ಫೆಬ್ರವರಿಯ ಬಿಡುಗಡೆಗೆ ಮುಂಚಿತವಾಗಿಯೇ ಹೊಸ Kia Syros ಬುಕ್ಕಿಂಗ್‌ಗಳು ಪ್ರಾರಂಭ

ನೀವು ಹೊಸ ಕಿಯಾ ಸಿರೋಸ್‌ಅನ್ನು 25,000 ರೂಪಾಯಿಗಳ ಟೋಕನ್ ಮೊತ್ತಕ್ಕೆ ಬುಕ್ ಮಾಡಬಹುದು

• ಹೊಸ ಕಿಯಾ ಸಿರೋಸ್‌ನ ಬುಕ್ಕಿಂಗ್‌ಗಳು ಈಗ ತೆರೆದಿವೆ.

• ಕಿಯಾದ ಭಾರತೀಯ ಕಾರುಗಳಲ್ಲಿ ಸೋನೆಟ್ ಮತ್ತು ಸೆಲ್ಟೋಸ್ ಎಸ್‌ಯುವಿಗಳ ನಡುವೆ ಸಿರೋಸ್ ಸ್ಥಾನವನ್ನು ಪಡೆಯುತ್ತದೆ.

• ಇದು HTK, HTK (ಒಪ್ಶನಲ್‌), HTK ಪ್ಲಸ್, HTX, HTX ಪ್ಲಸ್, ಮತ್ತು HTX ಪ್ಲಸ್ (ಒಪ್ಶನಲ್‌) ಎಂಬ ಆರು ವಿಶಾಲವಾದ ವೇರಿಯೆಂಟ್‌ಗಳಲ್ಲಿ ನೀಡಲಾಗುವುದು.

• ಸಿರೊಸ್ 1-ಲೀಟರ್ ಟರ್ಬೊ ಪೆಟ್ರೋಲ್ ಮತ್ತು 1.5-ಲೀಟರ್ ಡೀಸೆಲ್ ಎಂಜಿನ್ ಎಂಬ ಎರಡು ಎಂಜಿನ್ ಆಯ್ಕೆಗಳೊಂದಿಗೆ ಬರುತ್ತದೆ.

• ಫೀಚರ್‌ನ ಹೈಲೈಟ್‌ಗಳು ಮುಂಭಾಗ ಮತ್ತು ಹಿಂಭಾಗದಲ್ಲಿ ವೆಂಟಿಲೇಟೆಡ್‌ ಸೀಟ್‌ಗಳು, 12.3-ಇಂಚಿನ ಎರಡು ಸ್ಕ್ರೀನ್‌ಗಳು ಮತ್ತು ADASಗಳನ್ನು ಒಳಗೊಂಡಿವೆ.

• ಫೆಬ್ರವರಿ 1 ರಂದು ಬಿಡುಗಡೆಯಾಗಲಿದ್ದು, ಬೆಲೆಗಳು ರೂ 9.7 ಲಕ್ಷ ರೂ.ನಿಂದ (ಎಕ್ಸ್ ಶೋರೂಂ) ಪ್ರಾರಂಭವಾಗುವ ನಿರೀಕ್ಷೆಯಿದೆ.

