ಹುಂಡೈ ವೆನ್ಯೂ

ವೆನ್ಯೂವು ಸಾಮಾನ್ಯವಾಗಿ ಫೇಸ್‌ಲಿಫ್ಟ್ ಗಿಂತ ಹಿಂದಿನ ಆವೃತ್ತಿಯ ಕಾರಿನಂತೆಯೇ ಇದೆ, ಆದರೆ ಮೊದಲಿಗಿಂತ ಈಗ ಹೆಚ್ಚಿನ ಗಮನವನ್ನು ಸೆಳೆಯುತ್ತದೆ. ಪರಿಷ್ಕರಿಸಲ್ಪಟ್ಟಿರುವ ಗ್ರಿಲ್ ಈಗ ದೊಡ್ಡ ಹುಂಡೈ ಎಸ್‌ಯುವಿಗಳೊಂದಿಗೆ ಜೋಡಿಯಾಗಿದ್ದು, ಇದು ಹೆಚ್ಚು ಪ್ರಬಲವಾಗಿ ಕಾಣಲು ಸಹಾಯ ಮಾಡುತ್ತದೆ. ಜೊತೆಗೆ ಗ್ರಿಲ್ ಡಾರ್ಕ್ ಕ್ರೋಮ್ ಅನ್ನು ಪಡೆಯುತ್ತಿದ್ದು, ಇದು ಸೌಂದರ್ಯವನ್ನು ಹೆಚ್ಚಿಸಿದೆ ಎಂಬುವುದು ನಮ್ಮ ಅಭಿಪ್ರಾಯ. ಕೆಳಭಾಗದಲ್ಲಿ, ಬಂಪರ್ ಅನ್ನು ಹೆಚ್ಚು ಸ್ಪೋರ್ಟಿಯಾಗಿ ಮಾಡಲಾಗಿದೆ ಮತ್ತು ಸ್ಕಿಡ್ ಪ್ಲೇಟ್ ಹೆಚ್ಚು ಪ್ರಮುಖವಾಗಿದೆ. ಬಿಳಿ ಬೆಳಕನ್ನು ಹೊರಸೂಸುವ ಹೊಸ ಎಲ್ಇಡಿ ಪ್ರೊಜೆಕ್ಟರ್ ಹೆಡ್‌ಲ್ಯಾಂಪ್‌ಗಳನ್ನು ಖರೀದಿದಾರರು ಇಷ್ಟಪಡುತ್ತಾರೆ. ಆದಾಗ್ಯೂ, ಇಂಡಿಕೇಟರ್‌ಗಳಲ್ಲಿ ಇನ್ನೂ ಬಲ್ಬ್‌ಗಳನ್ನೇ ಬಳಸಲಾಗುತ್ತಿದ್ದು, ಈ ಪರಿಷ್ಕೃತ  ಮುಂಭಾಗದಲ್ಲಿ ಇದು ಚೌಕಟ್ಟಿನಿಂದ ಹೊರಗೆ ಕಾಣುತ್ತವೆ.

ಸೈಡ್‌ ಪ್ರೋಫೈಲ್‌ನಲ್ಲಿ ದಪ್ಪವಾದ 16-ಇಂಚಿನ ಡ್ಯುಯಲ್ ಟೋನ್  ಅಲಾಯ್‌ ವೀಲ್‌ಗಳನ್ನು ಹೊಂದಿದೆ ಮತ್ತು ನೀವು ಕಾರನ್ನು ಲಾಕ್/ಅನ್ಲಾಕ್ ಮಾಡಿದಾಗ ORVM ಗಳು (ಸೈಡ್‌ ಮಿರರ್‌ಗಳು) ಈಗ  ಆಟೋಮ್ಯಾಟಿಕ್‌ ಆಗಿ ಒಳಗೆ ಮತ್ತು ಹೊರಗೆ ಮಡಚಿಕೊಳ್ಳುತ್ತವೆ. ಅವುಗಳು ಪಡಲ್‌ ಲೈಟ್‌ಗಳನ್ನು ಸಹ ಹೊಂದಿದೆ. ರೂಫ್ ರೈಲ್‌ಗಳು ಹೊಸ ವಿನ್ಯಾಸದಲ್ಲಿ ಬಂದಿದೆ, ಆದರೆ ವ್ಯತ್ಯಾಸವನ್ನು ವಿವರಿಸುವುದು ಕಷ್ಟ. ವೆನ್ಯೂವು 6 ಶಾಂತವಾದ ಬಾಡಿ ಬಣ್ಣಗಳಲ್ಲಿ ನೀಡಲಾಗುತ್ತಿದೆ ಮತ್ತು ಕೆಂಪು ಮಾತ್ರ ಬ್ಲ್ಯಾಕ್‌ ರೂಫ್‌ ಆಯ್ಕೆಯನ್ನು ಪಡೆಯುತ್ತದೆ.

