ಹುಂಡೈ ಅಲ್ಕಝರ್

ಹ್ಯುಂಡೈ ಅಲ್ಕಾಜರ್ ಯಾವಾಗಲೂ ಕಠಿಣ ಮಾರಾಟವಾಗಿದೆ ಕ್ರೆಟಾಕ್ಕಿಂತ ಇದು 2.5 ಲಕ್ಷ ರೂ.ಗಳಷ್ಟು ಹೆಚ್ಚಿನ ಬೆಲೆಯನ್ನು ಹೊಂದಿದ್ದು, ಇದು ಎರಡು ಹೆಚ್ಚುವರಿ ಸೀಟ್‌ಗಳನ್ನು ನೀಡುತ್ತಿದ್ದು, ಇದರಲ್ಲಿ ಮಕ್ಕಳು ಮಾತ್ರ ಆರಾಮವಾಗಿ ಕುಳಿತುಕೊಳ್ಳಬಹುದಾದ ಸೀಟ್‌ಗಳಾಗಿದೆ. ಇದು ವಿಶೇಷವಾಗಿ ಆಕರ್ಷಕವಾಗಿಲ್ಲ, ಮತ್ತು ಇಂಟಿರೀಯರ್‌ ಯಾವುದೇ ಅಸಾಧಾರಣ ಫೀಚರ್‌ಗಳನ್ನು ನೀಡಲಿಲ್ಲ.

ಹಾಗೆಯೇ, ಹೊಸ ಅಲ್ಕಾಝರ್ ಕೆಲವು ಅಗತ್ಯ ಬದಲಾವಣೆಗಳನ್ನು ತರುತ್ತದೆ. ಇದು ತೀಕ್ಷ್ಣವಾಗಿ ಕಾಣುತ್ತದೆ, ಕ್ಯಾಬಿನ್ ಹೆಚ್ಚು ಪ್ರೀಮಿಯಂ ಫೀಚರ್‌ಗಳನ್ನು ಹೊಂದಿದೆ ಮತ್ತು ಈಗ, ಇದು ಕ್ರೆಟಾಕ್ಕಿಂತ ಕೇವಲ 1.5 ಲಕ್ಷ ರೂ.ನಷ್ಟು ಹೆಚ್ಚಿನ ಬೆಲೆಯನ್ನು ಹೊಂದಿದೆ. ಹಾಗಾದರೆ, ಅದನ್ನು ಖರೀದಿಸಲು ಕಾರಣಗಳು ಯಾವುವು? ಮತ್ತು ನಿಮ್ಮ ಬೆಳೆಯುತ್ತಿರುವ ಕುಟುಂಬಕ್ಕೆ ಇದು ಸರಿಯಾದ ಆಯ್ಕೆಯಾಗಬಹುದೇ? ಈ ವಿಮರ್ಶೆಯಲ್ಲಿ ಕಂಡುಹಿಡಿಯೋಣ.

ಹೊಸ ಅಲ್ಕಾಜಾರ್‌ನಲ್ಲಿನ ಅತ್ಯಂತ ಗಮನಾರ್ಹ ಸುಧಾರಣೆ ಅದರ ವಿನ್ಯಾಸವಾಗಿದೆ. ಇದು ಇನ್ನು ಮುಂದೆ ವಿಸ್ತರಿಸಿದ ಕ್ರೆಟಾದಂತೆ ಕಾಣುವುದಿಲ್ಲ. ಬದಲಾಗಿ, ಇದು ತನ್ನದೇ ಆದ ಗುರುತನ್ನು ಅಭಿವೃದ್ಧಿಪಡಿಸಿದೆ, ಹ್ಯುಂಡೈನ ಫ್ಯಾಮಿಲಿ ಎಸ್‌ಯುವಿ ರೇಂಜ್‌ನಿಂದ, ನಿರ್ದಿಷ್ಟವಾಗಿ ಪಾಲಿಸೇಡ್‌ನಿಂದ ಸ್ಫೂರ್ತಿ ಪಡೆಯುತ್ತದೆ. ಹೆಚ್ಚು ಸೊಗಸಾದ ಎಲ್‌ಇಡಿ ಡಿಆರ್‌ಎಲ್‌ಗಳನ್ನು ಈಗ ಕನೆಕ್ಟ್‌ ಮಾಡಲಾಗಿದೆ ಮತ್ತು ಡೈನಾಮಿಕ್ ಟರ್ನ್ ಇಂಡಿಕೇಟರ್‌ಗಳನ್ನು ಸೇರಿಸಲಾಗಿದೆ. ಮುಂಭಾಗದ ಲುಕ್‌ ಹೆಚ್ಚು ಕಮಾಂಡಿಂಗ್ ಆಗಿದೆ, 4-ಎಲ್‌ಇಡಿ ಹೆಡ್‌ಲ್ಯಾಂಪ್ ಸೆಟಪ್‌ನೊಂದಿಗೆ ರಾತ್ರಿಯಲ್ಲಿ ಉತ್ತಮ ಪರ್ಫಾರ್ಮೆನ್ಸ್‌ ಅನ್ನು ನೀಡುತ್ತದೆ.

