ್ಖಾ ಡೀಸೆಲ್