ಹಿಂಭಾಗದಲ್ಲಿ ಲುಕ್‌ನಲ್ಲಿ ವೆನ್ಯೂವು ಸರಿಯಾಗಿ ಆಧುನಿಕವಾಗಿ ಕಾಣುತ್ತದೆ. ಹೊಸ ಎಲ್ಇಡಿ ಅಂಶವು ಬ್ರೇಕ್‌ಗಾಗಿ ಕನೆಕ್ಟೆಡ್‌ ಸ್ಟ್ರಿಪ್ ಮತ್ತು ಬ್ಲಾಕ್ ಲೈಟಿಂಗ್‌ನೊಂದಿಗೆ ವಿಶೇಷವಾಗಿ ಕಾಣುತ್ತದೆ. ಬಂಪರ್‌ನಲ್ಲಿ ಕೂಡ ರಿಫ್ಲೆಕ್ಟರ್‌ಗಳಿಗೆ ಮತ್ತು ರಿವರ್ಸ್ ಲೈಟ್‌ಗಳಿಗೆ ಬ್ಲಾಕ್ ಅಂಶವನ್ನು ಸೇರಿಸಲಾಗಿದೆ. ಒಟ್ಟಾರೆಯಾಗಿ, ಇದು ಇನ್ನೂ ತಕ್ಷಣವೇ ವೆನ್ಯೂ ಎಂದು ಗುರುತಿಸಬಹುದಾದರೂ, ಬದಲಾವಣೆಗಳು ಇದನ್ನು ದಿಟ್ಟವಾಗಿ ಕಾಣಲು ಸಹಾಯ ಮಾಡುತ್ತದೆ ಮತ್ತು ಉತ್ತಮ ರೋಡ್‌ ಪ್ರೆಸೆನ್ಸ್‌ನ್ನು ಹೊಂದಿದೆ.

ವೆನ್ಯೂವಿನ ಕ್ಯಾಬಿನ್ ಹೊರಭಾಗಕ್ಕಿಂತ ಕಡಿಮೆ ಬದಲಾವಣೆಗಳನ್ನು ಕಂಡಿದೆ. ಡ್ಯಾಶ್‌ಬೋರ್ಡ್‌ಗೆ ಈಗ ಡ್ಯುಯಲ್ ಟೋನ್‌ನ ಫಿನಿಶಿಂಗ್‌ ನೀಡಲಾಗಿದೆ ಮತ್ತು ಇದಕ್ಕೆ ಸರಿ ಹೊಂದಲು ಅಪ್‌ಹೋಲ್‌ಸ್ಟರಿಯನ್ನು ನವೀಕರಿಸಲಾಗಿದೆ. ಆದಾಗಿಯೂ, ನೀವು ಇದಕ್ಕೆ ಲೆಥೆರೆಟ್ ನ ಟಚ್‌ ಅನ್ನು ಪಡೆಯುತ್ತೀರಿ ಮತ್ತು ಕೆಲವು ಖರೀದಿದಾರರು ಆದ್ಯತೆ ನೀಡುವ ಸಂಪೂರ್ಣ ಲೆಥೆರೆಟ್ ಆಗಿರುವ ಅಪ್‌ಹೋಲ್‌ಸ್ಟರಿ ಲಭ್ಯವಿಲ್ಲ.  