ಆದರೆ, ಬದಿಯು ಹೆಚ್ಚಾಗಿ ಬದಲಾಗದೆ ಉಳಿಯುತ್ತದೆ, ಅದೇ ಬಾಡಿ ಪ್ಯಾನಲ್‌ಗಳು, ಲೈನ್‌ಗಳು ಮತ್ತು ಕ್ವಾರ್ಟರ್‌ ಗ್ಲಾಸ್ ಕೂಡ. ಹಾಗೆಯೇ, ಹೊಸ 18-ಇಂಚಿನ ಅಲಾಯ್‌ ವೀಲ್‌ಗಳು ಮತ್ತು ಸ್ವಲ್ಪ ಎತ್ತರದ ರೂಫ್‌ ರೇಲ್ಸ್‌ಗಳು ಹೆಚ್ಚು ಆಕರ್ಷಕವಾಗಿ ಕಾಣುತ್ತದೆ. ಹಿಂಭಾಗವು ಪ್ರೀಮಿಯಂ ಟಚ್‌ನ ಪ್ರಯೋಜನವನ್ನು ಪಡೆದಿದೆ, ಕನೆಕ್ಟೆಡ್‌ ಎಲ್ಇಡಿ ಟೈಲ್ ಲ್ಯಾಂಪ್‌ಗಳು ಮತ್ತು ಗ್ಲಾಸ್ ಫಿನಿಶ್‌ನ ಅಲ್ಕಾಜರ್‌ನ ಅಕ್ಷರಗಳು ಹೆಚ್ಚು ಉನ್ನತ ಮಟ್ಟದ ಅನುಭವವನ್ನು ನೀಡುತ್ತದೆ. ಹಿಂಭಾಗದ ಬಂಪರ್ ಹೆಚ್ಚು ಉಬ್ಬಿದ ಆಕಾರವನ್ನು ಹೊಂದಿದೆ, ಮತ್ತು ಡೈನಾಮಿಕ್ ಟರ್ನ್‌ ಇಂಡಿಕೇಟರ್‌ಗಳು ಇದರ ಲುಕ್‌ಗೆ ಮತ್ತಷ್ಟು ಮೆರುಗು ತರುತ್ತದೆ. ಟಕ್ಸನ್‌ನಲ್ಲಿರುವಂತೆ ಹ್ಯುಂಡೈ ಸ್ಪಾಯ್ಲರ್‌ನ ಹಿಂದೆ ವೈಪರ್ ಅನ್ನು ಮರೆಮಾಡಿದ್ದರೆ, ಅದು ಇನ್ನೂ ಸ್ವಚ್ಛವಾಗಿ ಕಾಣುತ್ತಿತ್ತು. ಒಟ್ಟಾರೆಯಾಗಿ, ರೋಡ್‌ನ ಪ್ರೆಸೆನ್ಸ್‌ ಗಮನಾರ್ಹವಾಗಿ ಸುಧಾರಿಸಿದೆ ಮತ್ತು ಇದರ ಹೊಸ ಮ್ಯಾಟ್ ಗ್ರೇ ಕಲರ್‌ ಎಲ್ಲರ ಗಮನವನ್ನು ಸೆಳೆಯುತ್ತದೆ. 

ಕಾರಿನೊಳಗೆ ಹೋಗಲು, ನೀವು ಈಗ ಸಾಂಪ್ರದಾಯಿಕ ಕೀಗೆ ಪರ್ಯಾಯವನ್ನು ಪಡೆಯುತ್ತೀರಿ. ಡಿಜಿಟಲ್ ಕೀ ಫೀಚರ್‌ ಇದರ ಮತ್ತೊಂದು ಉತ್ತಮ ಅಂಶವಾಗಿದೆ. ನಿಮ್ಮ ಫೋನ್‌ನ NFC (Near-field communication) ಬಳಸಿಕೊಂಡು ನೀವು ಕಾರನ್ನು ಅನ್‌ಲಾಕ್ ಮಾಡಬಹುದು, ನಿಮ್ಮ ಫೋನ್ ಅನ್ನು ವೈರ್‌ಲೆಸ್ ಚಾರ್ಜಿಂಗ್ ಪ್ಯಾಡ್‌ನಲ್ಲಿ ಇರಿಸುವ ಮೂಲಕ ಅದನ್ನು ಸ್ಟಾರ್ಟ್‌ ಮಾಡಬಹುದು ಮತ್ತು ನಿಮ್ಮ ಫೋನ್ ಅನ್ನು ಡೋರ್ ಹ್ಯಾಂಡಲ್‌ನಲ್ಲಿ ಟ್ಯಾಪ್ ಮಾಡುವ ಮೂಲಕ ಅದನ್ನು ಲಾಕ್ ಮಾಡಬಹುದು. ಈ ಫೀಚರ್‌ ಆಂಡ್ರಾಯ್ಡ್ ಮತ್ತು ಆಪಲ್ ಎರಡೂ ಮೊಬೈಲ್‌ನಲ್ಲಿ ವಿಶ್ವಾಸಾರ್ಹವಾಗಿ ಕಾರ್ಯನಿರ್ವಹಿಸುತ್ತದೆ. ಫೋನ್ ಅನ್ನು ವೈರ್‌ಲೆಸ್ ಚಾರ್ಜರ್‌ನಲ್ಲಿ ಇರಿಸುವ ಮೂಲಕವೂ ಕಾರನ್ನು ಸ್ಟಾರ್ಟ್‌ ಮಾಡಬಹುದು. 

ಅಲ್ಕಾಜರ್‌ನ ಕ್ಯಾಬಿನ್ ಕ್ರೆಟಾವನ್ನು ಹೋಲುತ್ತದೆ, ಆದರೆ ಕೆಲವು ಸಣ್ಣ ಬದಲಾವಣೆಗಳಿವೆ. ವಿನ್ಯಾಸವು ಒಂದೇ ಆಗಿರುತ್ತದೆ, ಆದರೂ ಬಣ್ಣದ ಆಯ್ಕೆಯು ಈಗ ಕ್ರೆಟಾದ ಬಿಳಿ ಮತ್ತು ಬೂದು ಬಣ್ಣಕ್ಕೆ ಬದಲಾಗಿ ಕಂದು-ಬೀಜ್ ಎಫೆಕ್ಟ್‌ ಅನ್ನು ಹೊಂದಿದೆ. ಮೆಟಿರಿಯಲ್‌ಗಳ ಗುಣಮಟ್ಟವು ಕ್ರೆಟಾಕ್ಕೆ ಸಮನಾಗಿರುತ್ತದೆ, ಆದರೆ ಅಲ್ಕಾಜಾರ್‌ನ ಪ್ರೀಮಿಯಂ ಪೊಸಿಶನ್‌ಗಾಗಿ, ಇದನ್ನು ಇನ್ನೂ ಒಂದು ಹೆಜ್ಜೆ ಮೇಲೆ ಮಾಡಬಹುದಿತ್ತು, ವಿಶೇಷವಾಗಿ ಕೆಲವು ಬಟನ್‌ಗಳು ಪ್ಲಾಸ್ಟಿಕ್‌ ನಂತೆ ಭಾಸವಾಗುತ್ತದೆ. 

