ಬಿಡುಗಡೆಗೆ ಮುಂಚಿತವಾಗಿಯೇ Mahindra XEV 9e ಮತ್ತು BE 6e ಎಲೆಕ್ಟ್ರಿಕ್ ಪವರ್‌ಟ್ರೇನ್ ವಿವರಗಳು ಬಹಿರಂಗ

ಎರಡೂ ಇವಿಗಳು ಎರಡು ಬ್ಯಾಟರಿ ಪ್ಯಾಕ್ ಆಯ್ಕೆಗಳ ನಡುವೆ ಆಯ್ಕೆಯನ್ನು ಪಡೆಯುತ್ತವೆ ಆದರೆ ಕ್ಲೈಮ್ ಮಾಡಲಾದ ಮೈಲೇಜ್‌ ಅನ್ನು ಇನ್ನೂ ಬಹಿರಂಗಪಡಿಸಿಲ್ಲ

• XEV 9e ಮತ್ತು BE 6e ಅನ್ನು 59 ಕಿ.ವ್ಯಾಟ್‌ ಮತ್ತು 79 ಕಿ.ವ್ಯಾಟ್‌ ಬ್ಯಾಟರಿ ಪ್ಯಾಕ್‌ಗಳ ನಡುವಿನ ಆಯ್ಕೆಯೊಂದಿಗೆ ನೀಡಲಾಗುವುದು ಎಂದು ಮಹೀಂದ್ರಾ ಈಗ ಬಹಿರಂಗಪಡಿಸಿದೆ.

• 175 ಕಿ.ವ್ಯಾಟ್‌ ಡಿಸಿ ಫಾಸ್ಟ್‌ ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ, 20 ನಿಮಿಷಗಳಲ್ಲಿ 20 ಪ್ರತಿಶತದಿಂದ 80 ಪ್ರತಿಶತದಷ್ಟು ಚಾರ್ಜಿಂಗ್ ಅನ್ನು ಅನುಮತಿಸುತ್ತದೆ.

• ಈ ಪ್ಲಾಟ್‌ಫಾರ್ಮ್ ಅನ್ನು ಆಧರಿಸಿದ ಹಿಂಬದಿ-ಚಕ್ರ-ಡ್ರೈವ್‌ನ ಆವೃತ್ತಿಯ EVಗಳು 231 ಪಿಎಸ್‌ ಮತ್ತು 285.5 ಪಿಎಸ್‌ ನಷ್ಟು ಔಟ್‌ಪುಟ್‌ ಅನ್ನು ಉತ್ಪಾದಿಸುತ್ತವೆ.

• ಎರಡೂ ಇವಿಗಳು ಮಲ್ಟಿ-ಜೋನ್ ಎಸಿ, ವೈರ್‌ಲೆಸ್ ಫೋನ್ ಚಾರ್ಜರ್ ಮತ್ತು ಪ್ರೀಮಿಯಂ ಆಡಿಯೊ ಸಿಸ್ಟಮ್‌ನಂತಹ ಫೀಚರ್‌ಗಳನ್ನು ಪಡೆಯಬಹುದು.

• ಅವುಗಳ ಸುರಕ್ಷತಾ ಕಿಟ್ 6 ಏರ್‌ಬ್ಯಾಗ್‌ಗಳನ್ನು (ಸ್ಟ್ಯಾಂಡರ್ಡ್‌ ಆಗಿ) ಮತ್ತು ಲೆವೆಲ್ 2 ಎಡಿಎಎಸ್ ಅನ್ನು ಸಹ ಒಳಗೊಂಡಿರಬಹುದು.

• ಎಕ್ಸ್‌ಇವಿ 9e ಬೆಲೆ 38 ಲಕ್ಷ ರೂ.ನಿಂದ ನಿರೀಕ್ಷಿಸಲಾಗಿದೆ, ಆದರೆ BE 6e 24 ಲಕ್ಷ ರೂ.ನಿಂದ (ಎಕ್ಸ್ ಶೋರೂಂ)  ಪ್ರಾರಂಭವಾಗಬಹುದು.