ವೈಶಿಷ್ಟ್ಯದ ಆಪ್‌ಡೇಟ್‌ಗಳ ವಿಷಯದಲ್ಲಿ, ಚಾಲಕನು ಹೆಚ್ಚಿನದನ್ನು ಪಡೆಯುತ್ತಾನೆ. ಡ್ರೈವರ್ ಸೀಟ್ ಈಗ ಒರಗುವ ಮತ್ತು ಜಾರಿಸುವ ಅಯ್ಕೆಯೊಂದಿಗೆ ಚಾಲಿತವಾಗಿದೆ, ಡಿಜಿಟಲ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ಈಗ ಹೈಲೈನ್ ಟೈರ್ ಒತ್ತಡದ ಮಾನಿಟರಿಂಗ್ ಸಿಸ್ಟಮ್ (ವೈಯಕ್ತಿಕ ಟೈರ್ ಒತ್ತಡಗಳನ್ನು ಪ್ರದರ್ಶಿಸಲಾಗುತ್ತದೆ) ಮತ್ತು ಟರ್ನ್-ಬೈ-ಟರ್ನ್ ನ್ಯಾವಿಗೇಷನ್ ಡಿಸ್‌ಪ್ಲೇ ಮತ್ತು ಸಾಧನಗಳ ಚಾರ್ಜ್‌ ಮಾಡಲು ಇದು ಟೈಪ್-ಸಿ ಪೋರ್ಟ್ ಅನ್ನು ಹೊಂದಿದೆ. ಟರ್ಬೊ-ಪೆಟ್ರೋಲ್-ಡಿಸಿಟಿ ಪವರ್‌ಟ್ರೇನ್ ಡ್ರೈವ್ ಮೋಡ್‌ಗಳನ್ನು ಸಹ ಪಡೆಯುತ್ತದೆ, ಅದನ್ನು ನಾವು ಮುಂದಿನ ದಿನಗಳಲ್ಲಿ ಪಡೆಯುವ ನಿರೀಕ್ಷೆಯಿದೆ.

ಇತರ ವೈಶಿಷ್ಟ್ಯಗಳ ಸೇರ್ಪಡೆಗಳಲ್ಲಿ ಡ್ಯಾಶ್‌ಬೋರ್ಡ್‌ನ ಸ್ಟೋರೆಜ್‌ ಭಾಗದಲ್ಲಿ ಆಂಬಿಯೆಂಟ್‌ ಲೈಟಿಂಗ್‌ ಮತ್ತು ಸೆಂಟರ್-ಆರ್ಮ್‌ರೆಸ್ಟ್‌ನಲ್ಲಿ ಇಂಟಿಗ್ರೇಟೆಡ್ ಏರ್ ಪ್ಯೂರಿಫೈಯರ್ ಸೇರಿವೆ, ಇದನ್ನು ಮೊದಲು ಕಪ್ ಹೋಲ್ಡರ್‌ನ ಒಂದರಲ್ಲಿ ಇರಿಸಲಾಗಿತ್ತು. ಆದರೆ ಇದರ ಇನ್ಫೋಟೈನ್‌ಮೆಂಟ್ ಸಿಸ್ಟಂನಲ್ಲಿ ದೊಡ್ಡ ಬದಲಾವಣೆಯಾಗಿದೆ. ಹೊಸ 8-ಇಂಚಿನ ಸ್ಕ್ರೀನ್‌ನ್ನು ನೀಡಲಾಗುತ್ತಿದೆ. ಆದರೆ ನಾವು ಇದರಲ್ಲಿ 10-ಇಂಚಿನ ಡಿಸ್‌ಪ್ಲೇಯನ್ನು ನೋಡಲು ಬಯಸುತ್ತೆವೆ. ಸ್ಕ್ರೀನ್‌ನ ಇಂಟರ್ಫೇಸ್ ಈಗ ಸಂಪೂರ್ಣವಾಗಿ ಹೊಸತನದಿಂದ ಕೂಡಿದೆ. ಪ್ರದರ್ಶನವು ತೀಕ್ಷ್ಣವಾಗಿದೆ ಮತ್ತು ಐಕಾನ್‌ಗಳು ಉತ್ತಮವಾಗಿ ಕಾಣುತ್ತವೆ. ಸಿಸ್ಟಮ್‌ನ ಇಂಟರ್‌ಫೇಸ್‌ ಮತ್ತು ರೆಸ್ಪಾನ್ಸ್‌ ಮೊದಲಿಗಿಂತ ನಯವಾಗಿದೆ. ಇದರಲ್ಲಿ 10 ಪ್ರಾದೇಶಿಕ ಭಾಷೆಗಳ ಆಯ್ಕೆಯನ್ನು ನೀಡಲಾಗುತ್ತಿದ್ದು, ಹೆಚ್ಚಿನ ಎಲ್ಲಾ ಧ್ವನಿ ಆಜ್ಞೆಗಳನ್ನು ಈಗ ಸಿಸ್ಟಮ್‌ನಿಂದ ಪ್ರಕ್ರಿಯೆಗೊಳಿಸಲಾಗಿದೆ ಮತ್ತು ನೆಟ್‌ವರ್ಕ್ ಅವಲಂಬಿತವಾಗಿಲ್ಲ. ಇದು ಪ್ರತಿಕ್ರಿಯೆ ಸಮಯವನ್ನು ಕಡಿಮೆ ಮಾಡುತ್ತದೆ. ಕನೆಕ್ಟೆಡ್‌ ಕಾರ್ ತಂತ್ರಜ್ಞಾನದಲ್ಲಿನ ನವೀಕರಣವು ಇದೀಗ ಟೈರ್ ಒತ್ತಡಗಳು, ಇಂಧನ ಮಟ್ಟ ಮತ್ತು ಹೆಚ್ಚಿನವುಗಳಿಗಾಗಿ ಸ್ಕ್ರೀನ್‌ನ ಹೋಮ್‌ನಲ್ಲಿರುವ ಗೂಗಲ್ ಅಥವಾ ಅಲೆಕ್ಸಾವನ್ನು ಕೇಳಲು ನಿಮಗೆ ಅನುಮತಿಸುತ್ತದೆ. ಈ ಬದಲಾವಣೆಗಳು ಇನ್ಫೋಟೈನ್‌ಮೆಂಟ್‌ನ ಅನುಭವವನ್ನು ಸ್ವಲ್ಪಮಟ್ಟಿಗೆ ಸುಧಾರಿಸುತ್ತದೆ.