ಪ್ರಾಯೋಗಿಕವಾಗಿ, ಇದು ಕ್ರೆಟಾದಂತೆಯೇ ಅದ್ಭುತವಾಗಿದೆ. ದೊಡ್ಡ ಸೆಂಟ್ರಲ್‌ ಪ್ಯಾನಲ್‌ನಲ್ಲಿ ಕಪ್ ಹೋಲ್ಡರ್‌ಗಳು, ವೈರ್‌ಲೆಸ್ ಚಾರ್ಜರ್ ಮತ್ತು ದೊಡ್ಡ ಬಾಟಲಿಗಳನ್ನು ಹಿಡಿದಿಟ್ಟುಕೊಳ್ಳುವ ಡೋರ್ ಪಾಕೆಟ್‌ಗಳವರೆಗೆ ಸ್ಟೋರೆಜ್‌ಗೆ ಸಾಕಷ್ಟು ಜಾಗ ಇದೆ. ವಿಶಾಲವಾದ ಮತ್ತು ಕೂಲ್ಡ್‌ ಗ್ಲಾವ್‌ಬಾಕ್ಸ್‌ ಮತ್ತು ಆಡ್ಜಸ್ಟ್‌ ಮಾಡಬಹುದಾದ ಆರ್ಮ್‌ರೆಸ್ಟ್‌ಗಳು ಸಹ ಇವೆ. ಜೊತೆಗೆ, ಡ್ಯಾಶ್‌ಬೋರ್ಡ್‌ನಲ್ಲಿನ ಓಪನ್‌ ಸ್ಟೋರೇಜ್‌ ಪ್ರಯಾಣಿಕರ ಅನುಕೂಲತೆಯನ್ನು ಹೆಚ್ಚಿಸುತ್ತದೆ. 

ಫೀಚರ್‌ಗಳ ವಿಷಯದಲ್ಲಿ, ಹ್ಯುಂಡೈ ಅಲ್ಕಾಜರ್ ಅನ್ನು ಮೆಮೊರಿ ಸೆಟ್ಟಿಂಗ್‌ಗಳೊಂದಿಗೆ 8-ರೀತಿಯಲ್ಲಿ ಪವರ್-ಎಡ್ಜಸ್ಟ್‌ ಮಾಡಬಹುದಾದ ಡ್ರೈವರ್ ಸೀಟ್‌ನೊಂದಿಗೆ ಅಪ್‌ಗ್ರೇಡ್ ಮಾಡಿದೆ ಮತ್ತು ಕ್ರೆಟಾದ ಮ್ಯಾನುವಲ್‌ ಹೊಂದಾಣಿಕೆಯಿಂದ ಒಂದು ಹೆಜ್ಜೆ ಮೇಲಿದೆ. ಆದರೆ, ಟಚ್‌ಸ್ಕ್ರೀನ್ ವಿನ್ಯಾಸವು ಸುಗಮವಾಗಿದ್ದರೂ, ಟಾಟಾದಂತಹ ಸ್ಪರ್ಧಿಗಳಿಗೆ ಹೋಲಿಸಿದರೆ ಸ್ವಲ್ಪಮಟ್ಟಿಗೆ ಹಳೆಯದಂತೆ ಕಾಣಲು ಪ್ರಾರಂಭಿಸುತ್ತಿದೆ, ಯಾಕೆಂದರೆ ಅವುಗಳ ಇಂಟರ್ಫೇಸ್‌ಗಳು ಹೆಚ್ಚು ಆಧುನಿಕವಾಗಿ ಕಾಣುತ್ತವೆ. 360-ಡಿಗ್ರಿ ಕ್ಯಾಮೆರಾ, ಬ್ಲೈಂಡ್-ಸ್ಪಾಟ್ ಮಾನಿಟರ್‌ಗಳು, ಆಟೋಮ್ಯಾಟಿಕ್‌ ಹೆಡ್‌ಲ್ಯಾಂಪ್‌ಗಳು ಮತ್ತು ವೈಪರ್‌ಗಳನ್ನು ಒಳಗೊಂಡಂತೆ ಅಲ್ಕಾಜರ್‌ನ ಫೀಚರ್‌ನ ಸೆಟ್ ವಿಸ್ತಾರವಾಗಿದೆ. ಆದರೆ, ಇದು ಇನ್ನೂ ವೈರ್‌ಲೆಸ್ ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್‌ಪ್ಲೇ ಫೀಚರ್‌ ಅನ್ನು ಹೊಂದಿಲ್ಲ. ಮತ್ತು ಕೆಲವು ಪ್ರತಿಸ್ಪರ್ಧಿಗಳಿಗಿಂತ ಭಿನ್ನವಾಗಿ, ಆಂಡ್ರಾಯ್ಡ್ ಆಟೋ ಅಥವಾ ಕಾರ್‌ಪ್ಲೇ ಮ್ಯಾಪ್‌ಗಳು ಇನ್ಸ್ಟ್ರುಮೆಂಟ್ ಕ್ಲಸ್ಟರ್‌ಗೆ ವರ್ಗಾವಣೆಯಾಗುವುದಿಲ್ಲ. 

