ಭಾರತದಲ್ಲಿ Kia EV6 ಫೇಸ್‌ಲಿಫ್ಟ್ ಬಿಡುಗಡೆ, ಬೆಲೆ 65.90 ಲಕ್ಷ ರೂ. ನಿಗದಿ

2025ರ EV6 ಹಿಂದಿನ ಮೊಡೆಲ್‌ನಂತೆಯೇ ಬೆಲೆಯನ್ನು ಹೊಂದಿದೆ ಮತ್ತು ಕೆಲವು ವಿನ್ಯಾಸ ಬದಲಾವಣೆಗಳನ್ನು ಹೊಂದಿದೆ ಮತ್ತು 650 ಕಿ.ಮೀ.ಗಿಂತ ಹೆಚ್ಚಿನ ಕ್ಲೈಮ್‌ ಮಾಡಿದ ರೇಂಜ್‌ಅನ್ನು ಹೊಂದಿರುವ ದೊಡ್ಡ ಬ್ಯಾಟರಿ ಪ್ಯಾಕ್ ಅನ್ನು ಹೊಂದಿದೆ

• ಇದು ನಯವಾದ ಎಲ್‌ಇಡಿ ಪ್ರೊಜೆಕ್ಟರ್ ಹೆಡ್‌ಲೈಟ್‌ಗಳು, ತ್ರಿಕೋನ ಎಲ್‌ಇಡಿ ಡಿಆರ್‌ಎಲ್‌ಗಳು ಮತ್ತು 19-ಇಂಚಿನ ಅಲಾಯ್‌ ವೀಲ್‌ಗಳನ್ನು ಪಡೆಯುತ್ತದೆ.

• ಒಳಭಾಗದಲ್ಲಿ, ಇದು ಈಗ ಹೊಸ 3-ಸ್ಪೋಕ್ ಸ್ಟೀರಿಂಗ್ ವೀಲ್ ಮತ್ತು ಫಿಂಗರ್‌ಪ್ರಿಂಟ್ ಸೆನ್ಸಾರ್ ಅನ್ನು ಹೊಂದಿದೆ.

• ಫೀಚರ್‌ಗಳಲ್ಲಿ 12.3-ಇಂಚಿನ ಡ್ಯುಯಲ್ ಸ್ಕ್ರೀನ್‌ಗಳು, ಹೆಡ್ಸ್-ಅಪ್ ಡಿಸ್ಪ್ಲೇ ಮತ್ತು ಸನ್‌ರೂಫ್ ಸೇರಿವೆ.

• ಸುರಕ್ಷತಾ ಸೂಟ್ 8 ಏರ್‌ಬ್ಯಾಗ್‌ಗಳು, 360-ಡಿಗ್ರಿ ಕ್ಯಾಮೆರಾ ಮತ್ತು ಲೆವೆಲ್-2 ADAS ಅನ್ನು ಒಳಗೊಂಡಿದೆ.

• 84 ಕಿ.ವ್ಯಾಟ್‌ ಬ್ಯಾಟರಿ ಪ್ಯಾಕ್ ಮತ್ತು 325 ಪಿಎಸ್‌ ಮತ್ತು 605 ಎನ್‌ಎಮ್‌ ಔಟ್‌ಪುಟ್‌ನೊಂದಿಗೆ ಡ್ಯುಯಲ್ ಎಲೆಕ್ಟ್ರಿಕ್ ಮೋಟಾರ್‌ಗಳನ್ನು ಪಡೆಯುತ್ತದೆ.