ಮಹೀಂದ್ರಾದ ಮುಂಬರುವ ಎಲೆಕ್ಟ್ರಿಕ್ ಕೊಡುಗೆಗಳಾದ XEV 9e ಎಸ್‌ಯುವಿ-ಕೂಪ್ ಮತ್ತು BE 6e ಎಸ್‌ಯುವಿಯನ್ನು ನವೆಂಬರ್ 26 ರಂದು ಪರಿಚಯಿಸಲಾಗುವುದು. ತಮ್ಮ ಚೊಚ್ಚಲ ಪ್ರವೇಶಕ್ಕೆ ಮುಂಚಿತವಾಗಿ, ಕಾರು ತಯಾರಕರು ಎರಡೂ ಮೊಡೆಲ್‌ಗಳ ಬ್ಯಾಟರಿ ಪ್ಯಾಕ್ ಆಯ್ಕೆಗಳು ಮತ್ತು ಚಾರ್ಜಿಂಗ್ ಸಾಮರ್ಥ್ಯಗಳ ಬಗ್ಗೆ ವಿವರಗಳನ್ನು ಬಹಿರಂಗಪಡಿಸಿದ್ದಾರೆ. ನೀವು ತಿಳಿದುಕೊಳ್ಳಬೇಕಾದದ್ದು ಇಲ್ಲಿದೆ:

ಏನನ್ನು ಬಹಿರಂಗಪಡಿಸಿದೆ ?

ಎರಡೂ ಇವಿಗಳನ್ನು ಮಹೀಂದ್ರಾದ ಇವಿ-ನಿರ್ದಿಷ್ಟ INGLO ಪ್ಲಾಟ್‌ಫಾರ್ಮ್‌ನಲ್ಲಿ ನಿರ್ಮಿಸಲಾಗಿದೆ,  ಮಹೀಂದ್ರಾ ಇದನ್ನು ನಿರ್ದಿಷ್ಟವಾಗಿ EVಗಳಿಗಾಗಿ ವಿನ್ಯಾಸಗೊಳಿಸಿದೆ. XEV 9e ಮತ್ತು BE 6e ಅನ್ನು 59 ಕಿ.ವ್ಯಾಟ್‌ ಮತ್ತು/ಅಥವಾ 79 kWh ಬ್ಯಾಟರಿ ಪ್ಯಾಕ್‌ಗಳ ಆಯ್ಕೆಯೊಂದಿಗೆ ನೀಡಲಾಗುವುದು ಎಂದು ಕಾರು ತಯಾರಕರು ಈಗ ಘೋಷಿಸಿದ್ದಾರೆ.

ಪ್ಲಾಟ್‌ಫಾರ್ಮ್ 175 ಕಿ.ವ್ಯಾಟ್‌ ಡಿಸಿ ಫಾಸ್ಟ್‌ ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ ಎಂದು ಮಹೀಂದ್ರಾ ಹೇಳಿದೆ, ಇದು ಕೇವಲ 20 ನಿಮಿಷಗಳಲ್ಲಿ ಬ್ಯಾಟರಿಗಳನ್ನು 20 ಪ್ರತಿಶತದಿಂದ 80 ಪ್ರತಿಶತದವರೆಗೆ ಚಾರ್ಜ್ ಮಾಡುತ್ತದೆ. ಹಿಂಭಾಗದ ಆಕ್ಸಲ್-ಮೌಂಟೆಡ್ ಎಲೆಕ್ಟ್ರಿಕ್ ಮೋಟಾರ್‌ಗಳ ಪರ್ಫಾರ್ಮೆನ್ಸ್‌ನ ವಿಶೇಷಣಗಳನ್ನು ಸಹ ಬಹಿರಂಗಪಡಿಸಲಾಗಿದೆ ಮತ್ತು ಇದು 231 ಪಿಎಸ್‌ ನಿಂದ 285.5 ಪಿಎಸ್‌ಅನ್ನು ಉತ್ಪಾದಿಸುತ್ತದೆ.