T Kia Syros, ಕೊರಿಯನ್ ಕಾರು ತಯಾರಕರ ಇತ್ತೀಚಿನ ಎಸ್‌ಯುವಿ ಕಾರು ಆದ ಕಿಯಾ ಸಿರೋಸ್‌ನ ಬುಕಿಂಗ್‌ಗಳು ಈಗಾಗಲೇ ಪ್ರಾರಂಭವಾಗಿದೆ. ಭಾರತ್ ಮೊಬಿಲಿಟಿ ಗ್ಲೋಬಲ್ ಎಕ್ಸ್‌ಪೋ 2025 ರಲ್ಲಿ ಕಿಯಾ ಹೊಸ ಸಿರೋಸ್ ಅನ್ನು ಪ್ರದರ್ಶಿಸಲಿದೆ ಮತ್ತು ಸಬ್-4ಎಮ್‌ ಎಸ್‌ಯುವಿಯ ಬೆಲೆಗಳನ್ನು ಫೆಬ್ರವರಿ 1 ರಂದು ಬಹಿರಂಗಪಡಿಸಲಾಗುವುದು, ಹಾಗೆಯೇ ಡೆಲಿವೆರಿಗಳು ಅದರ ನಂತರ ಶೀಘ್ರದಲ್ಲೇ ಪ್ರಾರಂಭವಾಗಲಿವೆ. ರೂ 25,000 ಟೋಕನ್ ಮೊತ್ತದೊಂದಿಗೆ ಸಿರೋಸ್ ಅನ್ನು ಆನ್‌ಲೈನ್ ಮತ್ತು ಆಫ್‌ಲೈನ್‌ನಲ್ಲಿ ಬುಕ್ ಮಾಡಬಹುದು. ಕಿಯಾವು ಸೈರೋಸ್‌ನೊಂದಿಗೆ ಏನನ್ನು ಆಫರ್‌ ಆಗಿ ನೀಡುತ್ತಿದೆ ಎಂಬುದನ್ನು ನಾವು ತಿಳಿಯೋಣ.

ಕಿಯಾ ಸಿರೋಸ್‌ ಎಕ್ಸ್‌ಟೀರಿಯರ್‌

ಕಿಯಾ ಸಿರೋಸ್‌ನ ಮುಂಭಾಗವು ಎಲ್‌ಇಡಿ ಡಿಆರ್‌ಎಲ್‌ಗಳೊಂದಿಗೆ ಲಂಬವಾಗಿ ಜೋಡಿಸಲಾದ 3-ಪಾಡ್ ಹೆಡ್‌ಲೈಟ್‌ಗಳನ್ನು ಹೊಂದಿದೆ. ಸಬ್-4ಎಮ್‌ ಎಸ್‌ಯುವಿಯ ಬಾಕ್ಸಿ ಎಸ್‌ಯುವಿ ವಿನ್ಯಾಸವು ಫ್ಲ್ಯಾಗ್‌ಶಿಪ್ ಆಲ್-ಎಲೆಕ್ಟ್ರಿಕ್ ಇವಿ9ನಂತೆಯೇ ಇರುತ್ತದೆ. ಇದು ಫ್ಲಶ್ ಡೋರ್ ಹ್ಯಾಂಡಲ್‌ಗಳು ಮತ್ತು 17-ಇಂಚಿನ ಡ್ಯುಯಲ್-ಟೋನ್ ಅಲಾಯ್ ವೀಲ್‌ಗಳನ್ನು ಸಹ ಹೊಂದಿದೆ. ಸಿರೋಸ್‌ನ ಹಿಂಭಾಗವು ರೂಫ್-ಮೌಂಟೆಡ್ ಸ್ಪಾಯ್ಲರ್ ಮತ್ತು ಎಲ್-ಆಕಾರದ ಎಲ್ಇಡಿ ಟೈಲ್ ಲ್ಯಾಂಪ್‌ಗಳನ್ನು ಒಳಗೊಂಡಿದೆ.