ಆದಾಗಿಯೂ, ಈ ನವೀಕರಣದಿಂದ ನಾವು ಹೆಚ್ಚಿನದನ್ನು ನಿರೀಕ್ಷಿಸಿದ್ದೇವೆ. ವೆನ್ಯೂವು ಹೊಂದಿರುವ ಕೆಲವು ದಡ್ಡತನವನ್ನು ಮತ್ತು ವೈಶಿಷ್ಟ್ಯಗಳಲ್ಲಿ ಇತರ ಪ್ರಮುಖ ಲೋಪಗಳನ್ನು ತಪ್ಪಿಸಬಹುದಾಗಿತ್ತು. ಎತ್ತರ ಹೊಂದಾಣಿಕೆ ಮಾಡಬಲ್ಲ ಮತ್ತು ಗಾಳಿಯಾಡುವ ಆಸನದಂತಹ ಸೌಕರ್ಯಗಳು ಚಾಲಕನ ಸೀಟ್‌ನಲ್ಲಿ ಮಿಸ್‌ ಆಗಿದೆ. ಇತರ ಸಣ್ಣ ಲೋಪಗಳೆಂದರೆ ಆಟೋ ಡೇ/ನೈಟ್ IRVM, ಬ್ರಾಂಡೆಡ್ ಸೌಂಡ್ ಸಿಸ್ಟಮ್ ಅಥವಾ ಟ್ಯೂನಿಂಗ್, ರೈನ್-ಸೆನ್ಸಿಂಗ್ ವೈಪರ್‌ಗಳು ಮತ್ತು ಟೆಲಿಸ್ಕೋಪಿಕ್ ಸ್ಟೀರಿಂಗ್ ವೀಲ್ ಹೊಂದಾಣಿಕೆಯಂತಹ ವೈಶಿಷ್ಟ್ಯಗಳು ಮಿಸ್‌ ಆಗಿರುವುದು. ಈ ವೈಶಿಷ್ಟ್ಯಗಳು ಪ್ರಸ್ತುತದಲ್ಲಿ ಇರುತ್ತಿದ್ದರೆ, ವೈಶಿಷ್ಟ್ಯಗಳ ವಿಭಾಗದಲ್ಲಿ ಮತ್ತೊಮ್ಮೆ ವೆನ್ಯೂವನ್ನು ಉನ್ನತ ಸ್ಥಾನಕ್ಕೆ ಕೊಂಡೊಯ್ಯಬಹುದಿತ್ತು.