3ನೇ ಸಾಲಿನ ಅನುಭವ

ಎರಡನೇ ಸಾಲಿನ ಸೀಟನ್ನು ಮಡಚಲಾಗುವುದಿಲ್ಲ ಅಥವಾ ಉರುಳಿಸಲಾಗುವುದಿಲ್ಲವಾದ್ದರಿಂದ ಮೂರನೇ ಸಾಲನ್ನು ಪ್ರವೇಶಿಸುವುದು ಸ್ವಲ್ಪ ಕಷ್ಟವಾಗುತ್ತದೆ. ಬದಲಾಗಿ, ನೀವು ಎರಡನೇ ಸಾಲಿನ ಸೀಟುಗಳ ನಡುವಿನ ಮೂಲಕ ಸಾಗಬೇಕಾಗುತ್ತದೆ, ಅಲ್ಲಿಂದ ಹೋಗಬಹುದು, ಆದರೆ ಸುಲಭವಾಗಿಲ್ಲ. ಒಮ್ಮೇ ನೀವು ಮೂರನೇ ಸಾಲಿಗೆ ಪ್ರವೇಶಿದ ಮೇಲೆ, ಅಲ್ಲಿನ ಜಾಗವು ಉತ್ತಮವಾಗಿದೆ.  ಒಮ್ಮೆ, ಸ್ಥಳವು ಸಮಂಜಸವಾಗಿದೆ. 5’7" ಎತ್ತರದ ನನಗೆ ಮೊಣಕಾಲು ಇಡುವಲ್ಲಿ ಸ್ವಲ್ಪ ಕಷ್ಟವಾಯಿತು, ಮತ್ತು ಇದು ಮಕ್ಕಳಿಗೆ ಸಾಕಾಗುತ್ತದೆ. ಹಾಗೆಯೇ, ಎತ್ತರದ ವಯಸ್ಕರಿಗೆ ಇಲ್ಲಿ ಸ್ವಲ್ಪ ಇಕ್ಕಟ್ಟಾಗಬಹುದು. ಪನರೋಮಿಕ್‌ ಸನ್‌ರೂಫ್ ಮತ್ತು ದೊಡ್ಡ ಕಿಟಕಿಗಳಿಂದಾಗಿ ಗೋಚರತೆ ಉತ್ತಮವಾಗಿದೆ, ಕ್ಯಾಬಿನ್ ಅನ್ನು ವಿಶಾಲವಾಗಿ ಮತ್ತು ಹೆಚ್ಚು ಗಾಳಿಯಾಡುವಂತೆ ಮಾಡುತ್ತದೆ. ಆದರೆ ಆಸನಗಳು ಕೆಳಗಿನ ಪೊಸಿಶನ್‌ನಲ್ಲಿದೆ, ಆದ್ದರಿಂದ ನೀವು ನಿಮ್ಮ ಮೊಣಕಾಲುಗಳನ್ನು ಮೇಲಕ್ಕೆತ್ತಿ ಕುಳಿತುಕೊಳ್ಳುತ್ತೀರಿ, ಇದು ಲಾಂಗ್‌ ಡ್ರೈವ್‌ಗಳಲ್ಲಿ ವಯಸ್ಕರಿಗೆ ಅನಾನುಕೂಲವಾಗಬಹುದು.

ಸೌಕರ್ಯದ ದೃಷ್ಟಿಯಿಂದ, ಮೂರನೇ ಸಾಲಿನ ಸೀಟ್‌ಗಳನ್ನು ಸಂಪೂರ್ಣವಾಗಿ ಹಿಂದಕ್ಕೆ ಒರಗಿಸಬಹುದು, ಆದರೆ ಇದು ಲಗೇಜ್ ಸ್ಥಳವನ್ನು ಕಡಿಮೆ ಮಾಡಬಹುದು. ಮೂರನೇ ಸಾಲಿನಲ್ಲಿ ಕ್ಯಾಬಿನ್ ಲೈಟ್‌ಗಳು, ಫ್ಯಾನ್ ಕಂಟ್ರೋಲ್‌ಗಳೊಂದಿಗೆ ಹಿಂಭಾಗದ ಎಸಿ ವೆಂಟ್‌ಗಳು, ಟೈಪ್-ಸಿ ಚಾರ್ಜರ್‌ಗಳು, ಕಪ್ ಮತ್ತು ಬಾಟಲ್ ಹೋಲ್ಡರ್‌ಗಳು ಮತ್ತು ನಿಮ್ಮ ಫೋನ್‌ಗೆ ಪಾಕೆಟ್ ಸೇರಿದಂತೆ ಕೆಲವು ಉಪಯುಕ್ತ ಫೀಚರ್‌ಗಳನ್ನು ನೀವು ಕಾಣಬಹುದು. ಲಾಂಗ್‌ ಡ್ರೈವ್‌ ಮಾಡುವಾಗ ಮಕ್ಕಳಿಗೆ ಇದು ಸೂಕ್ತವಾಗಿರುತ್ತದೆ, ಆದರೆ ನಗರದೊಳಗಿನ ಅಥವಾ ಕಡಿಮೆ ದೂರದ ಪ್ರಯಾಣಗಳಲ್ಲಿ ವಯಸ್ಕರು ಸಹ ಪ್ರಯಾಣಿಸಬಹುದು. 

ಹಿಂಭಾಗದ ಸೀಟ್‌ನ ಅನುಭವ

ಎರಡನೇ ಸಾಲಿನಲ್ಲಿ, ವಿಶೇಷವಾಗಿ ಕ್ಯಾಪ್ಟನ್ ಸೀಟ್ ವೇರಿಯೆಂಟ್‌ಗಳಲ್ಲಿ, ಇದು ಹೆಚ್ಚು ಆರಾಮದಾಯಕವಾಗುತ್ತವೆ. ಆಸನಗಳು ದೃಢವಾದ ಕುಶಾನ್‌ನೊಂದಿಗೆ ಬೆಂಬಲವನ್ನು ನೀಡುತ್ತವೆ, ನಗರ ಪ್ರಯಾಣವನ್ನು ಸುಲಭಗೊಳಿಸುತ್ತವೆ. ಹೆಡ್‌ರೆಸ್ಟ್ ಅತ್ಯುತ್ತಮ ಬೆಂಬಲವನ್ನು ನೀಡುತ್ತದೆ, ಆದ್ದರಿಂದ ದೀರ್ಘ ಪ್ರಯಾಣಗಳಲ್ಲಿಯೂ ಸಹ, ನೀವು ಚಿಕ್ಕನಿದ್ರೆಗಾಗಿ ಒರಗಿಕೊಂಡರೆ ನಿಮ್ಮ ತಲೆಯು ಜಾರಲು ಬಿಡುವುದಿಲ್ಲ.

