2024 ರ ದ್ವಿತೀಯಾರ್ಧದಲ್ಲಿ ಬಿಡುಗಡೆಯಾಗುವ ಮೊದಲು ಮತ್ತೊಮ್ಮೆ ಪರೀಕ್ಷೆ ವೇಳೆಯಲ್ಲಿ ಕಾಣಿಸಿಕೊಂಡ Tata Curvv

ಟಾಟಾ ಕರ್ವ್‌ನ ICE ಆವೃತ್ತಿಯು ಪೆಟ್ರೋಲ್ ಮತ್ತು ಡೀಸೆಲ್ ಎಂಜಿನ್‌ಗಳ ಜೊತೆಗೆ ಮ್ಯಾನುವಲ್ ಮತ್ತು ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್‌ಗಳ ಆಯ್ಕೆಯೊಂದಿಗೆ ಲಭ್ಯವಿರುತ್ತದೆ.

• ಟಾಟಾವು ಭಾರತ್ ಮೊಬಿಲಿಟಿ ಗ್ಲೋಬಲ್ ಎಕ್ಸ್‌ಪೋ 2024 ರಲ್ಲಿ ಕರ್ವ್‌ನ ICE ಅನ್ನು ಉತ್ಪಾದನೆಗೆ ಸಿದ್ಧವಾಗುತ್ತಿರುವ ರೂಪದಲ್ಲಿ ಪ್ರದರ್ಶಿಸಿತು.
• ಹೊಸ ಸ್ಪೈ ಶಾಟ್‌ಗಳು ಮುಂಭಾಗದ ಸ್ಪ್ಲಿಟ್-ಲೈಟಿಂಗ್ ಸೆಟಪ್ ಮತ್ತು ಕನೆಕ್ಟೆಡ್‌ LED ಟೈಲ್‌ಲೈಟ್‌ಗಳನ್ನು ತೋರಿಸುತ್ತವೆ.
• ಒಳಗೆ, ಇದು ಡ್ಯುಯಲ್ ಡಿಜಿಟಲ್ ಡಿಸ್‌ಪ್ಲೇ ಮತ್ತು 2-ಸ್ಪೋಕ್ ಸ್ಟೀರಿಂಗ್ ವೀಲ್ ಅನ್ನು ಹೊಂದಿರಬಹುದು.
• ಬೋರ್ಡ್‌ನಲ್ಲಿರುವ ವೈಶಿಷ್ಟ್ಯಗಳು ಪನೋರಮಿಕ್ ಸನ್‌ರೂಫ್, ADAS ಮತ್ತು ಆರು ಏರ್‌ಬ್ಯಾಗ್‌ಗಳನ್ನು ಒಳಗೊಂಡಿರಬಹುದು.
• ಇದು ಇವಿ ಆವೃತ್ತಿಯನ್ನು ಸಹ ಹೊಂದಿದ್ದು, ಕರ್ವ್‌ನ ICE ಗಿಂತ ಮುಂಚಿತವಾಗಿ ಮಾರಾಟವಾಗಲಿದೆ.
• ಕರ್ವ್‌ ICEಯ ಎಕ್ಸ್ ಶೋರೂಂ ಬೆಲೆಗಳು 11 ಲಕ್ಷ ರೂ.ನಿಂದ ಪ್ರಾರಂಭವಾಗಬಹುದು.

Tata Curvv ಭಾರತೀಯ ಕಾರು ತಯಾರಕರಿಂದ ಹೆಚ್ಚು ನಿರೀಕ್ಷಿತ ಹೊಸ ಮೊಡೆಲ್‌ನ ಬಿಡುಗಡೆಗಳಲ್ಲಿ ಒಂದಾಗಿದೆ ಮತ್ತು ಇದು 2024 ರ ದ್ವಿತೀಯಾರ್ಧದಲ್ಲಿ ಮಾರುಕಟ್ಟೆಯನ್ನು ಪ್ರವೇಶಿಸಲಿದೆ. ಈಗ, ಎಸ್‌ಯುವಿ-ಕೂಪ್‌ನ ಆಂತರಿಕ ದಹನಕಾರಿ ಎಂಜಿನ್ (ICE) ಆವೃತ್ತಿಯ ಹೊಸ ಸ್ಪೈ ಶಾಟ್‌ಗಳು ಮತ್ತೊಮ್ಮೆ ಆನ್‌ಲೈನ್‌ನಲ್ಲಿ ಕಾಣಿಸಿಕೊಂಡಿವೆ. ಎಸ್‌ಯುವಿ-ಕೂಪ್‌ನ ಇವಿ ಆವೃತ್ತಿಯು Curvv ICE ಗಿಂತ ಮುಂಚಿತವಾಗಿ ಬಿಡುಗಡೆ ಮಾಡಲಾಗುತ್ತದೆ ಎಂಬುದನ್ನು ನಾವು ಇಲ್ಲಿ ಗಮನಿಸಬೇಕು.