ಹ್ಯುಂಡೈ ಹಿಂಬದಿ ಸೀಟಿನ ಅನುಭವವನ್ನು ಸುಧಾರಿಸುವ ನಿಟ್ಟಿನಲ್ಲಿ ಶ್ರಮ ವಹಿಸಿದೆ. ಮೊಣಕಾಲು ಇಡುವಲ್ಲಿ ಉತ್ತ, ಕೋಣೆಯನ್ನು ನೀಡಲು ಮುಂಭಾಗದ ಸೀಟಿನ ಹಿಂಭಾಗವನ್ನು ಈಗ ಸ್ಕೂಪ್ ಮಾಡಲಾಗಿದೆ ಮತ್ತು ಉತ್ತಮವಾದ  ತೊಡೆಯ ಕೆಳಭಾಗಕ್ಕೆ ಬೆಂಬಲವನ್ನು ನೀಡಲು ಸೀಟ್ ಬೇಸ್ ಅನ್ನು ಬದಲಾವಣೆ ಮಾಡಲಾಗಿದೆ ಮತ್ತು ಇದು ಕೆಲಸ ಮಾಡಿದೆ. ಆಸನವು 2 ಹಂತದ ಬ್ಯಾಕ್‌ರೆಸ್ಟ್ ರಿಕ್ಲೈನ್ ಅನ್ನು ಸಹ ಒಳಗೊಂಡಿದೆ, ಇದು ಪ್ರಯಾಣಿಕರಿಗೆ ವೈಯಕ್ತಿಕಗೊಳಿಸಿದ ಸೌಕರ್ಯದ ಪದರವನ್ನು ನೀಡುತ್ತಿದೆ.

ಮತ್ತೊಂದು ಸ್ವಾಗತಾರ್ಹ ಸೇರ್ಪಡೆಯೆಂದರೆ ಎಸಿ ವೆಂಟ್‌ಗಳ ಅಡಿಯಲ್ಲಿ 2 ಟೈಪ್-ಸಿ ಚಾರ್ಜಿಂಗ್ ಪೋರ್ಟ್‌ಗಳನ್ನು ನೀಡುತ್ತಿರುವುದು. ಇವುಗಳೊಂದಿಗೆ ಹಿಂದಿನ ಸೀಟಿನ ಅನುಭವವು ಉತ್ತಮವಾಗಿದೆ. ಈ ಅನುಭವವನ್ನು ಇನ್ನಷ್ಟು ಹೆಚ್ಚಿಸಲು ಹ್ಯುಂಡೈ ಸನ್‌ಶೇಡ್‌ಗಳು ಮತ್ತು ಉತ್ತಮ ಕ್ಯಾಬಿನ್ ಇನ್ಸುಲೇಶನ್ (ರಬ್ಬರಿನ ಮುಚ್ಚುವಿಕೆ) ಅನ್ನು ನೀಡಬಹುದಿತ್ತು.

ಟಾಪ್-ಎಂಡ್‌ ಆವೃತ್ತಿಯಾಗಿರುವ SX(O) ವೇರಿಯೆಂಟ್‌ನೊಂದಿಗೆ ಮಾತ್ರ ವೆನ್ಯೂ ಈಗ ಆರು ಏರ್‌ಬ್ಯಾಗ್‌ಗಳನ್ನು ನೀಡುತ್ತಿದೆ. ಆದರೆ ತನ್ನ ಇತರ ಎಲ್ಲಾ ವೇರಿಯೆಂಟ್‌ಗಳು ಕೇವಲ 2 ಏರ್‌ಬ್ಯಾಗ್‌ಗಳನ್ನು ಪಡೆಯುತ್ತವೆ. ಅಲ್ಲದೆ,  ಬೇಸ್‌ ವೇರಿಯೆಂಟ್‌ ಆಗಿರುವ  E ಆವೃತ್ತಿಯಲ್ಲಿ ಬ್ರೇಕ್ ಅಸಿಸ್ಟ್ ಸಿಸ್ಟಮ್ (BAS), ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್ (ESC), ವೆಹಿಕಲ್ ಸ್ಟೆಬಿಲಿಟಿ ಮ್ಯಾನೇಜ್‌ಮೆಂಟ್ (VSM), ಮತ್ತು ಹಿಲ್ ಅಸಿಸ್ಟ್ ಕಂಟ್ರೋಲ್ (HAC) ನಂತಹ ಎಲೆಕ್ಟ್ರಾನಿಕ್ ಸಾಧನಗಳು ಮಿಸ್‌ ಆಗಿವೆ. ಆದರೆ ISOFIX ಮೌಂಟ್‌ಗಳನ್ನು ಸ್ಟ್ಯಾಂಡರ್ಡ್‌ ಆಗಿ ನೀಡಲಾಗುತ್ತಿದೆ.