ಮತ್ತೊಂದು ಪ್ರಮುಖ ಅಂಶವೆಂದರೆ ತೊಡೆಯ ಕೆಳಭಾಗದ ಬೆಂಬಲ, ಇದು ಈಗಾಗಲೇ ಉತ್ತಮವಾಗಿದೆ, ಆದರೆ ಹ್ಯುಂಡೈ ಅದನ್ನು ವಿಸ್ತರಿಸಬಹುದಾದ ಸೌಕರ್ಯದೊಂದಿಗೆ ಒಂದು ಹೆಜ್ಜೆ ಮುಂದಿಟ್ಟಿದೆ. ಎತ್ತರದ ಪ್ರಯಾಣಿಕರು ಇಲ್ಲಿ ಬೆಂಬಲದ ಕೊರತೆಯನ್ನು ಅನುಭವಿಸುವುದಿಲ್ಲ.

ಅಲ್ಕಾಜರ್ ಸಾಕಷ್ಟು ಫೀಚರ್‌ಗಳನ್ನು ನೀಡುತ್ತದೆ, ಇದು ಕಪ್ ಹೋಲ್ಡರ್ ಮತ್ತು ಫೋನ್ ಅಥವಾ ಟ್ಯಾಬ್ಲೆಟ್‌ಗಾಗಿ ಸ್ಲಾಟ್‌ನೊಂದಿಗೆ ಬರುವ ಟ್ರೇನಿಂದ ಪ್ರಾರಂಭವಾಗುತ್ತದೆ. ಮಧ್ಯದಲ್ಲಿ ವೈರ್‌ಲೆಸ್ ಚಾರ್ಜರ್, ಡ್ಯುಯಲ್ ಟೈಪ್-ಸಿ ಚಾರ್ಜಿಂಗ್ ಪೋರ್ಟ್‌ಗಳು, ಹಿಂಭಾಗದ ಎಸಿ ವೆಂಟ್‌ಗಳು (ಬ್ಲೋವರ್ ಅಥವಾ ಫ್ಯಾನ್ ವೇಗ ಕಂಟ್ರೋಲ್‌ಗಳಿಲ್ಲದಿದ್ದರೂ), ಮತ್ತು ಎರಡನೇ ಸಾಲಿಗೆ ವೆಂಟಿಲೇಟೆಡ್‌ ಸೀಟುಗಳು ಬೇಸಿಗೆಯ ಪ್ರಯಾಣವನ್ನು ತಂಪಾಗಿ ಮತ್ತು ಆರಾಮದಾಯಕವಾಗಿಸುತ್ತದೆ. ಚಾಲಕನಿಂದ ಚಾಲಿತವಾಗುತ್ತಿದ್ದರೆ ಅಥವಾ ನೀವು ಮಾಲೀಕರಂತೆ ಹಿಂದೆ ಕುಳಿತುಕೊಂಡು ಪ್ರಯಾಣಿಸುವವರಾಗಿದ್ದರೆ, ಈ ಸೆಟಪ್ ತುಂಬಾ ಆರಾಮದಾಯಕವಾಗಿರುತ್ತದೆ ಮತ್ತು ಮುಂಭಾಗದ ಪ್ರಯಾಣಿಕರ ಆಸನವನ್ನು ಹಿಂಭಾಗದಿಂದ ಎಡ್ಜಸ್ಟ್‌ ಮಾಡಲು ಒಂದು ಬಟನ್ ಕೂಡ ಇದೆ, ಇದರಿಂದ ಹೆಚ್ಚಿನ ಲೆಗ್‌ರೂಮ್ ಅನ್ನು ಪಡೆಯಬಹುದು.   

ಸುರಕ್ಷತೆಯ ಭಾಗವಾಗಿ, ಅಲ್ಕಾಜರ್ ಆರು ಏರ್‌ಬ್ಯಾಗ್‌ಗಳನ್ನು ಎಲ್ಲಾ ವೇರಿಯೆಂಟ್‌ಗಳಲ್ಲಿಯೂ ನೀಡುತ್ತದೆ, ಜೊತೆಗೆ ABS, EBD, ಟ್ರಾಕ್ಷನ್‌ ಕಂಟ್ರೋಲ್‌, ಮುಂಭಾಗದ ಪಾರ್ಕಿಂಗ್ ಸೆನ್ಸಾರ್‌ಗಳು ಮತ್ತು ಟೈರ್ ಪ್ರೇಶರ್‌ ಮಾನಿಟರಿಂಗ್ ಸಿಸ್ಟಮ್ ಅನ್ನು ಹೊಂದಿದೆ. ಟಾಪ್‌ ವೇರಿಯೆಂಟ್‌ಗಳು ಲೆವೆಲ್‌ 2 ADAS ಅನ್ನು ಸಹ ಒಳಗೊಂಡಿವೆ. ಆದರೆ, ಕಾರಿನ ಕ್ರ್ಯಾಶ್ ಟೆಸ್ಟ್ ರೇಟಿಂಗ್ ಅನ್ನು ಇನ್ನಷ್ಟೇ ತಿಳಿಯಬೇಕಾಗಿದೆ, ಭಾರತ್ ಎನ್‌ಸಿಎಪಿ ಪರೀಕ್ಷೆಗಳು ಬಾಕಿ ಉಳಿದಿವೆ.