ಸ್ಪೈ ಶಾಟ್‌ಗಳು ಏನನ್ನು ತೋರಿಸುತ್ತದೆ?

Curvv ICE ಇನ್ನೂ ಸಂಪೂರ್ಣವಾಗಿ ಕವರ್‌ನಿಂದ ಮುಚ್ಚಲ್ಪಟ್ಟಂತೆ ಕಂಡುಬಂದರೂ, ಹೊಸ ಟಾಟಾ ಕಾರುಗಳಲ್ಲಿ ಪ್ರಚಲಿತದಲ್ಲಿರುವಂತೆ ಬಾನೆಟ್ ಲೈನ್‌ನ ಸ್ವಲ್ಪ ಕೆಳಗೆ ಇರುವ ಎಲ್‌ಇಡಿ ಡಿಆರ್‌ಎಲ್‌ ಸ್ಟ್ರಿಪ್‌ನೊಂದಿಗೆ ನಾವು ಸ್ಪ್ಲಿಟ್-ಲೈಟಿಂಗ್ ಸೆಟಪ್ ಅನ್ನು ಇನ್ನೂ ಕಾಣಬಹುದು. ಇತ್ತೀಚೆಗೆ ನಡೆದ ಭಾರತ್ ಮೊಬಿಲಿಟಿ ಗ್ಲೋಬಲ್ ಎಕ್ಸ್‌ಪೋ 2024 ರಲ್ಲಿ ಪ್ರದರ್ಶಿಸಲಾದ ತಯಾರಿಗೆ ಸಿದ್ಧವಾಗಿರುವ ಆವೃತ್ತಿಯ ಆಧಾರದ ಮೇಲೆ, ಕರ್ವ್‌ ಬಂಪರ್‌ನಲ್ಲಿ ಅಲಂಕರಣಗಳನ್ನು ಒಳಗೊಂಡಿರುವಾಗ ಹೆಡ್‌ಲೈಟ್‌ಗಳು ಮತ್ತು ಫಾಗ್ ಲ್ಯಾಂಪ್‌ಗಳಿಗಾಗಿ ತ್ರಿಕೋನ-ರೀತಿಯ ಹೌಸಿಂಗ್ ಅನ್ನು ಹೊಂದಿರುತ್ತದೆ.

ಇತರ ಗಮನಾರ್ಹ ವಿವರಗಳಲ್ಲಿ ಕೂಪ್ ತರಹದ ರೂಫ್‌ಲೈನ್‌, ಫ್ಲಶ್-ಫಿಟ್ಟಿಂಗ್ ಡೋರ್ ಹ್ಯಾಂಡಲ್‌ಗಳು ಮತ್ತು ಈ ಹಿಂದೆ ಗೂಢಚಾರಿಕೆ ಮಾಡಿದ ಪರೀಕ್ಷಾ ಆವೃತ್ತಿಗಳ ಮೇಲೆ ಗಮನಿಸಿದ ಅಲಾಯ್‌ ವೀಲ್‌ಗಳಿಗೆ ಅದೇ ವಿನ್ಯಾಸವನ್ನು ಒಳಗೊಂಡಿರುತ್ತದೆ. ಹಿಂಭಾಗದಲ್ಲಿ ಪ್ರಮುಖ ಆಕರ್ಷಣೆಯೆಂದರೆ ಅದರ ಕನೆಕ್ಟೆಡ್‌ ಎಲ್‌ಇಡಿ ಟೈಲ್‌ಲೈಟ್‌ಗಳು.