ವೆನ್ಯೂ ಈ ಒಂದನ್ನು ಹೊರತುಪಡಿಸಿ, ತನ್ನ ಎಂಜಿನ್ ಮತ್ತು ಟ್ರಾನ್ಸ್‌ಮಿಶನ್‌ ಆಯ್ಕೆಗಳಲ್ಲಿ ಯಾವುದೇ ಬದಲಾವಣೆಗಳಿಲ್ಲದೆ ಹಿಂದಿನದ್ದನ್ನೇ ಉಳಿಸಿಕೊಂಡಿದೆ. ಟರ್ಬೊ-ಪೆಟ್ರೋಲ್ ಎಂಜಿನ್ ಈಗ ಸುಧಾರಿಸಿದ DCT ಟ್ರಾನ್ಸ್‌ಮಿಷನ್ ಮತ್ತು ಡ್ರೈವ್ ಮೋಡ್‌ಗಳೊಂದಿಗೆ ಬರುತ್ತದೆ. ಆದಾಗಿಯೂ ನಾವು ಮಿಸ್‌ ಮಾಡಿಕೊಳ್ಳುವುದು ಕಿಯಾ ಸೋನೆಟ್ ನೀಡುವ ಡೀಸೆಲ್-ಆಟೋಮ್ಯಾಟಿಕ್ ಡ್ರೈವ್‌ಟ್ರೇನ್ ನ್ನು ಮತ್ತು ಅಪ್‌ಗ್ರೇಡ್ ಮಾಡಲಾದ ವೆನ್ಯೂನಲ್ಲಿ ನಾವು ಇದನ್ನು ಸಹ ನಿರೀಕ್ಷಿಸಿದ್ದೆವು.

ಚಾಲನೆಯ ಆರಂಭದಿಂದಲೇ, ಈ DCT ಸುಧಾರಿಸಿದ ಅನುಭವ ನೀಡುತ್ತದೆ. ಕ್ರಾಲ್ ಸುಗಮವಾಗಿದೆ ಮತ್ತು ಇದು ಜನನಿಬಿಡ ನಗರಗಳಲ್ಲಿ ಡ್ರೈವ್ ಅನುಭವವನ್ನು ಇನ್ನಷ್ಟು ಉತ್ತಮವಾಗಿಸಲು ಸಹಾಯ ಮಾಡುತ್ತದೆ. ಗೇರ್ ಶಿಫ್ಟ್‌ಗಳು ವೇಗವಾಗಿರುತ್ತವೆ, ಇದು ವೆನ್ಯೂವನ್ನು ಓಡಿಸಲು ಹೆಚ್ಚು ಶ್ರಮ ಬೇಕಿಲ್ಲ ಎಂಬ ಭಾವನೆ ಬರಲು ಸಹಾಯ ಮಾಡುತ್ತದೆ. ಇದೇನು ದೊಡ್ಡ ಸುಧಾರಣೆಯಲ್ಲದಿದ್ದರೂ, ಇದು ನಿಮ್ಮ ಡ್ರೈವಿಂಗ್‌ ಅನುಭವವನ್ನು ಇನ್ನಷ್ಟು ಉತ್ತಮವಾಗಿಸುತ್ತದೆ. 