ಈ ವಿಭಾಗದಲ್ಲಿರುವ ನ್ಯೂನತೆಯೆಂದರೆ ಅಲ್ಕಾಜರ್ ಇನ್ನೂ ಪವರ್ ಟೈಲ್‌ಗೇಟ್ ಅನ್ನು ಹೊಂದಿಲ್ಲ, ಆದರೆ ನಾವು ಇದನ್ನು ಹೆಕ್ಟರ್ ಮತ್ತು ಕರ್ವ್‌ನಂತಹ ಕಾರುಗಳಲ್ಲಿ ಕಾಣಬಹುದು. ಇದು ದೊಡ್ಡ ಮಿಸ್ಸಿಂಗ್‌ನಂತೆ ಭಾಸವಾಗುತ್ತಿದೆ. ಸ್ಟೋರೆಜ್‌ನ ವಿಷಯದಲ್ಲಿ, ಮೂರನೇ ಸಾಲಿನ ಹಿಂದೆ 180 ಲೀಟರ್ ಬೂಟ್‌ ಸ್ಪೇಸ್‌ ಇದೆ - ಒಂದು ದಿನಕ್ಕಾಗುವ ಸೂಟ್‌ಕೇಸ್‌ಗಳು, ಡಫಲ್ ಬ್ಯಾಗ್‌ಗಳು ಅಥವಾ ಬ್ಯಾಕ್‌ಪ್ಯಾಕ್‌ಗಳಿಗೆ ಇದು ಸಾಕಷ್ಟು. ಹೆಚ್ಚು ವಿಶಾಲವಾದ 579-ಲೀಟರ್ ಜಾಗಕ್ಕಾಗಿ ನೀವು ಮೂರನೇ ಸಾಲನ್ನು ಮಡಚಬಹುದು, ಇದು ದೊಡ್ಡ ಲಗೇಜ್‌, ಕ್ಯಾಂಪಿಂಗ್‌ಗೆ ಬೇಕಾಗುವ ಸಾಮಾನುಗಳು ಅಥವಾ ಹಲವು ಸೂಟ್‌ಕೇಸ್‌ಗಳಿಗೆ ಸಾಕಷ್ಟು ಜಾಗವನ್ನು ಪಡೆಯಬಹುದು. ಮಡಚುವ ಟೇಬಲ್‌ಗಳು ಮತ್ತು ಕುರ್ಚಿಗಳಿಗೆ ಸಹ ಸ್ಥಳವಿದೆ. ಆದರೆ, ಕ್ಯಾಪ್ಟನ್ ಸೀಟ್ ವೇರಿಯೆಂಟ್‌ನಲ್ಲಿ, ಹಿಂಬದಿಯ ಸೀಟುಗಳನ್ನು ಫ್ಲಾಟ್ ಆಗಿ ಮಡಚಲಾಗುವುದಿಲ್ಲ, ಅಂದರೆ ನೀವು ಸಂಪೂರ್ಣವಾಗಿ ಫ್ಲಾಟ್ ಆದ ಫ್ಲೋರ್ ಅನ್ನು ಪಡೆಯುವುದಿಲ್ಲ.

ಬೂಟ್ ಫ್ಲೋರ್‌ನ ಕೆಳಗಿರುವ ಸ್ಥಳವು ಸೀಮಿತವಾಗಿದೆ, ಏಕೆಂದರೆ ಇದು ಜ್ಯಾಕ್ ಮತ್ತು ಸ್ಪೀಕರ್ ಸೆಟ್‌ಗಳನ್ನು ಸಹ ಹೊಂದಿದೆ. ಆದರೂ ಇಲ್ಲಿ ನೀವು ಕ್ಲೀನ್ ಮಾಡಲು ಬಳಸುವ ಬಟ್ಟೆ ಅಥವಾ ಸ್ಪ್ರೇಗಳಂತಹ ಸಣ್ಣ ವಸ್ತುಗಳನ್ನು ಸಂಗ್ರಹಿಸಲು ಇದು ಸೂಕ್ತವಾಗಿದೆ.

ಅಲ್ಕಾಜರ್ ಅನ್ನು ಕ್ರೆಟಾಗೆ ಹೋಲಿಸುವ ಮೂಲಕ ಪ್ರಾರಂಭಿಸೋಣ. ಎಂಜಿನ್ ಆಯ್ಕೆಗಳು-1.5 ಟರ್ಬೊ ಮತ್ತು 1.5 ಡೀಸೆಲ್, ನೀವು ಕ್ರೆಟಾದಲ್ಲಿ ಪಡೆಯುವ ಅದೇ ಪವರ್ ಟ್ಯೂನಿಂಗ್ ಅನ್ನು ಪಡೆಯುವಂತೆಯೇ ಇರುತ್ತವೆ. ಇದರರ್ಥ ಡ್ರೈವಿಂಗ್ ಅನುಭವವು ಕ್ರೆಟಾವನ್ನು ಹೋಲುತ್ತದೆ, ಇದು ಕೆಟ್ಟ ವಿಷಯವಲ್ಲ. ಎರಡೂ ಇಂಜಿನ್‌ಗಳು ತುಂಬಾ ಸಮರ್ಥವಾಗಿವೆ, ಪರಿಷ್ಕೃತವಾಗಿವೆ ಮತ್ತು ಸುಗಮ ಚಾಲನಾ ಅನುಭವವನ್ನು ನೀಡುತ್ತವೆ. ಪವರ್‌ನ ಸಪ್ಲೈ ವಿಷಯದಲ್ಲಿ ನೀವು ಯಾವುದೇ ಸಮಸ್ಯೆಗಳನ್ನು ಎದುರಿಸುವುದಿಲ್ಲ, ಅದು ತಡೆರಹಿತ ಮತ್ತು ಪ್ರಯತ್ನರಹಿತವಾಗಿರುತ್ತದೆ.

ಮೊದಲಿಗೆ, ಟರ್ಬೊ ಪೆಟ್ರೋಲ್ ಎಂಜಿನ್ ಬಗ್ಗೆ ಮಾತನಾಡೋಣ. ಇದು ನಮ್ಮ ಟಾಪ್ ಪಿಕ್ ಆಗಿರುತ್ತದೆ, ಏಕೆಂದರೆ ಇದು ಹೆಚ್ಚು ಶ್ರಮವಿಲ್ಲದ ಡ್ರೈವಿಂಗ್ ಅನುಭವವನ್ನು ನೀಡುತ್ತದೆ. ಸಿಟಿ ಡ್ರೈವಿಂಗ್‌ನಲ್ಲಿ, ಇದು ಬಂಪರ್-ಟು-ಬಂಪರ್ ಟ್ರಾಫಿಕ್ ಅನ್ನು ಸುಲಭವಾಗಿ ನಿಭಾಯಿಸುತ್ತದೆ ಮತ್ತು ಓವರ್‌ಟೇಕ್ ಮಾಡುವುದು ಕ್ವಿಕ್‌ ಮತ್ತು ಮೃದುವಾಗಿರುತ್ತದೆ. ಡಿಸಿಟಿ ಗೇರ್‌ಬಾಕ್ಸ್ ಕೂಡ  ಚುರುಕಾಗಿದೆ, ಮೈಲೇಜ್‌ಗಾಗಿ ಯಾವಾಗ ಮೇಲಕ್ಕೆ ಬದಲಾಯಿಸಬೇಕು ಮತ್ತು ಓವರ್‌ಟೇಕ್‌ಗಳಿಗಾಗಿ ಯಾವಾಗ ಡೌನ್‌ಶಿಫ್ಟ್ ಮಾಡಬೇಕು ಎಂಬುವುದು ಸಹ ಚೆನ್ನಾಗಿ ತಿಳಿದಿದೆ. 