ಮಾಡೆಲ್-ನಿರ್ದಿಷ್ಟ ಕ್ಲೈಮ್ ಮಾಡಲಾದ ರೇಂಜ್‌ ಅನ್ನು ಇನ್ನೂ ಬಹಿರಂಗಪಡಿಸಲಾಗಿಲ್ಲವಾದರೂ, INGLO ಪ್ಲಾಟ್‌ಫಾರ್ಮ್ ಸುಮಾರು 450 ಕಿಮೀ ನಿಂದ 500 ಕಿಮೀ ವರೆಗೆ ಕ್ಲೈಮ್ ಮಾಡಲಾದ ರೇಂಜ್‌ ಅನ್ನು ನೀಡಬಹುದು ಮತ್ತು ಹಿಂಬದಿ-ಚಕ್ರ ಡ್ರೈವ್ (RWD), ಫ್ರಂಟ್-ವೀಲ್ ಡ್ರೈವ್ (FWD), ಅಥವಾ ಆಲ್-ವೀಲ್ ಡ್ರೈವ್ (AWD) ಕಾನ್ಫಿಗರೇಶನ್‌ಗಳಿಗೆ ಅವಕಾಶ ಕಲ್ಪಿಸುತ್ತದೆ ಎಂದು ಮಹೀಂದ್ರಾ ಈ ಹಿಂದೆ ಹೇಳಿತ್ತು.

Also Read: ಈ ತಿಂಗಳಿನಲ್ಲಿ ಬಿಡುಗಡೆಯಾಗಲಿದೆ Hyundai Creta EV

XEV 9e ಮತ್ತು BE 6e: ಇಲ್ಲಿಯವರೆಗೆ ನಮಗೆ ತಿಳಿದಿರುವುದು

XEV 9e ಎಂಬುದು XUV.e9 ಪರಿಕಲ್ಪನೆಯ ಉತ್ಪಾದನೆ-ಸಿದ್ಧ ಆವೃತ್ತಿಯಾಗಿದೆ, ಇದು ಸ್ವತಃ XUV.e8 ಎಸ್‌ಯುವಿ ಪರಿಕಲ್ಪನೆಯ ಎಸ್‌ಯುವಿ-ಕೂಪ್ ಅವತಾರವಾಗಿದೆ. ಎಕ್ಸ್‌ಯುವಿ.e8 ಪರಿಕಲ್ಪನೆಯು ಮಹೀಂದ್ರಾ ಎಕ್ಸ್‌ಯುವಿ700 ನ ಆಲ್-ಎಲೆಕ್ಟ್ರಿಕ್ ಉತ್ಪನ್ನವಾಗಿದೆ. BE 6e BE.05ನ ಪರಿಕಲ್ಪನೆಯ ಉತ್ಪಾದನಾ ಆವೃತ್ತಿಯಾಗಿದೆ, ಇದನ್ನು 2022 ರಲ್ಲಿ ಪರಿಚಯಿಸಲಾಯಿತು.

ಹಿಂದಿನ ಟೀಸರ್‌ಗಳಲ್ಲಿ, ಮಹೀಂದ್ರಾ ಈ ಎರಡೂ ಎಲೆಕ್ಟ್ರಿಕ್ ಕೊಡುಗೆಗಳ ವಿನ್ಯಾಸಗಳನ್ನು ಪ್ರದರ್ಶಿಸಿತು. BE 6e ಯ್ಯಾಂಗುಲರ್‌ ಬಾನೆಟ್, ಅಡ್ಡಲಾಗಿ ಇರಿಸಲಾದ ಡ್ಯುಯಲ್-ಬ್ಯಾರೆಲ್ ಎಲ್‌ಇಡಿ ಹೆಡ್‌ಲೈಟ್‌ಗಳು, C- ಆಕಾರದ ಎಲ್‌ಇಡಿ ಡಿಆರ್‌ಎಲ್‌ಗಳು ಮತ್ತು ನಯವಾದ ಬಂಪರ್ ಅನ್ನು ಹೊಂದಿದೆ.