ಕಿಯಾ ಸಿರೋಸ್ ಇಂಟೀರಿಯರ್ ಮತ್ತು ಫೀಚರ್‌ಗಳು

ಕಿಯಾ ಸಿರೋಸ್‌ನ ಕ್ಯಾಬಿನ್ ಅನ್ನು ಡ್ಯುಯಲ್-ಟೋನ್ ಕಲರ್ ಥೀಮ್‌ನೊಂದಿಗೆ ನೀಡುತ್ತಿದೆ, ಅದು ಆಯ್ಕೆ ಮಾಡಿದ ವೇರಿಯೆಂಟ್‌ ಅನ್ನು ಅವಲಂಬಿಸಿ ಬದಲಾಗುತ್ತದೆ. ಡ್ಯಾಶ್‌ಬೋರ್ಡ್ ಇವಿ9 ನಿಂದ ಪ್ರೇರಿತವಾಗಿದ್ದು, ಅದೇ ರೀತಿಯ AC ವೆಂಟ್ ಪ್ಲೇಸ್‌ಮೆಂಟ್ ಮತ್ತು 2-ಸ್ಪೋಕ್ ಸ್ಟೀರಿಂಗ್ ವೀಲ್ ಅನ್ನು ಪಡೆಯಬಹುದು. ಎರಡು 12.3-ಇಂಚಿನ ಸ್ಕ್ರೀನ್‌ಗಳು (ಒಂದು ಟಚ್‌ಸ್ಕ್ರೀನ್ ಮತ್ತು ಇನ್ನೊಂದು ಡಿಜಿಟಲ್ ಡ್ರೈವರ್ ಡಿಸ್‌ಪ್ಲೇಗಾಗಿ), ಡಿಜಿಟಲ್ ಎಸಿ ಕಂಟ್ರೋಲ್‌ ಪ್ಯಾನಲ್‌ ಮತ್ತು ಮುಂಭಾಗ ಮತ್ತು ಹಿಂಭಾಗದಲ್ಲಿ ವೆಂಟಿಲೇಟೆಡ್‌ ಸೀಟ್‌ಗಳನ್ನು ಒಳಗೊಂಡಿರುವ ವಿವಿಧ ಸೆಗ್ಮೆಂಟ್‌ನಲ್ಲಿ ಮೊದಲ ಬಾರಿಗೆ ಪರಿಚಯಿಸಲಾಗುತ್ತಿರುವ ಫೀಚರ್‌ಗಳೊಂದಿಗೆ ಸಿರೋಸ್ ಬರುತ್ತದೆ. ಇತರ ಫೀಚರ್‌ಗಳಲ್ಲಿ 8-ಸ್ಪೀಕರ್ ಹರ್ಮನ್ ಕಾರ್ಡನ್ ಸೌಂಡ್ ಸಿಸ್ಟಮ್, ಪನರೋಮಿಕ್‌ ಸನ್‌ರೂಫ್ ಮತ್ತು 64-ಬಣ್ಣದ ಆಂಬಿಯೆಂಟ್‌ ಲೈಟಿಂಗ್‌ ಸೇರಿವೆ.

ಸುರಕ್ಷತೆಯನ್ನು ಖಚಿತಪಡಿಸಿಕೊಳ್ಳಲು, ಕಿಯಾವು ಸಿರೋಸ್ ಅನ್ನು 6 ಏರ್‌ಬ್ಯಾಗ್‌ಗಳು (ಸ್ಟ್ಯಾಂಡರ್ಡ್‌ ಆಗಿ), 360-ಡಿಗ್ರಿ ಕ್ಯಾಮೆರಾ ಮತ್ತು ಕೆಲವು ಸುಧಾರಿತ ಚಾಲಕ ಸಹಾಯ ಸಿಸ್ಟಮ್‌ಗಳೊಂದಿಗೆ (ADAS) ಸಜ್ಜುಗೊಳಿಸಿದೆ.

ಇದರ ಬಗ್ಗೆ ಇನ್ನಷ್ಟು ಓದಿ: 2025ರಲ್ಲಿ ನಮ್ಮ ಮಾರುಕಟ್ಟೆಗೆ ಬರಲಿರುವ ನಾಲ್ಕು Kia ಕಾರುಗಳ ವಿವರಗಳು

