2024ರ ಜನವರಿಯಲ್ಲಿ 90 ಪ್ರತಿಶತಕ್ಕಿಂತ ಹೆಚ್ಚಿನ Mahindra Scorpio ಖರೀದಿದಾರರಿಂದ ಡೀಸೆಲ್ ಪವರ್‌ಟ್ರೇನ್‌ಗೆ ಆದ್ಯತೆ

ಥಾರ್ ಮತ್ತು XUV700 ಕೂಡ ತಮ್ಮ ಹೆಚ್ಚಿನ ಮಾರಾಟವನ್ನು ಡೀಸೆಲ್ ಪವರ್‌ಟ್ರೇನ್‌ಗಳಲ್ಲಿ ಹೊಂದಿವೆ

• ಎಲ್ಲಾ ಮೂರು ಕಾರುಗಳು ಒಂದೇ ರೀತಿಯ ಟರ್ಬೊ-ಪೆಟ್ರೋಲ್ ಮತ್ತು ಡೀಸೆಲ್ ಎಂಜಿನ್‌ಗಳನ್ನು ಪಡೆದಿವೆ.

• ಸ್ಕಾರ್ಪಿಯೋ ಅಂಕಿಅಂಶಗಳಲ್ಲಿ ಸ್ಕಾರ್ಪಿಯೋ N ಮತ್ತು ಸ್ಕಾರ್ಪಿಯೋ ಕ್ಲಾಸಿಕ್ ಎರಡೂ ಒಳಗೊಂಡಿವೆ

• ತನ್ನ ಡೀಸೆಲ್ ಮಾಡೆಲ್ ಗಳ ಅತಿ ಹೆಚ್ಚು ಮಾರಾಟದೊಂದಿಗೆ, ಮಹೀಂದ್ರಾ ತನ್ನ ಡೀಸೆಲ್ ಎಂಜಿನ್‌ಗಳನ್ನು ಸದ್ಯಕ್ಕೆ ಸ್ಥಗಿತಗೊಳಿಸುವುದಿಲ್ಲ.

ಮಹೀಂದ್ರಾ ಭಾರತದಲ್ಲಿನ ಅತಿದೊಡ್ಡ ಕಾರು ತಯಾರಕರಲ್ಲಿ ಒಂದಾಗಿದೆ ಮತ್ತು ಅದು ಒರಟಾದ ಮತ್ತು ಶಕ್ತಿಯುತ SUV ಗಳಿಗೆ ಹೆಸರುವಾಸಿಯಾಗಿದೆ. ಮಹೀಂದ್ರಾ SUV ಗಳನ್ನು ತಮ್ಮ ಪ್ರತಿಸ್ಪರ್ಧಿಗಳಿಂದ ಪ್ರತ್ಯೇಕಿಸುವ ಒಂದು ಅಂಶವೆಂದರೆ ಅವುಗಳಲ್ಲಿ ಹೆಚ್ಚಿನ SUV ಗಳು ಪೆಟ್ರೋಲ್ ಮತ್ತು ಡೀಸೆಲ್ ಈ ಎರಡೂ ಎಂಜಿನ್‌ಗಳ ಆಯ್ಕೆಯನ್ನು ಪಡೆಯುತ್ತವೆ. ಜನಪ್ರಿಯ ಮಾಡೆಲ್ ಗಳಾದ ಮಹೀಂದ್ರ ಥಾರ್, XUV700 ಮತ್ತು ಸ್ಕಾರ್ಪಿಯೊ N ಅನ್ನು ಅದೇ 2-ಲೀಟರ್ ಟರ್ಬೊ-ಪೆಟ್ರೋಲ್ ಮತ್ತು 2.2-ಲೀಟರ್ ಡೀಸೆಲ್ ಎಂಜಿನ್‌ಗಳನ್ನು ವಿವಿಧ ಟ್ಯೂನ್‌ಗಳಲ್ಲಿ ನೀಡಲಾಗುತ್ತದೆ. ಇಲ್ಲಿ, ನಾವು ಮಹೀಂದ್ರ ಮಾಡೆಲ್ ಗಳ ಜನವರಿ 2024 ರ ಮಾರಾಟದಲ್ಲಿ ಪೆಟ್ರೋಲ್-ಡೀಸೆಲ್ ವಿಭಜನೆಯನ್ನು ಮತ್ತು ಯಾವ ಇಂಧನ ಪ್ರಕಾರವು ಹೆಚ್ಚಿನ ಬೇಡಿಕೆಯನ್ನು ಹೊಂದಿದೆ ಎಂಬುದನ್ನು ನೋಡೋಣ.