ಒಟ್ಟಾರೆಯಾಗಿ, ಡ್ರೈವಿಂಗ್ ಅನುಭವವು ನಿರಾಳವಾಗಿದೆ. ಆದರೂ, ಕ್ರೆಟಾದಂತಲ್ಲದೆ, ನೀವು ಥ್ರೊಟಲ್‌ಗೆ ಪ್ರೆಶರ್‌ ನೀಡಿದಂತೆ ಕಾರು ಹೆಚ್ಚು ಸ್ಪಂದಿಸುತ್ತದೆ, ಅಲ್ಕಾಜರ್ ಸ್ಪೋರ್ಟಿ ಎಂದು ಭಾವಿಸುವುದಿಲ್ಲ. ಇದು ಅದರ ದೊಡ್ಡ ಗಾತ್ರ ಮತ್ತು ಹೆಚ್ಚಿದ ತೂಕದಿಂದಾಗಿ, ಅದರ ಒಟ್ಟಾರೆ ಪರ್ಫಾರ್ಮೆನ್ಸ್‌ ಮೇಲೆ ಪರಿಣಾಮ ಬೀರುತ್ತದೆ. ಇದು ಹೆದ್ದಾರಿಗಳಲ್ಲಿ ಪರ್ಫಾರ್ಮೆನ್ಸ್‌ಅನ್ನು ಹೊಂದಿಲ್ಲ ಎಂದು ಇದರ ಅರ್ಥವಲ್ಲ, ಇದು ಅವುಗಳನ್ನು ಸಲೀಸಾಗಿ ನಿಭಾಯಿಸುತ್ತದೆ. ಇಲ್ಲಿ ಇರುವ ನ್ಯೂನತೆಯೆಂದರೆ ನಗರದಲ್ಲಿನ ಮೈಲೇಜ್ ಆಗಿರಬಹುದು, ಅಲ್ಲಿ ಇದು ಪ್ರತಿ ಲೀಟರ್‌ಗೆ ಸುಮಾರು 8-10 ಕಿಮೀ ನೀಡುತ್ತದೆ. ಆದರೆ, ಹೆದ್ದಾರಿಗಳಲ್ಲಿ, ಇದು ಪ್ರತಿ ಲೀಟರ್‌ಗೆ ಸಮಧಾನಕರವೆಂಬಂತೆ 14-15 ಕಿ.ಮೀ. ನೀಡುತ್ತದೆ. 

ಡೀಸೆಲ್ ಎಂಜಿನ್‌ ಅನ್ನು ಗಮನಿಸುವಾಗ, ಇದು ಸೋನೆಟ್ ಮತ್ತು ಸೆಲ್ಟೋಸ್‌ನಲ್ಲಿ ಕಂಡುಬರುವ ಒಂದೇ ರೀತಿಯದ್ದಾಗಿದೆ. ವಿಶೇಷವಾಗಿ ಸಿಟಿ ಡ್ರೈವಿಂಗ್‌ನಲ್ಲಿ ಡೀಸೆಲ್ ಎಂಜಿನ್ ಶ್ರಮರಹಿತ ಫರ್ಫಾರ್ಮೆನ್ಸ್‌ ಅನ್ನು ನೀಡುತ್ತದೆ. ಕಡಿಮೆ-ವೇಗದ ಟಾರ್ಕ್ ಅತ್ಯುತ್ತಮವಾಗಿದೆ, ತ್ವರಿತ ಓವರ್‌ಟೇಕ್‌ಗಳು ಮತ್ತು ಸ್ಟಾಪ್-ಗೋ ಟ್ರಾಫಿಕ್ ನಲ್ಲಿ ಸರಾಗವಾಗಿ ಸಾಗುತ್ತದೆ. ಆದಾಗ್ಯೂ, ಡೀಸೆಲ್‌ನ ಶ್ರಮರಹಿತವಾದ ಪರ್ಫಾರ್ಮೆನ್ಸ್‌ ಟಾರ್ಕ್ ಕನ್ವರ್ಟರ್‌ ಟ್ರಾನ್ಸ್‌ಮಿಷನ್‌ನೊಂದಿಗೆ ಇರುವುದಿಲ್ಲ. ಪ್ರತಿಕ್ರಿಯಿಸಲು ಸ್ವಲ್ಪ ಹೆಚ್ಚು ಸಮಯ ತೆಗೆದುಕೊಳ್ಳುತ್ತದೆ, ಆದ್ದರಿಂದ ನೀವು ಹೆದ್ದಾರಿಯಲ್ಲಿ ಓವರ್‌ಟೇಕ್‌ಗಳನ್ನು ಯೋಜಿಸಬೇಕಾಗುತ್ತದೆ. ನೀವು ಅದರೊಂದಿಗೆ ಆರಾಮದಾಯಕವಾಗಿದ್ದರೆ ಮತ್ತು ನಿಮ್ಮ ಆದ್ಯತೆಯು ಇಂಧನ ದಕ್ಷತೆಯಾಗಿದ್ದರೆ, ಡೀಸೆಲ್ ಎಂಜಿನ್ ಇನ್ನೂ ಸಾಲಿಡ್‌ ಆಗಿರುವ ಆಯ್ಕೆಯಾಗಿದೆ.