ಹಾಗೆಯೇ, XEV 9e ಅದರ ಕೂಪ್ ರೂಫ್‌ಲೈನ್‌ನಿಂದಾಗಿ ಹೆಚ್ಚು ವಿಶಿಷ್ಟವಾದ ನೋಟವನ್ನು ಹೊಂದಿದೆ, ಜೊತೆಗೆ ನೇರವಾದ ಮುಂಭಾಗದ ವಿನ್ಯಾಸವು ಮುಂಭಾಗದಲ್ಲಿ ತಲೆಕೆಳಗಾದ L-ಆಕಾರದ ಸಂಪರ್ಕಿತ ಎಲ್‌ಇಡಿ ಡಿಆರ್‌ಎಲ್‌ಗಳನ್ನು ಮತ್ತು ಲಂಬವಾಗಿ ಜೋಡಿಸಲಾದ ಡ್ಯುಯಲ್-ಬ್ಯಾರೆಲ್ ಎಲ್‌ಇಡಿ ಹೆಡ್‌ಲೈಟ್‌ಗಳನ್ನು ಒಳಗೊಂಡಿದೆ. ಇದು ಕನೆಕ್ಟೆಡ್‌ ಎಲ್‌ಇಡಿ ಟೈಲ್‌ಲೈಟ್‌ಗಳನ್ನು ಸಹ ಪಡೆಯುತ್ತದೆ.

ಒಳಭಾಗದಲ್ಲಿ, XEV 9e ಡಿಜಿಟಲ್ ಡ್ರೈವರ್ ಡಿಸ್‌ಪ್ಲೇ, ಸೆಂಟ್ರಲ್ ಟಚ್‌ಸ್ಕ್ರೀನ್ ಮತ್ತು ಪ್ಯಾಸೆಂಜರ್ ಡಿಸ್‌ಪ್ಲೇಯೊಂದಿಗೆ ಟ್ರಿಪಲ್-ಸ್ಕ್ರೀನ್ ಸೆಟಪ್ ಅನ್ನು ಹೊಂದಿರುತ್ತದೆ. ಮತ್ತೊಂದೆಡೆ BE 6e, ಡ್ಯುಯಲ್-ಇಂಟಿಗ್ರೇಟೆಡ್ ಸ್ಕ್ರೀನ್‌ಗಳನ್ನು ಪಡೆಯುತ್ತದೆ. ಎರಡೂ EVಗಳು ಪ್ರಕಾಶಿತ ಲೋಗೊಗಳು ಮತ್ತು ಪನರೋಮಿಕ್‌ ಸನ್‌ರೂಫ್‌ನೊಂದಿಗೆ 2-ಸ್ಪೋಕ್ ಸ್ಟೀರಿಂಗ್ ವೀಲ್ ಅನ್ನು ಒಳಗೊಂಡಿವೆ.

ಇದನ್ನೂ ಪರಿಶೀಲಿಸಿ: 500 ಕಿ.ಮೀ.ಗೂ ಹೆಚ್ಚು ಮೈಲೇಜ್‌ ಹೊಂದಿರುವ Tata Harrier EV ಯ ಬಿಡುಗಡೆಗೆ ಸಮಯ ನಿಗದಿ

XEV 9e ಮತ್ತು BE 6e: ನಿರೀಕ್ಷಿತ ಫೀಚರ್‌ಗಳು

XEV 9e ಮಲ್ಟಿ-ಝೋನ್‌ ಎಸಿ, ವೈರ್‌ಲೆಸ್ ಫೋನ್ ಚಾರ್ಜರ್, ಪ್ರೀಮಿಯಂ ಆಡಿಯೊ ಸಿಸ್ಟಮ್ ಮತ್ತು ವೆಂಟಿಲೇಟೆಡ್‌, ಚಾಲಿತ ಆಸನಗಳು ಸೇರಿದಂತೆ ಹಲವಾರು ಪ್ರೀಮಿಯಂ ಫೀಚರ್‌ಗಳೊಂದಿಗೆ ಬರಬಹುದು. EV ಆಗಿರುವುದರಿಂದ, ಇದು ವೆಹಿಕಲ್-ಟು-ಲೋಡ್ (V2L) ಮತ್ತು ಬಹು ಪುನರುತ್ಪಾದನೆ (ರಿ-ಜನರೇಶನ್‌) ಮೋಡ್‌ಗಳಂತಹ ಫೀಚರ್‌ಗಳನ್ನು ಸಹ ನೀಡಬಹುದು.

