Renault Kwid, Kiger ಮತ್ತು Triber ಈಗ ಸಿಎನ್‌ಜಿ ಆಯ್ಕೆಗಳೊಂದಿಗೆ ಲಭ್ಯ, ಆದರೆ ಒಂದು ಟ್ವಿಸ್ಟ್‌..

ಸಿಎನ್‌ಜಿ ಕಿಟ್‌ಗಳನ್ನು ಮರುಜೋಡಿಸುವ ಆಯ್ಕೆಯು ಪ್ರಸ್ತುತ ಹರಿಯಾಣ, ಉತ್ತರ ಪ್ರದೇಶ, ದೆಹಲಿ, ಗುಜರಾತ್ ಮತ್ತು ಮಹಾರಾಷ್ಟ್ರ ರಾಜ್ಯಗಳಲ್ಲಿ ಮಾತ್ರ ಲಭ್ಯವಿದೆ

ರೆನಾಲ್ಟ್ ಕಿಗರ್ ಮತ್ತು ಟ್ರೈಬರ್ ಶೀಘ್ರದಲ್ಲೇ ಸಿಎನ್‌ಜಿ ಪವರ್‌ಟ್ರೇನ್ ಆಯ್ಕೆಯೊಂದಿಗೆ ಲಭ್ಯವಿರುತ್ತದೆ ಎಂದು ನಾವು ಈ ಹಿಂದೆ ವರದಿ ಮಾಡಿದ್ದೆವು. ಈಗ, ಫ್ರೆಂಚ್ ಕಾರು ತಯಾರಕ ಕಂಪನಿಯು ಈ ಎರಡು ಕಾರುಗಳನ್ನು ಬಿಡುಗಡೆ ಮಾಡಿದೆ, ಈಗ ರೆನಾಲ್ಟ್ ಕ್ವಿಡ್ ಕೂಡ ಈ ಪಟ್ಟಿಗೆ ಸೇರಿದೆ, ಇದರಲ್ಲಿಯೂ ಸಿಎನ್‌ಜಿ ಆಯ್ಕೆ ಇರಲಿದೆ. ಆದರೆ, CNG ಕಿಟ್‌ಗಳು ಕಂಪೆನಿ ಫಿಟ್‌ಮೆಂಟ್ ಆಗಿ ಲಭ್ಯವಿರುವುದಿಲ್ಲ, ಆದರೆ ಅಧಿಕೃತ ಮಾರಾಟಗಾರ ಅಥವಾ ಡೀಲರ್‌ಶಿಪ್‌ನಿಂದ ಜೋಡಿಸಲಾಗುತ್ತದೆ ಎಂಬುದು ಇದರ ವಿಶೇಷ. ಈ CNG ಕಿಟ್‌ಗಳು ನ್ಯಾಚುರಲಿ ಆಸ್ಪಿರೇಟೆಡ್‌ ಎಂಜಿನ್ ಮತ್ತು ಮ್ಯಾನ್ಯುವಲ್‌ ಗೇರ್‌ಬಾಕ್ಸ್‌ನೊಂದಿಗೆ ಬರುವ ಎಲ್ಲಾ ವೇರಿಯೆಂಟ್‌ಗಳಲ್ಲಿ ಲಭ್ಯವಿರುತ್ತವೆ ಮತ್ತು ರೆಗ್ಯುಲರ್‌ ವೇರಿಯೆಂಟ್‌ಗಳಿಗಿಂತ ಸ್ವಲ್ಪ ಹೆಚ್ಚಾಗಿ ಈ ಕೆಳಗಿನ ಕೋಷ್ಟಕದಲ್ಲಿ ನೀಡಿದಂತೆ ಬೆಲೆಯಲ್ಲಿ ಲಭ್ಯವಿರುತ್ತವೆ:

ಎಲ್ಲಾ ಬೆಲೆಗಳು ನವದೆಹಲಿಯ  ಎಕ್ಸ್-ಶೋರೂಂ ಆಗಿದೆ.