• ಮನೆಬಾಗಿಲಿಗೆ ಕಾರ್‌ ಸರ್ವೀಸ್‌

• ಕಾರ್ ಸರ್ವೀಸ್‌ ಹಿಸ್ಟರಿಯನ್ನು ಪರಿಶೀಲಿಸಿ

ಇಂಟೀರಿಯರ್ ಮತ್ತು ವೈಶಿಷ್ಟ್ಯಗಳು

ಪ್ರೊಡಕ್ಷನ್-ಸ್ಪೆಕ್ ಟಾಟಾ ಕರ್ವ್‌ನ ಒಳಭಾಗವು ಇನ್ನೂ ಕಾಣಿಸದಿದ್ದರೂ, ಭಾರತ್ ಮೊಬಿಲಿಟಿ ಗ್ಲೋಬಲ್ ಎಕ್ಸ್‌ಪೋ 2024 ರಲ್ಲಿ ಪ್ರದರ್ಶಿಸಲಾದ ಮೊಡೆಲ್‌ನಲ್ಲಿ ನೋಡಿದಂತೆ ಪ್ರಕಾಶಿತ ಟಾಟಾ ಲೋಗೋದೊಂದಿಗೆ ಹ್ಯಾರಿಯರ್ ತರಹದ 4-ಸ್ಪೋಕ್ ಸ್ಟೀರಿಂಗ್ ವೀಲ್ ಅನ್ನು ಹೊಂದಿರುತ್ತದೆ ಎಂದು ನಾವು ನಿರೀಕ್ಷಿಸುತ್ತೇವೆ. ಫೇಸ್‌ಲಿಫ್ಟೆಡ್ ನೆಕ್ಸಾನ್ ಮತ್ತು ಪಂಚ್ ಇವಿ ಸೇರಿದಂತೆ ಹೊಸ ಟಾಟಾ ಎಸ್‌ಯುವಿಗಳಲ್ಲಿ ನೀಡಲಾದ ಟಚ್-ಆಧಾರಿತ ಕ್ಲೈಮೇಟ್‌ ಕಂಟ್ರೋಲ್‌ ಪ್ಯಾನೆಲ್‌ ಅನ್ನು ಸಹ ಇದು ಹೊಂದಿರುತ್ತದೆ.

ಕರ್ವ್‌ ಬೋರ್ಡ್‌ನಲ್ಲಿರುವ ಇತರ ವೈಶಿಷ್ಟ್ಯಗಳು 12.3-ಇಂಚಿನ ಟಚ್‌ಸ್ಕ್ರೀನ್ ಸಿಸ್ಟಮ್, ವೆಂಟಿಲೇಟೆಡ್ ಫ್ರಂಟ್ ಸೀಟ್‌ಗಳು, ಸನ್‌ರೂಫ್ ಮತ್ತು 10.25-ಇಂಚಿನ ಡಿಜಿಟಲ್ ಡ್ರೈವರ್‌ ಡಿಸ್‌ಪ್ಲೇಯನ್ನು ಒಳಗೊಂಡಿರುತ್ತದೆ ಎಂದು ನಿರೀಕ್ಷಿಸಲಾಗಿದೆ. ಟಾಟಾವು ಸುರಕ್ಷತೆಯಲ್ಲಿ ಆರು ಏರ್‌ಬ್ಯಾಗ್‌ಗಳು, 360-ಡಿಗ್ರಿ ಕ್ಯಾಮೆರಾ, ಮುಂಭಾಗ ಮತ್ತು ಹಿಂಭಾಗದ ಪಾರ್ಕಿಂಗ್ ಸೆನ್ಸಾರ್‌ಗಳು ಮತ್ತು ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್ (ESC) ನೊಂದಿಗೆ Curvv ಅನ್ನು ಸಜ್ಜುಗೊಳಿಸುವ ನಿರೀಕ್ಷೆಯಿದೆ. ಎಸ್‌ಯುವಿ-ಕೂಪ್ ಹ್ಯಾರಿಯರ್-ಸಫಾರಿ ಜೋಡಿಯಿಂದ ಸುಧಾರಿತ ಚಾಲಕ ಸಹಾಯ ವ್ಯವಸ್ಥೆಗಳನ್ನು (ADAS) ಎರವಲು ಪಡೆಯುತ್ತದೆ. ಈ ಸ್ಪೈ ಶಾಟ್‌ಗಳಲ್ಲಿ ವಿಂಡ್‌ಸ್ಕ್ರೀನ್‌ನಲ್ಲಿ ಜೋಡಿಸಲಾದ ರಾಡಾರ್ ಅನ್ನು ಸಹ ನಾವು ಗುರುತಿಸಬಹುದು, ಹಾಗಾಗಿ ಇದು ಟಾಪ್‌-ಎಂಡ್‌ ವೇರಿಯಂಟ್ ನ ಪರೀಕ್ಷಾ ಆವೃತ್ತಿ ಎಂದು ತಿಳಿದು ಬರುತ್ತದೆ.