ಮಹೀಂದ್ರ ಸ್ಕಾರ್ಪಿಯೋ ಮತ್ತು ಸ್ಕಾರ್ಪಿಯೋ N

ಇದು ಮಹೀಂದ್ರ ಸ್ಕಾರ್ಪಿಯೊ N ಮತ್ತು ಸ್ಕಾರ್ಪಿಯೊ ಕ್ಲಾಸಿಕ್‌ನ ಒಟ್ಟು ಮಾರಾಟದ ಅಂಕಿಅಂಶಗಳಾಗಿವೆ. ಇಲ್ಲಿ ಡೀಸೆಲ್, ಮಾನ್ಯುಯಲ್ ಮತ್ತು ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್ ಆಯ್ಕೆಗಳೊಂದಿಗೆ ಲಭ್ಯವಿದೆ, ಜೊತೆಗೆ 4X4 ಆಯ್ಕೆಯನ್ನು ಕೂಡ ನೀಡಲಾಗುತ್ತದೆ.

ಇದನ್ನು ಕೂಡ ಓದಿ: 5-ಡೋರ್ ಮಹೀಂದ್ರ ಥಾರ್ ಅನ್ನು ಮತ್ತೊಮ್ಮೆ ಕೆಮೊಫ್ಲ್ಯಾಜ್ ನಲ್ಲಿ ಗುರುತಿಸಲಾಗಿದೆ, ಹಿಂಭಾಗದ ಪ್ರೊಫೈಲ್ ಅನ್ನು ವಿವರವಾಗಿ ಗುರುತಿಸಲಾಗಿದೆ

ಇಲ್ಲಿ ಗಮನಿಸಬೇಕಾದ ಒಂದು ವಿಷಯವೆಂದರೆ ಸ್ಕಾರ್ಪಿಯೋ ಕ್ಲಾಸಿಕ್ ಕೇವಲ ಡೀಸೆಲ್-ಮ್ಯಾನ್ಯುವಲ್ ಎಂಜಿನ್-ಟ್ರಾನ್ಸ್‌ಮಿಷನ್ ಸೆಟಪ್‌ನೊಂದಿಗೆ ಬರುತ್ತದೆ, ಆದ್ದರಿಂದ ಪೆಟ್ರೋಲ್ ಮಾರಾಟದ ಅಂಕಿಅಂಶಗಳು ಸ್ಕಾರ್ಪಿಯೋ Nಗೆ ಮಾತ್ರ ಸೀಮಿತವಾಗಿವೆ.

ಜನವರಿ 2024 ರಲ್ಲಿ 14,000 ಯೂನಿಟ್‌ ಮಾರಾಟವಾಗುವ ಮೂಲಕ ಈ ಒರಟಾದ SUVಯ 2.2-ಲೀಟರ್ ಡೀಸೆಲ್ ಎಂಜಿನ್‌ಗೆ ಹೆಚ್ಚಿನ ಆದ್ಯತೆಯಿದೆ ಎಂದು ಕಂಡುಬಂದಿದೆ. ಪೆಟ್ರೋಲ್ ವೇರಿಯಂಟ್ ಗಳು ಕಡಿಮೆ ಮಾರಾಟದ ಅಂಕಿಅಂಶಗಳನ್ನು ಹೊಂದಿರುವುದು ಮಾತ್ರವಲ್ಲದೆ ಕಳೆದ ವರ್ಷ ಇದೇ ತಿಂಗಳ ಸಂಖ್ಯೆಯನ್ನು ನೋಡಿದರೆ ಅವುಗಳ ಮಾರಾಟದಲ್ಲಿ ಕುಸಿತವನ್ನು ಕೂಡ ಕಂಡಿವೆ.

ಮಹೀಂದ್ರಾ ಥಾರ್

ಮಹೀಂದ್ರಾ ಥಾರ್ ಕೂಡ ಇದೇ ರೀತಿಯ ಮಾರಾಟದ ವಿಭಜನೆಯನ್ನು ಹೊಂದಿದೆ. ಇಲ್ಲಿ ಗ್ರಾಹಕರ ಬೇಡಿಕೆಗೆ ಹೋಲಿಸಿದರೆ ಡೀಸೆಲ್ ಯೂನಿಟ್ ಗಳು ಪೆಟ್ರೋಲ್ ಅನ್ನು ಮೀರಿಸುತ್ತವೆ. ಮಹೀಂದ್ರ ಥಾರ್ ವಾಸ್ತವವಾಗಿ ಮೂರು ಎಂಜಿನ್ ಆಯ್ಕೆಗಳೊಂದಿಗೆ ಬರುತ್ತದೆ, ಮೇಲೆ ತಿಳಿಸಲಾದ ಟರ್ಬೊ-ಪೆಟ್ರೋಲ್ ಮತ್ತು ಡೀಸೆಲ್ ಎಂಜಿನ್‌ಗಳ ಜೊತೆಗೆ 1.5-ಲೀಟರ್ ಡೀಸೆಲ್ ಯೂನಿಟ್ ಅನ್ನು ಒಳಗೊಂಡಿದೆ, ಆದರೆ RWD (ರಿಯರ್ ವೀಲ್ ಡ್ರೈವ್) ವೇರಿಯಂಟ್ ಗಳೊಂದಿಗೆ ಮಾತ್ರ.