ಗಮನಿಸಬೇಕಾದ ಅಂಶವೆಂದರೆ ಡೀಸೆಲ್ ಎಂಜಿನ್ ಆಯ್ಕೆಯು ಪನರೋಮಿಕ್‌ ಸನ್‌ರೂಫ್ ಅಥವಾ ಸ್ಪೇರ್ ವೀಲ್‌ನೊಂದಿಗೆ ಬರುವುದಿಲ್ಲ. ಕಾರಿನ ತೂಕವನ್ನು ನಿಯಂತ್ರಣದಲ್ಲಿಡಲು ಹ್ಯುಂಡೈ ಕೆಲವು ಹೊಂದಾಣಿಕೆಗಳನ್ನು ಮಾಡಬೇಕಾಗಿತ್ತು.

ನೀವು ಕುಟುಂಬದೊಂದಿಗೆ ಪ್ರಯಾಣಿಸುತ್ತಿದ್ದರೆ ಮತ್ತು ಲಗೇಜ್‌ನ ಜೊತೆಗೆ ಕಾರಿನಲ್ಲಿ 6-7 ಜನರನ್ನು ಹೊಂದಿದ್ದರೆ, ಸಸ್ಪೆನ್ಸನ್‌ ಮೇಲೆ ಪ್ರೆಶರ್‌ ಬೀಳಬಹುದು ಮತ್ತು ಕ್ಯಾಬಿನ್‌ನಲ್ಲಿ ನೀವು ಜರ್ಕ್‌ಗಳನ್ನು ಅನುಭವಿಸಲು ಪ್ರಾರಂಭಿಸಬಹುದು. ಆದರೆ ಅದರ ಹೊರತಾಗಿ, ರಫ್‌ ಆದ ರಸ್ತೆಗಳಲ್ಲಿ ಡ್ರೈವ್‌ ಮಾಡುವುದು ಸಮಸ್ಯೆಯಲ್ಲ. ಅಲ್ಕಾಜರ್‌ ಕ್ರೆಟಾಕ್ಕಿಂತ ಹೆಚ್ಚು ದುಬಾರಿಯಾಗಿರುವುದನ್ನು ಪರಿಗಣಿಸುವಾಗ, ಸೌಕರ್ಯದ ಮಟ್ಟವು ಉತ್ತಮವಾಗಿರಬೇಕಿತ್ತು, ಆದರೂ ಇದು ಒಟ್ಟಾರೆಯಾಗಿ ಇನ್ನೂ ಸುಧಾರಣೆಯ ಹಂತದಲ್ಲಿದೆ.

ಇದು ಹೆಚ್ಚು ಸ್ಥಳಾವಕಾಶ ಮತ್ತು ಕೆಲವು ಹೆಚ್ಚುವರಿ ಫೀಚರ್‌ಗಳನ್ನು ನೀಡುವುದೇ, ಅಲ್ಕಾಝರ್ ಅನ್ನು ಖರೀದಿಸಲು ಇರುವ ಕಾರಣಗಳಲ್ಲಿ ಒಂದು ಆಗಿರುತ್ತವೆ. ಇದು ಸಾಮಾನ್ಯವಾಗಿ ಕ್ರೆಟಾದ ಪ್ರೀಮಿಯಂ ಆವೃತ್ತಿಯಾಗಿದ್ದು, ಉತ್ತಮ ಹಿಂಬದಿಯ ಆಸನದ ಸೌಕರ್ಯ ಮತ್ತು ಗಮನಾರ್ಹವಾಗಿ ಹೆಚ್ಚು ಬೂಟ್ ಸ್ಥಳಾವಕಾಶವನ್ನು ಹೊಂದಿದೆ. ಹಿಂದಿನ ಆಸನದ ಸೌಕರ್ಯಗಳಿಗೆ ಆದ್ಯತೆ ನೀಡುವ ಅಥವಾ ಮಾಲೀಕರಂತೆ ಕುಳಿತು ಪ್ರಯಾಣಿಸುವವರಿಗೆ, ಅಲ್ಕಾಜರ್‌ನ ಹೊಸ ಫೀಚರ್‌ಗಳು ದೊಡ್ಡ ಪ್ರಯೋಜನವಾಗಿದೆ. ಮತ್ತು ಕ್ರೆಟಾಗೆ ಹೋಲಿಸಿದರೆ ದೊಡ್ಡ ಬೆಲೆ ವ್ಯತ್ಯಾಸವಿಲ್ಲದ ಕಾರಣ, ಈ ಹೆಚ್ಚಿನ ಫೀಚರ್‌ಗಳಿಗೆ ಸ್ವಲ್ಪ ಹೆಚ್ಚುವರಿ ಪಾವತಿಸುವುದು ಸಮರ್ಥನೀಯವಾಗಿದೆ.

ಆದಾಗ್ಯೂ, ನೀವು ನಿಜವಾದ 6- ಅಥವಾ 7-ಸೀಟರ್‌ ಎಸ್‌ಯುವಿಗಳನ್ನು ಹುಡುಕುತ್ತಿದ್ದರೆ, ಅಲ್ಕಾಜರ್ ಕಡಿಮೆಯಾಗಬಹುದು ಮತ್ತು ನೀವು ಕಿಯಾ ಕಾರೆನ್ಸ್‌ ಅಥವಾ ಮಹೀಂದ್ರಾ ಎಕ್ಸ್‌ಯುವಿ700ನಂತಹ ಪರ್ಯಾಯಗಳನ್ನು ಪರಿಗಣಿಸಬೇಕು. ಆದರೆ ನೀವು ಕ್ರೆಟಾದ ಪ್ರಾಯೋಗಿಕತೆಯನ್ನು ಮೆಚ್ಚಿದರೆ ಮತ್ತು ಅದಕ್ಕಿಂತ ದೊಡ್ಡದಾದ, ಹೆಚ್ಚು ಪ್ರೀಮಿಯಂ ಪ್ಯಾಕೇಜ್‌ನಲ್ಲಿ ಬಯಸಿದರೆ, ಅಲ್ಕಾಜರ್ ಅತ್ಯುತ್ತಮ ಆಯ್ಕೆಯಾಗಿದೆ.