ಡ್ರೈವ್ ಮೋಡ್‌ಗಳು ಇದರಲ್ಲಾಗಿರುವ ಪ್ರಮುಖ ಸುಧಾರಣೆ ಎನ್ನಬಹುದು. 'ಇಕೊ', 'ನಾರ್ಮಲ್‌' ಮತ್ತು 'ಸ್ಪೋರ್ಟ್‌' ಮೋಡ್‌ಗಳು ಟ್ರಾನ್ಸ್‌ಮಿಷನ್‌ನ ಶಿಫ್ಟ್ ಲಾಜಿಕ್ ಮತ್ತು ಥ್ರೊಟಲ್‌ನ ರೆಸ್ಪಾನ್ಸ್‌ನ್ನು ಬದಲಾಯಿಸುತ್ತವೆ. ಇಕೋದಲ್ಲಿ, ಕಾರು ಡ್ರೈವಿಂಗ್‌ಗೆ ತುಂಬಾ ಯೋಗ್ಯವಾಗಿದೆ  ಮತ್ತು ನೀವು ಸಾಮಾನ್ಯವಾಗಿ ಟಾಪ್‌ ಗೇರ್ ನಲ್ಲಿ ಚಾಲನೆ ಮಾಡುತ್ತಿರುವುದರಿಂದ, ಇದು ಹೆಚ್ಚಿನ ಮೈಲೇಜ್‌ ಪಡೆಯಲು ಸಹಾಯ ಮಾಡುತ್ತದೆ. ಸಿಟಿ ಮತ್ತು ಹೆದ್ದಾರಿಗಳಿಗೆ ನಾರ್ಮಲ್‌ ಸೂಕ್ತವಾದ ಮೋಡ್ ಆಗಿದೆ. ಹಾಗೆಯೇ ಸ್ಪೋರ್ಟ್ ಮೋಡ್ ಆಕ್ರಮಣಕಾರಿ ಡೌನ್‌ಶಿಫ್ಟ್‌ಗಳು ಮತ್ತು ತೀಕ್ಷ್ಣವಾದ ಥ್ರೊಟಲ್ ರೆಸ್ಪಾನ್ಸ್‌ನೊಂದಿಗೆ ವೆನ್ಯೂವನ್ನು ಹೆಚ್ಚು ಸ್ಪೋರ್ಟಿಯಾದ ಅನುಭವ ನೀಡುವಂತೆ ಮಾಡುತ್ತದೆ. ಈ ಎಂಜಿನ್ ನಗರ ಮತ್ತು ಹೆದ್ದಾರಿ ಎರಡಕ್ಕೂ ಸ್ಪಂದಿಸುತ್ತದೆ ಮತ್ತು ಉತ್ತಮವಾಗಿದೆ. ನೀವು ಆಲ್-ರೌಂಡರ್‌ ಕಾರಿನ  ಅನುಭವವನ್ನು ಹುಡುಕುತ್ತಿದ್ದರೆ ಆಯ್ಕೆ ಮಾಡಲು ಇದು ಸೂಕ್ತವಾದ ಡ್ರೈವ್‌ಟ್ರೇನ್ ಆಗಿದೆ. 

ವೆನ್ಯೂವು ತನ್ನ ಸ್ಥಿರವಾದ ಸವಾರಿ ಸೌಕರ್ಯವನ್ನು  ಇನ್ನೂ ಉಳಿಸಿಕೊಂಡಿದೆ. ಇದು ಸ್ಪೀಡ್ ಬ್ರೇಕರ್ ಅಥವಾ ಗುಂಡಿ ಆಗಿರಲಿ, ರಸ್ತೆಯ ಗಡಸುತನದಿಂದ ಪ್ರಯಾಣಿಕರಿಗೆ ಕುಶನ್‌ನ ಅನುಭವ ನೀಡುತ್ತದೆ. ರಸ್ತೆಯಲ್ಲಿರುವ ತೀಕ್ಷ್ಣವಾದ ಉಬ್ಬುಗಳ ಅನುಭವ ಕ್ಯಾಬಿನ್‌ನ ಒಳಗೂ ಆಗುತ್ತದೆ, ಆದರೆ ಪ್ರಯಾಣಿಕರಿಗೆ ಇದರಿಂದ ಯಾವುದೇ ಅನಾನುಕೂಲವಾಗುವುದಿಲ್ಲ. ಹೆದ್ದಾರಿಗಳಲ್ಲಿಯೂ ಸಹ ಸವಾರಿ ಸ್ಥಿರವಾಗಿರುತ್ತದೆ ಮತ್ತು ಹಾಗೆಯೇ ವೆನ್ಯೂವು ದೂರದ ಪ್ರಯಾಣವನ್ನು ಕ್ರಮಿಸಲು ಉತ್ತಮ ಕಾರಾಗಿ ಉಳಿದಿದೆ. ನಿರ್ವಹಣೆಯು ಇನ್ನೂ ಉತ್ತಮವಾಗಿದೆ ಮತ್ತು ಕುಟುಂಬದ ರಸ್ತೆ ಪ್ರವಾಸಗಳಿಗೆ ಆತ್ಮವಿಶ್ವಾಸದ ಸ್ಪೂರ್ತಿದಾಯಕವಾಗಿದೆ.