ಭಾರತ್ ಮೊಬಿಲಿಟಿ ಗ್ಲೋಬಲ್ ಎಕ್ಸ್‌ಪೋ 2025 ರಲ್ಲಿ ಪ್ರದರ್ಶಿಸಲಾದ ನಂತರ, 2025ರ ಕಿಯಾ ಇವಿ6ಅನ್ನು ಭಾರತದಲ್ಲಿ 65.90 ಲಕ್ಷ ರೂ.ಗಳಿಗೆ (ಭಾರತದಾದ್ಯಂತದ ಪರಿಚಯಾತ್ಮಕ ಎಕ್ಸ್-ಶೋರೂಂ ಬೆಲೆ) ಬಿಡುಗಡೆ ಮಾಡಲಾಗಿದೆ. ಇದರರ್ಥ ಬೆಲೆಗಳು ಫೇಸ್‌ಲಿಫ್ಟ್‌ಗಿಂತ ಹಿಂದಿನ ಮೊಡೆಲ್‌ನಂತೆಯೇ ಇರುತ್ತವೆ. ಇವಿ6 ಈಗ ಆಲ್-ವೀಲ್-ಡ್ರೈವ್ (AWD) ಸೆಟಪ್‌ನೊಂದಿಗೆ ಮಾತ್ರ ಲಭ್ಯವಿದೆ ಎಂಬುದನ್ನು ನಾವಿಲ್ಲಿ ಗಮನಿಸಬೇಕು, ಮತ್ತು EV ಬಿಡುಗಡೆಯ ಸಮಯದಲ್ಲಿ ಯಾವುದೇ ರಿಯರ್‌-ವೀಲ್‌-ಡ್ರೈವ್ (RWD) ಆಯ್ಕೆಯನ್ನು ಒದಗಿಸಲಾಗಿಲ್ಲ. 2025ರ ಕಿಯಾ EV6 ಬಗ್ಗೆ ನೀವು ತಿಳಿದುಕೊಳ್ಳಬೇಕಾದ ಎಲ್ಲವೂ ಇಲ್ಲಿದೆ:

ಎಕ್ಸ್‌ಟೀರಿಯರ್‌

ಮಿಡ್-ಸೈಕಲ್ ಆಪ್‌ಡೇಟ್‌ನೊಂದಿಗೆ ಬಾಹ್ಯ ವಿನ್ಯಾಸವು ತೀಕ್ಷ್ಣವಾಗಿದೆ ಮತ್ತು 2025 EV6 ತ್ರಿಕೋನ ಆಕಾರದ ಎಲ್‌ಇಡಿ ಡಿಆರ್‌ಎಲ್‌ಗಳು ಮತ್ತು ಸ್ಲೀಕರ್ ಎಲ್‌ಇಡಿ ಪ್ರೊಜೆಕ್ಟರ್ ಹೆಡ್‌ಲೈಟ್‌ಗಳನ್ನು ಒಳಗೊಂಡಿದೆ. ವಿಶಿಷ್ಟವಾದ EV ಶೈಲಿಯಲ್ಲಿ, ಇದು ಖಾಲಿಯಾದ ಗ್ರಿಲ್ ಮತ್ತು ಹೆಚ್ಚು ಆಕ್ರಮಣಕಾರಿ ಕಟ್‌ಗಳು ಮತ್ತು ಕ್ರೀಸ್‌ಗಳನ್ನು ಹೊಂದಿರುವ ಬಂಪರ್ ಅನ್ನು ಪಡೆಯುತ್ತದೆ, ಇದು ಮೊದಲಿಗಿಂತ ಹೆಚ್ಚು ಆಕ್ರಮಣಕಾರಿಯಾಗಿ ಕಾಣುವಂತೆ ಮಾಡುತ್ತದೆ.

ಬದಿಯಿಂದ ಗಮನಿಸುವಾಗ, ಇದು 19-ಇಂಚಿನ ಡ್ಯುಯಲ್-ಟೋನ್ ಏರೋಡೈನಾಮಿಕ್‌ಆಗಿ ವಿನ್ಯಾಸಗೊಳಿಸಲಾದ ಅಲಾಯ್ ವೀಲ್‌ಗಳು ಮತ್ತು ಫ್ಲಶ್ ಡೋರ್ ಹ್ಯಾಂಡಲ್‌ಗಳನ್ನು ಪಡೆಯುತ್ತದೆ, ಅದು ಅದಕ್ಕೆ ಪ್ರೀಮಿಯಂ ಸ್ಪರ್ಶವನ್ನು ನೀಡುತ್ತದೆ. ಹಾಗೆಯೇ, ಹಿಂಭಾಗದ ವಿನ್ಯಾಸವು ಹೊರಹೋಗುವ ಮೊಡೆಲ್‌ನಂತೆಯೇ ಕಾಣುತ್ತದೆ, ಬಾಗಿದ ಕನೆಕ್ಟೆಡ್‌ ಎಲ್‌ಇಡಿ LED ಟೈಲ್ ಲೈಟ್‌ಗಳು, ಛಾವಣಿಯ ಮೇಲೆ ಜೋಡಿಸಲಾದ ಸ್ಪಾಯ್ಲರ್ ಮತ್ತು ಬಂಪರ್‌ನಲ್ಲಿ ಕಪ್ಪು ಡಿಫ್ಯೂಸರ್ ಇದೆ.

