ಏಪ್ರಿಲ್‌ನಿಂದ ಜುಲೈವರೆಗೆ 1.13 ಲಕ್ಷ ಸಿಎನ್‌ಜಿ ಕಾರುಗಳನ್ನು ಮಾರಾಟ ಮಾಡಿದೆ ಮಾರುತಿ
ಮಾರುತಿಯಲ್ಲಿ ಪ್ರಸ್ತುತ 13 ಸಿಎನ್‌ಜಿ ಮಾಡೆಲ್ ಗಳು ಮಾರಾಟಕ್ಕೆ ಲಭ್ಯವಿವೆ, ಅದರಲ್ಲಿ ಫ್ರಾಂಕ್ಸ್ ಹೊಸ ಸೇರ್ಪಡೆಯಾಗಿದೆ.
ದೇಶದ ಅತಿ ಹೆಚ್ಚು ಮಾರಾಟವಾಗುವ ಕಾರು ತಯಾರಕ ಸಂಸ್ಥೆಯು ಇತ್ತೀಚೆಗೆ ತನ್ನ ತ್ರೈಮಾಸಿಕ ಕಾರ್ಯಕ್ಷಮತೆಯ ಅಂಕಿಅಂಶಗಳನ್ನು ಬಿಡುಗಡೆ ಮಾಡಿತು, ಆ ವರದಿಯ ಪ್ರಕಾರ ಮಾರುತಿ 1.13 ಲಕ್ಷ ಯುನಿಟ್ ಸಿಎನ್‌ಜಿ ಮಾಡೆಲ್‌ಗಳನ್ನು ಮಾರಾಟ ಮಾಡಿದೆ. ಮಾರುತಿ ಸುಜುಕಿ ವ್ಯಾಪಕ ಶ್ರೇಣಿಯ ಸಿಎನ್‌ಜಿ ಕಾರುಗಳೊಂದಿಗೆ ಸಿಎನ್‌ಜಿ ವಿಭಾಗದಲ್ಲಿ ಅತಿದೊಡ್ಡ ಬ್ರ್ಯಾಂಡ್ ಆಗಿದೆ.
ಪ್ರಸ್ತುತ ಲೈನ್‌ಅಪ್
ಪ್ರಸ್ತುತ ಭಾರತದಲ್ಲಿ 13 ಮಾರುತಿ ಸಿಎನ್‌ಜಿ ಕಾರುಗಳು ಮಾರಾಟಕ್ಕೆ ಲಭ್ಯವಿವೆ. ಮಾರುತಿಯ ಎಲ್ಲಾ ಅರೆನಾ ಮಾಡೆಲ್‌ಗಳು ಸಿಎನ್‌ಜಿ ಪವರ್‌ಟ್ರೇನ್‌ಗಳನ್ನು ಹೊಂದಿವೆ ಮತ್ತು ಪಟ್ಟಿಯಲ್ಲಿ ಆಲ್ಟೋ K10, ಸೆಲೆರಿಯೊ, S-ಪ್ರೆಸ್ಸೋ, ವ್ಯಾಗನ್ R, ಡಿಝೈರ್, ಬ್ರೆಝಾ, ಸ್ವಿಫ್ಟ್, ಎರ್ಟಿಗಾ ಮತ್ತು ಇಕೋ ಸೇರಿವೆ. ನೆಕ್ಸಾ ಶ್ರೇಣಿಯಲ್ಲಿ ಗ್ರ್ಯಾಂಡ್ ವಿಟಾರಾ, XL6, ಬಲೆನೊ ಮತ್ತು ಫ್ರಾಂಕ್ಸ್ ಎಂಬ ನಾಲ್ಕು ಕಾರುಗಳು ಸಿಎನ್‌ಜಿ ಆಯ್ಕೆಯೊಂದಿಗೆ ಲಭ್ಯವಿದೆ. ಮಾಡೆಲ್‌ಗಳಲ್ಲಿ, ಸಿಎನ್‌ಜಿ ಆಯ್ಕೆಯು ಸಧ್ಯಕ್ಕೆ ಮ್ಯಾನ್ಯುವಲ್ ಟ್ರಾನ್ಸ್‌ಮಿಷನ್‌ಗೆ ಸೀಮಿತವಾಗಿದೆ ಮತ್ತು ಸಮಾನವಾದ ಪೆಟ್ರೋಲ್-ಮ್ಯಾನ್ಯುವಲ್ ವೇರಿಯಂಟ್‌ಗಳಿಗೆ ಹೋಲಿಸಿದರೆ ಸಾಮಾನ್ಯವಾಗಿ 1 ಲಕ್ಷ ಕಡಿಮೆ ಬೆಲೆಯನ್ನು ಹೊಂದಿವೆ.
ಇದನ್ನೂ ಓದಿ: ಮಾರುತಿ S-ಪ್ರೆಸ್ಸೋ ಮತ್ತು ಇಕೋದ 87,000 ಯುನಿಟ್‌ಗಳನ್ನು ಹಿಂಪಡೆಯಲಾಗಿದೆ
ಸದ್ಯಕ್ಕಂತೂ ಮಾರುತಿಯ ಯಾವುದೇ ಹೊಸ ಸಿಎನ್‌ಜಿ ಕಾರು ಬಿಡುಗಡೆಯಾಗುವ ಸುದ್ದಿ ಕೇಳಿಬಂದಿಲ್ಲ. ಕೆಲವು ಇತರ ಕಾರು ಕಂಪನಿಗಳು ತಮ್ಮ ಸಿಎನ್‌ಜಿ ಶ್ರೇಣಿಯನ್ನು ಹೆಚ್ಚಿಸಲು ನಿರ್ಧರಿಸಿವೆ ಮತ್ತು ಮುಂಬರುವ ವರ್ಷಗಳಲ್ಲಿ ನಾವು ದೇಶದಲ್ಲಿ ಹೆಚ್ಚಿನ ಸಿಎನ್‌ಜಿ ಕಾರುಗಳನ್ನು ಕಾಣಬಹುದಾಗಿದೆ.
ಇನ್ನಷ್ಟು ಓದಿ: ಮಾರುತಿ ಆಲ್ಟೋ K10 ಅನ್ ರೋಡ್ ಬೆಲೆ