ಹುಂಡೈ ವೆನ್ಯೂ 2022 ರ ಬೆಲೆಗಳು ಪೆಟ್ರೋಲ್ ವೇರಿಯೆಂಟ್‌ಗಳಿಗೆ 7.53 ಲಕ್ಷದಿಂದ ಪ್ರಾರಂಭವಾಗುತ್ತವೆ ಮತ್ತು ಟರ್ಬೊ ಮತ್ತು ಡೀಸೆಲ್ ವೇರಿಯೆಂಟ್‌ಗಳಿಗೆ ಬೆಲೆಯನ್ನು 10 ಲಕ್ಷ ರೂ.ಗೆ ನಿಗದಿ ಪಡಿಸಲಾಗಿದೆ. ವೇರಿಯೆಂಟ್‌ಗಳಲ್ಲಿ E, S, S+/S(O), SX, ಮತ್ತು SX(O) ಸೇರಿವೆ. ಹಳೆಯ ಎಸ್‌ಯುವಿಗೆ ಹೋಲಿಸಿದರೆ, ನೀವು ವೆನ್ಯೂವಿನ ಪ್ರತಿ ವೇರಿಯಂಟ್‌ಗೆ ಸರಿಸುಮಾರು 50,000 ರೂಪಾಯಿಗಳನ್ನು ಹೆಚ್ಚು ಪಾವತಿಸಬೇಕಾಗುತ್ತದೆ ಮತ್ತು ಈ ಬೆಲೆ ಏರಿಕೆಯು ಸ್ವಲ್ಪ ಮಿತಿ ಮೀರಿದಂತಿದೆ. ಹ್ಯುಂಡೈ ವೈಶಿಷ್ಟ್ಯಗಳ ಸೌಕರ್ಯವನ್ನು ಸ್ವಲ್ಪ ಹೆಚ್ಚು ಹೆಚ್ಚಿಸಿದ್ದರೆ ಅಥವಾ ಶಬ್ದ ನಿರೋಧನಕ್ಕೆ ಸುಧಾರಣೆಗಳನ್ನು ಮಾಡಿದ್ದರೆ, ಈ ಬೆಲೆ ಹೆಚ್ಚಳವು ಹೆಚ್ಚು ಸಮರ್ಥನೀಯವಾಗುತ್ತಿತ್ತು. 

ಹುಂಡೈ ವೆನ್ಯೂ 2019 ರಲ್ಲಿ ಪ್ರಥಮ ಬಾರಿಗೆ ಲಾಂಚ್ ಆದಾಗ ಹೆಸರುವಾಸಿಯಾಗಿದ್ದ ಎಲ್ಲಾ ಉತ್ತಮ ಗುಣಗಳನ್ನು ಉಳಿಸಿಕೊಂಡಿದೆ. ಇದು ಒಂದು ಸರಳ ಮತ್ತು ಚಿಕ್ಕ ಸಂವೇದನಾಶೀಲ ಎಸ್ ಯುವಿ ಆಗಿದ್ದು, ಒಂದು ಸಣ್ಣದಾದ ಕುಟುಂಬವನ್ನು ಕೇರ್ ಮಾಡಬಲ್ಲಂತಹ ವೈಶಿಷ್ಟ್ಯಗಳು ಮತ್ತು ಸ್ಥಳಾವಕಾಶವನ್ನು ಹೊಂದಿದೆ. ಆದರೂ ಕೂಡಾ ಈ ಫೇಸ್‌ಲಿಫ್ಟ್‌ನಿಂದ ನಾವು ಸ್ವಲ್ಪ ಹೆಚ್ಚು ನಿರೀಕ್ಷೆಗಳನ್ನು ಇಟ್ಟುಕೊಂಡಿದ್ದೆವು. ಇದರಲ್ಲಿ ಸ್ವಲ್ಪ ಹೆಚ್ಚಿನ ವೈಶಿಷ್ಟ್ಯಗಳು, ಸೂಕ್ಷ್ಮತೆ ಮತ್ತು ವಾವ್ ಎನ್ನಬಹುದಾದ ಅಂಶಗಳಿವೆ.‌ ಇವುಗಳೆಲ್ಲಾ ಮತ್ತೆ ಉನ್ನತ ಆಯ್ಕೆಯಾಗಿ ಪರಿಗಣಿಸಬಹುದಾದ ವಿಷಯಗಳಾಗಿವೆ.

ನಮ್ಮ ನಿರೀಕ್ಷೆಗಳ ಹೊರತಾಗಿಯೂ ಕೂಡಾ ವೆನ್ಯೂ ಅದರ ವಿಭಾಗದಲ್ಲಿ ಇನ್ನೂ ಸುರಕ್ಷಿತವೆನಿಸಿರುವಂತಹ  ಆಯ್ಕೆಯಾಗಿ ಉಳಿಸಿಕೊಂಡಿದೆ ಮತ್ತು ಅದರ ಪರಿಷ್ಕೃತ ವಿನ್ಯಾಸದೊಂದಿಗೆ ವೆನ್ಯೂ ಮತ್ತಷ್ಟು ಗಮನ ಸೆಳೆಯುತ್ತದೆ.