ಇಂಟೀರಿಯರ್‌

ಹೊಸ ಕಿಯಾ EV6 12.3-ಇಂಚಿನ ಡ್ಯುಯಲ್-ಡಿಸ್‌ಪ್ಲೇಗಳು ಮತ್ತು ಟಚ್-ಎನೇಬಲ್ಡ್ ಎಸಿ ಕಂಟ್ರೋಲ್ ಪ್ಯಾನಲ್‌ನೊಂದಿಗೆ ಹೊರಹೋಗುವ ಮೊಡೆಲ್‌ನಂತೆಯೇ ಡ್ಯಾಶ್‌ಬೋರ್ಡ್ ವಿನ್ಯಾಸದೊಂದಿಗೆ ಬರುತ್ತದೆ. ಆದರೆ ಇಲ್ಲಿ ಬದಲಾಗಿರುವುದೇನೆಂದರೆ, ಇದು ಹೊಸ 3-ಸ್ಪೋಕ್ ಡ್ಯುಯಲ್-ಟೋನ್ ಸ್ಟೀರಿಂಗ್ ವೀಲ್ ಅನ್ನು ಪಡೆಯುತ್ತದೆ, ಅದು ಆಧುನಿಕ ಮತ್ತು ಸ್ಪೋರ್ಟಿಯರ್ ಆಗಿ ಕಾಣುತ್ತದೆ.

ಕಿಯಾ ಇವಿ6 ಗೆ ಸೇರಿಸಲಾದ ಹೊಸ ಫಿಂಗರ್‌ಪ್ರಿಂಟ್ ಸೆನ್ಸರ್ ಅನ್ನು ಹೊರತುಪಡಿಸಿ, ಸೆಂಟರ್ ಕನ್ಸೋಲ್ ವಿನ್ಯಾಸವು ಸಹ ಒಂದೇ ಆಗಿರುತ್ತದೆ. ಆಸನಗಳ ಮೇಲೆ ಸುಸ್ಥಿರ ಮೆಟಿರಿಯಲ್‌ಗಳನ್ನು ಬಳಸಲಾಗಿದೆ ಮತ್ತು ಹೊರಹೋಗುವ ಮೊಡೆಲ್‌ನಂತೆ, ಎಲ್ಲಾ ಸೀಟ್‌ಗಳು ಹೊಂದಾಣಿಕೆ ಮಾಡಬಹುದಾದ ಹೆಡ್‌ರೆಸ್ಟ್‌ಗಳು ಮತ್ತು 3-ಪಾಯಿಂಟ್ ಸೀಟ್‌ಬೆಲ್ಟ್‌ಗಳನ್ನು ಪಡೆಯುತ್ತವೆ.

ಇದನ್ನೂ ಓದಿ: ಭಾರತಕ್ಕೆ ಬರಲಿರುವ Kia Carens EVಯಲ್ಲಿ ಹೊಸ ಅಲಾಯ್ ವೀಲ್‌ಗಳು ಮತ್ತು ADAS ಸೇರ್ಪಡೆ ಸಾಧ್ಯತೆ

ಫೀಚರ್‌ಗಳು ಮತ್ತು ಸೇರ್ಪಡೆ

ಫೀಚರ್‌ಗಳ ಸೂಟ್ 12.3-ಇಂಚಿನ ಡ್ಯುಯಲ್ ಡಿಸ್‌ಪ್ಲೇಗಳನ್ನು (ಒಂದು ಇನ್ಸ್‌ಟ್ರುಮೆಂಟೇಶನ್‌ಗಾಗಿ ಮತ್ತು ಇನ್ನೊಂದು ಟಚ್‌ಸ್ಕ್ರೀನ್‌ಗಾಗಿ) ಮತ್ತು 12-ಇಂಚಿನ ವರ್ಧಿತ ರಿಯಾಲಿಟಿ ಆಧಾರಿತ ಹೆಡ್ಸ್-ಅಪ್ ಡಿಸ್‌ಪ್ಲೇ(HUD) ಅನ್ನು ಒಳಗೊಂಡಿದೆ. ಇದು ಸನ್‌ರೂಫ್, ವೈರ್‌ಲೆಸ್ ಫೋನ್ ಚಾರ್ಜರ್ ಮತ್ತು ಡಿಜಿಟಲ್ ಕೀ ಫೀಚರ್‌ನೊಂದಿಗೆ ಬರುತ್ತದೆ.