ಅದೇ ರೀತಿ, BE 6e ಮಲ್ಟಿ-ಝೋನ್‌ ಎಸಿ, ವೈರ್‌ಲೆಸ್ ಫೋನ್ ಚಾರ್ಜರ್ ಮತ್ತು ಪ್ರೀಮಿಯಂ ಆಡಿಯೊ ಸಿಸ್ಟಮ್‌ನಂತಹ ಹಲವು ಫೀಚರ್‌ಗಳನ್ನು ಹಂಚಿಕೊಳ್ಳಬಹುದು.

ಎರಡೂ ಎಲೆಕ್ಟ್ರಿಕ್ ಎಸ್‌ಯುವಿಗಳು 6 ಏರ್‌ಬ್ಯಾಗ್‌ಗಳು (ಸ್ಟ್ಯಾಂಡರ್ಡ್‌ ಆಗಿ), 360-ಡಿಗ್ರಿ ಕ್ಯಾಮೆರಾ ಮತ್ತು ಲೆವೆಲ್ 2 ಅಡ್ವಾನ್ಸ್ಡ್ ಡ್ರೈವರ್ ಅಸಿಸ್ಟೆನ್ಸ್ ಸಿಸ್ಟಮ್ಸ್ (ADAS) ತಂತ್ರಜ್ಞಾನದೊಂದಿಗೆ ಬಲವಾದ ಸುರಕ್ಷತಾ ಪ್ಯಾಕೇಜ್ ಅನ್ನು ಒಳಗೊಂಡಿರುವ ನಿರೀಕ್ಷೆಯಿದೆ.

XEV 9e ಮತ್ತು BE 6e: ನಿರೀಕ್ಷಿತ ಬೆಲೆ ಮತ್ತು ಪ್ರತಿಸ್ಪರ್ಧಿಗಳು

 ಮಹೀಂದ್ರಾ XEV 9e ಬೆಲೆಯು 38 ಲಕ್ಷ ರೂ.ನಿಂದ ಪ್ರಾರಂಭವಾಗಬಹುದೆಂದು ನಿರೀಕ್ಷಿಸಲಾಗಿದೆ ಮತ್ತು ಮುಂಬರುವ ಟಾಟಾ ಹ್ಯಾರಿಯರ್ ಇವಿ ಮತ್ತು ಟಾಟಾ ಸಫಾರಿ ಇವಿಯೊಂದಿಗೆ ಸ್ಪರ್ಧಿಸಲಿದೆ.

BE 6e ನ ಬೆಲೆಗಳು ಸುಮಾರು 24 ಲಕ್ಷ ರೂ.ನಿಂದ ಪ್ರಾರಂಭವಾಗುವ ನಿರೀಕ್ಷೆಯಿದೆ ಮತ್ತು ಇದು ಟಾಟಾ ಕರ್ವ್‌ ಇವಿ, ಎಮ್‌ಜಿ ಜೆಡ್‌ಎಸ್‌ ಇವಿ, ಮತ್ತು ಮುಂಬರುವ ಮಾರುತಿ eVX ಮತ್ತು ಹ್ಯುಂಡೈ ಕ್ರೆಟಾ ಇವಿಗೆ ಪ್ರತಿಸ್ಪರ್ಧಿಯಾಗಲಿದೆ.

ಎಲ್ಲಾ ಬೆಲೆಗಳು ಎಕ್ಸ್‌ಶೋರೂಮ್‌ ಬೆಲೆಗಳಾಗಿವೆ