ಆದರೆ, ಹಿಂದಿನ ವರ್ಷಕ್ಕೆ ಹೋಲಿಸಿದರೆ, ಪೆಟ್ರೋಲ್ ವೇರಿಯಂಟ್ ಗಳ ಮಾರಾಟವು ಹೆಚ್ಚಾಗಿದೆ, ಇದರ ಪರಿಣಾಮವಾಗಿ ಅದರ ಪೆಟ್ರೋಲ್ ಯೂನಿಟ್ ಗಳು ಒಟ್ಟು ಮಾರಾಟದ 10 ಪ್ರತಿಶತವನ್ನು ತಲುಪಿವೆ.

ಮಹೀಂದ್ರಾ XUV700

ಮಹೀಂದ್ರಾ XUV700 ಪೆಟ್ರೋಲ್ ಮತ್ತು ಡೀಸೆಲ್ ಮಾರಾಟ ಎರಡರಲ್ಲೂ ಬೆಳವಣಿಗೆಯನ್ನು ಕಂಡಿದೆ, ಆದರೆ ಡೀಸೆಲ್ ವೇರಿಯಂಟ್ ಗಳ ಬೇಡಿಕೆಯು ಪೆಟ್ರೋಲ್ ಬೇಡಿಕೆಗಿಂತ ಹೆಚ್ಚಿದೆ. ಡೀಸೆಲ್ ವೇರಿಯಂಟ್ ಗಳು 5000 ಯುನಿಟ್‌ಗಳ ಮಾರಾಟದ ಗಡಿ ದಾಟಿದರೆ, ಪೆಟ್ರೋಲ್ ಯುನಿಟ್‌ಗಳು 2000 ಯುನಿಟ್‌ಗಳನ್ನು ಕೂಡ ದಾಟಿಲ್ಲ.

ಆದರೆ, ಅದರ ಪೆಟ್ರೋಲ್ ವೇರಿಯಂಟ್ ಗಳ ಮಾರಾಟ ಜನವರಿ 2024 ಕ್ಕೆ ಹೋಲಿಸಿದರೆ ಸುಮಾರು 4 ಶೇಕಡಾ ಏರಿಕೆಯಾಗಿದೆ.

ಇದನ್ನು ಕೂಡ ಓದಿ: ಮಹೀಂದ್ರಾ XUV700 ಶೀಘ್ರದಲ್ಲೇ ಬೇಸ್-ಸ್ಪೆಕ್ ಪೆಟ್ರೋಲ್ ಆಟೋಮ್ಯಾಟಿಕ್ ವೇರಿಯಂಟ್ ಅನ್ನು ಪಡೆಯಬಹುದು

ಜನಪ್ರಿಯ ಮಹೀಂದ್ರಾ ಮಾಡೆಲ್ ಗಳ ಮಾರಾಟದ ಅಂಕಿಅಂಶಗಳಿಂದ ಮಹೀಂದ್ರಾ ಗ್ರಾಹಕರು ಡೀಸೆಲ್ ಚಾಲಿತ ಕಾರುಗಳನ್ನು ಖರೀದಿಸಲು ಬಯಸುತ್ತಾರೆ ಎಂಬುದು ಸ್ಪಷ್ಟವಾಗಿದೆ. ಆದ್ದರಿಂದ, ಮುಂದಿನ ದಿನಗಳಲ್ಲಿ ಬರಲಿರುವ ಕಟ್ಟುನಿಟ್ಟಾದ ಹೊರಸೂಸುವಿಕೆ ಮಾನದಂಡಗಳನ್ನು ಅನುಸರಣೆ ಮಾಡುವ ಡೀಸೆಲ್ ಎಂಜಿನ್‌ಗಳ ಬೆಲೆಯಲ್ಲಿ ನಿರಂತರ ಹೆಚ್ಚಳದೊಂದಿಗೆ, ಮಹೀಂದ್ರಾದ ಡೀಸೆಲ್ ಶ್ರೇಣಿಯು ಮಾರುಕಟ್ಟೆಯಲ್ಲಿ ಹೀಗೆಯೇ ಇರುವ ಸಾಧ್ಯತೆಯಿದೆ. ನಿಮ್ಮ ಆದ್ಯತೆ ಏನು: ಡೀಸೆಲ್, ಪೆಟ್ರೋಲ್ ಅಥವಾ ಎಲೆಕ್ಟ್ರಿಕ್? ಕಾಮೆಂಟ್‌ಗಳಲ್ಲಿ ನಮಗೆ ತಿಳಿಸಿ.

ಇನ್ನಷ್ಟು ಓದಿ: ಮಹೀಂದ್ರ ಸ್ಕಾರ್ಪಿಯೋ N ಆಟೋಮ್ಯಾಟಿಕ್