ಕಿಯಾ ಸಿರೋಸ್ ಪವರ್‌ಟ್ರೇನ್

ಕಿಯಾ ಸಿರೋಸ್‌ ಎರಡು ಎಂಜಿನ್ ಆಯ್ಕೆಗಳೊಂದಿಗೆ ಬರುತ್ತದೆ, ಅವುಗಳಲ್ಲಿ ಮೊದಲನೆಯದು 1-ಲೀಟರ್ ಟರ್ಬೊ-ಪೆಟ್ರೋಲ್ ಎಂಜಿನ್ ಆಗಿದ್ದು, 120 ಪಿಎಸ್‌ ಮತ್ತು 172 ಎನ್‌ಎಮ್‌ಅನ್ನು ಹೊರಹಾಕುತ್ತದೆ, 6-ಸ್ಪೀಡ್ ಮ್ಯಾನುವಲ್ ಟ್ರಾನ್ಸ್‌ಮಿಷನ್ (MT) ಅಥವಾ 7-ಸ್ಪೀಡ್ ಡ್ಯುಯಲ್-ಕ್ಲಚ್ ಟ್ರಾನ್ಸ್‌ಮಿಷನ್ (DCT) ಗೆ ಜೋಡಿಸಲಾಗಿದೆ. ಎರಡನೇ ಎಂಜಿನ್ ಆಯ್ಕೆಯು 1.5-ಲೀಟರ್ ಡೀಸೆಲ್ ಎಂಜಿನ್ ಆಗಿದ್ದು, ಇದು 116 ಪಿಎಸ್‌ ಮತ್ತು 250 ಎನ್‌ಎಮ್‌ ಉತ್ಪಾದನೆಯನ್ನು ಹೊಂದಿದೆ, ಇದು 6-ಸ್ಪೀಡ್ ಮ್ಯಾನ್ಯುವಲ್‌ ಅಥವಾ 6-ಸ್ಪೀಡ್ ಟಾರ್ಕ್ ಕನ್ವರ್ಟರ್‌ ಆಟೋಮ್ಯಾಟಿಕ್‌ ಗೇರ್‌ಬಾಕ್ಸ್‌ನೊಂದಿಗೆ ಜೋಡಿಯಾಗಿದೆ.

ಕಿಯಾ ಸಿರೋಸ್ ಬೆಲೆ ಮತ್ತು ಪ್ರತಿಸ್ಪರ್ಧಿಗಳು

ಕಿಯಾ ಸಿರೋಸ್‌ನ ಬೆಲೆ 9.70 ಲಕ್ಷ ರೂ.ನಿಂದ 16.50 ಲಕ್ಷ ರೂ.ಗಳ (ಎಕ್ಸ್ ಶೋರೂಂ) ನಡುವೆ ಇರಲಿದೆ. ಇದು ಭಾರತದಲ್ಲಿ ಯಾವುದೇ ನೇರ ಪ್ರತಿಸ್ಪರ್ಧಿಗಳನ್ನು ಹೊಂದಿರುವುದಿಲ್ಲ, ಆದರೆ ಇದು ಹ್ಯುಂಡೈ ಕ್ರೆಟಾ, ಮಾರುತಿ ಗ್ರ್ಯಾಂಡ್ ವಿಟಾರಾ ಮತ್ತು ಕಿಯಾ ಸೆಲ್ಟೋಸ್‌ನಂತಹ ಕಾಂಪ್ಯಾಕ್ಟ್ ಎಸ್‌ಯುವಿಗಳಿಗೆ ಕೈಗೆಟುಕುವ ಪರ್ಯಾಯವಾಗಿ ಪರಿಗಣಿಸಬಹುದು. ಹಾಗೆಯೇ, ಇದು ಟಾಟಾ ನೆಕ್ಸಾನ್, ಮಾರುತಿ ಬ್ರೆಝಾ, ಮಹೀಂದ್ರಾ ಎಕ್ಸ್‌ಯುವಿ 3XO, ಮತ್ತು ಹ್ಯುಂಡೈ ವೆನ್ಯೂ ಮುಂತಾದ ಸಬ್‌ಕಾಂಪ್ಯಾಕ್ಟ್ ಎಸ್‌ಯುವಿಗಳಿಗೆ ಪ್ರತಿಸ್ಪರ್ಧಿಯಾಗಿದೆ.

ಇದನ್ನು ಸಹ ಪರಿಶೀಲಿಸಿ: ಆಟೋ ಎಕ್ಸ್‌ಪೋದ ಮುಂಚಿತವಾಗಿಯೇ Hyundai Creta EV ಅನಾವರಣ; ವಿನ್ಯಾಸ, ಬ್ಯಾಟರಿ ಪ್ಯಾಕ್ ಮತ್ತು ರೇಂಜ್‌ ಬಹಿರಂಗ

ಕಾರುಗಳ ಲೋಕದ ನಿರಂತರ ಆಪ್‌ಡೇಟ್‌ಗಳನ್ನು ಪಡೆಯಲು ಕಾರ್‌ದೇಖೊ ವಾಟ್ಸ್ಆಪ್ ಚಾನಲ್ ಅನ್ನು ಫಾಲೋ ಮಾಡಿ.