ಆದರೂ, OEM-ಅನುಮೋದಿತ CNG ಕಿಟ್‌ಗಳು ಪ್ರಸ್ತುತ ಹರಿಯಾಣ, ಯುಪಿ, ದೆಹಲಿ, ಗುಜರಾತ್ ಮತ್ತು ಮಹಾರಾಷ್ಟ್ರ ಸೇರಿದಂತೆ ಆಯ್ದ ರಾಜ್ಯಗಳಲ್ಲಿ ಮಾತ್ರ ಲಭ್ಯವಿದೆ, ಶೀಘ್ರದಲ್ಲೇ ಹೆಚ್ಚಿನ ರಾಜ್ಯಗಳು ಸೇರ್ಪಡೆಗೊಳ್ಳುವ ನಿರೀಕ್ಷೆಯಿದೆ. ಈ CNG ಕಿಟ್‌ಗಳು ಮೂರು ವರ್ಷಗಳ ವ್ಯಾರಂಟಿ ಮತ್ತು ಪ್ರಮಾಣಿತ ಫಿಟ್‌ಮೆಂಟ್‌ನೊಂದಿಗೆ ಬರುತ್ತವೆ.

ಕ್ವಿಡ್, ಕಿಗರ್ ಮತ್ತು ಟ್ರೈಬರ್‌ಗಳು ತಮ್ಮ ನ್ಯಾಚುರಲಿ ಆಸ್ಪಿರೇಟೆಡ್‌ ಎಂಜಿನ್‌ಗಳೊಂದಿಗೆ ಉತ್ಪಾದಿಸುವ ಪರ್ಫಾರ್ಮೆನ್ಸ್‌ನ ಅಂಕಿಅಂಶಗಳನ್ನು ಈಗ ನೋಡೋಣ:

ರೆನಾಲ್ಟ್ ಕ್ವಿಡ್, ಕಿಗರ್ ಮತ್ತು ಟ್ರೈಬರ್: ಪವರ್‌ಟ್ರೇನ್ ಆಯ್ಕೆಗಳು

*AMT = ಆಟೋಮೆಟೆಡ್‌ ಮ್ಯಾನ್ಯುವಲ್ ಟ್ರಾನ್ಸ್‌ಮಿಷನ್‌

ಗಮನಾರ್ಹವಾಗಿ, ಸಿಎನ್‌ಜಿ ಆಯ್ಕೆಯು ಮ್ಯಾನ್ಯುವಲ್‌ ಟ್ರಾನ್ಸ್‌ಮಿಷನ್‌ನೊಂದಿಗೆ ಮಾತ್ರ ಲಭ್ಯವಿದೆ ಮತ್ತು AMT ವೇರಿಯೆಂಟ್‌ಗಳಲ್ಲಿ ಅಲ್ಲ. ಇದಲ್ಲದೆ, ಸಿಎನ್‌ಜಿ-ಚಾಲಿತ ಕಾರುಗಳಲ್ಲಿ ಸಾಮಾನ್ಯವಾಗಿರುವಂತೆ, ಪೆಟ್ರೋಲ್ ವೇರಿಯೆಂಟ್‌ಗಳಿಗೆ ಹೋಲಿಸಿದರೆ ಪವರ್‌ ಮತ್ತು ಟಾರ್ಕ್ ಅಂಕಿಅಂಶಗಳು ಸ್ವಲ್ಪ ಕಡಿಮೆ ಇರುವ ನಿರೀಕ್ಷೆಯಿದೆ.

ರೆನಾಲ್ಟ್ ಕಿಗರ್‌ನ ಕೆಲವು ವೇರಿಯೆಂಟ್‌ಗಳು 1-ಲೀಟರ್ ಟರ್ಬೊ-ಪೆಟ್ರೋಲ್ ಎಂಜಿನ್‌ನೊಂದಿಗೆ ಬರುತ್ತವೆ, ಅದು 100 ಪಿಎಸ್‌ ಮತ್ತು 160 ಎನ್‌ಎಮ್‌ಅನ್ನು ಹೊರಹಾಕುತ್ತದೆ. ಆದರೆ, ಈ ಟರ್ಬೊ ಎಂಜಿನ್ CNG ಆಯ್ಕೆಯೊಂದಿಗೆ ಲಭ್ಯವಿಲ್ಲ.