ಇದನ್ನೂ ಪರಿಶೀಲಿಸಿ: 2024ರ ಏಪ್ರಿಲ್‌ನಲ್ಲಿ 7 ಕಾರುಗಳು ಬಿಡುಗಡೆ ಸಿದ್ಧ !

ಸಾಕಷ್ಟು ಪವರ್‌ಟ್ರೇನ್ ಆಯ್ಕೆಗಳು

ಕೆಳಗೆ ತಿಳಿಸಿದಂತೆ ಕರ್ವ್‌ ನ ಎಂಜಿನ್‌ ಆಯ್ಕೆಗಳು ಪೆಟ್ರೋಲ್ ಮತ್ತು ಡೀಸೆಲ್ ಎರಡರಲ್ಲೂ ಲಭ್ಯವಿರುತ್ತದೆ:

*DCT- ಡ್ಯುಯಲ್-ಕ್ಲಚ್ ಆಟೋಮ್ಯಾಟಿಕ್‌ ಟ್ರಾನ್ಸ್‌ಮಿಷನ್‌

ಟಾಟಾ ಮೊದಲು 500 ಕಿಮೀ ವರೆಗೆ ಕ್ಲೈಮ್ ಮಾಡಲಾದ ಎಲೆಕ್ಟ್ರಿಕ್ ಕೊಡುಗೆಗಳಿಗಾಗಿ ಟಾಟಾದ Gen2 ಪ್ಲಾಟ್‌ಫಾರ್ಮ್ ಅನ್ನು ಆಧರಿಸಿದ Curvv EV ಅನ್ನು ಬಿಡುಗಡೆ ಮಾಡುತ್ತದೆ. ಆದರೆ, ಎಲೆಕ್ಟ್ರಿಕ್ ಪವರ್‌ಟ್ರೇನ್‌ನ ಇತರ ವಿವರಗಳು ಇನ್ನೂ ಬಹಿರಂಗಗೊಂಡಿಲ್ಲ.

ಇದನ್ನೂ ಓದಿ: ಟಾಟಾ ನ್ಯಾನೋ ಇವಿ ಲಾಂಚ್: ವಾಸ್ತವ Vs ಕಾಲ್ಪನಿಕ

ಇದರ ಬೆಲೆ ಎಷ್ಟು ?

ಟಾಟಾ ಕರ್ವ್‌ ICE ಆವೃತ್ತಿಯು 2024 ರ ದ್ವಿತೀಯಾರ್ಧದಲ್ಲಿ ಬಿಡುಗಡೆಯಾಗುವ ನಿರೀಕ್ಷೆಯಿದೆ, ಇದರ ಎಕ್ಸ್ ಶೋ ರೂಂ ಬೆಲೆಗಳು ರೂ 11 ಲಕ್ಷದಿಂದ ಪ್ರಾರಂಭವಾಗುವ ಸಾಧ್ಯತೆ ಇದೆ. ಇದು ಹ್ಯುಂಡೈ ಕ್ರೆಟಾ, ಮಾರುತಿ ಗ್ರ್ಯಾಂಡ್ ವಿಟಾರಾ, ಸ್ಕೋಡಾ ಕುಶಾಕ್, ಹೋಂಡಾ ಎಲಿವೇಟ್, ಟೊಯೊಟಾ ಅರ್ಬನ್ ಕ್ರೂಸರ್ ಹೈರೈಡರ್, ಕಿಯಾ ಸೆಲ್ಟೋಸ್ ಮತ್ತು ಫೋಕ್ಸ್‌ವ್ಯಾಗನ್ ಟೈಗುನ್‌ನಂತಹ ಕಾಂಪ್ಯಾಕ್ಟ್ ಎಸ್‌ಯುವಿಗಳಿಗೆ ಎಸ್‌ಯುವಿ-ಕೂಪ್ ಪರ್ಯಾಯವಾಗಿ ಕಾರ್ಯನಿರ್ವಹಿಸುತ್ತದೆ.

ಚಿತ್ರ ಕೃಪೆ- ರೋಹಿತ್ ಎಸ್. ಶಿಂಧೆ