ಸುರಕ್ಷತೆಯ ವಿಷಯದಲ್ಲಿ, ಇದು 8 ಏರ್‌ಬ್ಯಾಗ್‌ಗಳು, 360-ಡಿಗ್ರಿ ಕ್ಯಾಮೆರಾ ಮತ್ತು ಮುಂಭಾಗ ಮತ್ತು ಹಿಂಭಾಗದ ಪಾರ್ಕಿಂಗ್ ಸೆನ್ಸಾರ್‌ಗಳನ್ನು ಪಡೆಯುತ್ತದೆ. ಇದು ಘರ್ಷಣೆ ತಗ್ಗಿಸುವಿಕೆ ವ್ಯವಸ್ಥೆ ಮತ್ತು ಅಡಾಪ್ಟಿವ್ ಕ್ರೂಸ್ ಕಂಟ್ರೋಲ್‌ನಂತಹ ಫೀಚರ್‌ಗಳೊಂದಿಗೆ ಲೆವೆಲ್-2 ಅಡ್ವಾನ್ಸ್ಡ್ ಡ್ರೈವರ್ ಅಸಿಸ್ಟೆನ್ಸ್ ಸಿಸ್ಟಮ್ಸ್ (ADAS) ಸೂಟ್‌ನೊಂದಿಗೆ ಬರುತ್ತದೆ.

ಬ್ಯಾಟರಿ ಪ್ಯಾಕ್ ಮತ್ತು ಎಲೆಕ್ಟ್ರಿಕ್ ಮೋಟಾರ್

2025 ಕಿಯಾ EV6 ಒಂದೇ ಬ್ಯಾಟರಿ ಪ್ಯಾಕ್ ಆಯ್ಕೆಯೊಂದಿಗೆ ಬರುತ್ತದೆ, ಅದು ಮೊದಲಿಗಿಂತ ದೊಡ್ಡದಾಗಿದೆ ಮತ್ತು 650 ಕಿ.ಮೀ.ಗಿಂತ ಹೆಚ್ಚಿನ ಕ್ಲೈಮ್‌ಡ್‌ ರೇಂಜ್‌ಅನ್ನು ಹೊಂದಿದೆ. ವಿವರವಾದ ವಿಶೇಷಣಗಳು ಇಲ್ಲಿವೆ:

ಕಿಯಾ ಇವಿ6 5.3 ಸೆಕೆಂಡುಗಳಲ್ಲಿ 0 ದಿಂದ 100 ಕಿಮೀ ವೇಗವನ್ನು ತಲುಪುತ್ತದೆ. 350 ಕಿ.ವ್ಯಾಟ್‌ ಫಾಸ್ಟ್‌ ಚಾರ್ಜರ್ 18 ನಿಮಿಷಗಳಲ್ಲಿ ಬ್ಯಾಟರಿ ಪ್ಯಾಕ್ ಅನ್ನು ಶೇಕಡಾ 10ರಿಂದ 80ರಷ್ಟು ಚಾರ್ಜ್ ಮಾಡಬಹುದು.

ಪ್ರತಿಸ್ಪರ್ಧಿಗಳು

2025ರ ಕಿಯಾ EV6, ಹುಂಡೈ ಅಯೋನಿಕ್ 5, ವೋಲ್ವೋ C40 ರೀಚಾರ್ಜ್, ಮರ್ಸಿಡಿಸ್-ಬೆಂಝ್‌ EQA ಮತ್ತು BMW iX1 ಗಳೊಂದಿಗೆ ಪೈಪೋಟಿ ನಡೆಸುತ್ತಿದೆ.

ಆಟೋಮೋಟಿವ್ ಜಗತ್ತಿನಿಂದ ತ್ವರಿತ ಆಪ್‌ಡೇಟ್‌ಗಳನ್ನು ಪಡೆಯಲು ಕಾರ್‌ದೇಖೋದ ವಾಟ್ಸಾಪ್ ಚಾನೆಲ್ ಅನ್ನು ಫಾಲೋ ಮಾಡಲು ಮಿಸ್‌ ಮಾಡ್ಬೇಡಿ