ಇದನ್ನೂ ಓದಿ: ಭಾರತದಲ್ಲಿ ಮತ್ತೆ ಕಿಯಾ EV6ನ 1,300 ಕ್ಕೂ ಹೆಚ್ಚು ಕಾರುಗಳ ಹಿಂಪಡೆತ

ರೆನಾಲ್ಟ್ ಕ್ವಿಡ್, ಕಿಗರ್ ಮತ್ತು ಟ್ರೈಬರ್: ಬೆಲೆ ರೇಂಜ್‌ ಮತ್ತು ಪ್ರತಿಸ್ಪರ್ಧಿಗಳು

ರೆನಾಲ್ಟ್ ಕ್ವಿಡ್ ಫ್ರೆಂಚ್ ಕಾರು ತಯಾರಕರ ಭಾರತದಲ್ಲಿ ಅತ್ಯಂತ ಕೈಗೆಟುಕುವ ಕೊಡುಗೆಯಾಗಿದ್ದು, ಇದರ ಬೆಲೆ 4.70 ಲಕ್ಷ ರೂ.ಗಳಿಂದ 6.45 ಲಕ್ಷ ರೂ.ಗಳವರೆಗೆ ಇದ್ದು, ಮಾರುತಿ ಆಲ್ಟೊ ಕೆ 10 ಮತ್ತು ಮಾರುತಿ ಎಸ್-ಪ್ರೆಸ್ಸೊ ನಂತಹ ಇತರ ಆರಂಭಿಕ ಹಂತದ ಹ್ಯಾಚ್‌ಬ್ಯಾಕ್‌ಗಳಿಗೆ ಪ್ರತಿಸ್ಪರ್ಧಿಯಾಗಿದೆ.

ರೆನಾಲ್ಟ್ ಟ್ರೈಬರ್ ಬೆಲೆ 6.10 ಲಕ್ಷ ರೂ.ನಿಂದ 8.98 ಲಕ್ಷ ರೂ.ಗಳವರೆಗೆ ಇದ್ದು, 6 ಅಥವಾ 7 ಸೀಟರ್‌ನ ವಿನ್ಯಾಸಗಳಲ್ಲಿ ಬರುತ್ತದೆ. ಇದಕ್ಕೆ ಭಾರತದಲ್ಲಿ ನೇರ ಪ್ರತಿಸ್ಪರ್ಧಿ ಇಲ್ಲ ಆದರೆ ಮಾರುತಿ ಎರ್ಟಿಗಾ, ಮಾರುತಿ XL6 ಮತ್ತು ಕಿಯಾ ಕ್ಯಾರೆನ್ಸ್‌ಗಳಿಗೆ ಚಿಕ್ಕದಾದ ಮತ್ತು ಹೆಚ್ಚು ಕೈಗೆಟುಕುವ ಪರ್ಯಾಯವೆಂದು ಪರಿಗಣಿಸಬಹುದು. 

ರೆನಾಲ್ಟ್ ಕಿಗರ್ ಭಾರತದಲ್ಲಿ ಅತ್ಯಂತ ಕೈಗೆಟುಕುವ ಸಬ್-4ಎಮ್‌ ಎಸ್‌ಯುವಿಗಳಲ್ಲಿ ಒಂದಾಗಿದ್ದು, ಇದರ ಬೆಲೆ 6.10 ಲಕ್ಷ ರೂ.ನಿಂದ 11.23 ಲಕ್ಷ ರೂ.ವರೆಗೆ ಇದೆ ಮತ್ತು ಇದು ಸ್ಕೋಡಾ ಕೈಲಾಕ್, ಮಾರುತಿ ಬ್ರೆಝಾ, ನಿಸ್ಸಾನ್ ಮ್ಯಾಗ್ನೈಟ್, ಟಾಟಾ ನೆಕ್ಸಾನ್, ಹ್ಯುಂಡೈ ವೆನ್ಯೂ, ಕಿಯಾ ಸೋನೆಟ್, ಮಹೀಂದ್ರಾ ಎಕ್ಸ್‌ಯುವಿ 3XO ಮತ್ತು ಕಿಯಾ ಸೈರೋಸ್‌ನಂತಹ ಇತರ ಸಬ್‌ಕಾಂಪ್ಯಾಕ್ಟ್ SUV ಗಳೊಂದಿಗೆ ಪೈಪೋಟಿ ನಡೆಸುತ್ತದೆ.

ಎಲ್ಲಾ ಬೆಲೆಗಳು ನವದೆಹಲಿಯ ಎಕ್ಸ್-ಶೋರೂಂ ಆಗಿದೆ.

ಆಟೋಮೋಟಿವ್ ಜಗತ್ತಿನ ನಿರಂತರ ಅಪ್ಡೇಟ್‌ಗಳನ್ನು ಪಡೆಯಲು ಕಾರ್‌ದೇಖೋ ವಾಟ್ಸಾಪ್ ಚಾನೆಲ್ ಅನ್ನು ಫಾಲೋ ಮಾಡಿ.